吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 究竟係咪要我去跳樓自殺先有人幫到我

論盡家傭今日: 3|主題: 134087

收藏本版

發帖

返回列表

跳至頁

樓主: crissy

究竟係咪要我去跳樓自殺先有人幫到我

[複製鏈接]

3 456 7

FA8866

公爵府

積分: 28578

好媽媽勳章醒目開學勳章

81^#

發表於 11-6-25 15:49 |只看該作者

樓主,
睇晒您個事件,而我地都只係睇到您單方面既經過,真係好難去講個官判得啱唔啱?

不過我都好奇怪醫生又話佢有左又墮胎又有野仲係子宮.而工人唔認等等...當時您明知個工人咁奇怪,您都唔錄定音,貿貿然炒左佢,照咁睇係好蝕章,因為無証據.
而姑娘上庭推翻晒又係奇怪,因為當時係您,工人,醫生和姑娘都在場.而並唔係您同姑娘私下討論工人既私隱.咁姑娘上庭講事實出黎又有咩問題呢?相比之外姑娘比假口供仲大罪.

mouth:

不過事件已到了這地步,一係您就谷啖氣拎$$去高院上訴,律師費係金,但照您所講,依家既罰款連您預計平機會既罰款都要成10萬8萬..高院律師大概3-5萬一堂.您如唔忿氣既應該先搵個事務律師問下,講出經過再問大概要打幾多堂,從而去決定同唔同工人鬥落去.
因為判決而出,唯一只可咁做先有樹會改變,搵咩人都無用,因為hk係司法獨立的.

另一辦法就係當跌左.買個教訓.

不如您拎晒証明去投訴個官,下面條link您click入去,可以睇到投訴程序,再衡量下自己手上既文件同成件案,法官有咩行為失當,再去信投訴.
http://www.judiciary.gov.hk/en/c ... aintsjjoleaflet.pdf

希望您唔好諗傻事同搞到家庭唔開心.

私人傳訊

shrimpy

男爵府

積分: 6899

82^#

發表於 11-6-25 17:43 |只看該作者

可以找到第一次的那位私家醫生証明幫佢落過仔嗎？可以請政府醫生証明佢當天否認懷孕嗎？如果可以証明佢想落仔，或者不承認有孕，咁係咪可以有理由相信佢囗供的可信性？（因為佢同個宫講話佢好開心有咗）

同埋你都唔知佢仲有bb,第一個政府醫生話係死胎，而第二個婦科醫生又拒絕透露，咁你都有理由相信佢已經無咗bb,而且轉介去母嬰健康院都可以係去避孕，咁你又唔係咁識英文，點會知佢仲有者！

私人傳訊

bbfish1992

子爵府

積分: 14777

83^#

發表於 11-6-25 19:29 |只看該作者

樓主

我係比工人屈得好勁嘅過來人；那個走佬印係我家3年當中還是絕世好印，我家上下都好錫佢，一朝就無端端變成屈氏一俗，把我寧靜的生活跌入深淵，把我預計的工作幻滅了；所以你的憤怒、無助和心痛的心情是絕對的明白，相信很多看過你posts的BK members也同樣有錐膚之痛。我以過來人係BK支持其他苦主去面對被工人屈時，要堅持而不隨便就犯，以免工人屈僱主之風愈長愈盛，而僱主們無原無故跌了血汗錢，不過大前題係僱主要奉公守法和做足應有的責任。

我們只看到你一方所描述的情況，但我也反覆看你的留言。請恕直言，以我愚見，確有很多疑問的地方，尤其所提及在醫院所發生的事情，護士告之有死胎及出院安排，是不連貫的，請重看那張轉介到健康院的信；其次係大堂時你說要報警，不知你有沒有真的報警，理據是甚麽；仲有你說唔會接佢返屋企，仲會即刻報警，動機是什麽？反而構成威脅成份。

還有很多 BK members 也指岀一些疑點關鍵處，更可況個官！法律人 (legal person) 係睇 solid evidence 同埋事情的動機和是否合乎邏輯的！就你自己的描述，早就對你自己是不利的，若果那護士在官面前說回在醫院當天的說話，你即時處於下下風，反而佢說中立說話已可以避免你陷於不利。依你描述審訊時，個官所做所說的正是法律人一貫的做法。

