興趣嗜好 今日: 0 | 主題: 124529

積分: 5482

901^#

發表於 04-3-30 09:36 |只看該作者

Re: 唔講書又得，齋吹水……

blythemia, mau, haohao, amigo & 米：

多謝各位支持!

爸爸真係好勇敢，昨晚看他，雖然虛弱，但已經可以說話，麻醉藥嗎啡藥力過去他就像去了桃花源一轉，以為自己剛做完手術醒來，不知人間何世。

在這幾天腦內一直浮現過去由小到大和他的生活片段，覺得自己長大後陪他的日子太少，付出的關心也太少。我昨天在醫院握著他的手，好大好溫暖，回想起來已經有廿多年無有握過他的手...好感觸! 好內疚!

人總是到最後關頭，到將要失去才學懂珍惜!

私人傳訊

mau

積分: 3399

902^#

發表於 04-3-30 12:18 |只看該作者

Re: 唔講書又得，齋吹水……

chanchan,
睇見世伯走完一轉桃花源, 醒過來又有你握著他的溫暖大手, 好替你地開心. 我又 :cry: :cry: :-P . 同事又以為我發傻.

{點解lee 個人成日鼻敏感, 又打呵欠呢 :-P }

有機會學習, 總比想學又或是無機會來得幸運. 好好把握.

唔好內疚, 後生仔女就係咁架啦. 父母會明白的.

世伯元氣大傷, 聽說用果皮+白wok炒白米+水同煮, 係保氣. 好似仲可以加紅棗. 每日當清水飲. (如要飲水就飲lee 種取代.) 不過, 我都係知d唔知d, 你會比我強呀, 煲臣

流浪貓護理之家街貓福利會 hkcats 愛貓救世軍 SAA 南丫島保護動物組織貓兒狗兒網眾裡尋家動物屋村 hkalleycats

私人傳訊

Jelly

積分: 2290

903^#

發表於 04-3-30 12:36 |只看該作者

Re: 唔講書又得，齋吹水……

ChanChan:

唔好意思, 我後知後覺! 世伯會冇事架, 短時間內捱兩個手術會虛弱

私人傳訊

花花

積分: 4334

904^#

發表於 04-3-31 16:00 |只看該作者

Re: 唔講書又得，齋吹水……

chanchan :

你講得對, 我地年輕一輩真係要學珍惜.

祝願世伯早日康復, 你更加要保重身體.

私人傳訊

積分: 7055

905^#

發表於 04-4-1 12:02 |只看該作者

Re: 唔講書又得，齋吹水……

Ms.ChanChan 寫道:

爸爸真係好勇敢，昨晚看他，雖然虛弱，但已經可以說話，麻醉藥嗎啡藥力過去他就像去了桃花源一轉，以為自己剛做完手術醒來，不知人間何世。

在這幾天腦內一直浮現過去由小到大和他的生活片段，覺得自己長大後陪他的日子太少，付出的關心也太少。我昨天在醫院握著他的手，好大好溫暖，回想起來已經有廿多年無有握過他的手...好感觸! 好內疚!

人總是到最後關頭，到將要失去才學懂珍惜!

chan,
睇到我……
今日心情不大好
不要這樣說, 你並沒有失去,未到最後,世伯仍然好努力, 他有你咁孝順o既女兒,一定很開心,很欣慰

chan, 多些陪世伯伯母, 好番出院要學識煮飯

煲湯

多休息, 你自己都要保重

私人傳訊

積分: 5482

906^#

發表於 04-4-3 00:00 |只看該作者

Re: 唔講書又得，齋吹水……

各位，

我真係愧對"孝順"這兩個字。我年少時很反叛，我諗我爹娘在我十多歲時都嘔唔少血。

但願個女唔似我咁難搞就好喇!

