吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想問下, 有無人老公係好好, 可以好成點

夫婦情感今日: 0|主題: 42781

收藏本版

發帖

返回列表

跳至頁

樓主: simb

想問下, 有無人老公係好好, 可以好成點 [複製鏈接]

1 2 3 45

Casablanca-220

伯爵府

積分: 15321

熱血金章大廚勳章

81^#

發表於 08-4-16 17:25 |只看該作者

最後, 點解男人都係咁, 一坐上車揸車就好燥底, 好男人都變燥男人!

exactly

原文章由 maggiejane 於 08-4-16 17:09 發表
我老公都好, 唔煙唔酒唔賭唔滾唔粗口. 尊重老人家愛錫小朋友鍾意小動物. 佢雖然唔係好高大靚仔, 無高學歷, 但勤奮上進白手興家. 佢自己唔大駛, 鍾意做運動, 同三五知己出海揸船. d錢俾哂我管, 佢自己有幾多錢身家都 ...

私人傳訊

IaMMoYY

子爵府

積分: 12196

82^#

發表於 08-4-16 21:08 |只看該作者

原文章由 Casablanca-220 於 08-4-16 17:25 發表
最後, 點解男人都係咁, 一坐上車揸車就好燥底, 好男人都變燥男人!

exactly

Actually not jus men. I have a female friend who is very sweet and polite. But once she gets onto the driver seat, she will open her foul mouth.

私人傳訊

alphabetagamma

珊瑚宮

積分: 108855

環保接龍勳章

83^#

發表於 08-4-17 00:49 |只看該作者

原文章由 wife 於 08-4-16 17:20 發表
你哋所講嘅好嘢我老公都有,有時好到令我反感,好似尋日佢燉燕窩比我食(一向奶奶做開),佢吾識又吾問,放成斤燕窩落去燉,燉成兩三個鐘,最後變咗"燕窩水",唉........!嘥晒d嘢,我都無氣話佢!
有時對人好都要知道人哋鍾意d ...

haha你老公好搞鬼喎. 我老公都差不多. 我老公無缺點, 我就多羅羅, 可以數佢有那些不足之處, 可以話係佢唔識氹女仔, 我係佢初戀. 他太寡言. 有唔開心想一力承擔. 所以好多時, 誤會就多左. 總之樣樣都為我想, 但又唔問我想點. 我話鍾意食牛丸, 次次去果間店我問佢食咩, 佢都一定答係牛丸. 我果期想食泰國菜, 佢就次次都話不如食泰國菜, 我鍾意食蝦, 佢就次次都叫蝦. 人都有時心情不同想食不同的東西, 他就次次叫的餸菜, 佢就叫晒我平時想食的. 我反而唔知佢鍾意食咩... 由拍拖到現在, 佢都一直無提過自己想食咩... 佢話佢咩都食喎, 所以好就我. 就我就得太利害. 有點愚"愛". 我串過佢, 如果我要行西佢唔會叫我行東, 我話行東佢唔會叫我行西, 我話那麼西邊有個洞睇住我掉落去, 你都唔會叫停我嗎? (因為我任性, 有時有危機自己會睇唔到, 那他睇到都唔會叫我嗎? 因為我叫唔停, 佢又唔會態度強硬, 所以我試過太多做錯的決定).

現在他改了點. 我認為他是最適合我的老公, 唔敢講佢最好, 因為媽咪話太好的人個天會嫉妒佢.

[ 本文章最後由 alphabetagamma 於 08-4-17 00:51 編輯 ]

私人傳訊

simb

別墅

積分: 733

84^#

發表於 08-4-17 01:27 |只看該作者

嘩真係超級好老公!!! 明明荃灣仲近新界過返番去尖沙咀.
佩服佩服

原文章由 Kakalok 於 08-4-2 11:19 發表
我老公由拍拖到今日都每日接我放工
風雨不改....
佢唔順路架....係特登黎接我
由佢公司(荃灣)到我公司(尖沙咀)...再一齊返新界屋企

私人傳訊

simb

別墅

積分: 733

85^#

發表於 08-4-17 01:38 |只看該作者

alphabetagamma
你老公咁就你, 仲要幫你叫埋你鐘意食既野, 唔駛自己開聲.
一流!!!!

to IaMMoYY:
我都揸車, 不過就唔燥底, 但有次係新界, 個的士司機唔讓我出, 仲俾隻手指我兼大聲係佢自已車箱度鬧, 有時做人又真係唔駛咁燥, 好小好小事之麻, 尤其揸緊車, 要顧其他人寶貴生命嘛!!

私人傳訊

p_o_m_a_n

子爵府

積分: 10335

好媽媽勳章醒目開學勳章

86^#

發表於 08-4-17 02:32 |只看該作者

我1路都覺得我果個好好架(特別係平時上梨夫婦情感時)~但睇曬呢個topic之後就覺得佢其實都有好多野可以改善喎..哈哈!!

