吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› del

夫婦情感今日: 0|主題: 42799

收藏本版

發帖

返回列表

跳至頁

樓主: siuting518

del

[複製鏈接]

2 3 456

mini1204

翡翠宮

積分: 79228

81^#

發表於 17-10-11 12:07 |只看該作者

真係肉酸, 個男人甩都甩唔到; 要靠老婆幫佢?
真係睇唔起呢D男人.

私人傳訊

little06

子爵府

積分: 11616

82^#

發表於 17-10-11 12:37 |只看該作者

mini1204 發表於 17-10-11 12:07
真係肉酸, 個男人甩都甩唔到; 要靠老婆幫佢?
真係睇唔起呢D男人.

係！愛護老婆嘅點會帶佢出去見小三！大佬，做戲咩

私人傳訊

aidan08

侯爵府

積分: 21125

83^#

發表於 17-10-11 12:46 |只看該作者

本帖最後由 aidan08 於 17-10-11 12:47 編輯

soso1227 發表於 17-10-11 10:15
唔去，你老公都唔可以去，有心要分手，在你面前用電話講已經夠，
如果佢堅持要當面講，去，點解唔去。一定 ...

jm 你好勁！

如果發生在我身上，你講嘅嘢可能我都未必做到。但我同意你講，如果個老公堅持要當面講，我都會去。睇吓咩料都好。

但我想講，樓主，睇晒你咁多留言。你究竟要點做我真係比唔到咩意見。我只係覺得，不如你諗吓你老公究竟有D咩優點，嗰D優點係咪值得你忍辱負重留低？呢D嘢，問問自己，睇清楚D值唔值得。得有幾多，失有幾多。有時候人好盲目，好似細路仔咁，有人搶咗件玩具，你就會覺得件玩具好好玩，無咗件玩具唔得，好唔甘心。但事實又係唔係呢？要冷靜D先可以諗到。

我有個朋友，當年鬧離婚，佢個老公又係有小三。我朋友一直報告進展比我聽，而我又同佢哋兩公婆都好熟。當我從佢話我知佢老公在出事後對佢講嘅說話，連月嚟對佢嘅態度，我心裡面已經知道佢老公好難回頭。我亦都覺得係時候要朋友清醒D諗吓值唔值得一直以搶番佢老公返嚟為目標。事實係我朋友在婚姻中付出得多過佢老公好多，而佢老公有好多性格上嘅缺陷，待人處事都唔係大方得體嗰種。經濟上我朋友完全完勝佢老公。除咗為小朋友，我覺得我朋友完全唔應該再沉淪在失去呢個男人嘅傷痛折磨中。如果只為小朋友，個處理方法會好唔同，女人心靈上嘅創傷會減輕D。

再睇返樓主的case，唔清楚樓主老公一向有咩優點或值得樓主去愛的地方。只係由事發後樓主描述佢老公嘅多少言行去睇。

呢個男人，我主觀地覺得唔及樓主咁獨立，好似無咩男子氣慨。又要衰鹹濕，又無諗過出事點處理。玩家嗰D唔會咁難撇條女，好明顯樓主個老公係自己唔知自己做緊嘜！樓主亦可能太易tum，佢老公覺得做懦夫一個反而又有老婆同條女同情，樂得做個懦夫。好老實，我係完全睇唔起呢種男人。不過，人各有志，有D女人係會特別鍾意呢D多情種，係我頂唔順啫。樓主個老公比我感覺好enjoy做多情羅密歐，苦情戲碼當正自己男主角，竟然白痴到同老婆講真係放唔低條女！樓主，由佢呢句真情剖白我先開始擔心你，你老公究竟有無能力或有無諗過保護你？佢自我中心到可以唔理你感受，真情流露到咁暢順。你係咪一直好難抵擋你老公好需要你安慰嗰種感覺？但我想講嘅係，女人如果太鍾意照顧人，係好容易遇著呢種男人，無咩好結果，湊仔湊一世。

Focus多D喺自己，唔好再諗點搶番佢返嚟。你現階段會諗，如果我唔著緊D，可能老公就會投向對方懷抱。人有時係會有盲點，你問吓自己，如果你稍一不慎，無咁著緊，你老公就會投向他人懷抱，咁你老公又有幾愛你呢？你老公愛自己多好多！你仲有小朋友，佢夠愛個家嗎？你將注意力擺番係自己，以令自己開心為目標，唔好理佢咁多，自身散發的吸引力會令你有多D選擇，你老公都會見到。佢會諗到失去你係咪佢可以承受。

私人傳訊

wing514

珍珠宮

積分: 35503

育兒性格勳章 BK Milk勳章 hashtag影視迷勳章

84^#

發表於 17-10-11 13:59 |只看該作者

你老公無野下, 點解要你去見個女人 ?
搵你做擋箭牌 ? 溝女個時又唔見佢話要同埋你去?
自已搞出既野, 好心佢自已搞掂
佢有無心回頭, 睇佢行為就知, 而唔係叫埋你去做分手見証
好多餘

