自由講場 今日: 98 | 主題: 1352748

積分: 74328

83^#

發表於 24-10-12 10:37 |只看該作者

gilgilgilgil 發表於 24-10-12 10:31
不過逆按揭好似手續費幾貴

我冇details問，佢都差唔多60，又冇仔女，單身。佢同我講時我feel到佢好滿意，每月有錢收，仲可以繼續住唔駛煩。

私人傳訊

積分: 18439

母親節2025勳章 2025勳章蛇年勳章

84^#

發表於 24-10-12 10:52 |只看該作者

本帖最後由 fannychau 於 24-10-12 11:16 編輯

Elenalan 發表於 24-10-11 13:56
升市周期賣自住樓當然風險大啦，現在跌市周期開始，賣供滿的自住樓，如果仲賣到好價，套一大舊$，仲可以慢 ...

你講嘅嘢有好多謬誤，首先而家係咪跌市週期『開始』

都成問題？
現時跌市喺短期供應量多丶市民信心受影響、當時利息高、...等等。隨著政府停止賣地、發展商已經減慢起樓，未來供應亦不會按照預期，美國未減息香港定期存款利率已經跌到得返3.x厘，好快就會跌到得返1-2釐。短期供應量逐步消化，整個狀況就會改變。

你經常有個茂誤話香港樓未來會有足夠供應，我唔明你點解會有噉嘅想法？經濟未差未加息前，你有冇感覺會有足夠供應？香港土地問題未解決，填海、北部都會區全部都係得個講字，何來會有足夠供應？

另外，好多發展商都表態包括長實趙國雄，樓價已經冇再下跌嘅空間，再下跌佢哋就唔起樓，其實道理都好簡單，現時建築成本5000-6000/呎，發展商唔會用自己錢去起樓，借錢融資成本當發展期三年約1000-1500/呎，其它支出例如佣金宣傳雜項加合理利潤1500-3000/呎，未計地價

最平最平都要9000-1萬，計埋地價你話幾多？

發展商起好嘅樓就話要貨如輪轉賣出相信以免資金鏈斷裂，所以先肯蝕賣，冇錢賺邊個去投地起樓？冇新樓邊有足夠供應？冇足夠供應樓價點會跌？香港稅基好窄全靠賣地收入，高樓價政策短期內冇解決方案，唔賣地政府冇收入，樓價跌政府賣唔到地，政府財赤問題就解決唔到，係咪長期發債令債臺高築？現時唯一解決方法就係搞好經濟，令樓價止跌回升，先可以繼續賣地，你話樓價仲有冇下跌空間？

另外你有一個好大嘅謬誤，你話現時賣出自住樓租樓仲有著數，你應該係講緊啲非常貴價樓例如幾千萬既樓，因為越貴嘅樓租金回報率就越低，但香港普遍市民如果幾百呎嘅樓，賣出都係得返幾百萬，一年定期現時都係得返十零萬，睇現時租金貴嘅情況下，利率持續下跌，真係不堪設想，只會令生活質素下降。

當你冇左層自住樓，幫人租樓住，幫人供樓個心一定好唔舒服，當租咗一段時間，慢慢跌入舒適圈，就會更加難買樓，樓價一變就變，好多時都係永遠都買唔返樓，一子錯滿盤皆落索。

私人傳訊

積分: 67443

85^#

發表於 24-10-12 11:27 |只看該作者

fannychau 發表於 24-10-12 10:52
你講嘅嘢有好多謬誤，首先而家係咪跌市週期『開始』都成問題？
現時跌市喺短期供應量多丶市民信 ...

你睇番我上面講嘅例子，我一向認為每個人理財方案唔同，年齡、工作收入，甚至將來工作或居住嘅計劃都唔同，所以確實要睇下人地賣或買係基於乜嘢考量，唔係見人賣自住樓就人定係睇死佢上唔番車，睇住佢折墮嘅心態。唔係一個方法適合所有普遍市民，係你自己以偏概全講咩普遍市民，就算住公屋嘅人都唔係普遍一個背景啦，點解置業計劃只可以普遍一種做法？
我以上都舉左3個case studies, 每個人賣或買都有自己考量原因。

我post嘅新聞，一間大西北交通配套差又成40年樓齡，唔自住都好難出租，點解唔賣左佢而換新d？自住可upgrade居住環境，就算係租盤當投資都應該換d更易出租嘅地點啦。我在市區自置物業，如果自己唔住都容易出租，咁就已經係唔同考慮。

