其實樣樣都係講平衡，小朋友要有時間玩有時間瞓至可以學習得好，
我女有個跳舞班同學媽咪同我呻，話個女溜冰比賽只係得到第二定第三，
溜冰老師就話點解會咁架，明明可以拎第一，但落場跳唔起，
好似好攰咁。。。媽咪就話係呀，但冇計，因為星期六一早去游水，
之後上中文班，再去跳舞，最後去溜冰，跳咗一個鐘舞，所以去到比賽就太攰。
之後個媽咪話最衰自己個女死都要去跳舞，如果唔係skip咗會好好多。。。
其實佢地個個星期都趕喉趕命，次次都遲到最少半個鐘，個半鐘頭跳舞班，
次次去到差不多一半至出現，至攞命試過表演去到臨出場前唔夠半個鐘至到，
於是幾個家長幫手梳頭化粧換衫，問番佢媽點解咁遲，
明明要早到一個半鐘準備同彩排，佢話因為要唔知上咩班唔想請假。
有次個媽咪又話之前原來申請到個女入呢度好出名嘅舞蹈團獎學金，
個女好有機會可以跳到比賽水準，但個女唔肯去，於是揀咗跳中國舞。
有次咁啱去生日會撞到佢兩母女，果個係溜冰生日會，小朋友可以溜冰，
佢媽咪喺出面猛咁叫個女做嘢，最初我都唔明，原來佢係叫個女練習，
好心放過佢啦，去朋友仔生日會都仲要練習，都唔明係真係練習定想個女表演。
花旗太太生活在花旗國，留意時差，你問我未必即時答到。
發表於 
返回列表