私人傳訊

jeremylui83

子爵府

積分: 14244

畀面勳章

85^#

發表於 17-10-11 14:26 |只看該作者

如果我係你，我一定唔會去陪佢兩個做馬騮戲。。
呢啲女人唔會因為見完你就會唔搞人老公。。
你老公都好廢下，自己野解決唔到，仲俾多個問題你。。
而奇怪在你好似又唔介意，仲覺得自己好過個女人而自喜？？？

私人傳訊

yui1625

男爵府

積分: 5702

86^#

發表於 17-10-11 15:27 |只看該作者

見乜鬼丫見
佢自己既鑊, 佢自己SETTLE
千祈唔好去, 樓上有JM講得好岩
男人好賤, 你越緊佢, 佢就越得戚

你而家首要係將個重心放返係你自己身上
唔好再諗佢去邊, 見唔見個女人
呢D一切都唔重要
我係過來人, 以前就係太緊張佢
搞到冇左自己, 後來都係黎一鑊甘既
先識愛左自己, 錫左自己先
男人係咁衰格

記住, 唔使同佢交代咁多
不論你既去向, 你既打扮, 你既行為
令自己放鬆返最重要

叫你唔見個女人, 係因為想你係做保持神秘果一個
唔好俾對家睇你底牌, 知嘛

私人傳訊

lwylwy235

大宅

積分: 2654

87^#

發表於 17-10-11 15:56 |只看該作者

我覺得唔應該去見個小三,
因既然你老公都話放低佢, 咁就唔好再見,
所以聯絡都要斷埋, 等個小三搵唔到佢,
見面都冇用, 我怕你老公見番佢又難忘記到佢.

所以, 如果想真正地重新開始, 應該同小三斷絕任何見面或聯絡。

私人傳訊

amber-darling

侯爵府

積分: 22317

88^#

發表於 17-10-11 16:00 |只看該作者

回覆樓主

千祈唔好去呀jm!! 絕對唔可以俾自己跌入佢哋嘅遊戲入面，你老公好衰，唔錫住你，竟然要你去赤裸祼面對D咁嘅事去再一次傷害你，再一次放你去一個咁難受嘅位置，jm，千祈唔好去!!

如果你呢刻放唔到手，唔好怪自己，但學習放得佢好輕，不聞不問，不動聲色，唔黑面，但保持一點距離，學習吓，你好好愛自己，有一刻離開或留下，你會知道，祝福你

私人傳訊

soso1227

珍珠宮

積分: 37380

醒目開學勳章畀面勳章

89^#

發表於 17-10-11 18:01 |只看該作者

lwylwy235 發表於 17-10-11 15:56
我覺得唔應該去見個小三,
因既然你老公都話放低佢, 咁就唔好再見,
所以聯絡都要斷埋, 等個小三搵唔到佢,

係唔應該見，但有D男人死都要交代，
就唔可以俾佢單獨去，
陪佢去，監視佢，
美其名係支持佢。

私人傳訊

Icy28078380

大宅

積分: 4874

90^#

發表於 17-10-11 19:14 |只看該作者

回覆樓主:

部佢走過錯呢條路，引導佢回復正常，陪伴佢面對問題，比起叫佢解決好得多。

佢正正係怕自己力量唔夠，叫你陪伴。加油。

希望你地最後都可以解決問題。

私人傳訊

siubear718

大宅

積分: 3777

91^#

發表於 17-10-11 19:46 |只看該作者

回覆樓主

其實我覺得你c6同嗰女人做場戲似多過真的分手。

佢以前又有俾錢佢，嗰女人又唔介意你存在。講咗咁耐多唔加你名落層樓，又唔覺佢俾晒D錢你。你覺得佢真的愛你？

私人傳訊

ms_ck

子爵府

積分: 13291

92^#

發表於 17-10-11 19:50 |只看該作者

回覆樓主:

去唔去見小三要睇你係咩人，你會唔會做到冷靜到笑向小三？若你有呢種氣度，你可以一去，順便摸摸底，若做不到，就無謂見，老公都唔俾去
佢應承得你重犯會將層樓轉你名，你俾左幾次機會佢，點解仲唔轉？
男人的時間同錢在那，心就在那！

私人傳訊

PhoebeKw

大宅

積分: 1876

93^#

發表於 17-10-11 23:47 |只看該作者

回覆樓主

被背叛過既人心入面點都會有條刺,完全阻止唔到自己去check佢電話,到最後只會令到自己一次又一次既傷心⋯如果真係愛你點會做傷害你既野？佢只係唔想離婚比其他人知道佢做過既野，背負衰男人既罪名⋯加上你話佢都覺得個女唔只得佢一個男人，即係如果再有下一次個女人真係得佢一個佢會掉低你就走？再一次既痛你仲承受到嗎？加上睇唔出佢有幾大決心要離開個女人⋯
仲後生值得有更好既生活，好過一世活係痛苦中