少年成長 今日: 1 | 主題: 15988

積分: 4012

82^#

發表於 16-11-9 13:03 |只看該作者

回覆樓主:

感謝smileyfacemama 的解答和建議，小女6 歲，受不起責罵，例如叫佢做完功課先玩，佢就話咁掉晒d 玩具佢啦，點解要生我出來，我要離開呢個世界...
早上趕住返學時，叫佢換好校服快d 食早餐，有時間剩先玩，佢又發脾氣，最後被爸爸打，佢就即刻話要衝出馬路被車撞，雖然體罰唔啱，但都唔使反應咁激！令我諗起之前小朋友被父母輕責後跳樓的新聞。
我教阿女唔係唔俾玩，而係現在是趕返學/功課時間，到晚飯後遊戲時間就可以玩，她就是不能自控隨時都只想玩。
我最擔心是她提到要自剎，請教應如何回應她和避免悲劇發生？

私人傳訊

熊C9

積分: 2397

83^#

發表於 16-11-22 15:42 |只看該作者

小朋友3歲2個月, 讀緊K1, 獨子, 活躍愛玩

問題1) 佢係街見到唔識小朋友想一齊玩/手拖手, 但佢唔識表達, 會哄到塊面好近人地, 結果對方小朋友比佢嚇怕, 我教過要先say hi, 但佢好似永遠唔記得

問題2) 同佢出街, 玩得好開心, 佢好似唔識得收制, 笑/跑.. 失控哩形容, 連旁人都側目, 我明白小朋友情緒處理冇大人強, 但佢好似太誇張吧

問題3) 佢記性唔差, 但睇情況, 有時教佢記字會完全記唔入腦, 家庭小事佢就記得一清二楚

有時我會懷疑我仔係咪問題兒童, 佢識講野, 會組句, 但咬字唔清, 返學3個月老師評價乖, 專心肯學, 唔通佢係蝦屋企人

謝樓主解答

私人傳訊

shirley2014

積分: 4107

84^#

發表於 16-11-23 22:27 |只看該作者

老師你好，我覺得我有問題，我現好少關注個女，而且對距無熱情，我覺得我似后母，平時多數同她講做作業，但叫好久有時都吾動手，有幾次我俾距話事幾點先做，但每次做做下又訓着左，有時話吃零食，又是食左又吾主動做功課，我真是頂她吾順，好多時她做吾岩D嘢，我都大聲罵她，她都有頂嘴，過後又向我道歉又叫我俾次機會她，次次做錯都是叫我俾機會，重復都會犯錯，好多時她叫我親她攬她我都不太願意，可能我覺她吾乖吾可愛吧！其實我知要多哄她關心她，但做吾到，我嘅人比較直及硬頸。。
我女五歲還有一個1⃣️歲仔，平時主力家務及照顧細佬多，好多嘢我會要求家姐自己做，可能我們主要矛盾就是功課丶練習，其次一日到黑家務家務，我好攰真想她自動波做好自己D嘢，我又擔心她心裡遲早有問題，因爲這個家現以細佬為中心，我老公工作時間長，休息我們都好少同她玩，又吾太關心她，易喊以前一直都是，小小事又喊又喜歡小事投拆人，話她多現正好少少有時忍住喊，好複雜的心情，好像想做又吾想做甘

私人傳訊

cocokan2004

男爵府

積分: 6750

85^#

發表於 16-11-26 02:13 |只看該作者

小朋友剛上小一, 他認字很弱, 懷疑讀障. 他經常投訴上小學時間太長,很累... 一上堂老師就不停講講講, 好煩, 追唔到, 唔明又無得問......只有老師講..
仲有,他聽唔明老師教既野會好嬲...好爭自己唔夠聰明.. 我成日都要安慰+鼓勵. 我都好累...

我自己也十分抗拒填鴨式教育及宜家好深的程度. 我唔知點幫佢,有想過HOMESCHOOL . 但擔心沒有了SCHOOL LIFE 會影響他與人相處的機會.
又唔想佢讀國際學校, 怕他完全唔識中文.
　
有沒有學校會比小朋友減少上課時數? 我希望他可以每天多些時間留在戶外玩耍及看自己喜歡的書及卡通片.

謝謝你.
　　

私人傳訊

dogcave

積分: 1274

86^#

發表於 16-11-30 23:48 |只看該作者

shirley2014 發表於 16-11-23 22:27
老師你好，我覺得我有問題，我現好少關注個女，而且對距無熱情，我覺得我似后母，平時多數同她講做作業，但 ...

