自由講場 今日: 2034 | 主題: 1336014

積分: 2496

81^#

發表於 25-1-8 09:45 |只看該作者

本帖最後由 snorlax 於 25-1-8 09:47 編輯

somesome2020 發表於 25-1-8 05:05
其實網友都唔知個女咩事。
樓主問醫護啦，會唔會醫得好，應唔應該長期使用尿片呢啲。樓主自己諗都冇答案架 ...

八歲開始帶過女睇過好多醫生，政府私家中醫都試過，行為治療同中醫無效果，西藥食咗部份有效果有但維持唔到一年半載好似有抗藥性咁又再返發，只係冇11歲小學生時無論春夏秋冬幾乎晚晚尿床，半夜尿急識醒進步咗，尿床唔係晚晚除咗冬天，似乎連醫生都束手無策唯有認命順其自然，加上阿女話食藥覺得攰唔想食，就比佢停藥。

睇左佢兩晚著尿片瞓佢的確會訓得好好，咁我短期內都會比佢夜晚著尿片，但會提醒佢半夜如果自己急醒的話最好除低塊片去廁所再著返，唔好懶就咁屙落條片度，同佢講話想唔想將來去到老瞓覺都要著住條片，將來有小朋友的話仔女戒咗片個媽媽都仲要用片呢啲說話嚇佢。

私人傳訊回覆引用

michellechiu02

積分: 8816

82^#

發表於 25-1-8 09:55 |只看該作者

本帖最後由 michellechiu02 於 25-1-8 09:58 編輯

忌廉寶寶發表於 25-1-6 12:17
不停重覆張床褥好貴，牌子名都出現兩次，鬧到老公七彩，整濕左肉赤都出煙，張床褥咁貴又靚冇理由掉左佢…. ...

係啦我睇左陣都覺得睇落怪怪地，作為阿媽，個女係有病先會甘樣，個女自己都話想著返尿片，阿媽又叫佢唔好。但轉個頭瀨濕左個阿媽又怨天怨地怨搞著自己。
如果錢唔係問題，比1千叫外面d清潔公司搞，1個鐘左右張床褥好似新甘。
如果錢係問題，就唔好提住【其實錢係老公出，我都無所謂bla bla bla】。
個女係你生架嘛係咪啊？
真係唔明d人，生b前係咪唔會諗個小朋友有d咩問題，自己係咪搞得掂。

私人傳訊回覆引用

michellechiu02

積分: 8816

83^#

發表於 25-1-8 10:00 |只看該作者

snorlax 發表於 25-1-8 09:45
八歲開始帶過女睇過好多醫生，政府私家中醫都試過，行為治療同中醫無效果，西藥食咗部份有效果有但維持唔 ...

【將來有小朋友的話仔女戒咗片個媽媽都仲要用片呢啲說話嚇佢】
希望你老左瀨尿，到時你個女嫌你麻煩掉你去老人院。
你個女14歲其實係有自尊心ge,唔知你知唔知～

私人傳訊回覆引用

somesome2020

積分: 6309

84^#

發表於 25-1-8 10:18 |只看該作者

本帖最後由 somesome2020 於 25-1-8 10:25 編輯

michellechiu02 發表於 25-1-8 10:00
【將來有小朋友的話仔女戒咗片個媽媽都仲要用片呢啲說話嚇佢】
希望你老左瀨尿，到時你個女嫌你麻煩掉你去 ...

