自由講場 今日: 1628|主題: 1359684

苦笑 寫道:
見早早地等我又講多個先~

呢個故事係發生係我以前一個客身上既...咁話說呢個客呢就時時都會見到''朋友仔''既,所以佢見到都無乜特別感覺架喇~
...................
隔左幾年...佢經左個朋友介紹就去左印尼唔知一個叫什麼井,用果d井水洗完眼,咁之後佢就再見唔到,只係feel到~

joeyma 寫道:
見唔到，feel到，咪仲驚

jennifer_bc 寫道:
[quote]
joeyma 寫道:
見唔到，feel到，咪仲驚

苦笑 寫道:
見早早地等我又講多個先~

呢個故事係發生係我以前一個客身上既...咁話說呢個客呢就時時都會見到''朋友仔''既,所以佢見到都無乜特別感覺架喇~
但呢一次佢真係第一次咁驚架姐,就係有日零晨佢諗住過去隔離房,餵個女女食夜奶啦...點知一入到去就見到個著住小鳳仙裝既女人,成面血咁係度彈緊琵琶好惡咁望佢
咁佢就嚇到掉頭走啦,但諗諗下...唔係wor個女仲係入面架播...咁佢就諗住拿拿聲沖入去,唔理咁多抱走個女啦...
誰不知佢沖左入去,見到果個'女人'係抱起左佢個女,向住天花板想拋起咁,佢又嚇到走番出廳,唔知點做嚇到失左控係咁大叫,佢老公就比佢嘈醒左,走出去睇下發生咩事啦,咁佢已經嚇到唔識講野,只係一直咁指住間房,咁佢老公走入去睇,但入面已經平靜晒,乜都見唔到喇...

隔左幾年...佢經左個朋友介紹就去左印尼唔知一個叫什麼井,用果d井水洗完眼,咁之後佢就再見唔到,只係feel到~

yanTI 寫道:
等我又講下先~在公司大廈發生的(我公司在20樓)

公司大廈有5部Lift (兩客,兩貨,一公用).係我入現在工作哩間工司無耐時,同公司一同事一起去撘Lift.公用的果架Lift開門,同事話佢唔入哩部Lift架,怪怪地.返到公司同公司同事講起在Lift的怪事,其他同事都笑佢黑仔.我唔為意,同唔信斜.之后一個人撘哩架Lift時發生以下事~

第一次:入Lift后按G后呆等,好耐仲未到,一睇顯示在10樓,G仲著紅燈.無理到~繼續等~好一陣,一睇在21樓.心一邊腍:搞咩呀,唔落既!一邊猛按G,后尾在11樓有人入先落到地下.

第二次:入Lift后按G后,去到8樓停低左,又唔開門,跟住冷氣同抽氣都停埋.我係咁按G,好一陣先有番冷氣同抽氣.跟住落番地下.

第三次:落班后一個人在等Lift ,其余的Lift顯示為G,同23,公用果架在11樓顯示為落.我全部按晒D製(邊架快入邊架).腍住有排等,就周圍度步嘞,行左5步轉身,一睇公用果架Lift已開左門,而我一D都無感覺哦(平時開門會有聲音架),又會快成咁?已經覺得怪怪地.入Lift后中途都無人入,去到8樓,又停低左一陣,又無開門.我係咁按G,跟住落到6樓時听到背后有人~咳啖聲~后吐啖聲.隨地吐啖已經覺得嘔心之余,最 可怕的係Lift得我一個人,背后點會有咳呢,跟住听到2女一男大聲講笑,但又听唔清講D咩哦~我腍到D咩嘞又唔敢望番轉頭,感到好 係咁按G.G.G....中途又無人入喎,去到樓下走夾唔"偷".

直至而家我都唔敢都再入果哩架Lift啦.

monmon616 寫道:
哇... 呢單d靈體都算唔話得囉!!
唔止聽話, 仲好友善添~

苦笑 寫道:
今日又講一個~ ....

咁佢之後又試過幾次訓訓下見到有個男人係佢床邊啦...睡房既牆角啦~不過有一次直情見到個女人掉係半空望住佢同佢老公訓覺,不過個表情係有善既,同笑笑口既...所以佢都唔太驚~

Pooh_Pooh 寫道:
我一直都追緊架....

我細佬間唔中都會見到.. 我自己就試過一次疑幻疑真. 有時間再post出黎同大家share!

maggiejane 寫道:
親人過身我諗佢地都會番o黎見見掛住ge人. 件事係好耐之前發生, 記憶已經好模糊. 大約我五六歲時啦, o個時我有個姨婆, 其實係外婆ge陪嫁妹仔, 湊大我媽咪ge順德禡姐. 姨婆好錫我, 但有一日姨婆唔見左, 媽咪話佢要番鄉下, 咁我喊左幾日要搵姨婆. 無幾耐有一日夜晚, 我訓訓下, 覺得姨婆番左o黎幫我"come"被, 咁我起身諗住搵佢, 點知又唔見佢, 咪入佢房搵佢. 去到佢房時, 真係見到姨婆坐左o係床邊度, 放左條長辮o係度梳頭. 我問姨婆去左邊, 佢話佢要走啦, 叫我以後要乖. 咁我唔肯又喊, 跟住出去搵媽祖叫佢唔她俾姨婆走, 點知我媽咪好驚青咁同我入姨婆房搵佢, 但姨婆已經唔見左. 同一時間, 屋企電話響起, 係醫院打o黎, 話姨婆岩岩過左身. 原來o個時我細個, 屋企人呃我話姨婆番鄉下, 其實佢重病入左醫院, 到佢臨走時, 掛住我放唔底我, 所以番o黎睇我. :-(