我的愚見可能加深你的不快，見諒，我只想你能從不快的情感中理智地回看整件事，思考再要否上訴，還是選擇把它放下〈我是贏的，但也在學習放下，好彩的是透個BK這個平台認識了幾位 members，她們都會說說笑地安慰我，提點我〉，繼續去愛自己和家人；無論是選擇什麼，相信你的丈夫和兒子也愛你的照顧和笑容，他們正等待著你呢。

我只是C9一名，我也認為3萬元確是一個大數目，但請記著可以用錢買回來的就不是問題了，唔知可否分期付款？至於岐視，試吓查詢一些法律意見，做好準備，勇敢面對。

遇到唔開心，搵人分享，you are not alone ，依到好多被工人蝦嘅僱主！

私人傳訊

crissy

複式洋房

積分: 479

84^#

發表於 11-6-25 21:43 |只看該作者

回覆:究竟係咪要我去跳樓自殺先有人幫到我

我應該點講好呢......其實你地一直質疑嘅疑點，我又何嘗唔係諗到而家都唔明白？點解醫生同姑娘照完超聲波後證實佢已墮胎但又唔報警呢？即係好似有啲家長送啲小朋友入醫院話係撞親，但經醫生檢驗後就懷疑係曾被人虐待嘅傷痕，然後就會報警等差人去調查，道理係一樣，同埋轉到上婦科後再進一步嘅情況我就完全唔知道，明明話佢係大肚後食藥墮胎但無刮宮，突然演變成其實只係M血未清乜事都無？大家唔好唔記得，前者係我親耳聽住醫生姑娘講的，亦親眼睇過份超聲波報告，而後者就係個賤人話比我聽，我搵醫生求證時但只換黎八個字：病人私癮，無可奉告！咁你話我應該信邊個？我唔知點解可以比佢出院，亦唔明點解要轉介去母嬰健康院，更加唔知佢究竟係喺屯門醫院時已知自己個肚仲喺度定還是係去左母嬰健康院檢查完先知，我只知佢由頭到尾都係講大話，最後我話報警係真係講真的，因為喺佢入左醫院嘅第一晚，即係姑娘話佢換尿唔準確，安排第二朝先同佢照超聲波嘅果一晚，其實我已去左警署報案，原因係懷疑我家印傭曾非法墮胎（雖然當時醫生姑娘係仲未同我講話佢有個死胎之類嘅野，但我相信佢請假自己走去睇醫生果曰其實已經係落左，因失蹤左大半曰，返到黎又得返半條命咁，仲要勁換姨媽巾勁多血，就算有有醫生紙證明佢係腸胃炎又點？種種跡象明顯唔係腸胃炎咁簡單，你去睇醫生有乜唔舒服同病徵其實都係任你up，佢想張醫生紙寫佢係腸胃炎咁佢咪照講個病徵囉，所以就算去搵返呢個私家醫生出黎都無用，同埋又比我搵到佢曾買驗孕棒嘅單據，又兩個月都無黎M，入院後又抗拒驗尿，仲要換埋尿去掩飾，可能你地會問如果未換尿前已驗到係有孕，咁咪即係證明佢無墮胎囉，我當時亦有問姑娘，但姑娘話唔一定，因墮胎後十四天內身體荷爾蒙仲未調節正常，所以驗尿結果都一樣會係有孕，但並唔代表個肚仲喺度，最準確係要照超聲波），當時我已將成件事講晒比差人聽，但佢地話只會接受醫院轉介比警署嘅墮胎個案，因要有報告證明，個差人仲話除非我可以迫到個工人去醫院做檢查，如果唔係基本上講乜都無用，最後我唯有無奈離開，啲差人話會照幫我備案，所以到最後出院時點解我又會話報警，我諗住已有醫生同姑娘證實，即係實告得佢入啦！點知佢一聽到我要報警就話要辭職！既然佢辭職咁即係佢嘅野已唔關我事，有咩我都唔洗負責，所以最後我無去到報警。屯門醫院果位醫生姑娘都肯定唔會幫我做證，因佢地都涉及透露病人私癮嘅罪名，所以又點會承認同我講過嘅野呢......

