吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 點解有人送奶粉比佢看門口? 想成功哺乳媽咪請勿錯過文章 ...

自由講場今日: 258|主題: 1355524

收藏本版

發帖

返回列表

跳至頁

樓主: TFMOM

點解有人送奶粉比佢看門口? 想成功哺乳媽咪請勿錯過文章#41,42,...多謝媽咪經驗分享 [複製鏈接]

1 2 3 45

cherrian

男爵府

積分: 5736

81^#

發表於 07-7-24 00:04 |只看該作者

原文章由 麟媽媽 於 07-7-23 22:39 發表
再講吓飲食了，我媽話想上奶好最緊要有飯到肚，
佢講都信得過架，佢6 個女都食佢人奶大架！
我媽咪話最好食埋五更飯，即是早餐都食飯吖，
唔好怕肥喎，佢成日話坐月一定要，之後先諗減肥！
除左 ...

五更飯真係work
我o個時返左阿媽度坐月, 朝朝我老豆就幫我4點幾炒飯, 我餵完半夜餐奶就跟手食埋飯之後先訓..
我屋企全部女人都餵唔到人奶, 係我一個餵到je, 咁o岩又得我一個肯食5更飯..

私人傳訊

cherrian

男爵府

積分: 5736

82^#

發表於 07-7-24 00:12 |只看該作者

我又分享下點樣多奶d啦
我係到第5日先上奶o既, 之前呢, 一d都唔谷..生完又冇人得閒拎湯比我去e院飲, 所以頭幾日都唔係好夠奶, 但我堅持唔補奶粉, 因為我臭b出世都有返咁上下件頭, 所以我唔太擔心佢輕磅得滯
第4晚返屋企呢頭餵完, 放低半個鐘又喊, 我都唔補奶, 照餵佢..o個晚, 由11點到第朝8點我足足餵左6次奶!!8點後佢訓左3個鐘, 我跟手一齊訓, 結果, 訓醒時我已經谷到漏了<--証明不停吸啜就係上奶最好辦法
頭一個月都係有理冇理佢扭奶就比, 完全唔會擔心自己夠唔夠奶呢個問題, 亦從來冇話pump下睇下自己有幾多奶, 因為pump出黎o既奶量根本就唔=bb食到o既分量..
飲食黎講, 好多媽媽話飲左木瓜湯都上唔到奶, 我自己o既飲湯, 份量多到嚇死我媽..我每餐餵奶前同後都飲2碗, 食飯又飲2碗..咁計法其實我一日飲到接近20碗..餵緊奶時又拎埋支水餵餵下又飲下水咁..
好老實講一句, 如果要驚餵唔到, 我應該係要第一個驚的, 因為我屋企冇一個人係成功餵得到, 所有野都係靠我自己之前做定功課, 我媽o個時都成日話我, 人地d 女人餵人奶, 成日漏到一衫都係, 你連breast pad都唔駛用, 係咪唔夠奶..之但係, 我個仔, 食左整整一年人奶, 一直體重高企97%

私人傳訊

zngo

大宅

積分: 1754

83^#

發表於 07-7-24 07:45 |只看該作者

原文章由 kkpa 於 07-7-23 21:33 發表
職業關係，我知Dr.係唔會叫餵緊人奶的媽好似你咁講”唔好餵人奶, 比呀b粉”，係邊間醫院醫生�邊個醫生咁講？　頂多醫生會叫你餵完人奶餵奶粉？

係粉嶺健康院,生完第二次日餵,但是唔上奶,出院去健康院約1hk學,日日去姑娘(邦)手大力搓都得幾(迪),最後只有餵奶粉,不過我照比呀仔當奶咀同飲奶前食,不過都係無,所以醫生叫餵奶粉,我都比呀仔當奶咀食左2個月,因為我唔想信我係無奶果個少數,其實姑娘同醫生好好,因為我日日流淚,佢地就安慰我話100個有1個會無奶,下次努力.
醫生係唔會亂叫餵奶粉,一定有好多因數.
我係full time媽媽,而家要照顧呀仔,其實好少時間上bk,因為要親子多d,呀仔11月3歲.

