夫婦情感 今日: 0 | 主題: 42751

積分: 20921

牛年勳章好媽媽勳章

82^#

發表於 05-4-8 14:45 |只看該作者

Re: 老公承認有婚外情，好心痛

各位：
沒有人總是完美，不是衰呢樣就衰個樣，自己衰就算，影響身邊人就不對啦！

昨晚我問“你下半世想咩個係你身邊？”佢話：“你”既然你想，你應該知點做，佢話知

但說到頭，佢始終覺得同個女人係好好好好好好好好的十多年朋友，沒有這個朋友好可惜，我真係想兜巴打佢，佢又話叫我唔好叫八婆做“呢個女人”，佢又話呢個八婆唔係“搶你老公”，真係好傷心，好失望，整個人又向下跌

佢話只是同佢好傾些，傾得埋，十多年朋友，我們有事找八婆幫手佢就幫，好難得，但我話：好朋友，你會唔會同一個普通的好朋友拖手，會唔會同個好朋友錫面，攬，掉轉係我，你會點睇，你會唔會覺得我地係普通朋友？會唔會覺得我地搞婚外情，佢無聲出

佢話“呢個女人”的稱呼好難聽，我講：佢搶我老公，我好憎呢個人，我唔叫佢做ｘｘｘ（狐狸精）已比面佢，你憑咩同我講，我永遠都唔會原諒，接受呢個女人，老公接受

“搶我老公”，同上，只是好朋友關係喎，白痴！我個老公本來只鐘意我一個，但就係個八婆，分薄左，一個餅無端端無左一忽，唔係搶呀，我仲問，你咁講即係你主動啦，佢話，無話邊個主動，係彼此有好感，痴線！佢又話：個八婆都有自己家庭，唔會黎搶你老公

仲衰格！自己係女人，自己有老公，有無女人咁賤格架，比左八婆自己，佢老公外面有女人，會點，鬼唔望有報應

我話：咁呢個女人仲衰格，比綠帽老公自己戴，佢話：邊算綠帽，都無上床，我話：仲唔算，掉轉係我，我同第二個男人又攬，又錫，又拖手，你係唔係戴綠帽呀，佢又係無聲出，佢再次承認話自己有婚外情，但我始終唔知佢明唔明甚麼叫婚外情，因為在我心中，我覺得佢認為沒上床就不算，我提他，如果佢唔明白甚麼叫婚外情，甚麼是普通朋友應有的關係，係好易再有第二段他不認為是婚外情的婚外情，他說明，但有幾明，我真係唔知，亦唔敢再問

其實這兩天我已表現很從容，但我覺得他對我很冷淡，我問點解，佢話我check得佢好實，好難透氣，佢知這是現階段可理解的，加上現時剛經歷完，所以未完全康復，我承認我check佢，但你估我好想check，check都好辛苦，好累，要不斷心存疑心，我唔想架，我都唔想做緝私犬

問佢有無聯絡，佢話八婆星期二打過比佢，我又發癲，佢應承如果有聯絡過就說給我知，但無，佢話：我唔講係唔想無端端勾起件事，但我話這是你的承諾，佢話：但只要你問，我就會講，無錯，佢份人就是唔問就唔講，問左佢一定會講，但一刻覺得佢地背著我聯絡，雖然佢話，八婆打來問他情況怎樣，他也問候下，傾左一陣，但一陣有多久，沒說，他講，問八婆我同佢講些甚麼，最後說，唔捨得都要分開，老公話有小小唔捨得喎，但佢話個八婆話：好唔捨得，我問：咁佢咁唔捨得，你會唔會揀佢，佢話：我揀你

