吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 狐狸精!!!

自由講場今日: 1768|主題: 1354610

收藏本版

發帖

返回列表

跳至頁

樓主: heartbreaking

狐狸精!!! [複製鏈接]

3 456 7

smart_bus

別墅

積分: 719

81^#

發表於 09-1-30 11:33 |只看該作者

樓主,明白你的傷痛,但係你父母可能會仲傷痛呀!不如多D時間陪父母啦!

私人傳訊

qqqqqq

大宅

積分: 2815

82^#

發表於 09-1-30 11:48 |只看該作者

現不想評論事件誰對誰錯, 只知好多野是針唔拮到肉唔知痛. heartbreaking, 最緊要自愛和愛父母........時間過後(可能幾個月或幾年),睇返呢件事你就會明白:世界好大,人好渺小..........唔好再令朋友,父母擔心. Take care.

原帖由 heartbreaking 於 09-1-30 04:45 發表

不是消失,只是回覆我朋友的email，我不是不放手只是他們一次又一次去傷害我，每個人有每個人不同的睇法，我不是要大家去認同、同情又或者橕我，無可否認我在這裏post出來，只是想讓其他人知道這件事，大家覺得誰對誰錯，我根本 ...

私人傳訊

edea

王國長老

積分: 119074

王國長老

83^#

發表於 09-1-30 11:56 |只看該作者

我唔明點解要佢同妳父母出黎作個交代, 換轉係我我都會拒絕, 男女甩拖, 係你地兩個人之間既事, 出黎同妳父母又有咩好講?

呢件事妳真係唔應該口口聲聲拉妳父母落水, 話果一男一女傷害妳父母, 咁講太唔公平, 佢地極其量都係傷害左妳, 夾硬話佢地傷害妳父母所以妳要反擊真係好打橫黎講.

由頭到尾我覺得樓主係隱瞞左好多事, 不斷講人地點樣欠左佢, 點傷害佢, 但我觀其處事手法, 真係不敢認同, 偷偷錄音將私人對話放上網, 公開人地姓名辦事地點, 未徵詢下提取人地戶口一萬蚊, 全部都冇經事主同意, 仲要以受害人姿態出現. 樓主其實係一個有計謀既人.

男女分手好平常, 點解會去到話父母好傷心? 樓主, 妳同父母講過d乜, 做過d乜, 令佢地咁擔心妳? 妳都係成年人, 傷痛都唔好令家人太擔心, 勇敢企起身, 唔好再逃避現實, 將責任卸落其他人身上, 男人變左心, 唔係世界末日, 唔需要做咁多小動作, 痛我都試過, 十幾年感情, 但我都冇好似妳咁, 我一樣企得起身, 一個仙都唔會問男人要. 一個人唔自愛, 叫人地點愛妳? 妳越係做咁多事, 越叫人睇唔起妳.

[ 本帖最後由 edea 於 09-1-30 11:58 編輯 ]

我唔係經常上BK, 想搵我嘅朋友請email: [email protected]

私人傳訊

龍貓咪

別墅

積分: 635

84^#

發表於 09-1-30 13:04 |只看該作者

樓主, 請冷靜地跳出這個困局來看. 不要再借"父母傷心"之藉口去繼續沈溺於不憤, 不甘心的積怨及報復之中.

想清楚究竟父母為何會傷心? 不是因為那個男人另結新歡, 而是你因失戀而自暴自棄而令他們心疼!!

假如你想他們不再傷心, 你要先站起來, 不要再想, 亦不要再讓那些已不愛你的人傷害你, 只要你能瀟灑地擺脫失戀之痛, 才能重新振作, 找到真愛.

這才能令你父母開心, 這才是他們最希望看到的.

假如你能"活得比你好"--你才是這段糾纏不清的情債中的勝利者!!!!

私人傳訊

半桶水

複式洋房

積分: 435

85^#

發表於 09-1-30 13:50 |只看該作者

回POST已是深夜四時,樓主我諗你成晚無乜點瞓過,為左佢都知你唔好受!

