吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 教教我如何

婆媳關係今日: 0|主題: 27773

收藏本版

發帖

返回列表

跳至頁

樓主: 憐星公主

教教我如何 [複製鏈接]

2 3 456

yaukwan

男爵府

積分: 6985

81^#

發表於 08-7-18 01:36 |只看該作者

樓主你話你媽成日都覺得女家咩都搶住做....覺得女家樣樣野都要第一先(有咩問題呢?人地個女生bb人地亞媽搶住做有咩問題呀...叫你亞媽想下啦)
分開擺..我媽一定打電話check住我...我一唔在家..佢就一定會估我同女家食飯啦 ... (關你亞媽咩事呀??打电話CHECK你...就算你同女家食飯又點先...係我就直接同佢講我係同女家食飯呀佢發火的話你就直接同佢講如果係你果女男家d人唔比你女(細)同你食飯你會點將心比心啦用下個腦想下啦)
仲有我覺得你好裙腳仔....從來個心都只有亞媽....你自己想下如果你老婆係你個女你會点

私人傳訊

小寶貝兒

珍珠宮

積分: 30295

82^#

發表於 08-7-18 02:25 |只看該作者

原文章由 憐星公主 於 08-7-18 00:46 發表
我在我媽時常講我老婆一些好話..反之都是...但比她們印象總是幫對方....那..我幫誰呀 /. \?

唔通在我老婆面前時常罵我媽不是...在我媽又時常罵我太太唔識做咩...但偏偏她們只會只到我只幫對方

例: 我媽去到我家...我太太唔出黎叫佢...我同我媽說她唔舒服..佢又話我幫佢

我媽遲了說一些事如坐月唔好沖涼...我同我太太講可能佢唔記得姐...我太太又話我幫我媽....

唔通話..係呀.佢特登唔講架..那不是仲衰嗎

樓主, 我同我99既關係, 我諗同你阿媽及你老婆之間差唔多, 我就被99鬧到有情緒, 一發作時會好似心臟病咁, 又抖唔到氣, 好可怕, 你想唔想你老婆都受呢D對待?

我老公以前都唔當一回事, 但後尾知道唔掂, 就唔再逼我成日單獨去面對我99, 幾乎每次見面佢都一定在場, 而且會幫我擋晒佢阿媽D過份既行為, 我99先再冇機會鬧到我病發!

(我99本身有精神病, 鬧人鬧得好癲, 作野老屈我, 無論我講咩佢都唔聽, 我又走唔到, 怕佢話我唔尊重佢, 我真係怕左佢!! 試過怕佢怕到想自殺, 撞頭埋牆, 差D跳橋, 吊頸, 乜都試過, 仲會突然間無啦啦上一秒仲同老公有講有笑, 下一秒就喊晒口話唔想見到99!!)

我講咁多, 係比你睇到, 被壓逼既後果!!

而家我好好多, 因為我有娘家既支持, 我媽咪每星期聽我訴苦, 加上我天生樂觀, 所以先死唔去, 唔係早幾年就已經死左啦!!
你都唔想你老婆變到我以前咁架!!

至於你話對阿媽講老婆壞話, 對老婆講阿媽壞話!
我真係叫我老公咁樣做架!!
反正我99由頭到腳都睇我唔順眼, 鐘意就屈我鬧我, 咁我寧願我自己屈自己, 至少死得清楚明白!!
所以我成日同老公講, 下次99又鬧我(係老公面前), 唔洗幫我講好說話, 講到我有咁衰得咁衰, 反正都差無可差架啦! 話唔定佢會因為我老公講我壞話而掉轉諗, 我係咪真係有咁差呢? 掉返轉可能覺得我其實都唔錯架啦!! 就自然冇咁多挑剔啦~

我反而覺得你同你老婆要達成一個協議, 就係你外母唔會黎你家, 咁你阿媽都唔可以黎你家! 比返個私人空間你同你太太! (反正, 你外母黎, 你唔LIKE, 其實你99黎, 你老婆都唔LIKE架啦! 咁就兩免啦!)

其實咁樣, 應該已經可以少左好多磨擦!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

娜娜媽.

