自由講場今日: 1509|主題: 1351060

收藏本版

發帖

返回列表

跳至頁

樓主: herman0114

有冇人堅持唔學殘體字?

[複製鏈接]

3 456 7...8

happymeowy

大宅

積分: 3647

81^#

發表於 14-8-28 11:15 |只看該作者

回覆：有冇人堅持唔學殘體字

大學year1 core迫住學咗

私人傳訊

jonwu

男爵府

積分: 6714

82^#

發表於 14-8-28 11:22 |只看該作者

本帖最後由 jonwu 於 14-8-28 14:34 編輯

tingtingalex 發表於 14-8-28 09:22
殘體字係中國某人搵左日本人抄中國字體
轉變成殘體字

中國最做王帝同李白佢地都係用繁體字
所以先有殘體字

同埋如果中國人咁愛殘體字，點解國家領導人姓名，點解唔用殘體字!

麻煩查一查歷史先發言，唔好作得就作。

好多憎恨共產黨 o既人一口咬定簡體字係共產黨搞出黎，同埋 d 字係共產黨求其老作，你 o既版本仲厲害，話係『中國某人搵左日本人抄中國字體』，想像力之高，佩服佩服。

其實，所謂繁／簡，中國文字在歷史中不斷演變，好多中文字都有幾個變種，好多今日 o既簡體字 o係古代已經存在。近代漢字簡化運動，源於太平天國，為 o左提升識字率，在太平天國玉璽及官方文件都書簡體。

五四運動 o既白話文運動大家都知道（香港人就難講 d），事實上，文字簡化運動同白話文運動都係新文化運動 o既一部份。在此期間，許多中國知識份子提出提升國人知識水平的方法，要提升知識水準就先提升識字率，增加識字率就要將複雜的中國字簡化。簡化文字獲得到許多知識份子贊成，主張使用白話文的知識份子絕大部份贊成文字簡化。著名的國學家胡適也不反對。

1935年，中華民國政府公告第一批簡化字，簡化的原則為：1、述而不作。2、擇社會上比較通行之簡體字最先採用。3、已簡化的字就不再求簡。（即係話 d 字體係由民間已存在o既不同變種中挑選，而唔係好多香港人認知中 o既共產黨求其老作，而且亦唔係共產黨由零搞出黎，極其量話共產黨推廣實行。）

五四運動領袖之一羅家倫去到台灣之後曾大力鼓吹文字簡化運動，被國民黨因意識形態原因大力抨擊為「為匪宣傳」。胡適在美國看到大陸實行簡體字，直說簡得很好。

你問如果中國人咁愛殘體字，點解國家領導人姓名，點解唔用殘體字？其實2001年中共通過「國家通用語言文字法」，以法律形式確定規範漢字作為國家的通用的文字地位，同時對繁體字和異體字作為文化遺產加以保護，並允許在一定領域和特定地區內長期存在。

在一定領域內繁體字係准許存在 o既，例如簽名、招牌、商標、書法同有關歷史研究等範疇。大陸人一般共識係繁體字美麗、簡體字有效率。佢地並唔會好似港台人厭惡簡體字般厭惡繁體字，但當然叫佢地睇大量平日少接觸 o既文字自然會覺得疲倦。佢地寫書法好多時都會寫繁體，但日常書寫就寫簡體。

我都係土生土長香港人，自然對繁體有感情，但我唔會抗拒簡體字，亦唔會詆毀人地做甚麼殘體字。現實就係中國情況下，簡體字的確對掃除文盲起 o左重要作用。香港人拒共情緒太強喇，好多時根本冇睇清楚事情本質，只要係共產黨就反，咁樣蝕底 o既只係自己。

仲有成日笑人地冇文化 o既香港人，麻煩執好自己 d 錯別字先笑人啦，香港人寫錯字真係錯到離行離列，甚麼『長相屍首』、『天花亂墮』、『病入膏盲』（我聽過收音機講『病入盲膏』