LuLuJoJo 寫道:
講返昨日, 其實我有點唔係好開心, 結婚的新娘子, 原是我最好的朋友, 仲有另一男同學, 我地三個時常在一起係可以傾心事的朋友, 都算由細玩到大, 但可能咁多年大家工作唔同, 生活唔同, 好似漸漸覺得佢變左, 性格唔同左, 感覺好疏離, 這幾年她透過另一好朋友認識了一班貪玩貪靚又無禮貌的朋友, 唔知係咪因為咁我覺得好似連佢都變埋無禮貌, 玩自我, 因我和男同學先後搬到港島區, 故現在約出來變成多數在港島, 她會因我兩不遷就她約在九龍而發脾氣黑面, 半年前宣佈結婚後, 叫我們幫手做兄弟姊妹, 但根本完全無溝通過, 直至結婚前一星期她打來話約我地兩個星期五出來brief下, 點知到果日打比佢又話無約過, 又話約星期六下午, 咁ok無問題, 我地兩個星期六下午都準備出去之際, 佢又打來又話有急事唔得閒, 一早講好左請埋我地各自的男女朋友來飲, 但就連胋都無派俾佢地, 好似人地不請自來咁, 昨天早上我們去到她家, 根本我兩個就odd到爆, 好像路人甲乙丙, 行行企企唔知係度做乜, 佢另外個"好姊妹"連招呼都唔同人打個, 連影相都係我地自己痴埋去先有得影咁, 我個男同學仲on居, 又話叫佢黎幫手做兄弟(因新郎在香港得好少朋友), 襟花都無預俾佢, 我都唔知佢做乜咁鐘意痴埋呢班咁o既frd度, 敬茶果時佢個 "好姊妹"幫手遞茶, 遞完即刻走左去玩狗, 要個新娘老豆走出黎收返 d 茶杯, 另一個仲攪笑, 敬茶果時走左上天台煲煙, 成個婚宴程序又無人知做乜架喎, 佢 d 好姊妹迎賓又迎到一鑊泡o既, 攪攪下 d 人坐到亂晒, 又有人無位坐, 我地兩個幫手做mc, 但 d 程序新郎新娘話A, 外父外母又話B, 陣間原來又話老爺奶奶唔鐘意要C至o岩, 原來個A plan係無人知o既, 結果攪到亂晒龍, 個新娘又係度black face, 老爺又係度發脾四話 d guest位亂晒, 酒樓 d 歌播錯晒, 新娘又black face 問我係咪男同學揀呢 d 歌, 我完晒成晚至得閒封禮俾佢, 佢多謝都無一句, 笑都唔笑下, 接都唔接封禮, 叫我自己放係個袋度, 然後轉身走左去, 咁我咪on居居唯有將封禮俾左佢阿媽, 到完晒我同我男友, 男同學同佢女朋友走, 佢又係無反應無say good bye, 佢husband都有say thankyou to us, 佢連姊妹利是都無封俾我~
可能我小器啦, 我覺得佢已經唔再重視我地呢兩個朋友啦~ :tongue:
發表於 
返回列表
