香港18區媽媽會 今日: 0 | 主題: 156994

積分: 1353

901^#

發表於 08-2-19 14:37 |只看該作者

wasyinyin & Stliu,

我係一個心急人, 樣樣都要快快做好, 但自己對自己要求好高, 要自己都覺得滿意先收手做好(以前職業病), 我相信囡囡將來寫字大有機會寫得慢和擦到本功課難, 先會寫好.

講專注力, 我覺得佢一般, 因為我見佢望其他小朋友多過望住老師.

其實我地兩公婆以前好鍾意打波, eg, 網球, 羽毛球, Golf....個段時間好fit

, e加就

原文章由 wasyinyin 於 08-2-19 10:31 發表
豬仔媽媽,

你囡囡咁好專注力, 學習其他應該都無問題. 只關乎佢有無興趣. 可能佢鐘意美勞. 所以肯坐咁耐.

你囡囡性格比較慢. 所以食飯都一樣. 好似慢慢享受咁. 不過唔知第日寫字會唔會? 因為我囝囝姨姨性格由細到 ...

私人傳訊

積分: 1353

902^#

發表於 08-2-19 14:42 |只看該作者

wasyinyin,

係去過兩三次長洲東堤, 只有冷氣滴水, 個時細個要求唔會咁高. 試過住出邊住宅, 都ok.

原文章由 wasyinyin 於 08-2-19 10:34 發表
豬仔媽媽,

長洲東堤? 我從前都有去過兩三次. 不過d屋唔ok. 冷氣滴水又有青蛙.....

私人傳訊

積分: 1353

903^#

發表於 08-2-19 14:46 |只看該作者

Stliu,

多謝你讚佢

, 但一食飯, 我就好激心.

原文章由 stliu 於 08-2-19 10:50 發表
豬仔媽媽,

係啊! 我聽你咁講你女女, 佢真係好淡定, 我腦海個畫面係個好靚的女仔,彈緊古箏咁架! 哈哈! 你女女幾好啊! 可能大人反而要調適下,唔好迫佢樣樣要快. 佢慢條斯理的話,其實個人情緒都會好架. 有時我都會嫌自 ...

私人傳訊

積分: 2647

904^#

發表於 08-2-19 15:45 |只看該作者

豬仔媽媽,
我都係架, 做野至緊要快. 不過照顧仔仔都令我慢落來呀, 有時唔係佢特別慢,而係小朋友就係咁, 唔可以樣樣都on target架, 所以同仔仔去街, 做某D事, 我會預多好多時間, 無謂到時趕唔切而自己有情緒嘛!
你女女食飯, 唯有少食多餐囉. 呵.

都急唔來呀.

原文章由 豬仔媽媽 於 08-2-19 14:46 發表
Stliu,

多謝你讚佢, 但一食飯, 我就好激心.

私人傳訊

積分: 1139

905^#

發表於 08-2-19 16:49 |只看該作者

Dear All,

我終於返來啦~

今個新年過得好似特別快, 自從年初二去台灣, 初五返來, 初六開工之後, 就一直忙唔停手, 現在才忙完手上的工作, 可以上來 look look...

您地今年多唔多去拜年呀?

今年我去了台灣, 新年假期見朋友的時間都少了很多, 所以還有一些朋友未見, 這個星期還會約朋友出來, 還有排吃, 減肥??? 都係等新年後再算了

私人傳訊

積分: 2647

906^#

發表於 08-2-19 16:56 |只看該作者

kuyu0905,
歡迎你歸隊呀!
我拜年的工作都完成得七七八八啦, 係今個禮拜五仲有朋友來食飯.
你的台灣之旅好玩嗎? 天氣有冇呢邊咁凍呀?

原文章由 kuyu0905 於 08-2-19 16:49 發表
Dear All,

我終於返來啦~

今個新年過得好似特別快, 自從年初二去台灣, 初五返來, 初六開工之後, 就一直忙唔停手, 現在才忙完手上的工作, 可以上來 look look...

