貞貞 寫道:
我仲未開始餵個仔食米糊, 不過想講番少少個人經驗~~
第1次開米糊, 最好由純米糊開始, 即係唔加其他菜或肉, 淨係加奶 (bb食開隻奶粉或人奶)。 可以1、2匙米粉, 逐d逐d加奶落去溝勻, 撈到少少杰杰地就可以餵。 如果第1次試, 不妨開稀少少, bb就比較易接受。 第1日可以只餵兩、三羹, 再觀察情況 (例如bb會唔會肚痾, 出現敏感)。 如順利, 第2日可以照舊份量, 再逐日增加。 按bb情況, 可試其他添加米糊, 例如適合4-6個月的胡蘿蔔、蘋果米糊。 適合6-8個月的蔬菜、雜果米糊。 適合9個月以上的雜穀、燕麥、芝士等等米糊。 更可在bb唔同月齡階段加入所適合的蔬菜、水果、肉類等等。
我以前開始餵bb食米糊, 就會開始畀佢飲果汁。 果汁同水的份量係1:1 (或1:2, 應個人喜愛)。 米糊比起粥的水份少好多, 所以要補充額外水份, 如果唔係, bb就比較易便秘。 我囡囡食米糊到兩歲(1歲時就1餐米糊1餐粥), 我覺得營養比起粥好好多, 所以都算幾好肉地。 另外就係方便易整!
發表於 
返回列表