佢大我10年~雖然係肥左d..我覺得佢好叻,識好多野..亦都教左我好多野..平時d功課都係要佢做..我d朋友都唔知幾羨慕

愛我,緊張我,愛我BB,1同佢拍拖已經開始有俾錢我洗,1知我冇$就自動波過$入我戶口(又有朋友問過我點解成日冇$但禁極都仲有)
見到我鐘意既野又會買比我..eg.夠18歲就鐘意鑽石啦,係3個月內比我買左6隻鑽石耳環..1年內買左2隻戒指..

細心,專1,正直(擔屎唔偷食,有時真係覺得佢蠢過隻豬呀)有愛心(係街有人賣野籌款都1定會走埋去買..曲奇又好獎券乜都係)鐘意小動物,有同情心,同我性格相似(鐘意行街~睇我d野~睇戲食野唱k), 唔煙唔酒唔嫖唔賭,識煮野,每晚抽時間同我傾計,脾氣都幾好,咩都以我同bb行先,唔係點同朋友去街~如果約好曬朋友,我臨時想佢陪我都得,鐘意湊女,去我想去既地方,食我想食既野..樂於助人,連我朋友急用錢佢都會幫,我感動到喊..
佢都係會送我返屋企架~就算佢係太古返工都會梨上環送我返將軍o再自己返沙田..
就算之前同佢嗌交話分手都講定每月將1半人工比我生活

對住佢我真係唔識怕羞,幾核突既野都做/講得出,最重要既係性生活非常協調

[ 本文章最後由 p_o_m_a_n 於 08-4-17 02:34 編輯 ]

私人傳訊

E@V

大宅

積分: 1312

87^#

發表於 08-4-17 09:03 |只看該作者

我老公呀..
佢係我心目中算好老公喇..但係可以做好d o架!
因為佢有時會發少爺脾氣喇
唔夠細心喇

其他都ok o既, 算係好聽我話, 幾尊重我, 都好啺我!

私人傳訊

alphabetagamma

珊瑚宮

積分: 108855

環保接龍勳章

88^#

發表於 08-4-17 15:42 |只看該作者

我都見到好多好老公未結婚前都有接送.

唔知係咪慣左, 我見到我表弟/2妹夫/3妹的男友唔送女方返家, 覺得沒有誠意...

我老公一向都有接有送, 夜一夜都送, 晚上無晒車都送(我有講過唔洗送都唔得), 由識佢開始就接送. 我好任性, 我試過約佢星期日早上出街, 佢九點來樓下接我, 佢知我懶瞓打電話叫我, 我話就得(其實我仲瞓緊), 佢係樓下等足3個鐘都無鬧過我一句, 仲要唔係一次. 係好多次. 所以有一次, 大廈有垃圾車倒垃圾, 我話點解會有垃圾車, 佢竟然話每朝幾點會有幾多垃圾車, 每朝有幾多個清潔女工掃地. 屋苑的細節佢都知道晒..... 我住左十幾年都唔知, 佢知道晒. 那一刻我"丁"一聲, 我好內疚要佢好似傻佬咁等我, 我就改下d壞習慣. 我要佢幸福(雖然佢話佢一同我拍拖之來都咁幸福)

我老公成日想同我結婚, 我成日都話未係時候, 因為想陪多d父母. 唔恨嫁, 到有一晚我媽咪開口話不如快d結婚啦... 我媽咪話老公個樣好殘, 明明返工見完客, 晚上10點都趕過來陪我一個鐘, 之後由要坐1.5個鐘返家, 第二朝又要返工, 咁搞法想佢捱殘咩. 我老公當時好開心, 因為好似皇上賜婚咁. :;pppp:

私人傳訊

wing_so

侯爵府

積分: 20423

89^#

發表於 08-4-17 16:17 |只看該作者

我老公都對我好好,佢唔煙唔酒唔賭唔滾唔粗口,咩事都以我同個仔為先,屋企所有野都係佢負責,我乜都唔駛理,所以有時朋友問我乜費乜費交幾$我係唔知架,因為我老公乜都攪掂晒,唔駛我理,平時我只係負責煮飯,但係我懶,一星期可能淨煮一日,有時一日都冇,老公從冇炸型,之前我老公重負責埋屋企清潔架,不過我冇做野,成日係home,所以我掙返黎做囉,點解話掙..因為佢唔想架,我依家都成日叫我俾返佢做,同埋我鍾意乜佢都會買俾我,有時唔駛我開聲佢都識做靜靜買黎送俾我,依家阿仔每朝都係佢送返學,我淨係湊放學,其餘時間我自己like做咩就做咩,有時同朋友去街湊唔到放學,佢又冇所謂,佢會一收工幫我湊仔,同佢沖涼食野等等.....佢知我大駛,成日俾$我買野,唔夠叫我碌卡,有時m到,屋企又冇巾,佢都會幫我買埋俾我....所以我依個老公係好好架

私人傳訊

pig_2006

大宅

積分: 1051

90^#

發表於 08-4-17 16:54 |只看該作者

原來呢個世界重有咁多好男人架, 我以為已經死晒tim.......希望下世投胎再做女人嘅話, 唔好比我再遇到我呢個老公就得啦.......粗心大意, 大男人, 購物狂(earn 1千可洗3千), 冇責任感, 怕事, 怕幫老婆出頭, 對外人好過自己人, 懶(唔做家務, 叫佢做就黑口黑面), 冇承擔, 冇品.........