我實話實說,你真係唔好再活在夢中,現實係情已逝.
別人如何稱呼你做乜太乜C 9,但實質你只係佢女友身份.
由你同佢第一日同居開始就唔係講責任,
莫講你要佢同你父母交代,
就算係對你,佢都無需負任何責任.
同樣,這遊戲規則是相對的.
你到而家到底明唔明當年父母點解要催婚?!
除左係有生之年見到自己子女成家外(父母心願),
還有一點最重要的,一日未結婚佢都唔係自己女婿.
是實男友身份唔係話同居十多年生活就會改變.
你當年行得同居哩步,卻為何現在要佢同你父母交代!
甚麼傷害你父母,父母交個女俾佢這些牽強說話就真係講唔通!
我認為父母認同子女與人同居,
就要預左一旦分手無需同任何人交代,更何講要負責任.
父母係你而唔係佢,就算要講交代都係你自己去同父母講.
講到底唔係佢外父外母,我唔明白到底要同世伯伯母要交代啲咩呢?!

現在,佢的確係想好頭好尾才用錢為你做一點補償.
你有否諗過係男人之中佢算係有良心的呢?!
過去的就由他過去,緣已盡咬實唔放再糾纏落去,
其實你自己只係活在痛苦之中咋...... 醒吓喇

樓主!

私人傳訊

cy101

象牙宮

積分: 207743

2025勳章 2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

86^#

發表於 09-1-30 13:53 |只看該作者

贈言:let it go!!! 放過他人=放過自己!!!

私人傳訊

alik

公爵府

積分: 25507

87^#

發表於 09-1-30 13:58 |只看該作者

係你令自己父母傷心, 唔係你前男友, 佢最多只可令你父母覺得失望.

我唔認同你覺得人地傷害左你(甚或你講佢傷害左你父母), 就要向人地報復. 你覺得你前男友唔識諗受而家女朋友影響, 受佢唆擺迷惑而放棄你, 係你一廂情願既想法, 想呃自己佢平時唔係咁架, 只不過你想俾自己好落台唧. 一個三十幾歲既男人, 活左咁多年都有腦啦, 唔通仲係四五歲玩火燒左屋企唔知咩事咩. 要飛你咪飛你囉, 使乜理你感受, 佢應承俾錢照顧你一陣, 算係咁. 仲講乜嘢負左你十年青春要負責, 人地叫你做亞太又點? 大家真係無簽過紙喎. 你自己當初要搬出去住, 唔係淨係你男友一個人既決定, 你自己都有份, 做乜將責任推晒在人地身上. 同埋唔好話父母送你出去囉, 你當時係同佢結婚就真係將你送出去交托俾佢喇, 而家咩都唔係

係老師又點? 老師都係人一個, 唔等於佢全部時間都要被理性同道德框住, 人總有唔理性既時候, 正如你一樣唧.

愛惜下自己, 做乜要攪到自己懶係萬劫不復咁唧, 好可憐咩?

[ 本帖最後由 alik 於 09-1-30 14:03 編輯 ]

私人傳訊

yst424

大宅

積分: 1420

88^#

發表於 09-1-30 14:04 |只看該作者

放手吧

等如放生自己,太過執著,自己都過得唔開心,你依家唔開心,你估佢地唔知咩,佢地就係想見到你唔開心,你要開心快樂過生活,佢地只不過係一件垃圾,掉出街都無人要,明知係舊屎都要放入口,咁有d人鍾意食屎,即係你ex-老公,咁你咪由佢放舊屎入口囉,個女人擺明係一pet舊,又臭又硬果種,你唔需要為呢舊屎同個鍾意食屎既人唔開心?時間會沖淡一切,我都係過來人,我唔會為舊屎,為look廢柴,唔開心囉!

私人傳訊

ZZdaphne

王國長老

積分: 31294

好媽媽勳章醒目開學勳章王國長老

89^#

發表於 09-1-30 14:06 |只看該作者

樓主可唔可以唔好寫間學校名出來，
呢些係你三人私事。
如果你真係愛你父母，
請你好好生活下去。

私人傳訊

chinatea

水晶宮

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

90^#

發表於 09-1-30 14:17 |只看該作者

原帖由 龍貓咪 於 09-1-30 13:04 發表
樓主, 請冷靜地跳出這個困局來看. 不要再借"父母傷心"之藉口去繼續沈溺於不憤, 不甘心的積怨及報復之中.

想清楚究竟父母為何會傷心? 不是因為那個男人另結新歡, 而是你因失戀而自暴自棄而令他們心疼!!

假如你想他 ...