您地今年多唔多去拜年呀?

今年我去了台灣, 新 ...

私人傳訊

積分: 1139

907^#

發表於 08-2-19 17:15 |只看該作者

stliu,

台南的天氣比香港的天氣暖幾度, 有十幾二十度, 夜晚就涼少少, 但都無香港咁凍, 香港的春節真係凍左好耐, 成日都要著住件羽絨出街...

台灣之旅其實都無乜去邊度玩, 因為好多舖頭新年都關門, 好在朋友有車, 可以車我地週圍去望下, 最難忘係一家人去浸溫泉, 囡囡初時都好驚, 後來浸浸下就好似游水咁, 要我地抱住游來游去。

一日差唔多食足四餐, 原本咪話要減肥, 但去一去台灣已經重左幾磅, 睇來要先減呢幾磅先啦, 哈哈~

我都仲有朋友未拜年, 呢個星期六日會見面, 感覺今年好似派少左利是, 你地有無開始點算小朋友今年收到幾多利是錢呀? 會點處理?

私人傳訊

積分: 1139

908^#

發表於 08-2-19 17:46 |只看該作者

仲有樣野好搞笑, 就係話說囡囡去到台灣, 頭一日都唔係好出聲, 第二日開始就係咁係車上面唱歌, 可能佢聽得我地講普通話多, 就不斷咁唱普通話歌, 你估佢唱邊首呀? ....... 就係中國國歌! 佢係咁唱 "起來, 不願做.... 前進進", 係咁唱喎, 好在係車上唱咋, 若係出面俾阿偏聽到就大鑊

私人傳訊

積分: 1353

909^#

發表於 08-2-19 22:55 |只看該作者

Kuyu0905,

你終於返來. 我都估到你好忙, 真係有d掛住你

你囡囡好好笑係台灣唱中國國歌

, 佢平時係屋企有無唱? 佢都好鍾意睇新聞喎.

利是錢? 我幫囡囡開晒, 都係諗住買d中國龍頭股票, 長線投資, 留番囡囡讀大學用. 當然要我加多小小錢先夠買.

原文章由 kuyu0905 於 08-2-19 17:46 發表
仲有樣野好搞笑, 就係話說囡囡去到台灣, 頭一日都唔係好出聲, 第二日開始就係咁係車上面唱歌, 可能佢聽得我地講普通話多, 就不斷咁唱普通話歌, 你估佢唱邊首呀? ....... 就係中國國歌! 佢係咁唱 "起來, 不願做.... ...

私人傳訊

積分: 1353

910^#

發表於 08-2-19 22:59 |只看該作者

Stliu,

係呀, 真係要預多好多時間準備出街, 但有時都會攪到遲到, 為有坐的士追番d時間.

原文章由 stliu 於 08-2-19 15:45 發表
豬仔媽媽,
我都係架, 做野至緊要快. 不過照顧仔仔都令我慢落來呀, 有時唔係佢特別慢,而係小朋友就係咁, 唔可以樣樣都on target架, 所以同仔水仔去街, 做某D事, 我預多好多時間, 無謂到時趕唔切而自己有情緒嘛!
你女 ...

私人傳訊

積分: 2647

911^#

發表於 08-2-20 09:08 |只看該作者

kuyu0905,
你女女真係好搞笑呀! 佢一定係好鍾意睇國歌果段片, 我個朋友個女女又係架, 一播呢首歌就會扮響度指揮,好好笑的! 我仔就好少睇呢首歌,因為果個時間係冇電視睇的.

kuyu0905 & 豬仔媽媽,
我都開晒仔仔D利是喇, 唔算好多, 買唔倒D咩好股呀. 雖然而家D股平左唔少... 哈.

