liza831 發表於 21-12-23 09:06 
重覆睇李4篇發言，純在字面去想，早期李對王算是痴恋吧。到婚後發覺王有嚴重心理病，人格障礙，所以婚後不 ...
李是讀心理學，能將王發生一切不合理行為視為病態, 當他是個病人。又或者有愛可以包容，所次一直不離不棄，直至被離婚＞＞原本我未知道李係讀心理學之前，我都覺得好神奇，真係愛的咁深？深到可以共情，同佢一齊顛，仲要王一心係想搵到一個心理學家或醫生証明李係痴線同操控狂。後來知道李係讀心理學，我就想起一個舊同事，佢真係讀心理學嘅，後來佢入咗我公司做客戶服務，做咗一年多D辭職，果陣我同佢食散水飯，問起佢點解好地地辭工，佢話自己讀心理學，會同男朋友（都係讀心理學）一齊開診所，想學以致用，當時覺得襯後生有理想好可貴。點知再聽到佢嘅消息係佢嘅死訊，原來之前一晚果單新聞佢係主角；原來舊同事哥哥多年患有精神病，佢好想幫哥哥，哥哥好錫個妹，點知果晚哥哥病發，完全失咗常性，舊同事打電話俾家中媽媽，媽媽叫佢報警，唔好返屋企。舊同事冇報警，即時趕返屋企，入屋關門，試圖以自己所學去令哥哥冷靜，可惜事與願違，哥哥傷咗媽媽之後已經認唔到人，最後舊同事被哥哥殺死，警察嚟到制服咗哥哥後，將舊同事同佢媽媽送院，但舊同事救唔返，媽媽重傷但最後生還，媽媽講哥哥以為自己已經好返好多，自行減藥，佢係好錫個妹，如果哥哥知道自己親手殺咗妹妹會比死更難受。。。
家人冇心理問題嘅人未必可以理解，如果人人都可以理性地想，理性地選擇的話，呢個世界就唔會咁複雜。
我贊同李唔蠢亦唔簡單，佢絕對唔係白蓮花，但事情之本係由王嘅行為引發，李極其量有份縱容，佢亦有份幫王去欺騙大眾，將虛假人設織成一個假象去欺騙人，同時某程度上欺騙埋自己。佢話所有涉事嘅人要付出代價，當中都包括佢自己。
有好多同情李，亦同時好多人指責佢，我覺得兩者都講得過，一隻手掌從來拍唔響，有人話，李應該唔結婚，李應該唔好生三個，李應該唔公開王嘅罪行。。。咁掉轉講，王應該唔好見一個愛一個，王應該唔好濫交，王應該對妻子忠誠，王應該唔好做操縱狂，王應該唔好咁自戀。。。
而家局面係因為各種人物嘅言行造成，當事人兩公婆、王爸爸、疑似小三、疑似炮友、兩個人嘅好朋友每個都有份令件事演變成咁，是否有更好處理方法，當然有！只係有關人士嘅言行令自己最後落至如此田地，最好係唔出聲嗎？NO， 適時出聲澄清係必須，只係有D人一心想矇騙大眾，連普通常識同邏輯都欠略，令呢個年尾變得咁精彩，比言情狗血小說更不堪。
花旗太太生活在花旗國，留意時差，你問我未必即時答到。
發表於 
返回列表
