少年成長 今日: 6 | 主題: 16094

積分: 31135

81^#

發表於 07-11-7 14:25 |只看該作者

原文章由 Mandy.Q媽 於 07-11-7 11:52 發表

我聽人說聰明的人都是比較心散的，因為他思考敏銳，容易被其他事物吸引，而且他一學就會，所以對重覆又重覆的說話感到不耐煩，就令到人覺得他心散，我看你囝囝就是這情況，如果是這樣，試試俾d佢有興趣又比較難的事物俾佢學習，例如 ...

是呀,你說得很對,他是心散慢這種的,其實只要佢係集中注意力,他係可以好快做到的,關鍵就在於佢心散,或許真是有時一樣野講太多,佢真覺得好沉悶,最近,我發覺佢開始對彈琴有興趣,因我自己家有鋼琴的,我唔係彈得好好,都係好細過時學過,後來大肚時,心血來潮好想好想彈呀,買咗個琴,大肚時都會時時彈兒歌比佢聽,我好鍾意唱歌聽歌音樂有關的都愛,我老公都一樣,所以我仔仔都音樂特別有興趣也有很拍子感,但以前因感到他還小,不想每樣事未太懂他有否興趣就要他去學這去那,因我自己小時這樣感到好大壓迫感,又沒趣味,到最後只會咩都學不成,又浪費錢,對嗎?所以他咁唔定性的,今天可能會話鍾意呢樣,可能明天已沒趣了,豈不是浪費心機和金錢,我不愛做這種媽媽,我會到他自己真係有興趣,主動想要求去學,我兒才會教,這樣他會更入腦更吸收!
最近他常主動打開我琴去彈,突然有天他自己單手去彈出十兄弟這劇的主題曲,大約係主句的5句左右,我好意外,望了他一下,不太相信怎會他能彈出正確的音調,我都呆了!我問怎你會懂,他說,唔知道呀,我自己亂找的!後來他就同我講,:媽咪你教我彈琴呀,我問佢係咪會專心看媽媽怎彈呀,佢話會,我就教了他一首好易學的但只用兩手去彈的一首小曲,好好聽的,對他來說都好長,難記,所以我分了不同的三天去教,先教頭一小段,等他自己練習了記熟了才教第二小段,沒想到他真好有記性,好快上手了,昨晚已教埋最後結尾了,便完成整首曲,他好開心,感到好有成功感,爸回來他已急不及待要彈給爸聽,爸都看呆了之後說:你媽咪以前教我呀,我都學咗好耐先記到,哈哈哈,真死我哋,阿仔話,咩爸爸你咁渣架,不如等我教你啦,哈哈,勁好笑!

私人傳訊

積分: 6005

82^#

發表於 07-11-7 23:25 |只看該作者

up88，

我都覺得俾小朋友學o野最緊要係佢有興趣，否則只會事倍功半，既然囝囝對彈琴這麼有興趣又有天份，就應該給他學琴，但一定要他有恒心，不可半途而癈，不過你也懂彈琴，佢將會更快上手，因為佢會覺得學琴練琴也是親子活動。

QQ也有學琴，已一年了，雖然進度不是很快，但她很有興趣，現在一做完功課都自動自覺去練琴，因為她的學校內無人懂彈琴，所以有時老師給她表演，她就很開心了，所以如果囝囝有興趣，一定可以持續下去的。

QQ是小組學琴的，組內有一個男孩，比QQ還小，他非常活躍，差不多無時定的，但很奇怪，他坐在琴邊就很專注地去彈，還彈得很好呢，彈琴真能陶治性情，起碼培養專注力，訓練左右腦，所以如果囝囝有興趣，可多多鼓厲，否則興趣過後可能他又不想彈了。

私人傳訊

up88

積分: 31135

83^#

發表於 07-11-8 12:09 |只看該作者

原文章由 Mandy.Q媽 於 07-11-7 23:25 發表
up88，

我都覺得俾小朋友學o野最緊要係佢有興趣，否則只會事倍功半，既然囝囝對彈琴這麼有興趣又有天份，就應該給他學琴，但一定要他有恒心，不可半途而癈，不過你也懂彈琴，佢將會更快上手，因為佢會覺得學琴練琴也是親子活動。

QQ ...