大宅

積分: 1151

83^#

發表於 08-7-18 02:39 |只看該作者

我勸大家唔好再浪費心機打咁多字了, 因為版主係一隻牛

私人傳訊

grand2005

男爵府

積分: 7561

84^#

發表於 08-7-18 07:12 |只看該作者

原文章由 憐星公主 於 08-7-18 00:46 發表

唔通在我老婆面前時常罵我媽不是...在我媽又時常罵我太太唔識做咩...

正是！如果我老公一早識咁，我條氣就順曬啦！最多加多句“佢又真係唔好，不過你大人不記佢過啦！”咁講佢地條氣咪順lor

私人傳訊

alik

公爵府

積分: 25507

85^#

發表於 08-7-18 08:07 |只看該作者

樓主, 你就係唔識講, 又要學人做和事老, 結果咪越描越黑囉. 我估你要做既就係, 學下講少d 嘢, 唔好作一個原因出黎幫任一方面解釋

私人傳訊

cherry1498

大宅

積分: 3008

86^#

發表於 08-7-18 08:49 |只看該作者

原文章由 憐星公主 於 08-7-18 00:46 發表

我在我媽時常講我老婆一些好話..反之都是...但比她們印象總是幫對方....那..我幫誰呀 /. \?

唔通在我老婆面前時常罵我媽不是...在我媽又時常罵我太太唔識做咩...但偏偏她們只會只到我只幫對方

例: 我媽去到我家. ...

你都低b既！你明知佢2個唔岩既，仲要佢地面前講對方既好話！咁即係你想佢2個更加覺得你係偏幫對方姐！掉番轉丫…你換一個角色你vs你太太vs你外母丫拿！你太太係咁同你講你外母邊樣好係咁同佢講好話丫拿！睇下你覺唔覺得你太太偏幫自己阿媽！
冇人叫你一開口就同個阿媽講…老婆點點點好架嘛！有必要下下交代嗎？
唔係你迫你阿媽見多d你老婆，或者迫你老婆見多d你阿媽佢地就唔會咁架！你越迫只會令佢地更討厭對方架咋！
我就咁同我老公講！佢好偶爾先會問我番唔番去佢阿媽到食飯…當然一個星期有一次咁問lor！但我會推…推一次二次第三次就過意唔去啦！咁咪唯有死死地氣跟個c6番去lor！起碼我覺得我唔係俾人迫…而係我覺得有需要咁做！
人同人溝通好注重個技巧架！你明知自己既方法用左4年都唔work咁仲唔轉？

私人傳訊

GTT

複式洋房

積分: 194

87^#

發表於 08-7-18 10:16 |只看該作者

原文章由 小寶貝兒 於 08-7-18 02:25 發表

樓主, 我同我99既關係, 我諗同你阿媽及你老婆之間差唔多, 我就被99鬧到有情緒, 一發作時會好似心臟病咁, 又抖唔到氣, 好可怕, 你想唔想你老婆都受呢D對待?

我老公以前都唔當一回事, 但後尾知道唔掂, 就唔再逼我成 ...

你所講嘅嘢我全部感受到,因為我奶奶又係有精神病,會張一件完全冇發生過嘅事佢會虛構成真嚟同d仔女屈我,最慘因為佢地個個都返哂工根本都唔知件事真定假,只不過呢個係佢地亞媽,佢地就二話不說幫咗佢先,我真係好委屈,好彩後尾我老公自己開始留意到佢原來好多嘢都係吹水,先企返我嗰邊咋,嗰段時間我直頭覺得自己有仰"屈"症,好小事就哭或者想輕生,我嗰時仲要瞞住我亞媽(因我亞媽未識佢),扮到自己好開心,不過好彩一結婚我老公就同我搬出去住,同埋我老公聽我講嘢都唔會聽奶奶講嘢law.......哈哈

私人傳訊

kakachopper

伯爵府

積分: 16219

親子王國15週年勳章

88^#

發表於 08-7-18 11:02 |只看該作者

原文章由 憐星公主 於 08-7-18 00:37 發表
現在我太太總之有件事是我媽講出黎就反感

例: bb出世是否要買轉轉公仔 (在床個ｄ呢）
如果是我媽話唔好禁早用．．佢一定嘈
如果是朋友話唔好禁早用．．佢就沒事．．．．

愚孝仔, 再講落去你都係想埋怨你老婆而家對人唔對事o者
咁你呀媽又何嘗唔係對人唔對事? (女家做咩佢都唔睇唔過眼, 仲有連你做d o野佢唔高興都剷埋你)

而家已經勢成水火仲有蔓延跡象, 唔通你仲想望佢地有朝一日突然好返相親相愛咩?

