my005 發表於 25-2-15 07:47 
當年，個大醫生話佢個女，已12歲架喇，如果唔做手術，第日將會大小便失禁喎，又話可能壓住神經，有好大後 ...
點知第朝，我朋友一早就接到電話叫佢快啲黎，話出左啲事。我朋友去到醫院就見個女猛喊，話對腳無感覺。
之後個大醫生初頭都好緊張咁，幫個女生檢查，推去照咩照咩，再同佢做手術攞返條野出黎，但朋友女癱左既事實改變不了。
大醫生開始變臉，同朋友講，呢個係「大」手術，係有好「高」既風險既，術前已解釋清楚風險，所以話朋友已清楚明白風險，簽左手術同意書既。
跟住就避見我朋友，我朋友响醫院日等夜等佢，啲護士以前有傾有講既，都盡量見到佢避得就避，推佢話大醫生好忙，約唔到見佢。
最後朋友個女憎死佢，話佢點解要簽個臭名吖，害死佢喇。（呢句係我响醫院親耳聽到架）
手術失敗，唔單影響朋友女一生，仲影響埋朋友一家，一頭家自此散晒，佢老公同佢離婚，大女癱左憎死佢但又倚賴佢，二女話朋友只專注大女，討厭佢，細仔被判跟阿嫲嫲，因為佢無能力分心照顧咁多個。
朋友之後嚴重抑鬱，瘦左好多，晚晚失眠，有一晚同我講，佢望住個窗，好想跳落去⋯⋯
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
我十年前急症室入院做過手術，好在無事，E生同姑娘態度又幾好喎，我等手術期間喊，2個幫我手術既E生安慰我叫我唔好喊，小手術嚟
返回列表