因我想睇定些佢係咪真有心學,昨晚佢一吃了飯又自己打開琴來練習,每次一成功彈到這歌,佢會好開心,還不停叫我可否再教多些歌仔給他學,佢話想,如下次上音樂堂時,可話比老師知,自己都懂彈琴,咁老師就可能會叫他出來彈比同學聽,佢話咁就會好開心!正如你女女想法一樣,哈哈!

我會多加留意,我都發覺他在練琴時好專心,正如你說這位小男孩一樣,本來我諗住比佢學空手道,係因他太多精力,無時停,點知,好像越學越多精力,都不會累的,老師也說他太好動和活躍無時停,有時又不跟指示做,自己跑來跑去,那學習進度就會比其他人慢很多了,本來以為他好動,就給他在好動的這方面去學習,空手道係可以練習到專注力服從性,可看來好像對他幫助不大,難度真是學琴才可以令他專注力好些,真奇怪呀,也沒想過他可以,我想以為靜態的活動都不適合他的,所以還有點不太相信,要看多一段時間先!

私人傳訊

積分: 6005

84^#

發表於 07-11-8 18:49 |只看該作者

up88，

小朋友真的很奇怪，有時真係諗佢唔到，如果我係你，都會俾佢學空手道，點知佢會對彈琴有興趣，不過都係好事，只要有一樣興趣可以寄託，總好過睇電視同打機。

小朋友真是鐘意認叻，QQ都成日話教爸爸彈琴，不過爸爸睬佢都儍。

好彩我都識小小，唔係俾佢認哂叻我o地咪好無面？不過我都期望佢叻過我，如果唔係就

其實你教佢彈琴重好，因為出去學會悶d同壓力大d，你教佢可以作為遊戲，輕輕鬆鬆咁打好基礎，到你認為佢得先出去學。(可惜我太渣，同埋無耐性。)

[ 本文章最後由 Mandy.Q媽於 07-11-8 18:52 編輯 ]

私人傳訊

SEricsson

積分: 6171

大廚勳章

85^#

發表於 07-11-9 13:06 |只看該作者

唔好意思, 想搭傘.... 我都想俾阿仔學琴, 但其實幾大至可以學呢? 我個仔只得27個月大, 係咪細左D?

原文章由 Mandy.Q媽 於 07-11-8 18:49 發表
up88，

小朋友真的很奇怪，有時真係諗佢唔到，如果我係你，都會俾佢學空手道，點知佢會對彈琴有興趣，不過都係好事，只要有一樣興趣可以寄託，總好過睇電視同打機。

小朋友真是鐘意認叻，QQ都成日話教爸爸彈琴，不過爸爸睬佢都儍。 ...

私人傳訊

up88

積分: 31135

86^#

發表於 07-11-9 13:38 |只看該作者

原文章由 Mandy.Q媽 於 07-11-8 18:49 發表
up88，

小朋友真的很奇怪，有時真係諗佢唔到，如果我係你，都會俾佢學空手道，點知佢會對彈琴有興趣，不過都係好事，只要有一樣興趣可以寄託，總好過睇電視同打機。

小朋友真是鐘意認叻，QQ都成日話教爸爸彈琴，不過爸爸睬佢都儍。 ...

自小一開始,天天放學回家休息一會便要做功課,因實在太多,又要溫默書,他已很小有空閒看電視,之前佢都好鍾意睇NOW441台,好多野睇,,現在好可憐了,都沒有空閒去看,只能早上吃早餐這時看一會,他都已很開心不已了!放學後仲邊有多餘時間,有時真替他感到好辛苦,又寫好多好多字,有數次寫寫吓都訓著咗,都有點心痛!我都唔太識點教佢彈,只係當娛樂咁,親子玩玩這種,我彈一句他就看著我手位放那兒,他又彈一次,一句一句學,不懂看琴譜,因我都不知怎教好,但只看我手位,他都好易記入腦,那就當是親子活動先,等他大一點真有心要學才再考慮!