問左樓主好多次，著尿片有咩壞處，樓主都答唔出，淨係用普通人嘅標準黎judge 個女。

睇咗咁耐，都係覺得個女著尿片嘅壞處，就係畀阿媽羞辱，除此之外冇其他壞處。

如果有需要，到老都著片到底有咩問題？

私人傳訊回覆引用

capricornbb

水晶宮

積分: 60520

2024年龍年勳章 2018母親節勳章

85^#

發表於 25-1-8 10:37 |只看該作者

囡囡有病，父母心痛，佢自己都辛苦

呢個情況，夜晚瞓覺俾佢穿尿片啦！否則頻起身，尤其冬天，睡眠質素差，更影響身體狀況、上學學習精神

建議可以夜晚穿尿片，你都要隔2、3個鐘叫佢起身去廁所

至於新床褥，係肉赤，如太大味都要換，再買張新，但好好保養

私人傳訊回覆引用

積分: 2496

86^#

發表於 25-1-8 10:41 |只看該作者

somesome2020 發表於 25-1-8 10:18
問左樓主好多次，著尿片有咩壞處，樓主都答唔出，淨係用普通人嘅標準黎judge 個女。

睇咗咁耐，都係覺 ...

我都講咗好多次，比個女著尿片嘅壞處，就係佢半夜就算自己識醒，佢就會直接係尿片度解決，唔會再特登落床去廁所，我係連放個尿壺畀喺佢床頭佢都唔想拎嚟用，只係想最方便咁尿片解決埋急夜尿唔使去廁所，咁樣佢只會覺得夜晚仲瀨尿都唔係問題，難道咁樣都唔算係壞處？

有段時間佢係有心改善，不過有時半夜失手尿床佢就放棄想用返尿片，我諗好多家長都用好多唔同方法幫小朋友戒夜片啦係咪，亦都好少聽有仔女唔係傷殘唔係智力問題十幾歲都仲要用片，唔知而家時代係咪變咗觀念唔同咗，我記得細個五六歲時無端端瀨尿實俾父母鬧，五歲先戒夜片已經話遲。好似我媽或者老爺奶奶有時會去我屋企住幾日，知阿女仲未戒到夜片唔係話個女而會鬧我話湊得佢唔夠好，而家大個仲難搞，乜說話都係我聽我受。

多謝呢度可以俾我分享埋經歷同埋大家寶貴意見同幫忙，就算比jm鬧我都覺得都有一定道理，會諗下自己係咪真係有嘢做得未夠好。

私人傳訊回覆引用

somesome2020

積分: 6309

87^#

發表於 25-1-8 11:02 |只看該作者

本帖最後由 somesome2020 於 25-1-8 12:42 編輯

snorlax 發表於 25-1-8 10:41
我都講咗好多次，比個女著尿片嘅壞處，就係佢半夜就算自己識醒，佢就會直接係尿片度解決，唔會再特登落床去 ...

我就係覺得個女放心可以喺尿片解決，唔係問題。就算一世著尿片都冇問題。

而家個問題係老爺奶奶樓主阿媽呢啲人加把口，令樓主有壓力，先係問題。而呢啲四大長老唔知個孫女狀況就隨便批評。老爺奶奶呢邊要交俾老公應付。

樓主正正就係拎自己個女同 “冇傷殘冇智力問題”嘅人比較，但係明明個女本來係需要食藥，只係食藥令佢太攰而且有抗藥性所以唔食，本身個女嘅問題都冇解決，但樓主就逼個女要自己好似普通人咁“戒片”。
又拎舊時自己瀨尿俾人鬧嘅經驗同個女比較

講真，一般人個生理機制，自己有尿意都唔會就咁瀨，會漸漸尿意加大，睡意全消，然後起身去廁所。個女自己仲有睡意就瀨喺床真係唔係佢本人控制到。

四大長老古板，理解唔到人與人之間有分別，我可以理解，但樓主係個女嘅阿媽，理應要最體諒阿女嘅需要，但反而一直要求個女達到一般人標準

私人傳訊回覆引用

capricornbb

水晶宮

積分: 60520

2024年龍年勳章 2018母親節勳章

88^#

發表於 25-1-8 12:09 |只看該作者

snorlax 發表於 25-1-8 09:29
多數人都話比阿女瞓得好先，至少唔好因為瞓得差精神唔好影響佢學習同成績，到時比老公話返我話我搞到個女冇 ...

