大力大力 發表於 11-6-16 06:51 
幫手頂下佢，無十版交唔到差！！！
發生喺4年前，我老公個死黨果時結咗婚13年，有個仔2歲，
有晚我地去佢個仔生日會，點知成晚電話響但佢地冇人聽，
問個老婆，佢話成日有人打電話嚟但唔講嘢，所以佢地由得D電話跌入留言。
一個星期後有晚老公接到死黨電話，話老婆要同佢離婚，
原來佢有段維持咗3年嘅婚外情，幾個月前同個女人斷絕來往，
而家個女人想返轉頭，而且因為自己老公死咗，諗住只要攪散死黨頭家，
咁兩個人就可以一齊；但其實死黨係一直都冇諗過會離開自己老婆，
所以死黨冇睬佢，於是個女人就打電話俾佢老婆，一五一十講晒佢地D嘢出嚟。
個老婆嬲到即晚趕個老公走要離婚，因為即係話喺佢陀住個仔嘅時候，
個男人就喺出面偷食，個老婆都讚個老公好嘢，佢從來冇唔番屋企瞓，
屋企家頭細務做足，管接管送老婆返工放工，只係有時接freelance做，
先會唔喺屋企三幾個鐘，唯一蛛絲馬跡就係隻結婚介指個老公唔見咗，
買過一隻差不多嘅仲刻埋字，個男人一向都粗條大葉，刻字呢D嘢唔似佢會做。
我老公初初仲話個老婆絕情，都13年婚姻仲有個仔，點解唔俾次機會。
後來佢老婆打嚟同我講，原來故事有第二個版本，呢個男人係唔只一次婚外情，
之前都有兩三次，仲係想追老婆個朋友，不過都係好快就冇，
所以個老婆原諒咗佢，但呢次3年咁長，即係嚟真啦，仲要係喺佢陀住BB同BB仲細時，
個老婆覺得好難再忍，加上當時咁啱外母嚟咗渡假，睇到晒發生咩事，
男嘅阿媽同妹又講咗D蠢嘢，攪到大家都好難落台，想俾機會個男人都唔得，
個男嘅又死要面，我老公叫佢追番個老婆，佢一味話太遲，
我覺得係佢自己面對唔到自己就真。
花旗太太生活在花旗國，留意時差，你問我未必即時答到。
發表於 
mouth:
返回列表