佢又話我太細路，問我是否有代溝（相差接近十二年），大家想法好唔同，那刻我很懼怕，怕這是他外出不理我�家庭的藉口

就某些觀點，我已澄清了，但他收到多少，他會否改自己的觀點，自己對某些事情的定義，我不知

今早，參加一個親子工作坊，社工提及：越綁得緊，細路越反斗，越做些偏差行為來激你，當頭捧喝，老公何嘗不是？

我真係唔敢太迫佢，或許掉轉頭說，也讓我有喘息機會，相信對大家會好過些，迷惘！

私人傳訊

積分: 20921

牛年勳章好媽媽勳章

83^#

發表於 05-4-8 15:05 |只看該作者

Re: 老公承認有婚外情，好心痛

還有我昨晚又鬧佢自私，佢話男人係咁自私，我話唔好講人，佢話佢係衰人，佢話跟八婆一起時都有想起我，知我發現會好嬲，但控制不到，又是那句，我地有話分開，但唔知點解無做到，痴線，講我都識講，唔做同無講有咩分別，佢不斷話自己自私，衰人，控制不到，佢又話：其實兩個真係無乜野，只係好好好好…….朋友，我話：好彩我而家發覺，再過多一排，仲係唔係你所謂的好朋友，感情只會越踩越深，到時會點呀，佢又唔出聲，垂低頭（昨晚很混亂，所有事情，對話的先後次序已很亂，見諒！）佢答應我一定唔會再同個八婆一齊，因為佢揀我

私人傳訊

linda088088

洋房

積分: 56

84^#

發表於 05-4-8 15:06 |只看該作者

Re: 老公承認有婚外情，好心痛

肥嘟媽,
You are a brave woman, we support you!
Time is a good medicine.

私人傳訊

maggielau0705

珍珠宮

積分: 41784

好媽媽勳章

85^#

發表於 05-4-8 15:08 |只看該作者

Re: 老公承認有婚外情，好心痛

肥嘟媽 ,
沒錯,一個人沒自由就越想有自由,越綁得緊我覺得就有反效果!用平常心喇! 沒辦法,男人任你點check都好,佢地要做既野一定有佢地辦法架~ check唔到手提,佢地唔可以用公司或街d電話聯絡咩~~唔好咁天真!佢又唔會24小時響你身邊!
佢話揀你係唔想個家散,不過要cat唔食魚又唔可能!要佢放得低就睇你運氣!而且佢咁唔鍾意你話個果"女人",你就唔好再講佢d咩,咁只會比佢覺得你係惡個果,扮可憐就最岩!你明唔明呀!

私人傳訊

積分: 20921

牛年勳章好媽媽勳章

86^#

發表於 05-4-8 15:21 |只看該作者

Re: 老公承認有婚外情，好心痛

maggielau0705,

對，佢要聯絡有好多方法，佢尋日都舉例，買多個電話，買多張咭放係公司，借朋友電話打，要唔比我知，有幾容易，所以我會選擇放棄check他的電話，說真check了也沒用，倒不如輕鬆點

私人傳訊

Sanho

洋房

積分: 403

87^#

發表於 05-4-8 16:06 |只看該作者

Re: 老公承認有婚外情，好心痛

睇你老公d對答, 真係想打鑊佢.
你咁都叫唔成熟, 佢真係未見過癲雞係咩樣.
唔好叫"果個女人", 唔通叫"姊妹"?
咁都唔叫俾綠帽老公戴, 除非個女人同"普通朋友"都係又摸又錫啦.

真係賤格(兩個都係!)

私人傳訊

maggielau0705

珍珠宮

積分: 41784

好媽媽勳章

88^#

發表於 05-4-8 16:11 |只看該作者

Re: 老公承認有婚外情，好心痛

肥嘟媽,
你咁諗就會好好多!唔好攪到自己心情唔好壓力咁大,錯又唔係你! 就算佢(你老公)同你講同個果"女人"講d咩又或者個果"女人"回應你老公d咩說話都可以係你老公講假話!所以佢講咩你聽左就算吧!