亦有好多人唔住自住樓而雙租，可以有其他因素例如工作上學地點改變，或有租津，計完數租抵過住自住樓。

至於你話北部都會區得個講字？請問你係咪住香港？可以去睇下開左工的地盤？你知唔知北都係邊？建議去政府網頁睇下定期發佈進度。我工作都有進出地盤，唔係活在平衡時空。

私人傳訊

travelman

男爵府

積分: 6555

86^#

發表於 24-10-12 11:28 |只看該作者

應該咁樣講，如果你自住樓而家賣出去都唔會點樣高價錢，除非你急着用錢，有自住需要就無謂咁樣做，但係你話買樓收租賺錢呢個概念就而家唔係好work，一來樓價會不斷向下走，第二其實啲人話有四厘回報，但係所有人冇計算包括管理費、差餉、地租、租客走咗後再裝修費用、空置期、交稅等等，另外租客有什麼事都會搵你去維修去更換，另外你又要嘥心機去追租客俾租，依家啲經紀響度吹有四厘回報，其實我計過應該都係兩厘左右。

私人傳訊

LedTV

琥珀宮

積分: 154452

虎到金來勳章好媽媽勳章醒目開學勳章畀面勳章環保接龍勳章

87^#

發表於 24-10-12 11:42 |只看該作者

gilgilgilgil 發表於 24-10-12 10:24
識人係咁做、之前高位放、攞去收息、息去租樓......不過睇得準就好

高位放啊
而家個樓市想高位都難

而家係低位放，收得錢嚟都三個月後，2025年又唔知再減咗幾多定期利率

所以而家呢一刻先去放自住樓收息
真係唔啱數

私人傳訊

積分: 18439

母親節2025勳章 2025勳章蛇年勳章

88^#

發表於 24-10-12 11:55 |只看該作者

本帖最後由 fannychau 於 24-10-12 12:18 編輯

Elenalan 發表於 24-10-12 11:27
你睇番我上面講嘅例子，我一向認為每個人理財方案唔同，年齡、工作收入，甚至將來工作或居住嘅計劃都唔同 ...

你咁快戴頭盔，話你講嘅嘢原來唔適合所有人，不如你標明適合啲乜嘢人

我唔明你所講嘅乜嘢係普遍一種做法？你講嗰幾種做法全部都係叫人賣樓，例如但不限於，大西北交通差40年樓，唔自住都好難出租，請問係而家市差嘅情況下，點解要賤價俾人壓價賣出？你太唔瞭解個市場，現時係租金貴，衹要你有物業喺手，短時間就可以租出，反而你話要賣出一層大西北交通差40年樓仲困難，俾人壓價壓到飛起，點解唔喺市好賣要係而家賣？

另外你講到雙租問題，你話有好多人都唔住自住樓，而租樓住，如果市道好你又唔怕麻煩，呢種講法還可以，而家市道差租金貴，我唔明白點解要攞苦嚟辛？

北部都會區開展嘅地盤？你知唔知生地要變熟地要幾耐？唔係填平到地就可以起樓，你知唔知要交通配套、供水供電、下刪一萬樣其他配套？有土地有冇發展商會買？樓價唔升返，發展商根本就唔會再投地，我想問你係咪住係平行時空，你知唔知今年有幾多幅地賣出？未來賣地計畫你又知唔知？冇錢賺發展商會唔會投地？再多個土地都係攞嚟曬太陽

點評

Prosperous

發表於 24-10-12 23:25

私人傳訊

積分: 67443

89^#

發表於 24-10-12 12:17 |只看該作者

fannychau 發表於 24-10-12 11:55
你咁快戴頭盔，話你講嘅嘢原來唔適合所有人，不如你標明適合啲乜嘢人

我唔明你所講嘅乜嘢係普遍一種做法 ...

我上面每個post都沒有Edit過喎，每隻字都寫得好清楚。請問個頭盔喺邊？定係你要幫我加標題？文字係neutral, 你有權用你嘅方法去解讀。

點解果位業主唔喺市好賣舊樓而選擇現在賣？你睇新聞有講，業主有講佢自己原因，我只係發表意見，認同佢呢一刻呢個決定。

雙租麻煩係你觀點，我已講左我和身邊朋友會選擇雙租嘅條件，一係為左返工返學，二係有租津或扣税，再喺度補充多個原因，換樓成本仲係貴又未睇啱。以上唔關頭唔頭盔事，社會上真係有唔同需要嘅人，你冇以上情況，唔代表世上冇人有呢d情況和需要。如果賣樓市道差租金貴，而自住樓租值又唔錯又容易出租，咁雙租唔係最節省成本嘅做法一之咩？

