本帖最後由 my005 於 24-7-2 11:03 編輯
我講我自己親身經歷。
應係200X年，我因病入沙田威爾斯，住左一排，再轉入左大埔醫院普通病房。
住左一星期後，留意到有一張病床，係有人住既，但長時間都拉左布廉，但見有兩個女人分班入去既。(我估計12小時為一班，當然我無認真計算過啦)， 但就從未見有病人出入。(按常理公立醫院病人係著病服架嘛。)而假日或夜晚，係另有啲親人去探既。
我住耐啲後，就混熟左啲院友，佢地都係住得比較耐既，其中有個住左1年以上添(若計間間續續，佢應住左好幾年，佢自稱做左啲大型手術，而又告緊醫院中添)，佢地早已熟晒間病房既醫護。平日無所事事，大家就八下周圍，而我就好奇嗰個床位。
據佢地講嗰個係一個好年輕既女病人，拾幾歲時發生車禍，昏迷左好幾年既。
而嗰2個女人，根據院友話佢地係"賓賓"，24小時輪班黎照顧嗰個病人。
我印象都幾深刻，因為我第一時間心諗：個女仔都好慘喎咁年輕，佢家人應幾有錢喎﹗
見啲"姐姐"出入廁所時，我曾同佢打招呼，嘗試打開下話題，但佢地(分別)都只係笑笑，好快又返返入嗰度。
至於當時呢個係唔係特別通融呢？抑或係隻眼開隻眼閉呢？我就唔知喇﹗
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