今年秋冬特別乾燥，加上佢身體（估計係泌尿系統）問題，令到身體儲存唔到水份

要體諒阿囡，佢最大支持係自己家人，你唔駛理其他人點睇，

私人傳訊回覆引用

Fatima_melanie

積分: 6977

89^#

發表於 25-1-8 12:32 |只看該作者

snorlax 發表於 25-1-8 10:41
我都講咗好多次，比個女著尿片嘅壞處，就係佢半夜就算自己識醒，佢就會直接係尿片度解決，唔會再特登落床去 ...

我明白你嘅心情，女女係確診左一d病令佢控制唔到去廁所嗎？你觀察夏天控制到而冬天控制唔到，呢種病係冬天先病發，聽你描述女女其實知道急尿，但冬天或著左片時就費事起身去廁所，其實有無部分係意願影響嘅成份呢？
反而瞓覺非常口乾到要飲500ml 水，可能顯示其他身體問題

私人傳訊回覆引用

alicewtw

伯爵府

積分: 15145

最關心BB問題熱投勳章

90^#

發表於 25-1-8 13:03 |只看該作者

明白樓主好大壓力，但我睇晒樓主寫既野，我反而奇怪點解樓主要咁縱個女？
既然醫生都確診係病，點解個女話唔想食藥就唔食？有抗藥性咪試第二種新藥/方法囉！
同埋唔係佢話唔想起身去廁所就由佢瀨喺條片度，佢都講係知有尿意，只係佢懶唔肯起身去廁所。而且如果春夏天冇事，秋冬天先有尿床既情況，就更加證明佢係「識」起身去廁所。咁既話，就試下從家居入手，睡房開變頻暖氣，有套房就比埋間套房佢瞓，等佢冇藉口因為凍而唔起身去廁所。
同埋如果半夜想飲水，真係唔好比一支佢！正常人飲咁多水都會好快急尿喇，何況佢身邊機能冇咁好。我覺得唔可以由佢想點就點！
我明白其他人講著片冇問題、因為係病，但如果春夏天冇事，即係呢個問題、行為係可以改善、可以進步既！既然係咁，做阿媽既當然想佢改善得到呢個壞習慣！

私人傳訊回覆引用

kitty0405

積分: 2004

91^#

發表於 25-1-8 13:05 |只看該作者

床褥有防水套，你試下去淘寶睇下

私人傳訊回覆引用

積分: 2496

92^#

發表於 25-1-8 13:13 |只看該作者

somesome2020 發表於 25-1-8 11:02
我就係覺得個女放心可以喺尿片解決，唔係問題。就算一世著尿片都冇問題。

而家個問題係老爺奶奶樓主阿媽 ...

我老爺奶奶都仲叫開明，知道阿女有病唔會話話佢，但我阿媽唔同，佢都係自細錫到個女燶，不過一講到尿床問題就會話我細個唔好好教佢去廁所，搞到佢大個都係咁，我就好委屈根本都唔關事，阿女本身身體機能問題，阿媽就講極唔明，我心靈弱比阿媽話完匿埋喊。

小學檢查過一次，膀胱肌肉發展唔好容量又細好容易就急，腦下垂體又唔知咩事就搞到仲有尿床問題，似係成個泌尿系統都有先天性缺憾，夜晚尿急個腦神經都係虛弱狀態果種，佢白天忍尿能力都好差，佢要坐大半個鐘巴士返放學，試過放學塞車，上車前又冇去廁所又尿急，落車一陣就忍唔到賴左尿，講緊已經係中學，好彩套校裙係深色，瀨咗尿唔太易察覺，如果唔係對佢心理打擊都好大。

阿女急夜尿就算醒都仲係好有睡意，尿壼比佢唔使落床噓噓，迷迷糊糊未對準就屙落去結果都係屙濕張床，所以佢話唔鍾意用尿壺，寧願直接喺尿片噓噓噓完即刻瞓，唔會濕張床，唔使去廁所之後瞓唔著，因為夜尿佢唔止一次，係一晚至少食三四次頻繁咁落床夜尿佢話好辛苦，瞓得好差。

私人傳訊回覆引用

somesome2020

積分: 6309

93^#

發表於 25-1-8 13:24 |只看該作者

本帖最後由 somesome2020 於 25-1-8 13:34 編輯

snorlax 發表於 25-1-8 13:13
我老爺奶奶都仲叫開明，知道阿女有病唔會話話佢，但我阿媽唔同，佢都係自細錫到個女燶，不過一講到尿床問題 ...

