自由講場 今日: 566 | 主題: 1340140

積分: 1565

82^#

發表於 25-2-8 02:42 |只看該作者

知足的快樂發表於 25-2-8 02:37
你哋大家都要睇政府精神科，先去私家醫生取𨍭介信

我地一向睇私家精神科。乜要睇政府，點解啊？你意思係政府都排會好d？

私人傳訊回覆引用

積分: 1565

83^#

發表於 25-2-8 03:00 |只看該作者

本帖最後由 HappyJo888 於 25-2-8 03:24 編輯

701003 發表於 25-2-8 02:16
休學吧！處理好仔的情緒病，再加你自己的情緒母子生命、家庭和諧比學業重要太多太多！面子永 ...

對，休學呢個係我其中一個積極的option嚟。
不過，休學後應該即係等如再送佢出國讀中學。我都要諗佢ready否，問佢意願。

而家等轉校。轉得成，如果新校我仔最後都係咁頑強地不想學校約束（我假設佢係憎舊校先唔返學，而非“學校”呢個地方/制度）, 我都諗慳返送佢出國讀中學，真係丢錢落海。自修算。

但，唉~ 而家我情緒好差好差。心中想法清晰，但偏偏寸步難行。而家係學期的中間，幾難轉？轉都要等。我感覺到未等到轉已崩潰，激出大病，我好想自救。

我冇去諗面子啦，個仔喺屋企成個躺平廢青咁（雖然佢係識書的），我只想佢多d運動多d細藝，作息好d已好安慰。休學唔難，快樂難求。

私人傳訊回覆引用

tsangmarilyn

積分: 1683

84^#

發表於 25-2-8 03:10 |只看該作者

HappyJo888 發表於 25-2-7 08:26
佢已經冇晒朋友。3年前走晒d好朋友，成大半年成日缺課缺堂，點仲會有學校朋友。A仔，更加少“朋友”。
得 ...

睇到你的處境，都唔識點安慰你，但從另一個角度看，佢健康成長無放棄生命已經要感恩。
或者可以嘗試問下佢對什麼有興趣？現在電競已經可以發展成一個科目，可以試下從這方面入手，不要硬碰硬，對佢成長是沒有幫助的。
十五歲去到青春期，佢都失去方向，父母要從傍協助，道理佢地亦唔會聽得入耳，只可以在身邊支持及陪伴，不要放棄，you are not alone、連你做父母的都唔想理、你覺得佢會點諗？
是你帶佢黎到呢個世界，指引佢去一個光明的方向、佢對那方面有興趣，就從那方面去，條條大路通羅馬，總有出路的，加油，媽媽(emoji)(emoji)

私人傳訊回覆引用

積分: 1565

85^#

發表於 25-2-8 03:11 |只看該作者

本帖最後由 HappyJo888 於 25-2-8 03:11 編輯

JoanC 發表於 25-2-8 00:44
15歲係一個唔大唔細嘅年紀，好多嘢佢覺得自己大個有主見、有理想，係別人唔明白。用父母又覺得佢仲好細，唔 ...

係，唔大唔細，真係令人好揪自己心，鬧唔得，氹佢又難，惡佢兇你，淋佢蝦你。我每日都來回折返人間。

不過，之前旅行的日子，我開頭都擔心佢癲，有因此而上bk求求生錦囊的。但佢又叫得起身，準時上車，瞓就少少夜但可控範圍。全程要等的佢冇發long嚟，好好笑容。樣樣都似未病發。令我覺得壓力真係好得人驚。你提意好好，我都諗如果有d 非正式學校短讀幾個月，認識世界，感受群體生活都好。我試去搵搵

，好多謝你啊

私人傳訊回覆引用

積分: 1565

86^#

發表於 25-2-8 03:21 |只看該作者

spikenard 發表於 25-2-7 17:48
不過講真，我咪講有段時間我細路唔想返學，我都會覺得好煩好鬼燥的，所以去睇中醫，好有用，控制情緒，人 ...

我有興趣飲吓藥粉，熱熱地都舒心。

我如果去睇中醫，我應該同佢講咩，點講我邊到度唔舒服？我成頭成身都好唔舒服喎，但講唔出點唔舒服法。

我好多時，就唔想老公再擔心太多而收埋自己的想法同憂慮，仲會安慰佢轉頭。老公處理個仔d嘢都非常多。尋晚聽到老公話死心唔想煩，我就好亂諗足一晚睇唔開。打擾到大家

私人傳訊回覆引用

701003

水晶宮

積分: 61839

畀面勳章

87^#

發表於 25-2-8 03:25 |只看該作者

HappyJo888 發表於 25-2-8 03:00
對，休學呢個係我其中一個積極的option嚟。
不過，休學後應該即係等如再送佢出國讀中學。我都要諗佢ready ...

