婆媳關係今日: 0|主題: 27763

收藏本版

發帖

返回列表

跳至頁

樓主: piglover

99, 我忍夠你啦!! [複製鏈接]

1 2 3 45

piglover

大宅

積分: 2839

81^#

發表於 11-1-25 10:17 |只看該作者

99又玩野啦!! 上個星期食飯, 99又比說話我聽啦!! 如果唔係因為62想一家人齊齊整整食飯, 我一定唔會去.

事例一: 99食飯時同叔仔老婆講, 話阿婆(99阿媽)上次無去飲, 所以想過年帶個外孫新抱比她見, 叔仔老婆就話好啦!!
好啦,本來件事都唔關我事的. 但99無啦啦同我講: 你唔使去拜年啦!!

頂你個肺啊, 我都無話過要去阿婆到拜年. 而且我老公好討厭阿婆, 我老公都幾年無去拜年啦!!
62聽到99講話唔比我去之後, 62馬上打圓場, 話今年大家都唔好去.

事例二: 叔仔結婚時, 99死都要逼叔仔捐褲浪, 99話當叔仔爬頭wor. (99擺明當我死佐啦, 我結婚先過叔仔, 都當叔仔爬頭.) 上個星期食飯, 99又逼我老公要拿番果條褲著. 99同老公講, 條褲新買的, 係你的size, 你拿番去著啦!! 我馬上就話, 老公有好多條褲啦, 衣櫃無位, 遲d先拿啦!!

99當我死佐啊, 要我拿呢條褲走. 我同老公講好佐啦. 如果99死都要逼你拿呢條褲, 你拿完條褲, 一定唔可以拿回家, 要馬上丟佐or放去衣物回收桶.

因為以上呢兩件事, 我同老公講到明, 我唔會同99食團年飯(她們食正日, 年30晚). 我話, 99當我未過門, 咁我即係你女友啦. 女友係有權唔同男家食團年. :;pppp:

雖然我知62好想一家人齊齊整整, 但次次食飯, 99都乘機玩野. 搞到我唔開心幾日. 我唔想同99食完團年, 搞到連新年都唔開心.