吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 有冇人62 99係福建人

婆媳關係今日: 0|主題: 27779

收藏本版

發帖

返回列表

跳至頁

樓主: kisstomilkmilk

有冇人62 99係福建人 [複製鏈接]

1 2 3 45

beepaul2007

大宅

積分: 2298

81^#

發表於 09-9-8 15:42 |只看該作者

我62 99 都係福建人,我已入門10年,初時佢家姐,姐夫重好笑,叫我要學下佢地D鄉下話喎,香港有唔知幾多成嘅人都係福建人喎,好多都係做生意,好有錢添,(我心諗,係人地呀,唔係你),成日認屎認脾,話福建人又勤力,做生意又叻......
所以我唔係好鍾意福建人....太認叻,又要面....
好似99咁,自已都唔係好有錢嘅人,成日同D同鄉傾傾下計,
又比人氹佢捐錢返大陸(即佢未來香港時住果條村),話要建橋,建路,我地都成日話佢,唔駛理果D人,你依傢又唔係係果度住,第二,果D錢係咪拿去建橋,建路,你點知呀,佢亞媽要面子,話邊個邊個都拿幾多仟,佢話唔拿會比人話喎,佢個白痴,
依傢只得老爺做嘢,已經唔係好多錢,但又唔會餓死,幾仟蚊差唔多成份糧,我地都叫佢唔好同人比,人地做生意,損幾仟係好閒,99結果都有捐,不過唔知佢捐幾多啦,我地都無眼睇..總之你無錢唔好同我拿就得啦,你咁鍾意派錢....
所以係我眼中福建人係要面要到不得了傢....
我老公都係其中一個.....
我係客家人,所以好多習俗都同佢果邊唔同,所以每馮做喜興事,都有意見,所以下世我都唔會找個唔同自已鄉下嘅做親傢(特別係福建人),好煩傢,佢地好興結婚/滿月係唔收人情傢,要真正請人飲傢,就係因為咁,果時我結婚擺酒,男家果5-6圍都無人情收傢,唔係因為無錢收,我原本就諗住去酒店擺傢,所以好多時會因為佢地習俗問題,會影響到我地安排,
所以依傢我決定咗,唔會理佢,我有我做,你鍾意就一齊,唔鐘意就彈開,唔該!

私人傳訊

at777777

別墅

積分: 769

82^#

發表於 09-9-8 18:08 |只看該作者

我嫁嘅都係福建人！

原帖由 beepaul2007 於 09-9-8 15:42 發表
我62 99 都係福建人,我已入門10年,初時佢家姐,姐夫重好笑,叫我要學下佢地D鄉下話喎,香港有唔知幾多成嘅人都係福建人喎,好多都係做生意,好有錢添,(我心諗,係人地呀,唔係你),成日認屎認脾,話福建人又勤力,做生意又叻.. ...

私人傳訊

sky_blue618

男爵府

積分: 6732

83^#

發表於 09-9-8 23:19 |只看該作者

原帖由 beepaul2007 於 09-9-8 15:42 發表
我62 99 都係福建人,我已入門10年,初時佢家姐,姐夫重好笑,叫我要學下佢地D鄉下話喎,香港有唔知幾多成嘅人都係福建人喎,好多都係做生意,好有錢添,(我心諗,係人地呀,唔係你),成日認屎認脾,話福建人又勤力,做生意又叻.. ...

我隻魔鬼99同你99一樣
佢自己有d$,成日大晒咁
最頂佢唔順比鄉下d人說下(一定係鄉下d人捉到佢要面心理啦.咁大條水魚..唔食就奇啦)
又比左幾萬蚊人地0係0個邊擺酒
自己又無份食
請咩人都唔知
仲成日講"人要面.樹要皮"
有一次c6忍唔住串佢
"如果你飯都無得食
睇下你仲要面黎做咩"

一句講晒
嫁比福建人家庭真係有排受(我係廣東人)

私人傳訊

小幸子

禁止訪問

積分: 7614

84^#

發表於 09-9-9 14:43 |只看該作者

提示: 作者被禁止或刪除內容自動屏蔽

私人傳訊

chikkee

大宅

積分: 1594

85^#

發表於 09-9-9 21:53 |只看該作者

原帖由 beepaul2007 於 09-9-8 15:42 發表
我62 99 都係福建人,我已入門10年,初時佢家姐,姐夫重好笑,叫我要學下佢地D鄉下話喎

我99都係咁同我講
我想起一單笑料:
我請左個賓賓(當然只識講英文,99又梗係唔識英文),99叫我問bun bun來自菲律賓邊度,答左99之後,99話該區有好多福建華僑,要我用英文問bun bun識唔識福建話,我心諗:"痴痴地,香港夠有好多人識英文啦,又見阿99你識?"
我都懶得幫99問呢D廢話, 我同99講:"你試下用福建話問佢咪知啦!", 99真係走去問, 問完阿bunbun話:"sorry mum, i cannot understand!!"唔駛我講佢都知咩事啦... 99真係以為福建話係應該全世界通行,勁

私人傳訊

sky_blue618

男爵府

積分: 6732

86^#

發表於 09-9-10 22:49 |只看該作者

回覆 85# chikkee 的文章

你99都好經典下
d福建99真係以為佢地/同鄉0係全世界都好有勢力咁
又以為全個地球係佢地最有錢/最識搵錢/最慳
而香港人(廣東人)0係佢地心目中簡直就同蠻夷一樣

私人傳訊

Issac830

大宅

積分: 2514

87^#

發表於 09-9-10 23:55 |只看該作者

原帖由晴~* 於 09-9-8 02:23 發表
我最憎99同c6係屋企講佢地 d 家鄉話, 有咩事大家一家人唔講得唧, 要咁神秘, 連個老婆都唔聽得既就咪結婚啦~ 所以次次佢地傾完計, 我一定向c6問到篤 !! 不過經過幾年時間, 而家都識聽 6-7成~

而我亦都一早向c6講到明 ...