關於北都發展我建議你睇政府發佈，我唔參與更詳細討論，因為可以講的上網一定有資料。

私人傳訊

大力大力

象牙宮

積分: 213441

2025勳章 2025勳章蛇年勳章醒目開學勳章大廚勳章

90^#

發表於 24-10-12 12:21 |只看該作者

回覆樓主:

最笨就係抄賣自住樓、一買一賣已經輸使費～

大力理財篇之子女理財！

http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1

私人傳訊

積分: 18439

母親節2025勳章 2025勳章蛇年勳章

91^#

發表於 24-10-12 12:29 |只看該作者

本帖最後由 fannychau 於 24-10-12 12:34 編輯

Elenalan 發表於 24-10-12 12:17
我上面每個post都沒有Edit過喎，每隻字都寫得好清楚。請問個頭盔喺邊？定係你要幫我加標題？文字係neutral ...

有冇edit過重要嗎？最重要係內容有冇改變，最重要係內容是否正確，而且edit 有寫明時間，我係用口講輸入法，所以睇到出現錯字edit 更改有乜問題？點解你要搬龍門討論啲無謂嘢？

你問我點解個別業主會喺市道差賣樓？我反問你點解你唔問嗰個賣樓業主反而問我？有人有金錢需要、有人有其他需要....點解要用個別例子作為大部份人蔘考？呢種係咪叫做以偏概全？

至於雙租問題，普遍人都會覺得麻煩，一方面係搬屋麻煩，另一方面係收租麻煩，好多人上面已經講過，呢個唔係我個人覺得，而係大部份人都有同感，我係唔明白點解而家要提出雙租問題，自己去麻煩自己。你話如果自住樓租金貴，而自住樓租值又唔錯，雙租唔係一個好嘅方法？我會感覺你係一個地產經紀，叫唔到人賣樓就叫人租樓，剛剛都講過，租樓係一樣非常麻煩嘅問題，有好多討論已經講過，根本就係自找麻煩。

關於北部都會區政府方案，你叫我自己去睇，我一早已經睇過，我咪反問緊你，賣地唔係單方面，樓價唔升返，冇錢賺邊個發展商會去買地起樓，你係發展商你會唔會？

私人傳訊

積分: 67443

92^#

發表於 24-10-12 12:36 |只看該作者

fannychau 發表於 24-10-12 12:29
有冇edit過重要嗎？最重要係內容有冇改變，最重要係內容是否正確，而且edit 有寫明時間，我係用口講輸入 ...

第一張圖係你寫嘅問題，第二張圖第一句係我先引述你個問題，再答番你新聞有原業主講賣樓原因，我再補充我同意佢呢一刻呢一個決定。

你睇清楚，個問題係你問，我只係話你知個業主有講佢嘅原因。
attach0/tmp/phpHAHg3C

私人傳訊

好有問題

男爵府

積分: 6274

93^#

發表於 24-10-12 12:37 |只看該作者

caryfox 發表於 24-10-10 21:01
二百萬定期3 ％每月有5千利息

佢要幾多百萬先夠交租⋯⋯

我700萬, 4厘幾
租20000, 的確仲有剩

私人傳訊

積分: 18439

母親節2025勳章 2025勳章蛇年勳章

94^#

發表於 24-10-12 12:45 |只看該作者

Elenalan 發表於 24-10-12 12:36
第一張圖係你寫嘅問題，第二張圖第一句係我先引述你個問題，再答番你新聞有原業主講賣樓原因，我再補充我 ...

唔明你咩第一張圖第二張圖... 唔重要，反正睇完第一段都冇內容。

第二段都唔係好明你講乜，不過我已經回復左你，話乜嘢大西北40年樓交通差難出租，我咪回復咗你囉，現時最缺乏嘅係租盤，衹要你有樓係手，出租點都容易過賣出，而且唔使賤價賣出。

私人傳訊

積分: 67443

95^#

發表於 24-10-12 12:47 |只看該作者

fannychau 發表於 24-10-12 12:29
有冇edit過重要嗎？最重要係內容有冇改變，最重要係內容是否正確，而且edit 有寫明時間，我係用口講輸入 ...

