本帖最後由 my005 於 25-5-19 11:18 編輯
mercurycc 發表於 25-5-19 10:37 
記得有jm講過，
某銀行如果你有戶口係度，
可以直接扣數找，有無人記得邊間。 ...
我老公阿哥，佢90年移加架喇，但佢香港、內地好多物業收租既，所以一年至少一定返香港、內地一次既。
應係90年頭，佢有次返香港，被人打左銀包，但佢係當晚定第二日至知道既，咁佢通知銀行，結果佢張咭俾人碌左6位數喇。
銀行話佢唔係第一時間通知唔見左張咭，要佢找數，咁主人翁梗係唔肯啦，銀行最後好似話可以收少啲，但主人翁都係唔肯。最後銀行凍結左佢個戶口。
最後係打官司，如果我無記錯，主人翁既據點係打有無第一時間通知銀行。
其後，警方捉到個專响地鐵內做扒手既慣犯，揾返個銀包同唔記得咩証件，但就無其他喇。
上法庭，主人翁多次強調佢加國返，有2個銀包，一個係加國慣用既，一個係响香港用既。張信用咭係放响加國用既銀包度，而佢响香港只用香港既銀包，所以佢唔見左加國銀包，佢一時都無為意喎。
所以當佢知道左唔見加國銀包，已第一時間通知銀行架喇。
而佢再提出，因將咭碌其中一項係某尖沙咀卡拉OK，用左過10萬，仲要係同一日，差少少時段，分2次碌既，另一項係某唔出名既電器舖，又用左6位數，係同一日，唔同時段，碌左好幾次，佢話咁既消費模式同佢平日用開既好唔同，銀行理應提醒佢確認交易款項。
仲有咩，我都唔記得喇，因我只聽當事人講啫，唔知佢有無講啲唔講啲架，我唔會追問詳細既，因為呢個人本身係個煩人黎。 使人唔使本既。佢講我就聽，費事咁多事既。
只知佢仲反話銀行凍結左佢戶口，令佢生意周轉受阻添，話有咩損失不排除要追究銀行添。
我只知最後官司佢唔使找數喇。所以佢就周圍同人講喇。
銀行就知係紅獅咁咋。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
