本帖最後由 rose-mag 於 12-3-3 13:16 編輯
niki,
係呀，正如meatballs講，公校係唔駛學費架，一般都唔駛書簿費或文具費，
學校有習作紙書本提供，我個仔都唔駛帶文具返學校，係睇個老師，
有D會有張list叫家長捐supplies，有D冇，但顏色筆、擦膠、膠水、面紙等，
都係多多益善嘅，尤其是冬天面紙就最有用，一班廿幾個小朋友，
一人一次用一張都去咗好多。我仔班主任每星期都會出通告，
有咩需要家長幫或捐都會寫喺度，老師會鼓勵家長有時間去班房幫手。
我地冇書單，但每年有兩次書展，家長買書學校會有收益或買書credit。
普遍afterschool都要俾錢，低收入家庭合資格可以有政府資助，
我仔校長寫grants申請到政府資金，所以我仔而家上afterschool唔駛錢，
不過每班得幾個位，我真係好開心校長揀咗我仔，
之前我地俾仔仔放學去以前間preschool，每個月$200，錢都係事少，
但要我媽每日去湊放學再帶仔仔行去preschool，來回十個街口有多，
而且仔仔開始唔鍾意返去preschool，因為果度D小朋友由2歲到5歲，
佢太大個啦，夾唔入去，佢話唔鍾意。
meatball,
你仔仔已經返學，可以經學校轉介，老師一般有經驗都會睇得出，
校區會派人幫小朋友做評估，做完發現如果合資格就會安排開IEP，
IEP=Individual Education Plan，因應小朋友情況安排，
睇下駛唔駛去特別班，又或者只係安排specialist每星期一對一上堂，
叫做inclusion，每年會再做評估，睇下小朋友進展成點，或者唔駛再做，
又或者改變做法，呢個評估報告同資料會升班或轉校會自動轉介，
跟進老師或校長都會可以知道小朋友嘅情況。
ADHD多數都係專注力弱，平日冇時停坐唔定，我仔都有D，
而家要做訓練，希望可以早D幫到佢。
花旗太太生活在花旗國，留意時差，你問我未必即時答到。
起碼記缺點啦!
發表於 
)
mouth:
返回列表
