婦女醫護 今日: 1 | 主題: 34293

積分: 819

82^#

發表於 14-6-17 09:40 |只看該作者

回覆：Little-B 的帖子

再上來update下情况，而家做完手術剛剛兩個月，過去一個月睇中醫針灸，傷口無咁痛，大便經過傷口時還小小痛，同埋有小小血，我睇醫生睇到好累了，真係唔知幾時可完全康復！你浸完冰水好點麼？我都要试下先……

私人傳訊

積分: 147

83^#

發表於 14-6-17 17:29 |只看該作者

回覆 VIC-E-E 的帖子

岩岩做完痔瘡手術出左院，我都係搵鄺醫生做

講下我既情況先，我小學個陣已經有痔瘡，個陣有一粒好細花生突左出黎，個陣唔知係痔瘡黎既。宜家20幾歲，突出黎既唔止一粒，4/5粒都有，但好偶然大便先會流血。上網搵資料先知係痔瘡，之前只係覺得好樣衰，同埋去完大便要清潔好耐。直到上兩個月，去大便成個廁所都係血，重要每次去完都好痛，照鏡見到粒野紅哂，行路都好痛。上網再搵資料，知道鄺醫生好有醫徳，所以決定搵佢。

一個月之前打去診所book, 我拎既係六點既位，結果十一點先到我，鄺醫生幫我檢查，一睇就話我個隻係天生既，宜家已經脹到好大。未檢查完已經即刻話要做手術，話越早越好，同埋要請定兩個星期假。佢話會幫我做傳統個隻手術，甘先會徹底。佢問我有無買保險，我話無，佢建議我做完今次手術就要買份。同埋痔瘡手術要買保險超過1年先有得claim, 所以宜家買都無用，我應承佢過左今次我就會買。鄺醫生好好，問我有無相熟既agent, 無既可以介紹個比我。
佢寫左封醫生信比我，叫我星期六朝早9點去報到。埋單500蚊，其中400蚊係診金，100蚊係藥膏費。

到左星期五，寶血護士打比我，叫我最好今晚入院，因為9點半做手術，9點先入院會好趕。我放左工就啦啦臨趕過去，去到已經係夜晚十二點，寶血啲護士好好，可能見我細個又得自己一個，好照顧我。佢地問我最後一次食野係幾時，我話中午一點，佢地堅持我一定要食左野先，驚我之後會肚餓，所以我個手術由9點半變到去11點。因為手術前6至8個鐘唔可以食野，一口水都唔飲得。
我住3人房，$680一晚，探病時由朝早8點到夜晚10點，同性親友陪過夜就140一晚。
係 reception報道個陣要比6千蚊訂，可以用cash/credit card比。填左啲資料之後，佢比左包日用品我，有牙刷牙膏，杯，沖涼用品同細毛巾。
因為我唔駛照腸鏡，食完野，護士就幫我支左支野係個patpat到，通大便，之後就唔食得野唔飲得水。
星期六一朝早就着好件袍同藍色褲仔同埋浴帽，瞓係張手術床個陣我開始驚，唔知會點。個麻醉師好溫柔同我解釋一輪之後就推左我入去手術室啦。
入到去要吊鹽水，量血壓，探熱先會打麻醉針，我做半身麻醉。我成個人捲到個波甘，麻醉師話要背脊個骨突出黎打針先夠準。個一刻最驚，護士不停安慰我。打左3針，開始覺得好麻，之後麻醉師打左令人瞓覺既針係鹽水到。個到啲護士叫鄺醫生做超人同女王，好好笑，叫我叫三笑甘我就瞓着左。十一點半入去，一點幾已經出返黎，佢地拍醒我，我重以為開始做，原來已經完左。條腳完全無感覺，要護士托反我上床，張床上面已經有條尿片係到。之後都係瞓瞓瞓，個鹽水繼續要吊到去夜晚11點。去到夜晚7點幾就開始覺得痛，又想去小便。護士比左個盤我，我痛到起唔到身，終於起到又屙唔到。護士幫我換尿片，我見到好多血，護士話係啲消毒藥水黎。來來回回我換左超過十條尿片。又想去小便，patpat又痛到死，不停喊，護士幫我除左一半紗布，叫左鄺醫生過黎，鄺醫生又幫我打左支瞓覺針，我又瞓着左，瞓醒我先去小便，可以自己去廁所，好痛又好多血。啲血好似period初期甘，少少地，唔係好多。之後護士比左粒紅色止痛藥我，同一粒白色藥瞓覺前食。
到星期日朝早，護士再比多粒紅色止痛藥我，再幫我打左支止痛針係patpat，成個人無甘痛。十點幾，鄺醫生過黎教我點搽藥膏，話我個痔瘡太大粒所以會痛啲。佢話無見過甘細個女有甘大粒痔瘡。拎埋啲藥我就出得院啦。埋單萬九蚊左右。
我搭地鐵返屋企，好後悔，記得搭的士好啲。因為一路行，一路啲血水不停流出黎。同埋最好着旅行裝啲內褲，我覺得萬x牌最好着，係棉底褲唔係紙底褲。
返到屋企又瞓左陣，5點幾痛醒左。啦啦臨又食止痛藥。啲藥好眼瞓，食完又瞓過。由星期五到出院我都無食過野，口乾就飲果汁，上網睇紅莓汁有助消炎，完全唔肚餓，可能因為日日瞓無郁過。每次去完廁所就用凍水洗傷口，再搽藥膏，用化妝棉敷住。宜家重係有啲痛同不停流血水。我宜家好驚去大便，盡量都唔食野住。

