吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 點樣拒絕學校活動

自由講場今日: 194|主題: 1348288

收藏本版

發帖

返回列表

跳至頁

樓主: iloveedu

點樣拒絕學校活動

[複製鏈接]

3 456 7...9

Amyamyamychan

男爵府

積分: 6207

81^#

發表於 24-6-26 02:25 |只看該作者

hfl2000 發表於 24-6-25 22:15
講真我都質疑呢個活動有乜意義&覺得係有危險性我從來都無聽過學校有呢啲赤腳活動。
我反而覺得你小 ...

如果有一日仔女同你講唔想考試讀書，唔想求分數，求分數係隨波逐流，你點答?

私人傳訊

C77f

大宅

積分: 2277

82^#

發表於 24-6-26 02:28 |只看該作者

我覺得體驗下幾好，但活動可唔可以consistent 一啲，我睇死間學校要開住冷氣，咁點體驗貧窮，
我係屋企都係開冷氣赤腳，唔通我體驗緊貧窮（雖然我唔係有錢）

私人傳訊

birdbird

水晶宮

積分: 61403

83^#

發表於 24-6-26 06:40 |只看該作者

回覆樓主:

樓主之前為咗個仔在學校唔想除鞋度高磅重開post 問點處理，現在又為咗個仔唔想参加學校赤腳行活動又開post 問。

人生，尤其活在群體，唔係每樣事情有得你揀做唔做，要學曉妥協。超潔癖並不是一個理由去挑戰個活動。況且，如果連赤腳行(有得着襪)都唔试，將來突發事，係唔係堅持要揾番对鞋先至逃生?

做家長有時唔洗太民主或太遷就仔女，盞令到仔女適應能力+抗壓力低。

私人傳訊

Fishqqma

瑪瑙宮

積分: 137299

2025勳章 2025勳章蛇年勳章 2024年龍年勳章虎到金來勳章

84^#

發表於 24-6-26 06:52 |只看該作者

iloveedu 發表於 24-6-25 21:19
其實Miss安排咗，如果有啲同學唔想赤腳，可以着襪，我覺得呢個已經係照顧左同學嘅需要。

不過佢成日話唔想 ...

你唔應該話又唔係你洗，你直情話參加完活動之後掉咗去，行完戶外石屎地對襪仲邊要得㗎！ (我冇潔癖)

私人傳訊

little_kid

男爵府

積分: 9603

85^#

發表於 24-6-26 07:07 |只看該作者

本帖最後由 little_kid 於 24-6-26 07:26 編輯

iloveedu 發表於 24-6-25 21:00
收到通告，小朋友學校有校園赤腳行活動，全校師生都要除鞋（赤腳/著襪）喺學校行，小朋友聽到之後勁唔鍾意 ...

鼓勵下小朋友參加

（唔知你小朋友幾大）日後上小學中學唔通唔鍾意上某啲堂可以唔上？親小朋友細仍聽教就教好佢

有啲襪底部有粒粒防跣親，同小朋友講果啲產物品（唔好提‘’襪‘’字）係響室內當鞋著, 睇下小朋友接唔接受到。

如果真係好抗拒或者行一陣／行完即沖腳都叫有參如活動

完了活動, 佢可能覺得唔舒服或污糟正好教育小朋友我哋唔舒服只係一日活動貧窮地方小朋友無得選擇每日都要面對赤腳生活, 教導下小朋友要感恩現在有啲生活。

但如果嚴重潔癖,要問下醫生協助解決, 如果唔係日後佢又辛苦你又湊得辛苦。

私人傳訊

macdullbaby

伯爵府

積分: 16139

86^#

發表於 24-6-26 07:09 |只看該作者

樓主嘅小朋友長大後可能係「極品」，奢望個地球圍住佢轉，佢從來都冇打算去適應呢個世界。從小到大阿媽都會幫佢披荊斬棘，佢唔喜歡做嘅事，阿媽就會幫佢絞盡腦汁剷除。佩服佩服

私人傳訊

20170101

男爵府

積分: 7979

87^#

發表於 24-6-26 07:51 |只看該作者

唔會赤腳行。學校真搞笑，小朋友去playroom 都要著袜啦。
惹到腳氣病就唔抵。著袜！
咁少事唔會就佢囉。

私人傳訊

GreenMaDad

子爵府

積分: 10023

88^#

發表於 24-6-26 07:53 |只看該作者

依個係一個好難既課题。

我地個代通常被train到要常聽從指示，上司同老師亦覺得自己有好大權威.