你+你老婆+bb係一個家庭, 你呀媽係另一個家庭, 你外母亦都係另一個家庭
你再o係度話呀媽唔o岩又要叫老婆忍都唔係辦法, 集中能量發一次火, 唔好同你呀媽見面, 唔好俾bb佢見, 唔聽佢電話, 等佢發癲...發到一段日子佢就知驚o架喇, 差在你肯唔肯踏出第一步o者

再唔係你地同男女家都唔好見面或者有任何聯絡, "自己家庭"安安靜靜相處一段日子先, 修補返感情同時等佢兩家人都知驚, 慢慢就會減少爭吵

私人傳訊

GTT

複式洋房

積分: 194

89^#

發表於 08-7-18 11:12 |只看該作者

原文章由 kakachopper 於 08-7-18 11:02 發表

愚孝仔, 再講落去你都係想埋怨你老婆而家對人唔對事o者
咁你呀媽又何嘗唔係對人唔對事? (女家做咩佢都唔睇唔過眼, 仲有連你做d o野佢唔高興都剷埋你)

而家已經勢成水火仲有蔓延跡象, 唔通你仲想望佢地有朝一日突然 ...

可能佢根本就冇覺得佢亞媽唔啱呢,由頭到尾其實佢都冇數過佢亞媽,佢只係借題發揮數緊佢老婆,佢根本就覺得佢老婆唔啞忍佢亞媽就係佢老婆唔啱,其實個樓主自己已經做咗對人唔對事呢樣野,自打嘴巴

私人傳訊

憐星公主

民房

積分: 25

90^#

發表於 08-7-18 11:36 |只看該作者

回覆 #89 GTT 的文章

禁我又唔係話我媽啱哂,其實每次見佢打比我就頭痛..因為唔知佢又想講什麼事..我現在我媽打黎支支哦哦..我都沒有再同我太太講...以免她聽到又唔開心...講真...看到你們回帖比d意見..我先發現原來一件事可以有唔同的睇法...
另我想講...我唔係數我太太不是..只是我好難一次過講哂所有事情發生經過...不過我都好驚訝..原來我比大家印象都係親媽媽...那我真係要再改善一下了

私人傳訊

alphabetagamma

珊瑚宮

積分: 108855

環保接龍勳章

91^#

發表於 08-7-18 11:48 |只看該作者

原文章由 憐星公主 於 08-7-18 00:46 發表

我在我媽時常講我老婆一些好話..反之都是...但比她們印象總是幫對方....那..我幫誰呀 /. \?

唔通在我老婆面前時常罵我媽不是...在我媽又時常罵我太太唔識做咩...但偏偏她們只會只到我只幫對方

例: 我媽去到我家. ...

你都好死古古喎!!! 邊個要你下下有立場!!! 幫邊個??? 點解要幫..... 係依個情況扮大男人, 兩個女人都唔敢嘈啦!!!

你老婆唔叫佢.... 你講咁多藉口做o麥??? 你阿媽開到聲, 你粗聲粗氣咪講由佢啦.... 你阿媽一開口話你幫佢, 你反咬佢話佢係咪想你地離婚至安樂??? 你係咪想我死鬼左佢... 你地兩個女人好鬼煩?

到你老婆果度, 你話坐月.... 阿媽係講遲左咪講遲左, 你估唔係有心. 你老婆再講什麼壞話咪由佢囉. 發洩之嘛....

你要明, 你阿媽在明, 佢可以開口話你老婆. 你老婆在暗, 佢要硬食的!!! 你阿媽仲多左個阿爸幫, 你老婆係男家係獨立無援的!!!

你話你老婆現在好反感, 鬼咩..... 你阿媽搞到咁..... 你想和好都要佢態度好返係嘛??? 你第三者話當粉筆字抹左去就得呀??? 但你阿媽仲係咁惡搞, 好難囉.

咁多人點你都唔明, 我都唔覺我幫到你. 你等住搞到一鑊粥, 離婚妻離子散, 自己執生啦~ Good Luck.

私人傳訊

hinhofion

大宅

積分: 4120

92^#

發表於 08-7-18 11:49 |只看該作者

原文章由 憐星公主 於 08-7-16 17:00 發表
你地都覺得我太聽我媽講野而沒有理會我太太?