米，

煲湯我得O架! 學煮飯...我無天份，食我就得 :-P
我真係覺得我個人不學無術，毫無專長，都唔知點解我媽烹飪叻，家務整理得井井有條，編織技術一流的她會生個好似我咩都唔識O既女？

希望呢D野可以隔代遺傳比我女就好喇!

私人傳訊

積分: 7055

907^#

發表於 04-4-3 00:35 |只看該作者

Re: 唔講書又得，齋吹水……

chan,
我以前一樣咁堆

真係生o左個女先叫做好番d

由細激到家母cccccccc下,睇樣,我又好純良下

以前, 真係沒有太多方法去教我呢類細路,
家母以前係激氣到,同小朋友米米講: 你可唔可以放過我

好記得, 時值小學三年級,我用較剪剪爛同學仔o既校褸袋

之後,當然好甘

我好驚好驚好驚小米係咁,由佢出世一直要人抱,勁喊開始……每次聽到家母講小米唔止個樣似我o個陣,連堆格o既都似,雖然,家母係充滿疼痛小米之情,不過, 我覺得好…個心硬係有d 驚

chan,
就係媽媽叻,個女使咩要識咁多野

依家o米好囉, 頌怡第日咩都識

:lol: :lol: :lol:

好開心上來見到世伯好o左好多

個頭唔靚仔???我坐月o個陣米生買o左乾洗頭髮o既帽俾我,由於我頭髮太長,好麻煩, 不過,唔用過水幾方便,你不如買俾世伯試下

米生話o係荷花買

私人傳訊

積分: 5482

908^#

發表於 04-4-5 18:07 |只看該作者

Re: 唔講書又得，齋吹水……

小米米寫道:
chan,
依家o米好囉, 頌怡第日咩都識 :lol: :lol: :lol:

承你貴言，不過我都唔駛個女咁叻，蠢蠢地先有福氣! :-P

你驚小米學你d堆野...咁你...你都唔係好堆o者!

你要教小米找個好似米生咁錫太太的老公讓下佢咪得囉!

私人傳訊

積分: 5482

909^#

發表於 04-4-5 21:37 |只看該作者

Re: 唔講書又得，齋吹水……

BLYTHEMIA,

我在"學琴"那邊見你話出遊已經想問你去邊，去北京好呀! 我去過兩次，好鍾意，同上海或其他城市好唔同，好有國都風範，馬路好闊好有氣勢，有機會都會想再去。

爸爸很好，今日終於搬離住了19天的ICU，他自己常說行了廿年的船，行遍了大半個地球，對旅行沒啥興頭，還是在家好，倒是念念不忘寧波老家，待他再好些，陪他就一轉他一定好開心。

以為可以在concert見你一面o添! 看來這次都是緣慳一面，祝你旅途愉快!

私人傳訊

積分: 4462

910^#

發表於 04-4-5 22:00 |只看該作者

Re: 唔講書又得，齋吹水……

嘩原來你是寧波姑娘,失覺哂.怪不得世伯會整醉蟹啦.咁你一定好有江南feel,有冇D吳儂軟語講來聽下者.

你有冇睇過陳凱歌個套和你在一起?我琴日岩岩睇完.講個小提琴天才既爸爸千辛萬苦帶他找老師既故事.開頭影左一段佢地係老家既情節.齣戲冇交待過地方係邊,但完場出製作人員名單時就見鳴謝寧波既單位.唔知世伯老家係咪一個水鄉?(齣戲好好睇,幾感人,全部由李傳韻幕後代拉,小演員本身都係音樂學院小提琴學生)

其實北京我都叫做去過三次,今次係老公戚起條筋話放假唔想留係屋企,臨急臨忙費事諗至去個叫做唔算一無所知既地方.(如果一早有計劃我就唔買果日D飛喇.重未出手添.如果唔係知你都買左,我真係諗住送俾你架).主要帶個女見識下首都,當上中國文化堂咋.我第一次去足足距離而家二十年.琴日攞番D舊相brief下個女,佢竟然話,媽咪你係咪食左長生不老藥?

