樓主，暫時唔得閒睇晒其他JM留言，只覺得你不斷忍唔係辦法嚟，如果男人有悔意肯回頭，你俾次機會好正常，但而家佢唔只唔愛你，唔養你唔關心你駛你錢仲要打你，呢D根本唔係正常婚姻關係，與其保留一個有名無實嘅爸爸形象俾個仔，你不如好好為自己同個仔嘅將來計劃一下，而家仔細未識，到佢懂事之後見到老公打老婆，個媽俾爸爸打，你覺得你個仔會有健康快樂嘅童年經歷嗎？你覺得你個仔心理唔會有扭曲嗎？
你唔想屋企人擔心的話，就應該要堅強D計劃自己條路，忍讓係對住一個有悔意回頭嘅男人，對於一個無視你嘅存在唔愛你嘅人，一秒忍耐都嫌多，俾番尊嚴俾自己，單親路係難行，但而家呢段唔識點形容嘅婚姻，你同仔仔會有好嘅將來嗎？好多嘢事在人為，唔係要你去靠屋企人，如果你錫佢地，更加要堅強D，令你自己同仔仔生活得好，起碼身心健康，咁至唔令佢地擔心。
我老公話，打女人嘅男人不要得，淨係識得欺負弱者攞著數，呢D人點同佢過人世？況且而家佢都唔係想同你過人世，只係多個工人同ATM提款機，你又何必去做呢個吃力不討好角色。
花旗太太生活在花旗國，留意時差，你問我未必即時答到。
發表於 
放下執著，前面有好人好事等你吖，加油！
返回列表
