Re: 未婚的,入黎傾傾呀!!!
呢排成日都見到肥妹,一個禮拜見足7日 
雖然湊佢係累d,不過見佢愈來愈痴我都好開心 
噚日同個佬入左元朗陪未來奶奶買衫,回程時係輕鐵撞到個姑奶既好朋友,咁奶奶就同佢寒暄一番啦....~
個女仔見到我地推住3個BB咁多就問"點解佢地個個都好似差唔多大咁既,佢地幾大呀??細o個兩個孖生架??"
奶奶就答"唔係呀,佢地一級級落架,呢個差唔多兩歲(指家姐),呢個差唔多一歲(指肥妹),呢個就八個月(指野仔)"
個女仔都聽到抓晒頭,似乎想問"下,點解細o個兩個會差唔多年紀?點生得出?"咁......其實我一聽到佢地傾呢個話題已經好慶,黑晒面,係咁睥住個死佬:evil: 我諗如果個女仔問到出口既話,我會答佢"點解生唔出喎,唔同老母生咪生到囉!" :-x
我諗如果我咁爆左出黎既話,我個佬會瘀到爆 
但奶奶就一定會唔高興...好彩個女仔都冇追問落去,如果唔係我諗我會忍唔住咁講出黎... 
好坦白講,女人最驟忌乜野?非男人偷食莫屬,仲要搞出人命,仲要推埋個野仔出街時撞到朋友俾人問餐飽,SHIT!!
雖然野仔係無辜,但無奈佢生得太樣衰,太似佢老母 :-x 我見佢一次就嬲一次.....佢真係好乞我憎呀!!!佢而家仲開始識呷醋,見我淨係同肥妹玩,唔理佢佢就會V嘩鬼叫...後果咪俾我鬧囉~
我咁對佢係人都覺得我係衰人,我唔怕認~!但唔怪得我,佢唔係我生,我冇份架喎,佢仲要係個死佬o係我陀住肥妹3個月時背住我搞出黎架喎........我有乜責任去錫佢,對佢好先?!怪就怪佢老豆老母搞佢出黎又唔理,衰人係佢地,唔係我!!!!!
所以奶奶有時見個衰佬同我淨係理肥妹,佢都淨係會鬧我個佬做乜咁偏心,而唔會話我...因為我偏心就一定,我冇必要錫埋個賤人個仔 ?-( 雖然個死佬到而家都唔認野仔係佢搞出黎,但我奶奶都話應該係個衰佬既,奶奶仲話根本佢個時就兩邊呃,一直冇同個賤人分手,又同我一齊,咁既三角關係佢暪左我成兩年~!奶奶話我同個賤人都係受害者,最衰係個死佬~!但我就話乜都唔知jei,到後尾我離家出走,我同個賤女人通過電話(個時唔知咁多野,佢同我講佢係衰佬既普通朋友),已經同佢提過我有左個佬5個月BB,佢已經知個佬同我乜關係,去到乜野程度啦,但佢都仲唔同個衰佬斷纜,仲繼續同佢搞埋,佢個時都有左兩個月啦,搞乜Q野呀搞,佢有腦都去落左野仔啦.....~個衰佬個時帶邊個走呀?係帶我走呀!!坦白講,男人既野容乜易受誘惑Y?!佢咁既豬樣都冇所謂架,熄左燈乜野女人都一樣架啦~
個賤女人話齋,個段時間我個佬有上過佢屋企,有搞過野~!!!
但最後佢係咪又係趕住返黎陪我同我肚中既肥妹?!!!!但佢到個時都仲唔醒,仲諗住睇下我個佬幾時又暪到我,走去佢屋企親熱!!
無可否認,個佬係同佢一齊先,但我係不知情地做左兩年第三者,我亦都係到肥妹出世後先知道事實;但個賤女人比我早好多已知道呢個三角關係,佢亦知我大左肚,但仍冇諗過退出呢個遊戲,仲要係我大肚既時候,佢都有左兩個月既時候繼續搵我個佬搞野 :-x PK~!最後個佬甩左佢,決定等我生肥妹出黎組織一個家庭既時候,佢呢個過氣女友就大住6個月肚話會生個野仔出黎!!!我生左肥妹後,個賤人個老母仲問我奶奶,問我個佬會揀邊個,佢以為佢個女大左肚就可以再介入我地呢個幸福家庭!!到個賤人生左野仔出黎,一個月都冇見過佢兩次,咁既老母都有?令人好難唔相信佢利用個野仔,以為生個仔出黎好巴閉,可以繼續同我爭男人~!!!!!!!坦白講我唔希罕做佢地所謂既繼母,只求佢地一世跟住老爺生活,唔好破壞我一家三口既生活~如果我一早知道俾個死佬呃左咁耐,仲背住我做埋咁污糟既事,我一定唔會要肥妹,會聽屋企話去英國升學~~我到簽晒紙要肥妹後先知道呢個game既存在,如果我一早知道自己係第三者,我一定唔會爭,完全冇必要;但我唔明點解有人咁犯賤,明知係三角關係都仲要玩落去,仲要用一條生命做賭注~!!
最後咪生左野仔出黎,累左佢一世囉~
對住野仔,我又痛苦,佢又痛苦........唉......
唔好意思,講起賤女人,心情極差,一發不可收拾,仲有一些粗鄙字句,請見諒 
過去的留不住,
未來的難預測,
守住現在,當下即是~
到中二就鍾意左個學兄,佢大我三年,我地係同一個社既,由於中一時跳啦啦隊,佢又成日黎幫手,所以對佢都有點印象,佢係排球校隊,又成日打籃球,佢好高,幾靚仔.... :-P 個時lunch成日專登食快d返學校,同個同學企係課室出面睇佢打籃球....~佢見到我成日都會望住我,好記得有一次我同一班同學係一間飯店幾入既位置食緊面,點知佢突然黎左,不過坐係出d既位置,佢開頭見唔到我地,但後尾我d同學起哄,咁佢個fd又見到我,之後唔知同學兄講左乜野,佢仲企左起身望我係邊 
呢種感覺我到而家都仲好深刻,你望下我,我望下你咁.....咁既關係持續到中四開學,我係網上識左初戀男友就冇再暗戀佢喇......~其實中三既時候佢主動同我講過野架,一日放左學,我同幾個同學係canteen幫手整緊水運會既
發表於 
返回列表