我同你好似！又係一拖二，大仔5歲，細佬9個月，冇工人，老公返工時間又長，咩都自己一個做，日日忙到癲，大仔又唔聽話，講咩都聽唔入耳，日日都要比我鬧先聽！每日2-3份功課要做幾個鐘，要我陪著做，我一行開做野佢就掛著玩，教做功課又冇心機聽，係咁玩隻筆，老師都話佢係學校心散，冇心機做野，日日掛著玩！我日日又太忙，無時間同佢玩！真係唔知點樣分配時間！好失敗！

私人傳訊

shirley2014

積分: 4107

87^#

發表於 16-12-2 00:46 |只看該作者

dogcave 發表於 16-11-30 23:48
我同你好似！又係一拖二，大仔5歲，細佬9個月，冇工人，老公返工時間又長，咩都自己一個做，日日忙到癲， ...

有時好聲好氣叫她做嘢，起床等叫好多次都無行動,係要大聲罵她,她喊一陣又叫你俾機會原諒她,每日都好幾次.我都听厭。
現在有時開電視細仔睇，叫家姐睇住他主要怕他亂放嘢入口及爬嘢講聲,那麼自己快D煮飯或洗碗，平時有午睡現在無得訓襯仔訓左要準備晚餐，不過好簡單一菜一肉一盤搞掂，這時叫家姐做功課，有時做做下她會訓著,其實有D時間可以擠出來,晚上.他們訓左洗碗做其他,不過辛苦自己夜訓,其實我女想我多D關心和錫她，不過我好少做,哄下她都懶

私人傳訊

legoB

積分: 2406

88^#

發表於 16-12-5 18:33 |只看該作者

你好呀！
想請問小朋友接近20個月，但仍然未肯開口講野，係有時好想好想得到某d野時先會叫媽媽，但平時真係唔肯開口講野，玩玩具時都會喜歡將車仔排成一排而且會很專注！佢會唔會有言語障礙？

私人傳訊

kathyyu312

男爵府

積分: 9739

89^#

發表於 16-12-8 10:53 |只看該作者

我大女快八歲，有個妹妹三歲半。呢期好反叛，平時我八點凑妹妹訓她就係廳睇書畫畫同麻麻睇電視，之前九點她會自動入房訓，但呢期她麻夜晚會俾零食面包她食，搞到她十點半先入房，同我講食左野要消化下先訓，搞到差不多日日遲到，五願起身。教又教過，話又話過，但都無理我

放學回屋企又會心情好好，自動做功課先同妹妹玩。但到夜晚同早上情緒好差，係咪因為五夠訓差呢？但點先可以令她願早訓，五洗人話她呢

私人傳訊

lng0819

積分: 346

90^#

發表於 16-12-9 09:53 |只看該作者

回覆：smileyfacemama 的帖子

你好！我大仔就黎4嵗，K1. 天天我同爸爸一齊送佢反學! 8.30am 反到！我會8.50am 左右先走，爸爸會睇埋佢做運動先走!
佢通常都好開心，但當我獨自送佢，佢入到學校就要痴住，要抱，完全唔想做運動。亦開始扭計，唔叫人早晨！

我一在佢身邊，佢就淨係會痴實， mud 野都做唔到！我有時覺得我仲左住佢發展!

佢好跟我，我好開心! 但我係到，佢特別扭計，唔通我應該陪佢小d ?

私人傳訊

blinkgogo

男爵府

積分: 9780

91^#

發表於 16-12-9 20:03 |只看該作者

小朋友22個月，18個月時健康院話語言發展遲緩，排緊特殊教育中心做評估
到而家都係識講幾個單字
佢有野想要得唔到，或者我哋根本唔知佢想點，
無論屋企定街都會不停碌地大喊，我哋用忽視呢個方法
似乎一啲用都無
佢下次都會顛喪狂咁喊兩三個鐘，唔會攰
尋日鄰居報警，警察同看更上門睇係咪有人虐兒
非常困擾
還有夜晚瞓唔林，每晚喊3-6次
希望可比少少意見，感激

私人傳訊

lotusykl

積分: 1831

92^#

發表於 16-12-12 19:05 |只看該作者

回覆樓主:

我女兒小五學生, 內向, 靜,不太主動同人講話,學校也少朋友不喜歡在人前表現, 今日回家後做做下功課又發脾氣,喊晒口,話說有份常識集報做得幾好, 老師請佢下堂同同學分享下,佢同我喊晒口話唔分享啦～話上次已經分享過一次之後就自己一直發脾氣 ,我講野又聽唔入耳,已經讚佢做得好老師先至要佢分享。

私人傳訊

積分: 124

93^#

發表於 16-12-28 08:56 |只看該作者

legoB 發表於 16-12-5 18:33
你好呀！
想請問小朋友接近20個月，但仍然未肯開口講野，係有時好想好想得到某d野時先會叫媽媽，但平時真 ...

