回覆樓主:
冇人留意九師兄令羽？我覺得佢好樣過大師兄同十六師兄，可惜死得早。
講角色唔駛講，最正係夜華同墨淵，講靚仔就一大堆，趙又廷唔夠其他男角靚仔，但佢d演技真係好，我迷嘅係佢嘅演技，我已經翻煲第三次，飛住專睇趙嘅戲，確如有人說：趙又廷之後，再無夜華，初初見趙同楊洋兩個都做夜華，論外型，楊洋靚好多，可惜演技都差好多，電影太濃縮，根本唔知講咩，加上美指差太遠，張叔平冇得頂。
其他男角靚仔有型都不少，離鏡，白真，令羽，子闌，疊風，二殿下，離怨，東華，折顏。。
靚女嚟講，除咗白淺，鳳九，素錦，胭脂，玄女，樂胥娘娘，小辛，東海公主，綠袖，奈奈都靚女。
講番楊冪，話佢戲入面白淺係四海八荒第一美人，實有d牽強，但佢呢套做得幾好，初初不懂事嘅司音幾可愛，素素就單純，十四萬歲嘅白淺老練得嚟喺男女情事上少根筋就差少少，有時覺得佢有d位演得好尷尬，完全係趙又廷帶住套戲，今次楊冪演狐狸精幾切合，佢個扮相加埋d慵懶媚態好似狐狸，同無心嘅大白有相似特質，反而劉亦菲有仙氣但唔夠狐狸。
花旗太太生活在花旗國，留意時差，你問我未必即時答到。
發表於 
返回列表