私人傳訊

ChineseHK

大宅

積分: 4912

85^#

發表於 11-6-25 22:37 |只看該作者

這真是人生交叉點！！

我知道要決定上訴，還是就咁算數，真的很難！！樓主為了這官司，已經身心疲累，因還沒完結（還有平機會那邊）！

本人讚成向報館傳媒爆料，（但首先一定要弄清楚每一細節，避免被人反咬！！）因為工人背後有工會呀！一定要提防！！

我亦是苦主，曾被工人屈；最後雖然勝了，但當中的身心困擾，我是無法忘記．我是絕對理解樓主的感受！！

您知道嗎？工人屈我，我是有齊各種證明（包括簽收單、錄影等等），全部東西都俾了勞資審栽處（有關文件的副本，錄影的光碟等等），但我也曾經想過放棄！！

為什麼呢？因為上庭前幾天，勞資審裁處的主任竟然打電話給我，要我將綠影的片段，逐句逐句，聽一句，寫一句的，一字不漏的寫下來！天呀，那時候，我真的想喊！打算就此放棄，因我工作很忙，跟本沒有時間做．但心想若不做，因此而輸，豈不是俾那賤人得逞？冇可能俾佢屈得就屈，我真的唔甘心！最後連開兩晚夜車才完成！雖然工人一個”BENG”都屈唔到，但我付出的代價也唔輕！！

不要少看它，短短十多分鐘的對話，也要用兩晚（不敢偷工減料）！希望大家若要錄影，也要簡潔點，因為萬一將來用得着它時，要又死，唔要又死！

總之，那些無中生有的賤人，相信佢必有報應，若然未報，只是時辰未到！等天收吧！！

無論如何，樓主一定要振作，不要太灰！！氣憤一定少不了，但也要主意健康啊！！為了那賤人影響自己及家人，又何必呢！！

私人傳訊

Orionmum

大宅

積分: 1356

86^#

發表於 11-6-25 22:43 |只看該作者

回覆:究竟係咪要我去跳樓自殺先有人幫到我

如妳所講，佢當時勁多血，咁無可能保得住個胎，我好懷疑佢呢個肚係之後好快又有咗，妳知啦，最後m 日子是自己講，雖然照超聲波可check 到懷孕週數，但相差一個月可以分別不大。但妳又怎知她流好多血呢？

私人傳訊

joanie731

男爵府

積分: 9539

畀面勳章

87^#

發表於 11-6-25 22:50 |只看該作者

佢食藥落bb，可能只係令佢子宮出血，但bb其實落唔到，所以到最後check完原來bb無事，咪轉介佢去健康院。

不如妳比個底線自己，揾個律師問吓勝算有幾高同幾錢堂費，如果佢覺得有得打而妳有afford到堂費，睇吓佢哋覺得應該從邊方面著手，例如律師會唔會有方法要求醫院交出cctv嘅record之類嘅嘢證明醫生同護士曾經同妳講過d咩?如果呢度打甩咗，平機會嗰邊應該都好大機會無事。

但如果律師都覺得無得打，就唯有嘗試睇開d，唔好再為d衰人唔開心喇。
加油!!!

私人傳訊

VKwan

珍珠宮

積分: 38391

88^#

發表於 11-6-26 00:14 |只看該作者

同情你！不過錢財身外物，你今日已損失幾萬蚊，唔好為左個賤人加添損失，你不如搵個中間人，試下和解，你比三萬幾佢條件係要佢去果個咩平機會度消案，各位，咁可唔可行？大家比d意見。

我近日忽然發錢寒，要努力搵錢儲錢呀！$$$

私人傳訊

mmnmm_m

別墅

積分: 582

89^#

發表於 11-6-26 02:18 |只看該作者

本帖最後由 mmnmm_m 於 11-7-23 21:56 編輯

Good luck

私人傳訊

amchk

伯爵府

積分: 15661

畀面勳章

90^#

發表於 11-6-26 02:43 |只看該作者

呢個工人同你打左幾耐工呀? 仲有 Agent跟, 係米新工人呢?