樓主,請記住,你老婆嫁比你,唔係賣身比你男家,你太太都有屋企人,係時候要學下企係老婆個面唸下,唔好下下要你老婆幫手"tum"掂你呀媽,你呀媽係對你太太好ga話,唔洗你出聲,你老婆都會自動波對佢好,可惜你呀媽係老佛爺,下下要人順佢意,連女家自己煲薑醋擺滿月都唔得?咩野道理呀?個孫女家都有份架,如果我隻99咁對我,好老實講,佢e世都唔洗旨意見到個孫,我相信e度ga媽咪,10個有9個都會好似我咁唸,仲有呀,你呀媽下下咁管住晒,你老婆好辛苦架,係透唔到氣個隻先至成日返外家,而你呢?你有冇為你老婆做過d乜?唔該你好好反醒一下自己,是否過份服從呀媽,唔係叫你做不孝子,而係有時唔好軟皮蛇,明知係呀媽唔岩都順佢意,下下要老婆跟從你,聽從你家"老佛爺"旨意,再咁樣落去ga結局只有:1)經常為老佛爺而嘈,2)老婆產後抑鬱(唔好睇少e樣野,會死人的) ,3)老佛爺e世都冇孫見,4離婚收場
自己唸唸la~

[ 本文章最後由 hinhofion 於 08-7-18 15:29 編輯 ]

私人傳訊

GTT

複式洋房

積分: 194

93^#

發表於 08-7-18 12:01 |只看該作者

原文章由 憐星公主 於 08-7-18 11:36 發表
禁我又唔係話我媽啱哂,其實每次見佢打比我就頭痛..因為唔知佢又想講什麼事..我現在我媽打黎支支哦哦..我都沒有再同我太太講...以免她聽到又唔開心...講真...看到你們回帖比d意見..我先發現原來一件事可以有唔同的睇 ...

good lucky:-|

私人傳訊

debbieip

大宅

積分: 1113

94^#

發表於 08-7-18 12:10 |只看該作者

樓主, 我好明白你想大家和和氣氣, 一家人開開心心, 特別是你媽媽及老婆都係是你最親近的人, 所以你好希望她們可以好好相處...兩個都是你的親人, 而對方又互數大家的不是...心裡是很難受的...但....如果你媽到你家..你老婆連出來叫聲佢都不願意, 咁你都冇謂妄想....你老婆一定好憎你呀媽~

我諗你是愛你老婆的, 否則亦不需要咁煩~ 其實好多媽咪都已經解釋左問題係邊, 你應該點做等等比你知....但似乎你都仲係好困擾...

如果我係你...我會先從自己老婆入手....因為, 老婆一定是愛你的....
1.在你老婆面前不要提你家的人, 你先可以平日買點禮物給她, 就說感謝她給你生了一個那麼可愛的BB, 知道她很偉大, 很辛苦等等.....我老公當時給我買了NDS, 話怕我係屋企會悶....亦暫不要要求佢去你媽家, 就當給她多休息(她是該休息的),
2. 如果你媽來, 她真的不願見, 就說她睡了, 就算你媽話你偏幫她, 你亦不需要不開心, 又或解釋, 就當聽唔到, 同佢轉話題, 問下佢最近身體點呀, 有冇睇邊套電視~ 昨晚食咩呀, 有冇注意早D睡呀等等無聊話題....如佢又話你老浪OR外母不是, 你又當聽唔到, 又轉話題, 多D問佢日常生活...你媽咪會覺得你CARE佢!
3. 對你老婆亦如是, 佢罵你媽, 你就當聽唔到, 同佢講下自己對BB的期望, 希望一家人將來點呀, 以後教BB就要辛苦老婆, BB今日睡的好唔好, 老婆今日是否好辛苦....

你們都在婆媳關係上糾纏太久了, 正常生活都被影響了, 所以先修補你同老婆及你同你媽的關係吧!

私人傳訊

kakachopper

伯爵府

積分: 16219

親子王國15週年勳章

95^#

發表於 08-7-18 12:16 |只看該作者

原文章由 憐星公主 於 08-7-18 11:36 發表
禁我又唔係話我媽啱哂,其實每次見佢打比我就頭痛..因為唔知佢又想講什麼事..我現在我媽打黎支支哦哦..我都沒有再同我太太講...以免她聽到又唔開心...講真...看到你們回帖比d意見..我先發現原來一件事可以有唔同的睇 ...