私人傳訊

up88

積分: 31135

87^#

發表於 07-11-9 13:41 |只看該作者

原文章由 SEricsson 於 07-11-9 13:06 發表
唔好意思, 想搭傘.... 我都想俾阿仔學琴, 但其實幾大至可以學呢? 我個仔只得27個月大, 係咪細左D?

27個月真係太細了,手都未夠力啦,我兒子小時,我家已有琴,一出世便已有了,我都一直想教他彈,可是真手仔太細小了,好難的,我覺得5歲會好很多,如你真好想兒子快快學的,最超碼佢手要有力,因手仔太小真好難彈準每個琴鍵的!也力度不好的!會好吃力!如令小朋友感到彈琴是咁吃力,就會怕咗,就沒趣味了!:-P

私人傳訊

積分: 6005

88^#

發表於 07-11-9 18:10 |只看該作者

原文章由 SEricsson 於 07-11-9 13:06 發表
唔好意思, 想搭傘.... 我都想俾阿仔學琴, 但其實幾大至可以學呢? 我個仔只得27個月大, 係咪細左D?

hello, SEricsson,

起呢度又見到你好開心，記得我嗎？

我都同意up88所講，你囝囝太細了，而且學琴是一件幾悶的興趣，他太細了，專注力不夠，很難有成績給你睇到，會很容易放棄的(除非佢係天才)，所以如果你想佢將來學樂器，不論是哪一樣，我提議你先俾仔仔學一些音律班，等佢對音樂有興趣，對拍子有感覺，將來學起任何樂器都會快上手d。

我囡囡k2開始學，但進度會比較慢，d姐姐小學才學，進度就快得多，教琴老師說，小二以上學琴會比較易吸收，因為他們容易明白，但如果小朋友細d開始學(3歲半以上)，將來成就會好d(不過我認為是睇人，我囡囡就

)。

[ 本文章最後由 Mandy.Q媽於 07-11-9 18:22 編輯 ]

私人傳訊

積分: 6005

89^#

發表於 07-11-9 18:30 |只看該作者

原文章由 up88 於 07-11-9 13:38 發表

自小一開始,天天放學回家休息一會便要做功課,因實在太多,又要溫默書,他已很小有空閒看電視,之前佢都好鍾意睇NOW441台,好多野睇,,現在好可憐了,都沒有空閒去看,只能早上吃早餐這時看一會,他都已很開心不已了!放學後 ...

讀上小學真的很忙啊！我都擔心QQ上小學後會無哂時間做佢鐘意o既o野，不過我會盡量幫佢，希望佢入一開無咁多功課的小學啦。
你囝囝間小學是否名校？咁緊張的，好在你囝囝咁醒，俾著QQ就慘(我:-( )，現在的教育真的有問題?-( ，不過做家長o既又好無奈，唯有陪佢慢慢適應。

私人傳訊

SEricsson

積分: 6171

大廚勳章

90^#

發表於 07-11-10 13:48 |只看該作者

Mandy hi again, 記得... 同你傾過唔係好耐咋嘛... 我記性都好好架

我個人認為細個D開始學會比大個至開始學進步得快, 你個女可能開始時俾人慢, 但好快佢會追上其他小朋友... 因小朋友在0-3歲係一個階段, 3-6歲另一階段, 6-8歲又另一階段. 學野最快係第一個stage, then 2nd stage, then 3rd stage, 8 歲後, 佢已差不多定型, 所以要小朋友學野, 最好越早越好, 佢學得最快... from a book called 0歲教育, written by 七田真...

BB頭3年由乜都唔識到識行識走, 識得對話, 識得自理, 都只係用3年時間, 大人用3年時間學到乜?

原文章由 Mandy.Q媽 於 07-11-9 18:10 發表

hello, SEricsson,

起呢度又見到你好開心，記得我嗎？

我都同意up88所講，你囝囝太細了，而且學琴是一件幾悶的興趣，他太細了，專注力不夠，很難有成績給你睇到，會很容易放棄的(除非佢係天才)，所以如果你想佢將來學樂器，不論是哪 ...