私人傳訊

TFMOM

別墅

積分: 654

84^#

發表於 07-7-24 14:28 |只看該作者

真多謝咁多位媽咪教授飲食及其實他增加奶量的辦法.

我試過唔夠奶, 要bb食完左邊奶食右邊, 唔夠再食返左邊, 好不容易bb睡著了,自己抓緊時間去洗手間, 一出來, 他又醒了, 又再餵過. 頭三個星期, 幾乎每晚起床三次, 每次45分鐘 - 1小時, 自己又口渴又肚餓, 辛苦不在話下, 真係好擔心自己不夠奶的. 但來我家探訪我的社區護士說: 你是ok的, 但要放鬆, 切勿緊張, 一有時間, 快快休息, 真的, 心情放鬆些, 睡一會, 奶量慢慢好起來.

千萬要避免在產後應酬. 記得我有次同一位到訪的朋友談了半天, 晚上辛要到不得了. 或者我身子都是属於弱.

至於飲食方面, 正如其他媽咪說的, 要多食米飯. 要食到自己飽飽的, 不要好似平時, 差不多飽就放下快子. 湯和水更是必須. 有魚腥的東西都會多奶的, 有一回我渴了些龜湯, 成晚’谷’奶

Cherrian: 真是要向你的爸爸致敬. 我做月也是靠媽媽幫忙, 今天我仍跟媽媽住, 我們時時都多謝媽媽, 在我們艱難的時期, 幫忙照顧我們, 我兩個仔跟婆婆的感情也特別好.

希望媽媽們加油.

原文章由 cherrian 於 07-7-24 00:04 發表

五更飯真係work
我o個時返左阿媽度坐月, 朝朝我老豆就幫我4點幾炒飯, 我餵完半夜餐奶就跟手食埋飯之後先訓..
我屋企全部女人都餵唔到人奶, 係我一個餵到je, 咁o岩又得我一個肯食5更飯..

My mission in life is to promote, protect and support breastfeeding.

希望每位媽媽都可以享受喂奶的樂趣! 每位bb都可以在媽媽懷裡享用媽媽的奶奶和感受媽媽的愛!

更多母乳資訊或哺乳支援
http://www.breastfeeding.org.hk/

私人傳訊

麟媽媽

王國長老

積分: 89535

好媽媽勳章王國長老

85^#

發表於 07-7-24 14:32 |只看該作者

龜湯？！！

好有奶都......好驚啊！

我都覺得產婦奶量好受心情影響的，
有一次我用電泵吸損了，流血... 咁無心情啦，
之後吸左，但有D 血我又驚咪唔要囉！
隔左耐D 想再吸，無咩奶喎？！攪咩鬼？！
之後我媽叫我放鬆D，佢話人地D 船家拿起就餵，
邊有我地諗咁多野？！佢話我夠咬損過佢，
少少血咪照食囉，使咩倒晒D 人奶去架？！
之後我行吓，睇吓電視又飲吓湯，咩都唔諗，
咁又上番奶，仲出得幾順添！

[ 本文章最後由麟媽媽於 07-7-24 14:44 編輯 ]

私人傳訊

emmypun

珍珠宮

積分: 37585

畀面勳章大廚勳章

86^#

發表於 07-7-24 14:51 |只看該作者

原文章由 麟媽媽 於 07-7-24 14:32 發表
龜湯？！！
好有奶都......好驚啊！

食乜野多奶/會收奶, 係我經驗來說真係因人而異, 好似我飲木瓜魚湯, 我自己就唔覺多奶, 但係我一飲章魚節瓜湯同埋花膠湯真係即晚多滴晒出來. 至於內臟, 鴿子我都有食, 當然唔係大量食啦, 食完未見有收奶. 我諗最重要係放鬆心情.

私人傳訊

TFMOM

別墅

積分: 654

87^#

發表於 07-7-25 00:12 |只看該作者

麟媽,

是土伏靈, 猪骨, 煲龜湯. 我亞嫂煲的, 非常好味道

心情真是最重要. 媽媽要對自己的奶的質素和奶量有信心, 問題會容易解決得多.