有冇發聲，例如狗仔叫，或有單詞？有冇去母嬰健康院問?如果只係唔講爸爸媽媽，我唔会太緊張住。

私人傳訊

積分: 124

94^#

發表於 16-12-28 09:05 |只看該作者

blinkgogo 發表於 16-12-9 20:03
小朋友22個月，18個月時健康院話語言發展遲緩，排緊特殊教育中心做評估
到而家都係識講幾個單字
佢有野想要 ...

sorry my hands are so painful due to my pregancy, hope you do not mind I type in English.

To help your baby to communicate better, you can use sign language accompany with spoken language.

The common sign language you would need is "more", "I want". also teach your child to use finger to point will help him to tell u what he wants.

These videos are from my centre which are done by the therapist and teachers in my work. Feel free to have a look;
https://youtu.be/PYljGJ9bu5M
https://youtu.be/S0jwcIPKKPE

私人傳訊

積分: 124

95^#

發表於 16-12-28 09:10 |只看該作者

lng0819 發表於 16-12-9 09:53
你好！我大仔就黎4嵗，K1. 天天我同爸爸一齊送佢反學! 8.30am 反到！我會8.50am 左右先走，爸爸會 ...

My hands are so painful due to my pregancy, I hope you do not mind I type in English. It's faster for me.

Your child has separation issue and he should learn to be independent. the first few lessons, parents can accompany child if necessary but after I think parents should let the child to be independent at school. So May be mommy and daddy do not stay any longer after saying bye to him at school.

It may not be a good sign that your kid totally cling on you. All children should learn to be independent at school.

私人傳訊

積分: 124

96^#

發表於 16-12-28 09:11 |只看該作者

kathyyu312 發表於 16-12-8 10:53
我大女快八歲，有個妹妹三歲半。呢期好反叛，平時我八點凑妹妹訓她就係廳睇書畫畫同麻麻睇電視，之前九點她 ...

How do you usually deal with her when this happen?

私人傳訊

puishan1216

積分: 2879

97^#

發表於 16-12-30 19:03 |只看該作者

smileyfacemama 發表於 16-8-18 21:44
本帖最後由 smileyfacemama 於 16-8-27 08:18 編輯

本帖最後由 smileyfacemama 於 16-8-18 22:23 編輯

你好，有小小問題想請教下你:mother:
我小朋友(男)5歲，已見專家評為專注力，社交能力低，想問下有冇咩社交訓練可以係屋企同佢做下，幫下佢?因都負擔唔起昂貴既費用出去搵人幫佢做訓練，謝謝解答

私人傳訊

積分: 124

98^#

發表於 16-12-30 23:54 |只看該作者

puishan1216 發表於 16-12-30 19:03
你好，有小小問題想請教下你
我小朋友(男)5歲，已見專家評為專注力，社交能力低，想問下有冇咩社 ...

屋企可玩d broad game, 好似層層疊之類，可以學識輪流同等侯。可多去公園同其他小朋友玩。又可约親友小朋友玩，例如煮,反仔，火車可增加同朋輩嘅互動同主動力。

私人傳訊

yanlove1124

別墅

積分: 873

99^#

發表於 16-12-31 19:32 |只看該作者

回覆樓主:

老師你好，我有2個仔仔，哥哥黎緊升小一，細佬黎緊升k3.
先講哥哥，佢讀過n班，但佢到依家中，英，數…全部都唔識，a-z順序讀，有時得，有時讀讀下，唔識讀!抽問就更加大獲!!數學1-100順序讀，通常去到39，佢就會話20!!抽問就…例如21，佢就答12!!寫出黎，例如7，佢就會掉轉左寫!!唉!即使，我叫佢一路寫，一路讀，佢都突然唔記得!!就算佢一放學，我問佢，今日係學校做啲乜，佢都唔記得，我問過佢老師，佢都知哥哥有甘既情況，但就一路話留意，我都唔知佢讀小學點算!!
到細佬問題，佢講野，到依家都唔正，佢老師都話，對得佢多，先聽得明佢講咩，帶佢去健康院，姑娘都話佢，講野勁唔正，但醫生就求其比左本書，指左啲字，叫細佬讀，讀1次唔正，就教佢讀1次，教佢讀多幾次，就讀下1個，跟著就話佢無問題!
細佬脾氣超大，成日突然發脾氣，又打人，你講一句，佢博10句，係街就仲大獲，永遠唔聽你講野，周圍走，又唔拖住，你話佢，佢就不停鬧你，到我鬧佢，佢就不停大喊，大叫，好似失控甘，喊唔停…
我對住佢地真係……

私人傳訊

yukiwing0807