東方曼哈頓 : Iherb 用戶首次優惠 5 美元 code GQF455

私人傳訊

crissy

複式洋房

積分: 479

91^#

發表於 11-6-26 03:09 |只看該作者

回覆:究竟係咪要我去跳樓自殺先有人幫到我

其實你地覺得我喺呢件事上面做錯左啲乜野？我真係有恐嚇佢迫佢辭職咩？如果你大肚你老細迫你自動辭職，唔肯就報警拉你，咁你會唔會真係辭職？如果你真係無做錯事點會怕差人拉？如果我話唔放過佢又或者叫佢小心啲咁就係恐嚇姐，但我話報警咋喎，咁都算恐嚇？

私人傳訊

crissy

複式洋房

積分: 479

92^#

發表於 11-6-26 03:34 |只看該作者

回覆:究竟係咪要我去跳樓自殺先有人幫到我

我知道佢好多血係因為我有留意佢去完廁所後個垃圾桶有好多姨媽巾，塊塊都染滿晒血，同埋佢喺姑娘面前除褲拎塊又係有好多血嘅姨媽巾出黎比姑娘睇，目的係要證明自己正在黎緊M無可能大肚。其實我覺得佢根本一早知自己係有左，果曰突然請病假話去元朗睇醫生但又失蹤左好耐果曰，肯定係去落仔，然後就扮若無其事返黎，諗住我唔會發現，想繼續留喺度打工，直到知道我唔信佢想炒佢時就扮腦癌要入醫院，因佢肯定係知道一入院我就唔郁得佢，但佢又無諗過個腦有事都要驗孕，更加無諗過明明已落左但點解會驗到係有孕，佢唯有換尿再驗，一聽到要刮宮就更加唔肯，仍然死撐，想出院後自行搞掂，雖然最後都被迫上左婦科但又遇著個醫生間接幫佢保守秘密，乜都話無可奉告，佢肯定係堅持唔肯簽字做刮宮，個醫生先會比佢出院但就一定要佢去健康院再檢查，點知發現原來個肚落唔乾淨仲喺度咪將錯就錯就去告我囉！同埋我估個肚應該係本身果個，因如果啱啱落完點會咁快又有左，我係喺佢出院後一個禮拜左右就收到佢要告我嘅信，內容亦有講明佢正在懷孕

私人傳訊

crissy

複式洋房

積分: 479

93^#

發表於 11-6-26 03:57 |只看該作者

回覆:究竟係咪要我去跳樓自殺先有人幫到我

個賤人26歲長頭髮戴眼鏡，個樣斯斯文文同埋幾順眼，唔可以講話靚但一定唔差囉，望落去似賓但其實係印，講到流利嘅廣東話同一般嘅英文，自稱喺印尼讀過大學但因無$再讀所以未畢業，只喺香港打過工，第一個僱主喺元朗做左三年未完約，原因係太太被公司裁員，自己照顧返小朋友而唔再需要佢，仲話佢走時太太有喊住話好唔捨得佢，又話平時呢個太太都會約佢出黎飲茶，第二個僱主做喺九龍塘做左唔夠兩年又係斷約，先生月薪有五十萬，太太都有工作，佢主要係照顧一個三歲小朋友，本身都做得好開心，唔止先生太太連爺爺麻麻都好中意佢，但後來太太有乳癌就無做野，留喺屋企休息，可能受藥物影響成曰失控，又跳樓又打個仔又打佢，佢話體諒太太所以唔忍心報警，最後佢頂唔順就辭職唔做，我請佢果時真係好信佢，仲成日同朋友講自己好好彩請到個好工人，點知而家......佢個樣真係呃得下人，難怪個官信晒佢

私人傳訊

rean_chau

公爵府

積分: 28591

94^#

發表於 11-6-26 04:10 |只看該作者

回覆 crissy 的帖子

就當佢講大話心虧, 但唔代表你可以用呢個理由勸退佢喎...
首先, 你話佢非法墮胎, 你有無證據先..佢可以真係食錯野, 或者自己流產....
其次, 係就算要揭發佢, 都係由醫院揭發, 因為醫院會有報告出, 呢D法庭先會接受
仲有, 你唔係墮胎既受害者, 你唔會係原告, 所以可以話係唔關你事 (公司有人去落仔, 都唔關老闆事啦)
講真, 個工人可能真係心虧, 比你嚇一嚇就辭職, 或者佢根本無自己墮胎, 可能係小產, 但怕麻煩.但冷靜一諗,再加同鄉教路, 再加上原來個胎仲係度, 佢唔會放過呢個機會.

