| 我係食道癌, 當第一次做化療個陣, 個腫瘤脹左, 壓住左條氣管, 我抖唔到氣, 當時窒息好危險, 醫生即時同我急救,好彩又救得返(窒息多幾十秒我就瓜得)。所以化療唔可以繼續。第2日即刻要做手術, 放過"支架"落條氣管度, 撐大條氣管, 唔好比佢收窄!!做完手術訓左兩晚深切治療部, 由於氣管受到個支架刺激, 家陣成日咳!!住左醫院7日, 兩轉係鬼門關走返出黎!! 醫生決定先做電療, 電細過腫瘤先, 再做化療, 電療先要做過模型去固定電療既位置, 電療過程係唔痛既, (十幾分鐘已經攪掂,) 不過由於我要電8次, 除左星期六、日外, 就要連續8日去醫院!! 成個電療結束後, 家陣D 副作用就出晒黎, 我完全講唔到野, 喉嚨痛, 剩係飲流質既野。 我一月返去要打2枝化療針, 一枝打2個鐘, 另一枝要打96個鐘, 希望平安渡過!! 一開頭CHECK 到係食道癌個陣, 醫生都話唔明點解, 佢話多數都會發生係又煙又酒既男人身上。我D 腫瘤生左係頸部, 好多血管包住, 跟本做唔到手術!! 後來既日子應該係好艱苦既, 希望癌媽媽互相鼓勵啦!! |
發表於 
take care and add oil!!
返回列表