我明白，關心則亂，親生仔出現問題，媽媽情緒不穩真係好難作決定的

但相對十幾歲的青少年，成年人由於經歷了幾十個寒暑，一定有方法令自己冷靜下來的

我經歷過更年期焦慮抑鬱，雖然唔使藥物治療，但果種所有嘢都好似不可控，個腦/思維不受控的比感覺，好無助，好想了結，但牽掛子女/家人，又怕死又驚有病，心生理上都有各種不適

唔緊要㗎，只當係病一場，尋求各方面醫治，有信仰既就祈禱求助於神佛，冇嘅就四處舒發情緒，你依家肯上網討論係好其中一個出口

個仔有極度厭學，就代表學校令佢痛苦，起碼仲有個安全的家可以避難，首先，點都要毫無保留地接納自己，接受自己情緒，個仔有事，媽媽一定比死更難受，證明你係一個好媽媽！

私人傳訊回覆引用

701003

水晶宮

積分: 61839

畀面勳章

88^#

發表於 25-2-8 03:44 |只看該作者

HappyJo888 發表於 25-2-8 03:00
對，休學呢個係我其中一個積極的option嚟。
不過，休學後應該即係等如再送佢出國讀中學。我都要諗佢ready ...

回复有限字數，所以繼續

呢個階段，並不適合同個仔討論學業

亦唔需要顧及其他家人住，首先處理咗自己先

我之前失眠，半夜三更不停睇片，由宗教傳道、講生死，到情緒病患者拍的各種片，個心屈住，好想喊，就睇悲劇，想休息就聽舒緩音樂，想笑下，就㷛喜劇，逼自己曬太陽(上午9一11點)，調整好自己先可以照顧個仔，當唔開心襲來，用筆寫下自己情緒，再用理智寫下解決辦法，例如：我依家見到仔好廢，唔返學，好心痛，點解會搞成咁？
答：佢只有十幾歲，一定係遇到困難，怕咗返學，任何人都可以睇C佢，但我一定唔可以，我要同佢共進退，為母則強，我要保護佢接納佢！......不停餵自己飲心靈雞湯，正面嘅文字/話語，絕對激勵到心靈！我以前覺得正能量之類，好白痴，但遇到難關，呢堆白痴嘢救我出生天

私人傳訊回覆引用

volan

伯爵府

積分: 17022

89^#

發表於 25-2-8 05:57 |只看該作者

對15歲的男仔不用感同身受感情太重雙方會更累母子關係輕鬆啲吃芝麻糊補腰骨

縱橫經緯天地海山，一年創一千六百種奇蹟，每日食物量130g，世間勝利女神，早上五點太陽，初一月亮，光之速度與高度，貌若春季少女。

私人傳訊回覆引用

mizuho

積分: 37992

90^#

發表於 25-2-8 07:39 |只看該作者

HappyJo888 發表於 25-2-7 08:21
佢輕輕話唔想返唔好返喇，我有醫生信寫住“未必適合返學”, 但無幫過我再同學校爭取多d調適。學校企得硬 ...

小朋友一定有某種原因導致返學唔開心所以唔想返學，任何人嘅行為都係由某種原因導致。
或者睇下爸爸能否幫忙同仔仔傾吓，了解一下仔仔喺學校嘅日常。換個人換個角度出發，可能佢會打開心窗？
打遊戲都唔一定係廢，我自己就曾經廢寢忘餐咁瘋狂打了好幾年，真係要好似戒毒咁，delete了3次先搣得甩嗰個遊戲。打遊戲嘅passion其實都可以轉移，用喺適當嘅對方可能會闖出一片天。15歲仍然可以調，但樓主自己要先俾自己適應、接受、開懷、正面，守護好自己健康嘅首要重點。

私人傳訊回覆引用

mizuho

積分: 37992

91^#

發表於 25-2-8 07:56 |只看該作者

HappyJo888 發表於 25-2-8 02:40
我好有興趣想知這類小朋友到了18歲會有怎樣的大轉變。
我見前面幾個會員都建議我送仔去寄宿，做嘢，航海學 ...

