Re: 若有15萬,你會選私家or政府生bb呢?
copy from she.com
私家:
你去搵個我私家醫生follow你, 由有左開始, 定期去做checkup, 初時一個月一次, 後期2個禮拜一次, 每次around$500包超聲波(我講一般收費, 唔係名醫), 另外有d化驗呀, 全部都係要自己俾錢做, 大概全期3-4次, 每次幾百蚊至千零蚊
到生得, 你會去私家醫院, 醫院會幫你call醫生, 埋單時, 醫院會charge你一個價(cwb聖保祿四日三夜package$10000), 再幫婦科醫生charge佢既接生費($8000+)&巡房費($500/day), 再幫兒科醫生charge佢既巡房費($500/day)
以上既醫生價錢全部無standard, 我quote既價已經算係最低, 你要自己同醫生傾價
o係住院期間, 醫院會提供"免費"既指導同預備班, 亦會幫你24小時照顧你既bb起居飲食, 當然你可以隨時去睇佢同餵奶, 你想休息時, 你可以放心stay o係房入面, 唔會好嘈因為bb o係bb房
私家有樣好, 就係你可以自由選擇順產or開刀, (當然開刀又係另一個價錢), 如果順產, 當你開始作動入院, 姑娘都會幫你吊藥催生, (因為d staff都趕收工)所以通常唔駛痛咁耐, 好似我生第一個, 入院痛左一陣, 姑娘話未有耐, 就幫我打左支針訓覺--又真係訓得著, 訓醒都差唔多生得喇
至於政府, 由於係公共服務, 所有既pre natal checkup都係唔駛錢既(assume你係香港人), 不過就唔會次次都有超聲波, 亦唔會自動自覺俾維他命你, 雖然只係靠摸, 但d staff都好專業, 其他化驗eg唐氏, 超聲波等, 都只係好平or免費, 不過有樣唔好, 就係無得就自己時間, 因為係佢assign時間俾你, 同埋下下都要等半日, 對於無sick leave, 要lor annual leave既媽咪, 就唔係咁方便(checkup係可以當sick leave架, 如果公司無sick leave, 去私家可以就放工嘛)
去公立醫院生仔, 其實都幾好, 因為政府醫院既technical support, 專業醫生, 都比私家多同埋隨時available, 有咩(touchwood!), 隨時有人準備好, 亦唔駛擔心會駛一大舊錢
不過一切順利咁講, 去私家就會舒服d, 因為政府醫院唔幫產婦催生(除非必要), 亦唔會幫產婦揍仔, 所以生完幾個鐘, 媽咪"回復氣力"之後, 就要一日24小時自己揍, 包括換片餵奶etc, 而且一間房入面有好多媽咪好多bb, 你要好好休息, 唔係咁易
至於收費, 政府醫院只係會charge房租(大房or私家房<--不過好似唔係咁易有位), 所以埋單好平
希望幫到你!
有始不有終 能受百樣痛
從沒有合約合同 但卻跨時空
這滔滔不息的愛 我贈給你用
這一生 和下世 有幾多全奉送
---------------------------
呀仔 2006 年 4 月 24 日 出世啦
生完姑娘仲即刻同我地影全家福 
發表於 
返回列表