你講得對架,講真呀感情係樓主同"男朋友"的事,做父母唔會企係你地分唔分手果道睇,返而做父母一見個女拖條仔走去同人同居,十萬個覺得"冇面"就真,父母眼中"女"最虧本,一個唔該就跟佬走又冇名份,比人問起個女d野初初真係難以啟齒,唔通大大聲同人講:佢地未結婚只係住埋咋...咁咩.

樓主當初選擇同居冇合約管束,可能你都係為左自己萬一分手都唔洗攪咁多野.咁大家到左今時今日出左問題點解唔瀟洒面對者,你爆人地私穩出來呢d手法已經唔合時而.

唔同二奶大婆爭老公,男女朋友感情終結,比你睇到同居同正式結婚大對比係咩你應該了解清楚啦,你都話唔留戀啦,唔好一連串拖出咁多人來為你痛苦.

做父母一見個男人咁對個女,真係寧願你快快走人唔同再浪費青春係呢d男人身上,有時父母幫你伸多一腳等係扒得快d離開遠d啦,新的一年開始好好收拾情緒,裝備一下迎接你新的未來,呢個世界唔會話"邊個冇左邊個就做唔成人".

可能今次係個天比你一次好機會行出去遇過另一個好男人啦.

<br>

私人傳訊

heartbreaking

民房

積分: 21

91^#

發表於 09-1-30 14:28 |只看該作者

原帖由 tammy2008 於 09-1-30 10:50 發表

係呀~~ 我係真心想妳有自己人生...我亦明白妳口中的 "他們傷害妳父母" 是什麼意思 ~

而家唯一令父母安心的...便是要他們看到妳重新振作 !! 對住佢地...對佢地講....放心啦..我無事架...你地生得我咁靚女...我仲 ...

他今天再一次去找我父母，而個賤女人果然是夠賤夠手段，琴日返完大陸，知道件事之後還有心情與個廢物去飲茶，不能不佩服。說真的，經過今天個廢物與我朋友的對話：拍拖就唔可以分手咩，結咗婚都可以離婚啦，而且係同我分咗手先同另一個一齊的。我醒悟了，就算我默默再為個廢物去承受去付出去傷心又如何，他根本不會再在乎亦不會清醒，亦代表個廢物早前寫給我的信，說如何悔恨自己這樣對我……一一都是假的，我又何必要苦了自己。

新回覆的人在鬧我，我知道是怎麼一回事，個賤女人都很本事，一回來就知道我在這裏出了POST，任你們說吧，反正如果我是要做的，你個賤女人是控制不了亦想像不到的。

私人傳訊

babych

男爵府

積分: 6455

虎到金來勳章好媽媽勳章醒目開學勳章

92^#

發表於 09-1-30 15:02 |只看該作者

樓主:
我好明白你既心情, 你父母傷心係佢地見到你而家既情況, 見到最愛既女兒終日以淚洗面, 佢地心痛你付出十年既感情換得你今日既恨. 要同你父母走出呢個困局完全要靠你自己. 你應該興幸當日你無同個男心結婚亦無留下小朋友. 你可以同佢一筆勾消. 你現在既恨係心心不憤, 午夜夢回你不憤一直愛佢心全意為佢, 不憤你付出青春, 不憤佢另有別人背叛了你........但時間會沖淡一切, 別人再講什麼我知你今日無可能體會, 無可能明白, 但日子都會過, 而家最緊要令自己忘記呢個男心, 所有佢既事你都唔好再想, 盡量約朋友出街, 去旅行又好, 行街食飯咩都可以, 再無心情都要出外走走, 就係唔好係屋企亂唸野, 一年半載後回想你今日所做既事情你會覺得好好笑.

懂得放下, 何得自在,
饒了別人的同時, 您也饒了"自己".

[ 本帖最後由 babych 於 09-1-30 15:07 編輯 ]

私人傳訊

bbfish1992

子爵府

積分: 14777

93^#

發表於 09-1-30 15:06 |只看該作者

原帖由 heartbreaking 於 09-1-30 14:28 發表

他今天再一次去找我父母，而個賤女人果然是夠賤夠手段，琴日返完大陸，知道件事之後還有心情與個廢物去飲茶，不能不佩服。說真的，經過今天個廢物與我朋友的對話：拍拖就唔可以分手咩，結咗婚都可以離婚啦，而且係同我分咗手先同另 ...

