Re: 剛小產, 又要重頭來過...
我絕對明白你的心情, 但, 我地可以試下用另外一些方法, 可能比逃避更加好。
試想下點解佢地會唔敢講關於bb既事, 點解佢地既眼光係同情既眼光, 係因為佢地愛你, 擔心你, 同一時間, 佢地唔知你點諗, 當然, 我認為係大家無溝通, 大家只係猜對方點諗, 大家唯有避... 我覺得想打破呢個困局, 真係要由你做起:
1. 你要用正面既想法去諗, 佢地係愛你既
2. 跟住你要放開自己既懷抱, 當然是很困難, 但問題係, 如果你只係一直傷心, 對你亦無好處。你要諗, bb而家係有問題先會無左, 你已經做得很好, 重有, 你以後重有機會嘛, 唔係因為小產而害怕懷孕, 無人知將來會點。我明係好難, 但一定要面對, 一定要學, 慢慢地, 你會發覺心中的傷會一日一日少, 當然, 同一時間, 你要接納自己有唔開心、傷心既時候, 因為我地只係凡人!
3. 你要主動接觸家人、朋友, 即使對方有bb, 你都可以同佢傾關於bb既事 (當然要慢慢來, 你一定要ready自己先)。當對方見到你的反應, 他們會稍為放心, 他們才敢問候你, 或對你說心入面既說話。
4. 如果你能做到以上幾點, 慢慢地, 你就會從陰谷走出來!!
希望你不要介意我長氣, 因為我有著很深的感受。21週小產後, 我諗了很多, 想如何面對, 幸好, 我慢慢調適自己的心理、心情, 現在我真的做得到, 亦計劃懷孕 ~
我希望所有呢度既sisters, 都可以勇敢面對, 這亦是我開此topic既最大原因!!
努力! 加油!
gracedolly 寫道:
[quote]
doll_fish 寫道:
我的情況同你差不多,我老公的弟婦有左,四月生,如果我沒有事,你的仔比我的(不知仔定女)大兩個月.
在她有了四個月,我便有左兩個月.但跳了幾日,心跳便停左,而且size由第一次照也是低於標準.
現在我奶奶沉薑,她們同我老公的姑姐一起買東西,一起開心.而我心情極之不開心.很不想聽他們說話.他的姑姐不知道我出事.所以更加不會就住.
真是只有我們才能互相明白, 幸好在這兒有姐妹, 別的人都不容易這心情。
爸媽和弟弟都很擔心我, 所以在我面前都避談此事, 弄得氣氛更怪....媽媽更責備弟弟何以告訴我...結果我就更心痛了, 等同在一桌喜宴上坐了個正服喪的人...這數天我不斷想起自己的寶寶。我決定還是避見親友一段日子。[/quote]
囝囝的blog : http://lhc1128.blogspot.com/
, 有咗bb真系好多嘢小心.
發表於 
返回列表