原文章由 kuyu0905 於 08-2-19 17:46 發表
仲有樣野好搞笑, 就係話說囡囡去到台灣, 頭一日都唔係好出聲, 第二日開始就係咁係車上面唱歌, 可能佢聽得我地講普通話多, 就不斷咁唱普通話歌, 你估佢唱邊首呀? ....... 就係中國國歌! 佢係咁唱 "起來, 不願做.... ...

私人傳訊

積分: 2079

912^#

發表於 08-2-20 10:37 |只看該作者

kuyu0905,

你終於返來喇

. 你開心渡過假期, 又要投入工作喇.

你囡囡唱國歌咁投入. 我囝囝都好似唔係好識唱國歌. 可能無點睇電視. 好似只係上次運動會佢地有唱過.

豬仔媽媽,

我今年都未幫囝囝拆利是. 可能又係等多一兩年先同之前的一齊拆. 你買邊d中國優質股? 我老公公司好貼市場. 但投資反而麻麻. 我自己就唔識. 我都想叻d. 搵多少少錢

但人懶. 唔去做功課(睇財經). 我老爺玩了股票幾十年. 可能除咗以前買落d匯豐. 應該都係蝕多. 我奶奶都勸唔到. 因為老爺上車唔落車, 一係落錯車, 再唔係上錯車. 我地話如果佢唔玩股票. 錢可能已經買到豪宅啦.

stliu,

你囝囝今日好似有d情緒. 我走時見佢都少少扭緊計. 未入課室. 我囝前兩日都係貼牆企而唔入課室. 要老師出去拖佢. 佢先肯入. 所以我昨日已經同佢講. 今日開始要自己入. 如果唔入課室, 老師關門無得再入. 佢即刻話唔好, 唔好. 所以今日我同佢講要超級快入課室. 今日先肯一支箭入課室. 真係..........

私人傳訊

積分: 2647

913^#

發表於 08-2-20 10:51 |只看該作者

wasyinyin,

呵, 你講你老爺的投資情況好搞笑呀, 又上車, 落錯車咁. 我諗我同佢差唔多, 不過而家變左坐艇,仲有排坐呀!

我仲以為佢今日會好D添, 因為佢尋日冇野呀. 佢真係一時時架, 正如夜晚臨瞓前, 明明玩得好地地, 點知唔肯食奶, 搞到睡前電視都俾我地cut埋... 哈, 或者佢係trouble two,所以有情緒啦. 我都儘量同佢多傾偈. 睇下佢諗乜. 總之呢D幾歲人仔,都常常要思想輔導同埋事先張揚啊!

原文章由 wasyinyin 於 08-2-20 10:37 發表
kuyu0905,

你終於返來喇 . 你開心渡過假期, 又要投入工作喇.

你囡囡唱國歌咁投入. 我囝囝都好似唔係好識唱國歌. 可能無點睇電視. 好似只係上次運動會佢地有唱過.

豬仔媽媽,

我今年都未幫囝囝拆利是. ...

私人傳訊

積分: 1139

914^#

發表於 08-2-20 12:09 |只看該作者

豬仔媽媽:

囡囡都好少睇電視, 不過到六點半新聞時, 婆婆就會開電視, 婆婆話佢一定要睇完或唱完首歌先肯做其他野, 有時我放工返到屋企見開著部電視, 佢反而會向我地投訴話 "婆婆又睇電視喎", 因為佢知道我地唔鍾意人睇電視...

哈哈, 你今年又有新投資呀, 咁先預祝你股運亨通啦

~

stliu,

我都未同囡囡拆利是, 因為仲有幾個朋友未見, 月尾7788先會一次過拆晒, 再點算下.... 我地都無豬仔媽媽咁識投資, 不過會買下匯豐, 貪佢穩穩陣陣, 唔駛煩咁多, 收息回報都好過放銀行。

wasyinyin,

你形容你老爺真係好搞笑

證明佢一定大把在手先可以上咁多部 "車"

你等成一兩年先一齊拆利是, 嘩, 咁你囝囝咪儲落好多利是錢??? 而家佢可能仲未知道乜野係利是錢, 好似我囡囡咁, 有時朋友俾利是佢, 佢都唔識收, 要我代收, 但第日小朋友大左, 知道錢可以買到東西, 有價值時, 就要小心處理了...