私人傳訊

積分: 6005

91^#

發表於 07-11-10 14:34 |只看該作者

原文章由 SEricsson 於 07-11-10 13:48 發表
Mandy hi again, 記得... 同你傾過唔係好耐咋嘛... 我記性都好好架

我個人認為細個D開始學會比大個至開始學進步得快, 你個女可能開始時俾人慢, 但好快佢會追上其他小朋友... 因小朋友在0-3歲係一個階段, ...

多謝你o既鼓勵，不過QQ真的有佢o既問題，不過興幸o既係佢好接納自己不如人，而且十分享受學習的過程，佢好抵得俾人話的(除咗俾我話)，很受教，而我亦唔介意佢慢，因為每個小朋友都有佢o既長短處，無論如何，我哋做父母o既都係盡力而為啫，不過我都期望緊佢可以追上其他小朋友。

小朋友早d學嘢當然有好處，起碼佢現在比較得閒，無功課壓力，可以用多d時間同精力發展興趣，而且佢自小已學一樣嘢，佢會發覺自己比其他小朋友叻(起碼有一樣)，會有自信一點，另外佢咁細個學，學得慢d，佢同你都可容忍多d，唔會有太大壓力。不過就學琴而言，除非你自己教，如果唔係要搵琴行教就有d難度，因為好多琴行要大d(大概5歲)才教，而且你要預算佢好似去玩咁，無嘜嘢學倒返嚟，有d似燒銀紙。(我囡囡情況有d唔同，因為我本來是俾佢託管的，費事佢無所事事，於是叫佢學吓琴，點知一學到現在。)

私人傳訊

up88

積分: 31135

92^#

發表於 07-11-10 15:07 |只看該作者

原文章由 Mandy.Q媽 於 07-11-9 18:30 發表

讀上小學真的很忙啊！我都擔心QQ上小學後會無哂時間做佢鐘意o既o野，不過我會盡量幫佢，希望佢入一開無咁多功課的小學啦。
你囝囝間小學是否名校？咁緊張的，好在你囝囝咁醒，俾著QQ就慘(我:-( )，現在的教育真的有問題?-( ，不過 ...

我和老公時時都在說,到底呢間咩學校,只不過係一個好普通的學校,又唔係名校,都唔明點解好像當小朋友個個都係資優咁,真好過份,係名校都話姐,但又唔係,時時教的東西,宋學好行便想學走,太急進了,令小朋友讀得好吃力好辛苦呀!

私人傳訊

積分: 6005

93^#

發表於 07-11-11 09:04 |只看該作者

原文章由 up88 於 07-11-10 15:07 發表

我和老公時時都在說,到底呢間咩學校,只不過係一個好普通的學校,又唔係名校,都唔明點解好像當小朋友個個都係資優咁,真好過份,係名校都話姐,但又唔係,時時教的東西,宋學好行便想學走,太急進了,令小朋友讀得好吃力好辛 ...

我都好怕d學校唔知為嘜，夾硬要d小朋友學d over佢哋程度o既嘢，d功課深到唔知係俾小朋友做定係俾父母做，小朋友跟得上還好，跟唔上就會好有錯敗感。

所以我好欣賞我以前所教的幼兒園，佢好有原則，只會因應小朋友的能力編課程，主力啟發小朋友的求知興趣，培養小朋友的性格，絕唔會因家長的要求增加功課的量同難度，好彩佢哋亦一直維持到現在，所以我都係俾QQ讀呢間，但正因為咁，我現在開始搵小學亦要小心d，要搵一間差唔多概念的小學，真不容易，好在心目中都有一間，希望QQ到時入到，我諗你當日選學校時都很頭痛吧。

私人傳訊

up88

積分: 31135

94^#

發表於 07-11-12 19:32 |只看該作者

原文章由 Mandy.Q媽 於 07-11-11 09:04 發表

我都好怕d學校唔知為嘜，夾硬要d小朋友學d over佢哋程度o既嘢，d功課深到唔知係俾小朋友做定係俾父母做，小朋友跟得上還好，跟唔上就會好有錯敗感。

所以我好欣賞我以前所教的幼兒園，佢好有原則，只會因應小朋友的能力編課程 ...