雙租麻唔麻煩？雙租係自願又唔係被迫，
會雙租嘅人已經考慮過雙租利益大過缺點先去做，冇呢種情況嘅人點解要為人地操心？

同樣道理，收租麻煩，點解香港咁多收租業主？而且唔止一間收租物業？咁人地一定覺得有利才去做。

就以上已經係兩大類人羣，而每人都有自己要考慮嘅需要，我喺樓主呢個post所分享的例子都有唔同背景和需要，唔係叫大部份人只可參考呢d例子，相反係叫大家睇下人地嘅決定，係基於乜野背景和需要去考慮。

私人傳訊

annie133

公爵府

積分: 26361

96^#

發表於 24-10-12 12:50 |只看該作者

Elenalan 發表於 24-10-12 11:27
你睇番我上面講嘅例子，我一向認為每個人理財方案唔同，年齡、工作收入，甚至將來工作或居住嘅計劃都唔同 ...

其實你講嘅雙租/換樓，都已經唔係賣自住樓收息，因為呢個post的題目係「賣自住樓收定期息好唔好」，情況不同。
好似股市，好唔好18000點賣哂，16000點買返？但一路等一路要交租就好似買期權，蝕緊時間值，結果就算平D買返計埋都冇賺，仲要心理負擔驚買唔返，如果朋友問我意見，我只會答比我唔會咁做，你自己計吓數啦，如果老公問我，我會話「你作死呀！」

如果换樓，我係讚成而家換，因為優質同劣質單位差價縮窄了，不過最好先賣後買。

私人傳訊

積分: 18439

母親節2025勳章 2025勳章蛇年勳章

97^#

發表於 24-10-12 12:56 |只看該作者

本帖最後由 fannychau 於 24-10-12 12:59 編輯

Elenalan 發表於 24-10-12 12:47
雙租麻唔麻煩？雙租係自願又唔係被迫，
會雙租嘅人已經考慮過雙租利益大過缺點先去做，冇呢種情況嘅人點解 ...

你講嘢越嚟越奇怪，麻煩同被迫有乜嘢關係？我係話雙租係自找麻煩，一方面要搵租盤又要搬屋，另一方面隨時遇上租霸，而且租客唔會點樣愛惜你間屋，租完隨時要大裝修。我從來冇叫人唔好雙租，我只係話點解要喺而家走去自找麻煩，我反問你係唔係地產經紀，叫唔到人賣樓就叫人雙租？

你反問我收租麻煩點解香港有咁多業主收租？當你有好多錢、有好多投資、有好多物業，當然會買樓收租，但你個例子係雙租喎，你唔係唔記得咗呀？將自己層自住樓出租自己再租樓，你反而問我點解香港有咁多業主出租物業？當你有幾十層樓你梗係會出租啦唔通丟空咩，你係咪又想搬龍門呀，你係咪講緊雙租？

你分享嘅都係叫人賣樓、租樓，而唔係叫人哋有需要先賣樓，有需要先租樓，我都幾肯定你係地產經紀，近排應該生意困難，所以分享分享分享

私人傳訊

積分: 67443

98^#

發表於 24-10-12 12:57 |只看該作者

annie133 發表於 24-10-12 12:50
其實你講嘅雙租/換樓，都已經唔係賣自住樓收息，因為呢個post的題目係「賣自住樓收定期息好唔好」，情況不 ...

你講得啱，所以我喺第一個post講，賣自住樓果兩位朋友，本來都唔係因為收息而賣樓，而係移民(不成)或被裁，而且係打算買番，只不過仲揀緊，佢地冇打算一直租樓，只係呢一刻唔急。

我每一隻字都寫得好清楚，冇叫過人只係一世定期收息然後租樓。

第二個post，更加係鼓勵人換樓，呢一刻平賣舊樓係咪蝕？蝕唔蝕係睇佢買入價，仲有佢套現嘅$可以做什麼價值嘅事。

私人傳訊

積分: 67443

99^#

發表於 24-10-12 13:06 |只看該作者

fannychau 發表於 24-10-12 12:56
你講嘢越嚟越奇怪，麻煩同被迫有乜嘢關係？我係話雙租係自找麻煩，一方面要搵租盤又要搬屋，另一方面隨時 ...

我冇叫過你雙租，亦冇叫人做唔做雙租，我只係講自己和朋友會做雙租決定時考慮嘅條件。你可以覺得你如果做雙租係自找麻煩，但人地做係人地有自己原因和利益考慮。

分享當然係講自己知道嘅例子情況和條件，只係俾人參考下，冇可能人人一樣。就係唔想被誤解租樓一定係啱定錯，買賣物業一樣，睇人地決定前了解下人地嘅背景和原因。

私人傳訊