返到屋企我都係飲果汁同老火湯，食左幾條香蕉。星期一可以有大便，第一次大便，痛到完全屙唔到，不停喊，要好用力先去到，好辛苦。去完大便個傷口又痛返，我每次痛都痛到暈左。醒返又無咩事，重係有小小痛，但點都好過去完大便個刻。

星期二，我夜晚瞓瞓下覺痛醒左，係搞肚痛，可能係食左紅色個隻瀉藥。又係好痛好痛先去到少少，每次去定我都覺得個傷口裂開左甘，不停流血水。唔知點解連陰道都有少少血流，係好淺既啡色。明明我period重有成個星期先到，同埋我好stable。

我今日係mimingmxxt買左綠丸同益生菌食，之前食過，大便會軟啲，容易啲去。重係無胃口食野，但為左大便無甘痛，我都食左一大碗菜，一隻香蕉同繼續飲紅莓汁。第二次去大便都係好痛，但比之前好左啲，今次我無再喊啦。

醫生叫我星期五兩點去覆診，希望到時可以好返啦。我過多一個星期重要考試，都唔知點算好。

私人傳訊

rebeccayau

大宅

積分: 2211

84^#

發表於 14-6-17 19:51 |只看該作者

回覆：分享~割痔瘡，肛裂同照腸鏡

今午都睇咗報告，醫生話腸發炎d組織分析唔似係克隆氏症或潰瘍性結腸炎，似係急性細菌感染；息肉係增生性息肉同炎性息肉。

我話個肚都係吉吉吓咁輕微痛，食野又會右上腹痛，醫生話腸炎應該肚臍四週痛，唔會局限在右上腹，佢建議我搵腸胃肝藏專科，睇吓會唔會膽石或其他問題。

明天又要book腸胃肝臟科睇吓做乜，順便畀份報告多一個醫生睇吓攞多個意見，睇醫生睇到窮...