記起又提提媽咪: 的確你可能見到bb食奶食得咁密, 擔心bb不夠飽, 但如果你的bb一天有6-8條濕片, 你大可以放心. 記得抓緊休息.

家人的支持真是很重要的, 我當天帶個仔, 去我大家姐家吃飯, 我姐夫特別為我做了魚和雞蛋湯, 都是因為知道我餵奶, 我到今天仍然記得, 當然多謝他.

原文章由 麟媽媽 於 07-7-24 14:32 發表
龜湯？！！
好有奶都......好驚啊！

我都覺得產婦奶量好受心情影響的，
有一次我用電泵吸損了，流血... 咁無心情啦，
之後吸左，但有D 血我又驚咪唔要囉！
隔左耐D 想再吸，無咩奶喎？ ...

私人傳訊

Sindy

珍珠宮

積分: 34176

好媽媽勳章

88^#

發表於 07-7-25 01:14 |只看該作者

原文章由 emmypun 於 07-7-24 14:51 發表

食乜野多奶/會收奶, 係我經驗來說真係因人而異, 好似我飲木瓜魚湯, 我自己就唔覺多奶, 但係我一飲章魚節瓜湯同埋花膠湯真係即晚多滴晒出來. 至於內臟, 鴿子我都有食, 當然唔係大量食啦, 食完未見有收奶. ...

有信心,其實食乜都唔收奶,最緊要自己水份充足....我除左平時唔食既蛇,鋰魚,介少少蝦crab....基本上乜都食,燒乳鴿直情係至愛

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

89^#

發表於 07-7-25 02:10 |只看該作者

我自己就係食白艙魚同訓晏覺﹐兩樣做佐之後就好多奶。

我記得頭個兩個月真係無乜出過街﹐又無乜見人。因為夜晚亞仔會醒兩次﹐所以夜晚我索性同埋亞仔訓﹐一路訓一路餵奶。因為夠訓既話﹐心情都會好Ｄ﹐無o甘易憂鬱。

初初餵人奶﹐雖然話真係睇過Ｄ資料同有人教過下﹐但到實習既時候就乜都唔記得﹐只知道密密餵。我初初個latch on做得唔好﹐但自己又唔識糾正﹐所以乳頭損､裂､塞。果陣深覺要重新再睇多一次有關資料。o甘就訓晌張床度﹐邊餵奶邊睇教餵人奶既書﹐慢慢由頭再學起﹕如角度要o岩﹐要亞仔張大口先擺落去﹐唔o岩又再黎過﹐唔好怕麻煩（我就係怕麻煩﹐latch on做得唔好都唔撩開亞仔個口﹐個乳頭先至損）﹐逐漸情況就有好轉。

第一次餵人奶﹐我有好多野唔識﹐我做媽媽要學識點樣去餵﹐亞仔都要學識點樣去啜﹐知道要張大口打斜含住乳暈先啜到最多奶。

其實有本書仔或者印Ｄ資料出黎睇都幾好﹐可以邊餵邊學。我果時不斷重複o甘睇本書﹐加深Ｄ基本概念﹐信心都大佐。

[ 本文章最後由 Elefant老婆於 07-7-25 02:13 編輯 ]

私人傳訊

TFMOM

別墅

積分: 654

90^#

發表於 07-7-25 10:24 |只看該作者

Elefant老婆,

"但到實習既時候就乜都唔記得"; 你呢句真! 無論產前上了多少課, 看過多少育嬰書, 生完bb都仿佛全部忘掉. 唯有'摸住石頭過河', 有困難向人請教, 或自己再找回相關資料, 照著來做.

因安全理由,我就没有跟亞仔睡, 所以半夜起床想去抱bb餵奶時就第一次嘗到腳軟的滋味!

講真, 餵奶'眼訓'是最大問題. 總之未生過bb, 晚上未餵過奶的或者都可以說未真正接受過'睡魔'的挑戰.

(p.s. 可能真係自己體質差, 希望不會嚇怕有心哺乳的媽媽, 反而希望你們多休息, 儲備定精力, bb一出世, 你就知道要照顧好他們有多費力氣!!!)