剛睇第一頁就覺得可能喺資優小朋友，所以想看看是否佢覺得無聊所以唔想浪費時間
資優嘅小朋友唔適合一般體制學校，亦唔建議太早送去外國，佢哋適應會好痛苦。認識一位咁嘅年輕人，父母都係藤校畢業，所以特別希望年輕人去美國讀大學，年輕人亦係數學方向資優，但出國對佢衝擊好大，社交障礙令佢好痛苦。其實我勸佢媽咪看看能否轉去香港讀，起碼近可以每週末回家，總比佢7日假期都要飛國際航班回家好
樓主嘅情況可以考慮轉國際學校，如果香港Tier 1唔收，都可以考慮國內，國內Tier1嘅國際媲美美國嘅私校。但可能要對唔同體制做做功課，可以安排學校參觀，一般2-3月係收生時間

私人傳訊回覆引用

spikenard

水晶宮

積分: 71170

92^#

發表於 25-2-8 09:59 |只看該作者

HappyJo888 發表於 25-2-8 03:21
我有興趣飲吓藥粉，熱熱地都舒心。

我如果去睇中醫，我應該同佢講咩，點講我邊到度唔舒服？我成頭成身都 ...

我同中醫講我教細路教到好激心，頭痛，訓得唔好，好忟，好想打細路

，開d勁舒緩情緒的藥比我。醫師話，藥只可以幫一半，壓源頭都要搞1搞喎，我即指住細路，佢咪源頭 law

。食完藥，火氣冇晒，成個人鬆晒，講野都溫柔，好訓左。

私人傳訊回覆引用

miu_bb

別墅

積分: 513

93^#

發表於 25-2-8 10:15 |只看該作者

我小朋友未夠15歲，都係sen+抑鬱，一樣都經歷緊唔肯去返學，好痛心無奈…..，你不孤單，大家一齊加油！

私人傳訊回覆引用

fatping

伯爵府

積分: 16685

94^#

發表於 25-2-8 10:26 |只看該作者

HappyJo888 發表於 25-2-8 02:40
我好有興趣想知這類小朋友到了18歲會有怎樣的大轉變。
我見前面幾個會員都建議我送仔去寄宿，做嘢，航海學 ...

我前男友其實11歲已經去咗加拿大讀書，仲要係喺軍校，係要嚴守紀律，但係外國人嘅包容性係大啲，佢啲同學其實冇佢咁聰明有咁多計仔，所以佢都識咗好多朋友，不過全部都係鬼，因為係軍校所以體力勞動都幾緊要，所以對佢嚟講非常好，每一日辛苦過後佢真係可以乖乖去瞓，11歲之前佢喺香港傳統嘅學校讀書，但佢阿媽每一日都要收到學校嘅電話話佢呢樣唔得嗰樣唔好，佢亦冇朋友

佢哋其實諗嘢好直接，例如發生意外，佢哋第一時間會覺得死幾多人，因為撞車就會死人，我哋就會諗冇事就好，我細佬個仔有一次真係笑住問我死咗幾多人，我開頭以為點解會咁冇同情心，但係了解過後就明白，我前男友係到左18歲開始理解或者佢開始明白事情會有唔同嘅變化，多咗同理心，但係佢哋仍然非常直接亦冇耐性，其實我識咗個前男友好耐，一直都係朋友關係，久唔久出嚟食飯係完全唔覺得佢有咩問題，但係一做咗親密男女朋友之後我已經即刻覺得佢好有問題，雖然佢有食藥控制，但係好多嘢亦都會爆發出嚟，有啲位好得意，例如去深圳咁，佢一定要咁樣嘅路線同去住一間酒店同一間房，記住係同一Number嘅房，因為佢覺得嗰間酒店好好所以就唔會轉，但係我覺得可唔可以試吓新嘅酒店新嘅地方，但係佢唔會妥協，慢慢我覺得對住佢失去咗耐性，佢亦唔了解我應該話佢冇可能了解我，除非我有超大嘅包容性，如果唔係大家都唔好阻住對方去搵合適嘅人

私人傳訊回覆引用

ilovematthew

積分: 43462

醒目開學勳章畀面勳章

95^#

發表於 25-2-8 11:59 |只看該作者

HappyJo888 發表於 25-2-7 07:41
對兒子，我感覺到無比壓力和無盡的失望，好想一走了之。

想了一整晚，忍唔住發這個帖。見到而家又天光，又 ...

青春期

，我仔青春期有2～3年都係咁，我同佢簡直日嘈夜嘈，真係好辛苦，不過而家過咗就無野喇，你試下唔好理佢，大啲就會正常返架喇，加油

私人傳訊回覆引用

ilovematthew