佢講大話, 只係為左掩飾自己有左,(你好似無證據話佢係講大話) 非法墮胎又唔關你事, 你就話要佢走...咁你話係咪威協....

所以我地呢好多人都勸你冷靜, 唔好義氣用事, 盡快忘記呢件事...

私人傳訊

crissy

複式洋房

積分: 479

95^#

發表於 11-6-26 04:50 |只看該作者

回覆:究竟係咪要我去跳樓自殺先有人幫到我

係醫生同姑娘同我講佢一定係食藥墮胎先會留左個胎盤喺子宮度，小產嘅情況唔係咁樣，我的而且確係無證據，但事實我係咁聽返黎，仲有雖然佢墮胎係唔關我事，但佢唔肯刮宮唔理自己生死，而我又照接佢返屋企，佢做做下野暈低仲死埋咁關唔關我事？我報警只係保障我自己唔洗對佢嘅身體健康負任何責任，佢落仔又唔刮宮係佢嘅事，報左警亦等於有差人可以做證佢做過嘅野，如果差人話要證明我就去搵返個醫生姑娘，我無理由明知佢當時嘅身體狀況都照接佢返屋企，同埋我再講，佢墮胎係一個事實，但如果你唔信我講嘅事發經過咁就變成一個大話，莫講話我有無證據證明佢墮胎，淨係講其他野我都係無證據架，你都可以相信佢一路都無隱瞞自己大肚更無諗過會唔要，其實真係我歧視佢懷孕而迫佢辭職，換尿係假，沖啲報告落廁所都係假，我講嘅所有野都係假，受害人係佢唔係我！

私人傳訊

gemiling

翡翠宮

積分: 82477

畀面勳章環保接龍勳章

96^#

發表於 11-6-26 08:04 |只看該作者

回覆:究竟係咪要我去跳樓自殺先有人幫到我

crissy
吾好再執著系呢件事到令自己吾ka

私人傳訊

gemiling

翡翠宮

積分: 82477

畀面勳章環保接龍勳章

97^#

發表於 11-6-26 08:07 |只看該作者

回覆:究竟係咪要我去跳樓自殺先有人幫到我

crissy 吾好再執著系呢件事到令自己吾開心啦

法官只會睇呈空

私人傳訊

gemiling

翡翠宮

積分: 82477

畀面勳章環保接龍勳章

98^#

發表於 11-6-26 08:22 |只看該作者

回覆:究竟係咪要我去跳樓自殺先有人幫到我

crissy 吾好再執著系呢件事到令自己吾開心啦法官只會睇呈堂證據。

你個工人：真系懷孕（雖然佢講大話彷話墮佐胎)
你：真系有叫佢自動辭職（仲有treaten話報警，你可以話身無屎怕咩,但佢可以話人生地不熟吾知香港法律驚無論點都會坐監）

沽物論佢講大話或你系系以為佢已墮胎
都已構成懷孕歧視。

既然個官見吾到其他對你有利ge證據，佢一定系判工人勝訴既。佢呢到甘判咗，平機果邊你嘅勝算亦都咗高。

真系不如積極d諗下自己下步人生(家庭，工作）點走好啦。

私人傳訊

pollyw

侯爵府

積分: 24035

好媽媽勳章大廚勳章

99^#

發表於 11-6-26 14:15 |只看該作者

樓主，我以一個平常人上過兩三次庭的（有去勞資、亦試過去小額因其他事做告人嗰個）,看妳的case,勸妳還是放過自己好了。不是話妳犯了錯，我並且好同情妳，而是不幸地妳上庭時（或口供）所present 給官看的已經對自己不利。我好相信妳沒迫工人走，但無奈妳表達出來的都會讓人覺得係。

既然行錯了棋，好難話ng從頭再來。繼續上訴只會延長自己不愉快。不如釋放自己，過去了便算。錢失了可以搵返，但要好好保重自己身心靈，活得開心d。記住，不一定要打贏官司才有快樂。調轉，她贏哂也不代表佢哩一世都真真正正快樂。