私人傳訊

積分: 20921

牛年勳章好媽媽勳章

89^#

發表於 05-4-8 16:24 |只看該作者

Re: 老公承認有婚外情，好心痛

我會努力嘗試相信佢的話，否則真係好難修補關係，我亦會好辛苦，其實，我信佢，因為只要我問佢，佢都會答，佢以前係有個句講個句，但現在，我唔知，不過我會話比自己知，佢仍然係咁，佢願意講，就會真，不會假
佢尋日都好坦白講女人唔捨得佢，佢亦都小小唔捨得（小定多，算啦，就當小囉，無謂令自己個心唔舒服），佢亦應承回我身邊，講過見過鬼唔怕黑，唔知死，仲黎多次等說話

私人傳訊

KITTYMAMA

伯爵府

積分: 18057

好媽媽勳章

90^#

發表於 05-4-8 16:59 |只看該作者

Re: 老公承認有婚外情，好心痛

肥嘟媽寫道:
老公話有小小唔捨得喎

自己的另一半說出這些話, 真的戥你很心痛. :-(
順其自然吧! 順著自己的心意而為, 不要太委屈自己.

私人傳訊

鴨仔

積分: 110

91^#

發表於 05-4-8 17:13 |只看該作者

Re: 老公承認有婚外情，好心痛

雖然聽完真係好難受, 但都算佢老實, 你真係唔好成日同佢鬧交, 唔係佢又唔捨得個8婆, 噉佢就有藉口同返個8婆一齊.

私人傳訊

積分: 20921

牛年勳章好媽媽勳章

92^#

發表於 05-4-8 17:13 |只看該作者

Re: 老公承認有婚外情，好心痛

我選擇走原諒他這條路，就要睇開，但原來睇開唔係咁易架，我會努力放鬆
最難是我這刻話放開，開心些，但好突然就唔開心，拿住拿住，我自己都適應唔到，我想老公也是，怎好

私人傳訊

積分: 20921

牛年勳章好媽媽勳章

93^#

發表於 05-4-8 17:15 |只看該作者

Re: 老公承認有婚外情，好心痛

鴨仔:
每次鬧完佢，串完佢都好後悔，怕影響關係，怕比到藉口佢，但又忍唔住喎，真死伙

私人傳訊

不快樂

積分: 103

94^#

發表於 05-4-8 17:26 |只看該作者

Re: 老公承認有婚外情，好心痛

我都係，好驚迫到佢埋牆，佢走左去 :-( :-( :-(

[size=x-small]我要爭取快樂

私人傳訊

積分: 20921

牛年勳章好媽媽勳章

95^#

發表於 05-4-8 17:33 |只看該作者

Re: 老公承認有婚外情，好心痛

不快樂:

原來活在危機中是這樣辛苦，想逃避又不可以，想好好面對，又未必能好好控制，凡事要擔心後果
點解男人唔諗下佢種的禍要我們這些做老婆的去承受，甚至延伸更多更多的問題後果，而這些問題，男的不會去面對，解決，只由女的去處理

私人傳訊

無花果

積分: 290

96^#

發表於 05-4-8 17:42 |只看該作者

Re: 老公承認有婚外情，好心痛

肥嘟媽 :

我認為你老公應該會回妳身邊!因為個8婆本身有老公，所以佢地就算諗住兩個一起私"賓"都冇咁易，因為佢地兩個唔會咁易同時放棄身邊GE人。

問題係你老公同8婆唔知拖到幾耐，一日唔同佢地兩公婆斷絕關係，你永遠都會活在恐懼中。

我老公以前遇返舊情人，而那個舊情人已婚，我老公及那舊情人最後都各自回頭，但年幾前又比我知道佢地有所謂朋友上GE問候。

私人傳訊

積分: 20921

牛年勳章好媽媽勳章

97^#

發表於 05-4-8 17:49 |只看該作者

Re: 老公承認有婚外情，好心痛

無花果:

我老公話佢唔主動搵八婆及其老公，但八婆搵佢都會傾下，無理由咁無禮貌喎，我話：你直接講老婆唔鐘意就得，佢唔肯，我無野講，但我聲明，要記住這幾天自己說過甚麼，後果自負，佢竟然話：如果我仲係咁，你都唔好要我啦，都唔值得你鐘意，聽落即係話，責任不負，但佢保證唔會再發生，唉，唯有信，唯有等，唯有讓時間去證明

我又講，如果你同男人出街我唔理，但有個八婆在場我就一定要在場，費事無端端又燃番起感覺，斷估，老婆在場都無咁夠膽卦

私人傳訊

無花果