咁好明顯唔係個女用意志力就可以解決嘅問題啦。
我真係覺得著尿片係一個好嘅解決方法。
你阿媽嗰度，如果係我，我會狠狠鬧佢，話我點教女唔駛佢教。你阿媽唔識野，你都要跟住唔識野？

最重要係阿女嘅意願，佢都14歲，係可以俾佢決定點面對佢嘅身體，到底要再求醫定著尿片定點

而且訓得唔好對身體傷害好大，佢可以安心訓係最重要。訓得唔好真係咩荷爾蒙都差，身體修復又差。

私人傳訊回覆引用

Ivan1023

積分: 6821

94^#

發表於 25-1-8 13:24 |只看該作者

snorlax 發表於 25-1-6 09:02
個女因為身體有先天性病患 (14歲)
夜晚瞓覺長期多夜尿間中甚至瀨尿，
一直都唔捨得幫個女換新床褥，

淘寶有防水床笠套，成個床笠咁整張套晒唔怕濕

私人傳訊回覆引用

積分: 2496

95^#

發表於 25-1-8 13:35 |只看該作者

alicewtw 發表於 25-1-8 13:03
明白樓主好大壓力，但我睇晒樓主寫既野，我反而奇怪點解樓主要咁縱個女？
既然醫生都確診係病，點解個女話 ...

我帶佢睇過好多醫生，8歲排政府9歲開始睇，政府唔得就睇私家再加埋中醫，諗住中西合璧，都係效果唔理想，阿女就見睇咁多醫生都覺得冇用食咁多藥都冇用仲整埋啲副作用，我睇到有時覺得心痛就由得佢唔比藥佢食，本來佢好積極，有一段時間食藥真係有效，夜晚急尿識醒去廁所，但維持咗差唔多大半年去到冬天明明食咗藥夜晚都開始成日瀨尿，個女意志就打沉晒好唔開心，跟住阿女話可唔可以比條片佢用返，因為唔想我太辛苦朝朝幫佢清理張床同洗衫，我就畀佢用結果一用返佢又返唔到轉頭，我見唔對路就開始停止比尿片佢要佢半夜尿急起身去廁所或者用尿壺，不過今年佢成日話半夜口乾要飲水，冬天情況更加失控，經常發廁所夢或急醒咗但唔願起身賴床而搞到瀨尿，我都已經冇曬辦法，但又唔甘心由佢順其自然。

老公上年見阿女張舊床褥「戰績」太勁幫佢買新床褥，但估唔到佢買咁貴名牌床褥，雖然我老公目的好單純只係想個女瞓得最好，我因為知道阿女一定會瀨濕張床又搵我去清潔，所以我就好反對買咁貴床，床褥重咗咁多我托起佢洗都好困難，要俾成千蚊畀人洗。

私人傳訊回覆引用

pw_113

積分: 8758

96^#

發表於 25-1-8 13:41 |只看該作者

snorlax 發表於 25-1-6 09:02
個女因為身體有先天性病患 (14歲)
夜晚瞓覺長期多夜尿間中甚至瀨尿，
一直都唔捨得幫個女換新床褥，

錢事小，點幫到你女盡量唔好瀨尿先最重要，唔好因為驚整污糟貴床褥肉赤，阿女依賴尿片令人更肉赤呀

私人傳訊回覆引用

loveman

積分: 7118

97^#

發表於 25-1-8 13:57 |只看該作者

寵物店有去除尿味的清潔濟，你可以一試

私人傳訊回覆引用

ctsang