私人傳訊

積分: 7055

911^#

發表於 04-4-5 22:08 |只看該作者

Re: 唔講書又得，齋吹水……

blythemia,
原來你又去旅行,重去北京 :-P 未有小米前剛剛去了一次,還要是夏天,熱c 我---不是旅行,都係做野

趁佢d 胡同未消失前,真係要同小blythe 睇多幾眼

寧波姑娘有咩特色

其實,我係上海人,不過,我完全不懂半句上海話,樣又唔見得特別靚

完全沒有半點上海姑娘味道

私人傳訊

積分: 7055

912^#

發表於 04-4-5 22:18 |只看該作者

Re: 唔講書又得，齋吹水……

承你貴言，不過我都唔駛個女咁叻，蠢蠢地先有福氣! :-P

你驚小米學你d堆野...咁你...你都唔係好堆o者! 你要教小米找個好似米生咁錫太太的老公讓下佢咪得囉!

chanchan,
你咁講,米生好hill

世伯無事,你真正放心

世伯行o左廿年船,佢真係有咩風浪未見過

咁你細個咪好少見世伯???會唔會時不時有好野食,小禮物 :-P

聽甚麼concert????成班bk 媽媽都去??有你們的小朋友表演嗎

blythemia,
影多d 相啊!!!
你去幾多日

玩得開心d
我都想同小米下個月去旅行,想去日本,不過,又好擔心咁細個會唔會有問題……現在計劃中 :-P 或者,只係兩公婆去

私人傳訊

積分: 4462

913^#

發表於 04-4-5 22:21 |只看該作者

Re: 唔講書又得，齋吹水……

小米米,

儂原來是上海姑娘,亞拉失覺哂.你就好啦,成日有得出游公幹,我呢份工一世都唔會有咁既機會.

上海姑娘打扮入時,大部分都有番咁上下高佻勻稱,又白淨.尤其我係典型廣東嶺南人,超矮兼皮膚唔得.我去過上海兩次,出街搭地鐵見成個車廂周圍都係靚女,又型,不知幾自卑.不過中年上海女人鬧人都幾嚕嘈架.

我去五日四夜咁大把,因為其實office個段時間會忙,係老板好人至放我,換著第二個都唔敢批假.今次都有小小期望,我訂左間好靚既酒店,全間明清式花梨木傢具,但又係有齊最現代化設施個種.個音樂會唔係有呢度小朋友表演,係香港小交響樂團加詹瑞文,應該係搞笑教育兼備既.可惜小米太細冇得入場.過得幾年先去得.

我會影好多相,特別而家開始春季,北京有個公園有二千棵櫻花開左.我會特登去.重有一處地方有十幾萬畝桃花,我諗冇時間去,不過亦會盡量睇下邊度有桃花,可能好彩既話上長城有少少.

你想放低小米?因住掛死你呀.

私人傳訊

積分: 7055

914^#

發表於 04-4-5 22:43 |只看該作者

Re: 唔講書又得，齋吹水……

Blythemia ,
一個笑話

人們常以為上海靚女多

大錯特錯

就算你去金茂都唔會見到任何靚女o羅
靚o個d一係做o左人家o既…

一係出國

邊機有靚女

我除o左有上海姑娘o既潑辣

儂

說話都幾溫柔,扼得下人

外
白淨.真係無我份,因為我熱愛一切水上活動,黑o左好多

我唔高o架,因為似家母 :-P
我唔講,無人知道我係上海人

不過,我女麻女麻就真係美人,佢係好有古典美o個隻,佢講上海話好好聽,可惜,佢o既美我連十分一都沒有

私人傳訊

積分: 5482

915^#

發表於 04-4-5 23:05 |只看該作者

Re: 唔講書又得，齋吹水……

BLYTHEMIA, 小米米，

米，原來你都係上海人，我老豆係寧波人但媽咪係上海人我地都算半個同鄉

我識聽七，八成上海話因為爸媽在家都係上海話對答，講就只會一，兩句。

blythemia，邊間酒店咁靚？我第一次去北京時都算艱苦團，仲記得搭了好耐火車...在去西安途中仲下雪o添! 係我第一次見到雪。

我細個時真係好耐先見一次爸爸，起碼一，兩年...所以童年時有他的回憶不多，越發珍貴。他每去一處都帶回來當地的貨幣和寄回來當地的郵票，好自豪o架! 可惜搬了幾次家這些寶貝都不知哪裡去了...