呢間學校好似想同人哋出面名校教的東西一樣,以為咁會對小朋友好,功課又多,雖則說上學期一次測驗一次考試,可差不多每星期都一次中英默書,仲要兩課,很多的!還時時都做評估,評估即和測驗差不多,所以真好累好累,真感到有點透不過氣來,不單小朋友感到辛苦好大壓力,家長也一樣超辛苦的!最好笑係,本身自己學校已超多功課,課本都未夠時間溫,還時時要你比錢買一些電子課本,上網學習,或是很多課外的書本,要你去讀,今天又派一大本兒歌詩集,自己校內的中文課本都背到死死吓啦,還來多一本,真係當D小朋友係神童咩!佢哋想學人哋出面名校咁,但又唔理解自己呢區的小朋友,如係好呀,咁勁呀都出去讀名校啦!這間不是我想入的,是第二志願,呢間學校很多家長都說未學懂行便想小朋友學走,做事太過於急進!今天很不開心,我都好久沒有打兒子,意思係打手手,我很久沒有出手打過他了,昨天他還好乖好乖逗得我超感動,在巴士上我都眼紅紅眼淚都快要流出來了,我忍著,因怕被人看到以為我咩事!兒子昨天在巴士上突然和我說;媽媽,你以後有咩唔開心的事就交晒心我啦,
我:點解呀,如交晒比你,咪到你會唔開心囉
兒子:唔會架,因我個心入面有一個垃圾筒的,你將你唔開心的事就交晒比我,我就放在我心入面個垃圾筒裡面,掉了這些不開心的事,咁你就唔會有不開心的事啦!
我當時,真好意外,不敢相這番話會出自他的口去說,所以我第一時間係問佢:係邊個教你咁講,老師嗎?兒子話無呀,無人教的,自己諗到的,這一刻我真好感動,好難形容當時的感覺,無野可以形容到!我就和他說,你好乖呀,到晚上睡前我又再問他,今天在巴上和媽說的話真是沒人教你嗎,他說真的沒有,我問他那你怎會懂說這些話,他說:因為我想氹你開心囉!老公當時都在巴士上坐我們後面的,後來我和他說,他都感到好意外,居然兒子會懂說這種話,好難相信,今天和老公吃下午茶時,還一直和老公說,我真好開心好感動,老公都有點吃醋了,說兒子都不會這樣和他說的,但他認為一個惡一個善良些是好的,如不就無人令他會怕!正心情靚靚去接他放學,老公看到兒子臉色有變,一定有事發生,因好易看出來的,後來兒子自己說自己今天不乖,又忍不到大聲叫,被老師寫了手冊,話要罰他明天留堂,又是這位數學老師,兒子形容是他最怕最不鍾意的老師,因為個個都好驚佢,佢好惡好得人驚,回家一看手冊寫了他在轉堂時大聲叫喊,影響別人學習,但沒寫罰留堂,只說如再犯會被扣分,真好傷心好難過,對兒子好失望,總是當我們對他說的話耳邊風,無法令他控制到自己講野唔好咁大聲,我真好嬲,對他好失望,忍不住打他手了,已好久沒有打他了,我唔知有咩方法先可以令佢記住唔可以咁大聲講野,好無奈也再想不到方法了,看他自己怎樣了,要說的我都說了一億次以上了,我唔知我還可以怎做可以怎教到他明白!一天令我超感動超開心,突然第二天又可令我由高處墮下來的感覺!:cry:

私人傳訊

積分: 6005

95^#

發表於 07-11-12 21:47 |只看該作者

小朋友就是這樣的了，一時氹得你輕飄飄，一時就令你如下地獄，所一作為父母，一定要穩定情緒，不要受孩子的表現影響，要知孩子的表現是反覆的，我們總不能任自己的情緒跌蕩，這會令你很辛苦，令你身邊的人辛苦。我都知要控制情緒很難，因為我都正在學習中，但只要有信心，孩子一定會變好，你囝囝不是在不斷進步嗎？他才六歲，如果他有90歲命，他只是行了生命的6.667%，所以他還有很多進步空間呢！俾d信心及時間自己和囝囝吧。