私人傳訊

積分: 147

85^#

發表於 14-6-18 19:28 |只看該作者

回覆 silveria 的帖子

上網睇見啲人話有纖維粉飲，又要浸藥水，我見醫生無開比我，去大便又痛得好緊要又去得唔多，我走左去萬x買美達x既橙味纖維粉，又配多支痔瘡膏。但啲止痛藥就無得配，要醫生開先配得。我星期五先覆診，但啲藥聽日就食完，好擔心！我一唔食啲止痛藥就痛得好緊要，宜家買定啲必理痛頂住先。
我宜家好擔心，上網睇好似好多人都好快無事，大便又去到。唔知點解我甘耐都未好返，去大便又少又辛苦。希望快啲到星期五！

私人傳訊

積分: 147

86^#

發表於 14-6-19 18:36 |只看該作者

回覆 silveria 的帖子

飲左啲纖維粉，終於去便便無甘辛苦啦，不過都係成個廁所都係血。個傷口唔知係咪裂左，痛左好多。

私人傳訊

Cmjelly

積分: 819

87^#

發表於 14-6-19 20:32 |只看該作者

回覆：silveria 的帖子

我成兩個月都有便血呀，不過就唔係話好多，放屁都有少少血添……唉！你唔好用咁大力呀，傷口爆左仲煩！

私人傳訊

積分: 147

88^#

發表於 14-6-19 21:23 |只看該作者

本帖最後由 silveria 於 14-6-19 21:24 編輯

Cmjelly 發表於 14-6-19 20:32
我成兩個月都有便血呀，不過就唔係話好多，放屁都有少少血添……唉！你唔好用咁大力呀，傷口爆左仲煩！

...

我上網睇話處理唔好會生肉芽，要再做多次手術。其實幾耐粒野會縮返入去？我宜家有一粒大既，兩粒細既係出面。我真係好擔心！

私人傳訊

Cmjelly

積分: 819

89^#

發表於 14-6-19 21:58 |只看該作者

回覆：silveria 的帖子

我做完手術之後一個多月都有d肉芽，但慢慢縮細和縮左入去，而家兩個月傷口睇落幾好，少少痛……同埋還出血而已！
我唔係鄺醫生做手術，但都想睇下佢問下點解還出血，你覺得佢好嗎？細心嗎？

私人傳訊

積分: 147

90^#

發表於 14-6-19 23:23 |只看該作者

回覆 Cmjelly 的帖子

鄺醫生好好，好細心，不過就成日都唔記得野甘，要提佢。佢好多野做，逢一三五先係診所，佢比我聽日第一個睇，不過我諗都要等下架啦。
我聽護士講佢下個月放假，要睇就快啦，好難book丫佢。我上次都book左成個月

私人傳訊

Little-B

積分: 512

91^#

發表於 14-6-20 19:06 |只看該作者

回覆 silveria 的帖子

加油呀 Silveria.

我都係經鄺醫生做, 仲有三日就手術後一個月喇, 情況良好, 不過, 要三四日先有一次大便, 呢個令我有點擔心, 唯有再努力食多些菜菜同生菓啦~

私人傳訊

積分: 147

92^#

發表於 14-6-21 02:01 |只看該作者

回覆 Little-B 的帖子

多謝你丫 Little B!!
今日去左覆診，兩點等到五點半，鄺醫生終於返到診所啦，我好緊張同護士講我7點要上堂，可唔可以睇先。估唔到鄺醫生記得我，好開心！

鄺醫生又入左個消炎藥係patpat到，再比多支新既藥膏，開左新既止痛藥同胃藥比我，埋單$300。我問左護士，突出黎個粒野要大概8個星期左右先會縮返入去。

今日去便便又再無甘痛啦，我食纖維粉，綠丸同益生菌，再加醫生開個粒紅色瀉藥，你都試下啦。我初初齋食醫院開個隻都無便便，宜家日日都有。

私人傳訊

Little-B

積分: 512

93^#

發表於 14-6-21 14:13 |只看該作者

回覆：silveria 的帖子

可以告訴我買那隻纖維粉，綠丸，益生菌呀？是三種東西？

私人傳訊