我未嫁時，供樓家用一個女人仔成個男人咁養起頭家，爸同哥都無比家用，媽亦唔會煮飯，因有嚴重抑鬱，日日投訴埋怨，日日話要死，到我嫁左賣左層樓，每月幫佢交租，比家用，供父母保險，每個月必定開支19500，一直以來去餐廳加2蚊叫杯凍飲都唔敢，早餐念住晏d食當午餐，午餐念住晏多少少食下午茶有優惠，下午茶晏多少少食，等夜晚唔好咁快肚餓就可以食少一餐，一星期返足7日工，真係放假就去旺角花園街附近睇貓仔狗仔，唔好亂買野，從來無靚衫著，著我哥二手褲，亦因為人靠衣裝，朋友聚會個個都靚衫，而自己只是舊風衣，點洗都好，顏色總似灰灰黑黑，戶口根本無錢，因為，我已經將份糧全數比晒屋企～
網上幾多jm相信真假都好，我身邊既人知道就是，因為每次寫親呢d都有人質疑～
如果真係相信我，問我點做到，我可以答係心態，可能我媽每日發送負能量，我每日離開屋企返工就預左自己係貨櫃車底，預左返唔到屋企，錢，留係身邊做乜，如果錢幫到我媽，我會比晒佢！
由細到大，我父親係一位無責任感既男人，無承擔，細個時成日鬧自己家人係垃圾，個個都係食佢著佢住佢，中學時我仲好記得我要向同學買二手胸圍，大個左既我，就一直記住佢點鬧我係垃圾，我工作去到好盡，想象自己係廢物利用！
我無念過為唔為自己儲錢結婚，因為，已經沒有想過自己有明天～
http://www.pregnology.com/faralong.php?month=8&day=08&year=2014
發表於 
返回列表