現在的教育制度和老師質素，都有很多不足之處，小朋友返學都很辛苦，所以我哋更要幫他適應，面對錯折看輕鬆d，俾d幽默感，很快會步入佳境的。

QQ都有大叫的問題，我之前用了一個方法，你看看行唔行得通。我在大家心平氣和的時候對QQ說：「我知你很乖，很想媽媽爸爸讚你，可惜有一隻"小魔怪"走了入你的心裏，所以令你有時控制不了自己，大叫了出來，不過不要緊的，當你想大叫時，就是"小魔怪"想曳了，你就用心叫"小魔怪"不要曳，我很乖的，不會跟你曳的，如果你乖，鬥贏"小魔怪"，牠就會走了，你就會變回一個乖孩子。」QQ問：「點解"小魔怪"會咁衰，走入我心裏的？」我就說：「"小魔怪"就好像傷風咳，由曳的小朋友傳染給你，不要怕，鬥贏牠，你就會好番的。」之後每次佢大聲叫，我就提醒她"小魔怪"又曳了，佢就會細聲，現在這壞習慣已改善很多。

私人傳訊

SandraLo

積分: 33215

96^#

發表於 07-11-12 23:13 |只看該作者

原文章由 up88 於 07-11-12 19:32 發表

呢間學校好似想同人哋出面名校教的東西一樣,以為咁會對小朋友好,功課又多,雖則說上學期一次測驗一次考試,可差不多每星期都一次中英默書,仲要兩課,很多的!還時時都做評估,評估即和測驗差不多,所以真好累好累,真感到 ...

up88 :

你唔好鬧阿仔啦.... 更加唔好打呀！:-(

你講呢個老師, 真係睇到我火都嚟

呢d 真係害人精, 你諗吓, 小一得嗰幾歲人仔, 已經要做咁多功課, 依家只不過係「在轉堂時大聲叫喊」, 注意係「轉堂時」而不是上堂時, 就話「影響別人學習」頂！邊Q個靚仔會响「轉堂」嗰兩分鐘度「學習」呀！分明係欲加之罪兼搞針對, 真係超黑人憎, , 你唔好因為咁少事罸佢, 於是無補, 有害無益架, 况且佢都已經俾人寫咗手冊, 即係罸咗啦, 你好言安慰吓佢就真！
唔好意思, 我真係好鬼嬲至爆粗！

私人傳訊

up88

積分: 31135

97^#

發表於 07-11-13 11:56 |只看該作者

原文章由 Mandy.Q媽 於 07-11-12 21:47 發表
小朋友就是這樣的了，一時氹得你輕飄飄，一時就令你如下地獄，所一作為父母，一定要穩定情緒，不要受孩子的表現影響，要知孩子的表現是反覆的，我們總不能任自己的情緒跌蕩，這會令你很辛苦，令你身邊的人辛苦。我都知要控制情緒很難，因 ...

我的情緒都已比以前好了很多,可昨天真一時感到好嬲呀,終忍不住了!你教你女女呢個方法都唔錯,等我都學吓你試吓得唔得先,謝謝你呀!之前我阿仔一直都不太愛珍玩具,好開心把公仔掉在地上又踏又大力打,車車都愛拆晒D車輪,我都好久沒買玩具給他,現在等他集齊10粒星,我就會送禮物給他,可禮物到手,還好像一樣,都控制不了自己,總愛大力撞,如公仔就愛大力掉在地,於是我突然想到一個方法,因講咁多次他都聽不入耳,那我就和他說:你知否公仔都有生命的,你這樣掉他們落地,他們都會好痛,只是不會說你知道,當你晚上入睡了時,你的玩具就會坐在一起大家訴苦,話我的主人呢對我好差,攪到我周身都損晒又痛,車車的輪就如它們的腳一樣,你時時拆掉了,令它們都好痛苦,好傷心的,那他聽了後好像有反應了,即好傷心難過的樣子然後走上自己床和每個公仔說對唔住,抱一抱他們然後話,我以前都唔會掉你們落地啦,會好好愛錫他們喎,現只兩天,真沒有再掉他們落地當他們好像沙包咁啦,希望會有用啦呢個方法!

