想生BB 今日: 2 | 主題: 109534

積分: 562

85^#

發表於 04-6-4 23:23 |只看該作者

Re: 公佈天下...result

JOD,
我都係最近呢一兩個月決定想生bb，所以想自然d先，再加上我住粉嶺，每朝早要6:30起身，所以未必記得量體温，希望今個月正式開始做人儘快成功啦（因上個月咳了一個月，食得太多西藥），但我唔會期望過高，免得失望仲大

)

私人傳訊

積分: 562

86^#

發表於 04-6-4 23:29 |只看該作者

Re: 公佈天下...result

Hi wanman,

祝您成功，然後將好消息公告天下啦！好心急呀！！！

私人傳訊

JOD

大宅

積分: 3319

87^#

發表於 04-6-4 23:47 |只看該作者

Re: 公佈天下...result

hi xiaobon,

慢慢嚟啦! 同你一樣都係呢3個月叫做落力d...咪量住先囉! sirlam 都教過可以晚上量,就係沖完涼坐上床relex吓4個鐘到(即係靜止)之后就量,或者你試吓.我都住粉嶺,不過可以8點幾先起身.

Namaste

私人傳訊

wanman

大宅

積分: 2743

88^#

發表於 04-6-5 09:42 |只看該作者

Re: 公佈天下...result

hi:

我昨天終於都忍唔住個心蘿蘿孿就去test喇,結果係..............no.......... :-( 過了不到一小時d親戚就來喇.........早知就慳返枝棒棒喇,都要幾十元一枝架 :-( :-(

有有新希望喇...... :-P

私人傳訊

jeje

積分: 13026

醒目開學勳章畀面勳章環保接龍勳章 15週年勳章親子王國15週年勳章

89^#

發表於 04-6-5 12:48 |只看該作者

Re: 公佈天下...result

lucychan 寫道:
hi jeje,

睇到妳果句"同病相憐" 真係感觸 :-P :-P 我同妳一樣日日都唔想返工, 不過為生活又想"羅埋"前4後6先捱住咋!!不過唔緊要啦我有我陪妳嗎

妳飲開咖啡, 頭頭唔飲果時咪好申苦, 咖啡可以提神但熱檸水唔得家ma, 好在妳早戒左反正妳依家想要 BB 都唔可以飲

哈哈 lucy, 妳同我心態一樣, 我都係為生活<~(其實為自己多D, 我成日買衫呢)又想"攞埋"前4後6先捱住咋, 我都有諗過生完就唔做. 我o係呢間公司做左九年, 如出年生完後走, 仲可以攞埋公司供o個份p. fund, 諗下都開心, 可以唔駛做到人唔似人.
初頭戒凍咖啡時係真係好辛苦架, 慢慢戒囉, 妳知啦, 熱檸水走糖, 超級無味, 同飲水無分別, 仲要係熱嘅, 大熱天時仲要飲熱野幾慘. 唯有成日警惕自己要靚要fit無辦法, 卒之成功架, 由102lbs減到92lbs, 幾開心呀. 但係今年1/1開始我為左BB健康著想, 連煙都戒埋, 即刻肥番, 而家已經變番102lbs. 所以有目標嘅話想戒咩都無問題架, 只係自己嘅心癮, 希望妳都可以快D戒倒凍飲啦, 我而家已經慣左, 幾熱我都係飲熱野, 仲有唔好飲咁多豆漿呀, 個中醫話涼架, 我以前都好鍾意"叮"熱d盒裝豆漿朝頭早食完早餐後飲, 而家唔敢lu, 改為"叮"奶. 妳幾時會check呀, 等妳好消息呀. :-P

私人傳訊

jeje

積分: 13026

醒目開學勳章畀面勳章環保接龍勳章 15週年勳章親子王國15週年勳章

90^#

發表於 04-6-5 13:01 |只看該作者

Re: 公佈天下...result

wanman 唔好唔開心啦, 我都試過好似妳咁, 上午驗完下午就m come, 直頭想喊tim. 我地呢度咁多姊妹一齊努力, 一定感動到天可以比我地一齊bingo架. 到時咪一齊轉去產前產後傾過囉. 妳努力左幾耐呀? 我就年幾都唔得, 所以而家去睇中醫調理下身體先. 妳都可以試下睇中醫睇下幫唔幫倒妳. :-P

私人傳訊

積分: 562

91^#

發表於 04-6-5 23:47 |只看該作者

Re: 公佈天下...result

JOD,
原來你都係住粉嶺，你住邊度呀？我住喺牽晴間，我每朝早都係搭村巴由牽晴間對面嗰個巴士站出中環，呢架村巴每朝只有一班車(7:25)，所以我要7:15出門口囉！但我每晚都好鍾意上綱，差唔多12:00才sleep，所以冇可能在床上relax咁耐先量體温，所以才決定貴d都每朝用clear plan，希望check egg day準d，可以快d成功啦，如果過幾個月都唔得先去睇我睇開嗰個婦科醫生，佢都係叫我試吓唔避孕幾個月才去找佢！

私人傳訊

積分: 562

92^#

發表於 04-6-5 23:56 |只看該作者

Re: 公佈天下...result

wanman,
你唔好唔開心啦！下個月再努力囉！我有個朋友前日打比我都話佢唔開心呀，所以我知道佢都係失敗咗，佢呢兩年內試過哂所以方法都唔得，醫生又話佢兩公婆都冇問題，可能大多數準mami都懷著太緊張嘅心情同埋比自己太大壓力所致，所以我都要時時提自己唔好太上心，希望冇壓力地成功啦！祝各位準mami早日成功！

私人傳訊

jeje

積分: 13026

醒目開學勳章畀面勳章環保接龍勳章 15週年勳章親子王國15週年勳章

93^#

發表於 04-6-6 00:24 |只看該作者

Re: 公佈天下...result

JOD 寫道:
jeje,
若你下次看中e時可否代問:如我提供藥方他能否替我做藥丸,價錢多少和須時多夠, 因我上水的中e叫我煲茶直接d好,但藥丸for我老公的,因他always不在hk.又如何調理身體有好的蟲蟲呢!!
Thanks you so much

JOD, 我今日幫妳問左, 但個醫師實在太長篇大論, 我將我記得嘅野講比妳聽. 個醫師話要睇左張藥方先知道做唔做倒, 因有些藥材是膠質, 而有些藥材是水質的, 未必溝得埋做藥丸. 佢話有D唔老實嘅就可能求其應承妳幫妳做, 但可能當中會飛起某些溝唔埋嘅藥材夾硬做比妳, 食左都無用, 跟住就自己讚自己話佢係一個醫師, 係醫人唔係害人, 所以一定要睇左藥方先可以決定做唔做倒, 又話如果佢真係幫妳做的話, 唔同一般藥行咁將藥方入面嘅藥材磨成粉再溝埋做粒藥(我都以為係咁), 佢話佢地藥行會先將藥煲好, 然後曬乾/蒸乾(我唔係好sure邊樣)研成粉末先攞去做藥丸, 總之點講都好, 都係要睇藥方先知做唔做, 妳可以send比我, 等我攞比佢睇or妳自己落去搵佢都得, 但如果妳想我幫妳比佢睇, 要等下個月, 因我好好彩, 試左一次藥就得, 今次煲完last兩劑藥就開始食丸丸, 食到有左都仲可以食. 所以好開心呢, 今個月又有番D希望lu, 所以下次覆診時間係5/7, 妳考慮下話我知啦.

私人傳訊

jeje