私人傳訊

pomanlife

彩鑽殿

積分: 609299

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

88^#

發表於 09-9-11 12:03 |只看該作者

原帖由 chikkee 於 09-9-9 21:53 發表

我99都係咁同我講
我想起一單笑料:
我請左個賓賓(當然只識講英文,99又梗係唔識英文),99叫我問bun bun來自菲律賓邊度,答左99之後,99話該區有好多福建華僑,要我用英文問bun bun識唔識福建話,我心諗:"痴痴地,香港夠有 ...

你99都算開通啦, 肯俾你請賓賓.

我有左嗰時, 老公問99肯唔肯湊, 99一聲話唔肯啦.

跟住轉個頭同我地講, 唔洗驚冇人湊,

佢會同我地請個同鄉返黎, 幫我地湊, 好平$1.5~2K,

我當然即時SAY NO啦, 大家都溝通唔到, 點湊.

話俾佢知我地請賓賓, 如果冇人湊.

99即刻話, 賓賓唔好架, 佢地福建同鄉先有愛心湊BB, 但賓賓冇, 仲有賓賓會落降頭, 佢地同鄉唔會... ...
又話佢會搵嗰D係BB長輩既人黎湊, 大家都係親戚, 會好錫個BB, 唔洗擔心.

其實99都係想介紹佢D同鄉親戚黎HK搵錢姐, 後尾我媽咪應承幫我湊, 咁就唔洗咁煩.

私人傳訊

aquarius721

大宅

積分: 4004

89^#

發表於 09-9-26 01:17 |只看該作者

我都係嫁左比福建人,不過老公幾歲就黎左香港,而老爺奶奶都算ok,結婚時冇話特別要跟福建d例.

不過佢地真係好慳,咁多年以黎出外食晚飯應該10隻手指數得出.最頂唔順係新年d手信大家傳黎傳去,有一次開左盒手信發覺已經係過期野.可能都係親戚間傳左幾年.佢地唔興派利是,要派的話都要收完後問派左幾多比我,跟住又會封番一封一樣價錢既比人.

我最唔鍾意既係阿女出世擺滿月(其實只係兩家人自己食飯),奶奶話仔就係正日擺,女就要早一日喎.果時我幾鬼嬲,覺得好重男輕女咁.我又好唔鍾意奶奶教阿女講福建話,覺得識福建話好叻咁.搞到我有時都唔知佢地講乜.講到明叫奶奶唔好教,佢當我唱歌.

久唔久又要黎我屋企話要拜床母,不過佢唔使我拜就由得佢.

同埋奶奶真係會滾埋d紫菜,魚蛋湯,我覺得呢d好怪,好似人地出街食粉d湯底咁.

私人傳訊

turtlemama

洋房

積分: 53

90^#

發表於 09-9-26 17:28 |只看該作者

same, same !我最憎就係要跪拜,年年嘅年三十晚夜一夜先黎拜神,又要跪祖先,又要跪向門拜,次次都攪到好夜先走得,但一大早就要返到佢屋企拜年+去太99屋企拜年,個個係咁講鄉下話,我就成個獵筆小新個friend"呀呆"咁坐係度,明知我唔色聽,失驚冇神又同我講嘅,我梗係冇應啦,因為我都唔知同我講緊,呢D時侯咪俾人串囉, "呀嫲同你講緊嘢呀,你聽唔到呀", "十幾年都唔識,學吓啦",我個刻梗係笑笑口啦,之後發老脾,c6例牌嗰句"佢地講笑啫",笑笑笑,有幾好笑呀,我唔覺亦唔識欣想呢D幽默.

结緍前,我同c6巳經買咗樓搬出去住,我講明唔要住近佢呀媽,所以最後揾咗將軍澳,山長水遠,佢呀媽都可以係我地返咗工,帶d friend黎我地屋企睇吓喎,而家做節目"更上一層樓"咩,我又唔係住半山,睇咩呀.又話入伙要拜神, ok,咁新屋梗要拜吓啦,我以為平日拜啫,佢竟然擇吉時零晨三點,我己經小小聲,c6又話算,點知去到又話未到3點唔好入屋,跟住經典啦,99竟然係屋企門口燒衣,你地知d新樓走廊密封啦,足之成層樓煙霧"呢"漫,警鍾响,護衛上黎,真係想揾"loan"捐,之後c6又話要配spare key係99度,我梗say no啦,佢話擺之嘛, just in case我地冇帶key都有後備吖,你估真係咁得閒黎咩(事實証明99真係好得閒兼成日黎),我都算,spare key 梗係1 set 就夠啦,62景然發脾氣話我地唔尊重佢地,我諗爆頭都唔知咩事,原來佢話spare key 應該人人有份,唔係1 set only, 我頂佢吖,d電腦key 成二百幾蚊條, 配多set都兼貴啦,仲要人人有份,姑9係成屋最正常嘅人,即刻話唔要,話又唔係自已屋企,要黎做咩,今次到我黎,我話好吖,配囉,但配多d,我屋企人都要,呀爸呀媽,仲有我兩個哥兩個家姐加呀嫲,一共配多7sets 啦,嘈咗好耐,足之都係配得1 set 俾佢地,妖,1 set 都兼多...............

我仲有大量經典嘢,结婚篇,生B篇,回鄉探親篇,得閒再續,而家要去凑女先