講到呢到, 我要去食飯啦 ~

私人傳訊

積分: 2079

915^#

發表於 08-2-20 13:50 |只看該作者

stliu,

你囝囝昨日ok架. 有個同學仔搽cream. 我仲舉起手指扮同佢搽, 問佢搽唔搽. 佢即刻笑住擰頭. 我囝初初又想拎走你囝玩緊d玩具. 後來我調停. 當我同老師傾幾句後, 發現佢地原來已交換埋. 真快手.

我都好想明白佢地諗緊咩. 特別返學d情緒, 又高又低. 其實好快又k1, 仲第二間學校添. 好想明白佢地. 不過k1都仍然會有起落.

囝爸份工咁貼市, 之前都玩到唔識玩. 所以好難投資. 無端端有人漏夜出來講一句. 第朝已經完全唔同. 除非真係長線. 如果唔係中線都唔易. 囝爸都有d坐緊艇.

原文章由 stliu 於 08-2-20 10:51 發表
wasyinyin,

呵, 你講你老爺的投資情況好搞笑呀, 又上車, 落錯車咁. 我諗我同佢差唔多, 不過而家變左坐艇,仲有排坐呀!

我仲以為佢今日會好D添, 因為佢尋日冇野呀. 佢真係一時時架, 正如夜晚臨瞓前, 明明玩 ...

私人傳訊

積分: 2647

916^#

發表於 08-2-20 13:58 |只看該作者

wasyinyin,
小朋友都有自己的解決辦法, 正所謂"江湖事江湖了", 哈, 原來唔使大人調停.
係呀, 小朋友的心裡真係唔知諗咩架, 唯有希望佢地大D,識得多D表達啦. 我希望佢地有穩定的情緒, 唔係起伏太大咁囉. 但真係好難啊! 大人都未必懂得控制情緒啦, 何況係小朋友.
我老公話,原來今日仔仔換左鞋之後, 唔肯放對鞋返鞋櫃, 跟住就喊喇. 或者都仲係假後後遺症呀. 希望佢聽日會好D啦!

原文章由 wasyinyin 於 08-2-20 13:50 發表
stliu,

你囝囝昨日ok架. 有個同學仔搽cream. 我仲舉起手指扮同佢搽, 問佢搽唔搽. 佢即刻笑住擰頭. 我囝初初又想拎走你囝玩緊d玩具. 後來我調停. 當我同老師傾幾句後, 發現佢地原來已交換埋. 真快手.

我都好想明白 ...

私人傳訊

積分: 2079

917^#

發表於 08-2-20 14:07 |只看該作者

kuyu0905,

其實囝囝由出世, 人家比嘅利是直至到今年收, 全部都無拆過

今個星期日團拜後就今年完成收利是. 暫時未打算拆. 或者再儲o下先掛, 五年拆一次會唔會太耐呢?

我老爺有幾多.......... 只知股票上蝕唔少. 旁人肉痛. 佢好似唔多覺咁 ?-(

私人傳訊

積分: 2079

918^#

發表於 08-2-20 14:12 |只看該作者

stliu,

係呀. 小朋友嘅"漿糊", 我地d大人都好難插手. 佢地有佢地一套. o個頭打生打c, 轉頭又攬頭攬頸

原文章由 stliu 於 08-2-20 13:58 發表
wasyinyin,
小朋友都有自己的解決辦法, 正所謂"江湖事江湖了", 哈, 原來唔使大人調停.
係呀, 小朋友的心裡真係唔知諗咩架, 唯有希望佢地大D,識得多D表達啦. 我希望佢地有穩定的情緒, 唔係起伏太大咁囉. 但真係好難 ...

私人傳訊