唔同太太講都係一個好o既開始
總之先調節好你地"自己屋企"o既氣氛先, 初期可能你會覺得都行咗一步點解老婆仲係唔鍾意, 但係希望你明白怨氣積咗咁耐係需要時間去淡化, 呢個階段當俾生完o既老婆發洩下情緒忍忍佢, 好快你呢個家就會有返安寧和諧o架喇
至於你媽o個邊盡量盡量唔好再安排見面住, 你呢頭家o岩o岩先開始修補, 你都唔想失敗o架係咪? 如果你媽打電話o黎咪哦哦哦咁應付下佢, 你唔附和等佢講完就收線
之前老婆o係你心目中做得o岩又好唔o岩都好, 而家你頭家係你+你老婆+bb, 重心放返响度, 3個人都舒服d

[ 本文章最後由 kakachopper 於 08-7-18 12:18 編輯 ]

私人傳訊

kakachopper

伯爵府

積分: 16219

親子王國15週年勳章

96^#

發表於 08-7-18 12:28 |只看該作者

原文章由 debbieip 於 08-7-18 12:10 發表
3. 對你老婆亦如是, 佢罵你媽, 你就當聽唔到, 同佢講下自己對BB的期望, 希望一家人將來點呀, 以後教BB就要辛苦老婆, BB今日睡的好唔好, 老婆今日是否好辛苦....

呢個point真係好work, o個時我都係好辛苦又好憎99, 老公一聽到就攬住我講呢個家我地兩個人都有份, 佢話"我都知我媽難頂, 最慘係辛苦咗個老婆", 跟住就講好多我地將來o既生活可以點做, 講下貓貓狗狗, 又講低能o野轉移話題, 有時我頂唔住度氣又兜返返o黎, 佢又會繼續講老婆辛苦
我係d好固執o既人, 但無幾耐開始明白自己激親佢, 佢都唔好受而且再嘈咪又破壞緊關係, 佢又冇再同我講99講過d咩, 跟住慢慢就冇再提呢d 事

私人傳訊

定少

民房

積分: 1

97^#

發表於 08-7-18 13:27 |只看該作者

做人呢，有時要學識圓滑d，返工對住你老細，你老細鐘意講波，你咪陪佢講波，佢鐘意講女人，咪同佢講女人，唔係邊有職你升，對住你阿媽都係一樣，佢鐘意話你老婆，你咪陪佢一齊話你老婆，又唔係叫你公開鬧你老婆，你同你媽講，唔同番你老婆講，佢鬼知咩，同樣道理你老婆唔鐘意你阿媽，你咪陪下佢講你阿媽係咁差架啦，無得救之類！

咩都答係，人地話係你又話係，做兩頭蛇，雖然就假仁假義左d，但做人處世唔係咁樣，點過活！

有時，做大男人都要合情合理先得，你話年初一拜年你老婆一定要同你去男家就當然大條道理，連初二初三都唔比去女家拜年，你話通唔通，同樣道理，男家要搞滿月酒，一係就死死地氣兩家一齊搞，一係就分開搞，再唔係就唔Q搞，邊有男家比搞，女家唔比搞，講出去都唔好聽啦！

你自己都係人地阿爸，試想想你二三十年後，你好唔鐘意你d細路的另一半，但你果細路又堅持要係咪一齊，你會死死地氣接受，定係叫佢以後唔好搵你，你怕激親你阿媽，不如你試下激親佢，睇下係咪真係好大件事，我唔信由細到大你無激過你阿媽，佢咪又係係你身邊，你宜家仲要有個孫係手，你唔比果孫佢見，你估佢緊張d，定你緊張d呀！

你老婆係你自己揀的，人都跟左你，你都唔幫佢，仲有邊個幫佢，唔通要你外家幫你老婆出頭鬧你阿媽咩，宜家已經唔係單單對與錯的問題，係做人老公應有的態度同技巧，你都要好好學習，有時講者無心，聽者有意，自己講野小心d，與其做和事老，不如做兩頭蛇

我自己未結婚，比你的意見未必100%準，但呢度咁多 bk朋友都係過來人，吸收下大家的經驗，版友的方法，未必行得通，但起碼有成功案例！

私人傳訊

gracefulb

大宅

積分: 1013

98^#

發表於 08-7-18 15:24 |只看該作者

老婆係自己揀的. 你娶佢返黎緊係要錫佢啦. 女人生bb 好辛苦的, 唔係因為你, 佢做咩要生0丫.