以前番工好多野做最後辭職，上司係外國人，佢第一個反應係：你講俾我聽嘛，你可以吾駛咁夜放工，我會幫你做埋d野。聽到真係文化衝擊，當然，我吾係最忙嗰個，點好意思講.....但E件事反映到，外國人會覺得每人要自己照顧自己感想。

雖然赤腳行可能係一種體驗，但亦吾係吾體驗就會成績差哂，品德低哂，究竟老師想achieve·乜野？

亦似乎樓主兒子有一種獨特既敏感性，可能係吾好既敏感，但佢就係佢，我地理解吾到，迫佢跟學校做，吾知有乜得益，但佢stress level爆升，咁迫佢咪仲衰？

私人傳訊

cy101

象牙宮

積分: 205309

2025勳章 2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

89^#

發表於 24-6-26 07:55 |只看該作者

唔會就佢，咁小事佢都唔妥協，以後日子點算！

私人傳訊

hfl2000

珍珠宮

積分: 30849

2025勳章 2025勳章蛇年勳章 2024年龍年勳章 2023年兔年勳章

90^#

發表於 24-6-26 08:06 |只看該作者

本帖最後由 hfl2000 於 24-6-26 08:09 編輯

Amyamyamychan 發表於 24-6-26 02:25
如果有一日仔女同你講唔想考試讀書，唔想求分數，求分數係隨波逐流，你點答?
...

我從來都唔會教佢考試讀書係求分數，唔好意思，我唔覺得返學讀書「分數」係最重要，我從來都係教佢求人生態度、做人處事重要過「求分數」。
分享最近一件事俾大家聽聽：
我仔中三，最近大考學校派卷，電腦科，老師係一路對卷一路喺大屏幕顯示全班答案&合格率，有一題，全班30幾個人答A，只得我仔答B。
因為嗰題驟眼望落去，會令人聯想到係要跟返最近考試範圍教既理論/公式自然答案會係A，但我仔堅持自己個答案係啱既，佢勇於舉手同老師表達，佢仲嗌老師自己試吓用電腦即時計算出答案，電腦結果係我仔既答案B，原因係原來老師唔小心打錯咗條問題既一個符號(可以講即係出錯題)，成條題目變咗係另一樣嘢嚟。
結果老師判斷係我仔啱，加返佢分，但全班其他人就扣咗分，有啲人因此而唔合格。
俾在你，會唔會驚俾人話唔合群？俾人話係異類？隨波逐流覺得人人都係答A，自己個答案應該係錯啦？而唔敢舉手呢？逃避面對？
「將來有冇勇氣面對困難、會唔會凡事逃避」呢樣嘢，我覺得呢啲係有兩面既，大家睇嘢既角度唔同，反正我覺得佢今次大考，最令我高興既就係佢呢件事，而唔係佢邊科攞到好高分，共勉之。

私人傳訊

hfl2000

珍珠宮

積分: 30849

2025勳章 2025勳章蛇年勳章 2024年龍年勳章 2023年兔年勳章

91^#

發表於 24-6-26 08:22 |只看該作者

hfl2000 發表於 24-6-26 08:06
我從來都唔會教佢考試讀書係求分數，唔好意思，我唔覺得返學讀書「分數」係最重要，我從來都係教佢求人生 ...

補充：
我仔答案B係(空白/沒法計算)

私人傳訊

gretamama

男爵府

積分: 8065

92^#

發表於 24-6-26 08:22 |只看該作者

Horace_b 發表於 24-6-25 21:47
漫漫長路唔係樣樣都係要唔鍾意，唔想就唔做，好多野好多人都唔想，也可以學習點樣面對、克服 - 正正就係我 ...

好認同你嗰句「無壞的事為什麼試一下也不可？」我總唔信大家人生入面一定要好有意義嘅嘢先會做，每個活動都係新嘅經歷、新嘅體會，要經歷左先感受到當中嘅甜酸苦辣。

有人話未見過呢類型嘅學校活動，正面啲諗，其實幾有新意呀～每年揹水行要俾成千蚊捐款然後去揹水行山，但都好多人玩喎～咁揹住支水有幾有意義呀？咪同而家赤腳行類似意思囉～所以係咪完全無人做呢啲活動呢？根本唔係，只係反對呢啲活動嘅人無見識過、體驗過，就話人哋搞啲野好無聊無意義囉….

私人傳訊

jess_346

大宅

積分: 1136

93^#

發表於 24-6-26 08:27 |只看該作者

回覆樓主：

本帖最後由 jess_346 於 24-6-26 08:28 編輯

其實呢個post 一開就知已成經幫細路諗定點退縮(emoji)
點做家長?
小事都射波~無言

私人傳訊

Fatima_melanie

男爵府

積分: 7415

94^#

發表於 24-6-26 08:41 |只看該作者

GreenMaDad 發表於 24-6-26 07:53
依個係一個好難既課题。

我地個代通常被train到要常聽從指示，上司同老師亦覺得自己有好大權威.

認同你，盲目聽從或盲目地critical thinking 都有問題，不能各走極端。同時間老師想achieve d 咩呢？親身體驗並非建立同理心嘅唯一方法，難度做醫生要患過cancer 先建立到對病人嘅同理心嗎？恕我直言，按樓主提供嘅資料，老師眼高手低並非良材，如遇水平高嘅家長或學生，實在誤人子弟
赤腳行有衞生及安全問題，但老師就gimmick 十足，年尾appraisal 又有亮點了