詹瑞文的concert一定好有趣，你打算帶blythemia妹妹睇朗朗嗎？

blythemia妹妹真正識"tum"人，你聽完佢咁講咪甜到暈得一陣陣？

私人傳訊

積分: 4462

916^#

發表於 04-4-5 23:36 |只看該作者

Re: 唔講書又得，齋吹水……

嗒埋呢幾句咀要瞓囉,我粒飛滋勁痛 :-(

間酒店叫做北京貴賓樓酒店,上網見佢都好巴閉,好多國家元訪京時都入住,但又唔算貴得好離譜.

郎朗我印象麻麻,覺得佢作狀.冇真正藝術家既深度,你一比王健就高下立見.我隔離位同事係鋼琴高手,又係古典音樂發燒友,佢對郎朗評價好低.我多少亦受左佢影響.所以冇打算聽.當然呢家野,見仁見智既.

私人傳訊

Jelly

積分: 2290

917^#

發表於 04-4-6 12:48 |只看該作者

Re: 唔講書又得，齋吹水……

餐餐:
我讀書時有個同學, 逢春節前就請幾天假, 話要返浙江家鄉度歲, 每年可以去十幾天旅行, 我好羨慕佢架, 我呢位同學白白淨淨, 眼仔碌碌, 幾靚女架, 你係咪都有呢 d 特徵?

米:
上海靚女多更加係一個牢不可破的觀念, 你點講我地都唔信架啦, 我有個上海人好朋友, 全家人行出來倒模咁, 同黑黑實實的廣東人真係完全唔同樣, 世伯個樣似足王天林

Blythemia:
雖然我只係匆匆逗留過北京幾天, 真的好喜歡這個氣勢雄偉的古都, 每一個觀光點都是一座歷史的大舞臺, 給我們無限的緬懷, 印象甚深. 我女兒去過之後, 現在很有興趣陪我睇康熙電視劇, 甚至鍾景輝主持那套清宮秘史, 她都一樣睇得趣味盎然

玩得開心 d! 返來貼 d 靚相我地睇!

私人傳訊

積分: 5482

918^#

發表於 04-4-6 12:54 |只看該作者

Re: 唔講書又得，齋吹水……

Jelly 寫道:
餐餐:
我呢位同學白白淨淨, 眼仔碌碌, 幾靚女架, 你係咪都有呢 d 特徵?

我都好想咁o既樣，可惜我唔係 :-(
觀乎我家鄉的姑姐叔伯都係似農民多些o窩!

雖然個個都話係大學生。

私人傳訊

積分: 4462

919^#

發表於 04-4-6 14:15 |只看該作者

Re: 唔講書又得，齋吹水……

Jelly 寫道:
...... 世伯個樣似足王天林

我個妹以前個老細就係王天林個女,佢話佢同王晶一樣樣喎

我都鍾意北京,叫做去過幾次,每次都唔同人,頭尾二十年,睇番相都幾唏噓.有人做左大學教授,有人生左個女個太太就去左,有人離左婚,有人已經唔係度,有一個做左我老公......
而家今次係亞女第一次去,之前我都落左少少藥,猛講溥儀我的前半生個d古仔佢聽,佢都津津有味.重話要去長城做叻人喎.一定放d相上來大家瞄一瞄.

Jelly妺咁好考好完試,點慶祝好呀?

私人傳訊