過年唔得閒入嚟同你地傾，個個嘅團年飯開年飯情人節餐都好正，我就又係咁過，冇假放，仲要忙，呢幾日周圍幫我99搵疫苗打，D親戚個個巴啦巴啦話我地點解唔去幫99登記，話佢地已經打咗，講到好似我地白痴咁，又好似話我地好唔幫99登記帶佢去打針，我地要返工，唔係佢地坐喺度食飽冇嘢做，而且根本係疫苗短缺，唔係話要打就有，雖然我99已經係夠年紀優先，但當我地入到去網站登記，全部都係冇日子冇時間，打電話去等咗粒幾鐘有人接聽，但都係話未有。。。尋日新聞報導話市政府要暫時關閉打疫苗嘅醫療中心一個星期，因為冇晒疫苗。。。其實我知係醫護優先，我覺得好合理，99又唔出街，一個人住，打同唔打係咪咁大問題？之前個個都話睇定D先，死都唔肯第一個打，而家有人打咗就荒死蝕底，我想話我老公係esssential worker，要接觸好多人都未安排打疫苗囉。
而家又有一棚人嘈要重開學校，但仲係WIDESPREAD情況囉，老師又未有優先打疫苗，學校又未有齊所有安全衛生措施同設備，巴士又未可以全線恢復，點返學？幾萬學生行路咩？有D齋坐車都要一個鐘架。最白痴係個City Attorney要告校區冇reopening plan，都唔知佢個腦係邊，講起就火起。
Anyway，搞咗我幾日，最終幫我99約到打疫苗，要揸一個鐘頭車去另一個市，仲要俾錢（都係幾十蚊，我就真係唔會計較呢D，但個個都問唔係免費咩？我真係反眼），仲要到時我陪埋99去，帶佢入去醫院幫佢翻譯。。。
BTW，今日我結婚16周年，冇咩特別，老公都好似唔記得，仲話叫我一陣放工炒飯俾佢聽日做lunch，是否啦，都老夫老妻。
花旗太太生活在花旗國，留意時差，你問我未必即時答到。
其實所有生日節日特別日子我地都從簡，係生日會買蛋糕加吓餸，同平日都差不多，我真係唔太介意冇慶祝，反而識得感恩更重要，始終幸福非必然。
發表於 
我整左陳皮冬瓜鴨腿湯, 雖然無乜胃口, 隻肶食唔落, 湯就飲到
返回列表