私人傳訊

up88

積分: 31135

98^#

發表於 07-11-13 12:11 |只看該作者

原文章由 SandraLo 於 07-11-12 23:13 發表

up88 :

你唔好鬧阿仔啦.... 更加唔好打呀！:-(

你講呢個老師, 真係睇到我火都嚟呢d 真係害人精, 你諗吓, 小一得嗰幾歲人仔, 已經要做咁多功課, 依家只不過係「在轉堂時大聲叫喊」, 注意係「轉堂時」 ...

我就係一時好興個數學老師,我感到她好變態,個樣都好寸架,好像好憎小孩子咁樣!其它老師都好鍾意我兒子,對他好好,如班主任都會有時和我說,今天仔仔又在洗手間大叫,但沒有寫在手冊的,是接放學時當面和我說的!我問仔仔呢位數學老師係點,問仔仔鍾唔鍾意佢,仔仔話唔鍾意,佢好惡架,時時好大聲罵人,個個同學都罵架,我哋好驚佢,嚇死人架!

我老公都感到是這位老師好像針對我兒子,有些老師就係咁見到越得人鍾意或可愛的小朋友,就會越憎佢,想整死佢咁,

我都超憎呢個老師,一點好感都沒有,一點愛心都沒有,個樣都睇得出來啦,只會感到小孩係好煩的老師!冷血的沒感情的!我已和仔仔講上呢位老師堂最好一句聲都唔好發出,如不她一定小小事都寫你手冊,那媽咪就會超嬲,好唔開心,如這老師沒問你問題,你就全堂都一句聲唔好講野,我真係好憎佢,我都嬲到和你一樣心情的,好想爆粗,唔知仔仔有咩得罪佢呢!上次都係佢罰我仔留當,係話佢上課唔專心,把做統計的貼紙在玩,因仔仔太開心,好鍾意玩貼子,一時忘形,老師話叫了3次都當佢無到!我諗呢位老師對小朋友的語氣一定好可怕好差,無咩學生會鍾意佢,我昨晚問了仔仔一些問題,我話,你現在最鍾意邊個老師,他就由最鍾意這個一路數比我聽,數了所有科目老師都沒提過呢個數學老師,他還說,昨天小息在操場看到音樂老師,便走過去叫她,老師話好開心我哋終於見到面啦,仔仔回答她,係呀,我都好掛住你呀,因只星期五才有音樂堂!較少機會遇到,有時仔仔會話好想寫信比班主任,我都會比張靚信紙佢自己寫了一些句字,好簡單的送給老師,班主任好開心抱了他!他和很多老師的關係都很要好,都好鍾意佢的,因他真把口好甜好懂逗人開心!我想他應從沒有逗呢個數學老師,昨天轉堂時,兒子看到老師入課室便一時大聲叫:王老師來啦,王老師來啦!就係呢兩句說話,便要受罰,又話要佢留堂嚇佢,但沒寫在手冊上今日要留堂的,所以兒子放學的樣子一看便要他一定有不開心事發生了,超易看出來的!唉,我個心都好唔舒服!

私人傳訊

積分: 6005

99^#

發表於 07-11-13 12:26 |只看該作者

原文章由 up88 於 07-11-13 11:56 發表

我的情緒都已比以前好了很多,可昨天真一時感到好嬲呀,終忍不住了!你教你女女呢個方法都唔錯,等我都學吓你試吓得唔得先,謝謝你呀!之前我阿仔一直都不太愛珍玩具,好開心把公仔掉在地上又踏又大力打,車車都愛拆晒D車輪 ...

喺你努力下，囝囝不斷進步，你的心情當然會輕鬆得多，囝囝越進步，你的情緒亦越好，同樣地，你情緒控制得越好，囝囝就越快進步，這是相對的，慢慢你就會天天都咁開心，而囝囝亦然。

小朋友的思想都很有趣，他們真的相信玩具是有生命的，QQ昨日才同我講：「媽媽，你知唔知玩具會在你瞓著時會郁來郁去、會傾偈。」我問她：「咁點解我半夜同你冚被唔見到d玩具會郁的？」QQ說：「佢哋很蠱惑的，你一起身佢就會唔郁，等你瞓番佢哋先會再郁。」說時還一面認真，這就是童真吧，所以教小朋友用他們的想法，他們會比較容易入腦。

私人傳訊

up88