真係煲薑醋又好, 擺滿月酒又好, 男女家分開做, 有乜問題喎. 你媽又真係好霸道, 有乜可能唔比女家同bb 擺滿月先?

既然你老婆而家一聽到你媽就已經反感. 你就索性唔好0向佢面前提你媽了. 最好少d 見添. 真係好易抑鬱的. 你唔係女人, 未生過bb, 係唔會明女人生完的情緒. 真係好波動0架. 分分鐘諗埋一邊跳樓自殺0架. 早排新聞都有啦. 所以你點都要企你老婆果邊.

今晚返去好攬實佢錫佢一啖, 話佢知你明白佢幫你生bb 好辛苦. 以後會對佢好d. 老婆條氣都順d 0架~~

私人傳訊

hinhofion

大宅

積分: 4120

99^#

發表於 08-7-18 15:38 |只看該作者

原文章由定少於 08-7-18 13:27 發表
做人呢，有時要學識圓滑d，返工對住你老細，你老細鐘意講波，你咪陪佢講波，佢鐘意講女人，咪同佢講女人，唔係邊有職你升，對住你阿媽都係一樣，佢鐘意話你老婆，你咪陪佢一齊話你老婆，又唔係叫你公開鬧你老婆，你同你媽講，唔同番你老婆講，佢 ...

你講ga做法好掂,有時我地做老婆ga,唔係真係想個老公同99反面,而係有時比99激完,只係想搵老公呻下,比佢知道個老婆為左佢,受左99幾多惡哽野,只要老公識做,做下兩頭蛇,"tum"下自己,自然就乜野火都下晒la,可惜,大部份c6一講到佢呀媽就起晒鋼,講到明99就算唔岩,做老婆ga只可以忍,咁老婆都係人黎ga woo,忍得一時唔忍得一世,個煲遲早爆,如果d c6好似你咁識唸,係d火燒到熊熊聲ga時候,識自動波黎下左老婆d火,就唔洗攪到99同新抱撐到行,就算老婆心底裡幾唔想見隻99,都會因為c6咁識做,而順下c6意思,放假陪帶埋bb返去見99,交下戲咁lor

私人傳訊

小寶貝兒

珍珠宮

積分: 30295

100^#

發表於 08-7-18 16:00 |只看該作者

係架!!

以前我同老公講99d衰野, 佢一定起晒剛!! 先係要我忍, 我忍唔住佢就開始鬧我, 問我究竟想佢點做, 之後就發晦氣唔理我, 發晒爛渣咁!!

但其實女人要既, 只係一句"辛苦晒" "老婆,多謝你咁辛苦忍我阿媽" 之類既說話!!

男人同女人好唔同, 男人講一件事出黎, 唔止係要呻, 仲想要完全解決問題!
而女人講一件事出黎, 只係希望身邊既人安慰安慰, 只要有老公在背後支持自己, 幾辛苦, 幾惡梗, 幾委屈都會"咕"一聲吞左佢!!!

(我同老公講左幾次呢個道理, 而佢細心留意過我, 我的確只係想要搵人呻, 佢就信我, 而家由我呻了~ 不過因為佢冇乜反抗, 所以我而家都少左呻啦! 上黎bk呻就算!! 最多趁屋企冇人時大聲咒下99, 條氣都順返好多!)

所以, 樓主你大可以係你阿媽鬧你老婆時, 大數你老婆! 反正你老婆唔知, 你阿媽又會覺得你企佢果面! 反之亦然啦!!
唔通佢地會因為你幫口講幾句就會逼你離婚or斷絕母子關係嗎?

但長遠我覺得你真係要比你阿媽知道佢太霸道!! 學其他媽咪話齋, 唔比個孫佢見, 唔聽佢電話, 唔再去佢屋企, 佢必然會發癲, 但發得個零月, 你仍然唔理佢, 佢唔會屈服嗎?
睇你狠唔狠得下心架姐!!
父母同小朋友一樣, 唔縱得架!!