今日先睇到依個post，
唔知樓主係個blog寫過咩。

樓主失戀的經歷，相信成千上萬的男男女女都經歷過。

點都好，
誰是誰非，就讓它隨風而去；
緣來緣去，就讓它煙消雲散。

企起身，
珍惜眼前人，好好的愛錫父母和自己。
放眼看，
沿途風光好，積極地精彩地生活下去。

失戀：
只是
人生旅途上的一點點色彩、
上天給凡人的一點點試練。

明白樓主未必能一時三刻跳番出來，
但望樓主能替自已和父母積點福，删除個topic名；
相信BK sis、mum & dad 歡迎樓主加入王國去分享，無論是開心或不開心。

P.S.我唔認識樓主和樓主提過的每一個人

私人傳訊

alik

公爵府

積分: 25507

94^#

發表於 09-1-30 15:20 |只看該作者

我唔知算唔算鬧你, 不過我唔識你地三個人

私人傳訊

咕怪媽媽

男爵府

積分: 7836

95^#

發表於 09-1-30 17:46 |只看該作者

我直情覺得樓主有"妄想被迫害症".

原帖由 heartbreaking 於 09-1-30 14:28 發表

新回覆的人在鬧我，我知道是怎麼一回事，個賤女人都很本事，一回來就知道我在這裏出了POST，任你們說吧，反正如果我是要做的，你個賤女人是控制不了亦想像不到的。 ...

私人傳訊

701003

水晶宮

積分: 62705

畀面勳章

96^#

發表於 09-1-30 19:24 |只看該作者

原帖由 咕怪媽媽 於 09-1-30 17:46 發表
我直情覺得樓主有"妄想被迫害症".

仲病得唔輕tim

私人傳訊

edea

王國長老

積分: 119074

王國長老

97^#

發表於 09-1-30 19:50 |只看該作者

古代女子情懷 - 傷春悲秋, 要生要死, 因為生活無他事, 將情愛看得太大.....

今日行過地鐵站, 睇到兒童癌病基金海報, 忽然好感慨, 癌病已經好辛苦, 仲要小朋友患病, 承受電療痛苦.... 我地有健全既身體, 其實已經係好幸運, 人生不止愛情, 樓主可有想過, 如果將胡思亂想既時間多做義工, 反而會有更大得著.

我會覺得生活得好, 生活得快樂, 最令父母安心, 一家人齊齊整整, 事情唔係咁差, 珍惜您所有, 別去整日沉迷失去既人同事, 咀咒, 報復, 徒然糟蹋寶貴既人生, 如果之前冇工作, 靠男人養, 今日係時候學識靠自己雙手, 靠自己好過求人施捨, 人無所求品自高, 樓主, 要解脫定係沉淪, 都係在您一念之間.

我唔係經常上BK, 想搵我嘅朋友請email: [email protected]

私人傳訊

heartbreaking

民房

積分: 21

98^#

發表於 09-1-30 19:53 |只看該作者

原帖由 yst424 於 09-1-30 14:04 發表
等如放生自己,太過執著,自己都過得唔開心,你依家唔開心,你估佢地唔知咩,佢地就係想見到你唔開心,你要開心快樂過生活,佢地只不過係一件垃圾,掉出街都無人要,明知係舊屎都要放入口,咁有d人鍾意食屎,即係你ex-老公,咁你 ...

你說得對，而且再加上今天所發生的事，我也無話可說了，就讓天去處理吧，我已不年輕了，而且在這段日子雙眼殘了很多很多

，要好好補救一吓才是上策。

謝謝您的相勸~希望新一年大家每天都能帶着笑臉渡過每一天

私人傳訊

heartbreaking

民房

積分: 21

99^#

發表於 09-1-30 19:58 |只看該作者

原帖由 edea 於 09-1-30 19:50 發表
古代女子情懷 - 傷春悲秋, 要生要死, 因為生活無他事, 將情愛看得太大.....

今日行過地鐵站, 睇到兒童癌病基金海報, 忽然好感慨, 癌病已經好辛苦, 仲要小朋友患病, 承受電療痛苦.... 我地有健全既身體, 其實已經係 ...

我當然知道遭遇比更慘的人大有人在，我這件事其實可以說是微不足道，至少我與他沒有小朋友，現在我的軀殼亦安然無事，只要他倆不再挑起火頭，我也不想再煩擾下去，這實在太累人。

再加上今天所發生的事，我也無話可說了，就讓天去處理吧。