吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生產過程？

懷孕前後今日: 0|主題: 330553

收藏本版

發帖

返回列表

跳至頁

樓主: sugar602

生產過程？ [複製鏈接]

3 456 7...8

wy26law

複式洋房

積分: 376

81^#

發表於 11-8-12 10:26 |只看該作者

回覆 bowiekashu 的帖子

我同你一樣呀~~ 十月頭生, 家下睇完我都好驚呀~!!!!!!!!!!

私人傳訊

beast

大宅

積分: 2711

趣教勳章畀面勳章

82^#

發表於 11-8-12 10:28 |只看該作者

回覆 wy26law 的帖子

第一胎. 俾我想像中快. 由於自己都唔係細, 仲擔心會快好長的時間.

私人傳訊

MrsNing

大宅

積分: 1779

環保接龍勳章陪月勳章

83^#

發表於 11-8-12 11:12 |只看該作者

小豺發表於 11-8-11 16:55
別人的經驗：

E生約左25/07/2011 8:00am 入院催生。

睇完真係又感動又驚...眼水都標埋..

宜家仲1516開刀定順產好呀......11月就生啦..好驚.............

私人傳訊

TAM_S

別墅

積分: 684

84^#

發表於 11-8-12 11:34 |只看該作者

回覆：生產過程？

我又分享吓我嘅經歷先！

9點幾起身去洗手間見紅，咁就沖涼食早餐去醫院！入到醫院一路都無動靜！由於當時正值沙士，平時5：00-8：00嘅探病時間先生都唔畀探，要我走出走廊食老公帶嚟嘅嘢！當中個肚久唔久都有痛下，但都頂得住，又唔係好密，所以無理佢！到差不多十點時我仲趕我老公返屋企，話我估要痛到聽朝！

喺老公走咗之後開始痛密咗，但個feel真係似攪肚痛，當時又唔識嘢啦，就係咁去洗手間！直到十二點feel到唔對路，諗起睇過書話5分鐘痛一次就快生得！即刻叫姑娘啦！佢一check就話我已開到八度，立即有多兩個姑娘衝埋黎圍我，幫我除衫換袍，推入產房！嘩，又痛又熱，仲要帶口＂找＂，幾鬼辛苦，大約用咗半個鐘就生咗！真係舒服哂！

然後阿姑娘抱阿B嚟，係咁不停問我：＂你睇下，你生咗咩？＂。＂生咗BB囉！唔通生咩？！＂阿姑娘話：＂仔定女啊？！＂我溫溫燉燉下都反應唔到！原來佢係要等我confirm一下個性別！！

之後打畀老公講我生咗，佢點都唔信咁快，以為我玩佢！

我自己都覺得嗰次好勁，任何止痛嘢都無用過！今次呢胎仲有八日就到預產期，希望都可以快速攪掂啦！

點評

ARKI_HAHAHA 我都笑左..haha 發表於 11-8-13 15:46

lalakelly 我鍾意你個句＂生咗BB囉！唔通生咩？！發表於 11-8-12 11:42

私人傳訊

marchesa

大宅

積分: 1274

85^#

發表於 11-8-12 11:37 |只看該作者

哎吔......我依家36w啦.....
好緊張呀~~睇完仲更加緊張.....唔知會點..

私人傳訊

sugar602

別墅

積分: 658

86^#

發表於 11-8-12 11:46 |只看該作者

回覆：TAM_S 的帖子

Tam s~相信你今次一樣咁順利！我希望我11月生個陣都好似你咁快啦！好緊張呀

私人傳訊

32cm

大宅

積分: 1211

87^#

發表於 11-8-12 11:47 |只看該作者

mr.s_fung 發表於 11-8-11 19:27
我生仔仔糸催生的，預產11月6，個日產檢已經比定11月11我入院，個日9點去，之後駁機check仔仔心跳，姑娘che ...

好勁呀!順產生大B!!

私人傳訊

beast

大宅

積分: 2711

趣教勳章畀面勳章

88^#

發表於 11-8-12 11:51 |只看該作者

回覆 TAM_S 的帖子

第一胎咁快, 第二胎要留意啦. 一般第二胎會比第一胎快架.
到時你實好快生左BB.

私人傳訊

TAM_S

別墅

積分: 684

89^#

發表於 11-8-12 12:11 |只看該作者

回覆：生產過程？

Sugar602: 祝你都順順利利，快快速速！

多d散步好啊！我記得我嗰時奶奶成日叫我老公同我去公園行下！

私人傳訊

TAM_S

別墅

積分: 684

90^#

發表於 11-8-12 12:13 |只看該作者

回覆：生產過程？

Beast: 係啊！我都有驚過好似人地做戲咁喺的士生！

私人傳訊

cherrieloy

水晶宮

積分: 64098

91^#

發表於 11-8-12 16:07 |只看該作者

sugar602 發表於 11-8-11 17:56
嘩~你痛咁耐呀？生嘅過程其實係咪唔係好痛呢？係陣痛痛啫？你生完幾耐呀？坐完月未？你老公咪錫晒你~我老公 ...

係陣痛時痛架咋, 生o既時侯唔痛, 生完成個人散晒

我個仔今年1月出世架, 依家都已經半歲人仔lu!

私人傳訊

cherrieloy

水晶宮

積分: 64098

92^#

發表於 11-8-12 16:13 |只看該作者

wy26law 發表於 11-8-11 17:52
好惡佈呀~~~
睇完有啲後悔揀順產呀....

都唔係好恐佈o者~ 呢d經驗有錢都買唔到呀

私人傳訊

sugar602

別墅

積分: 658

93^#

發表於 11-8-12 16:29 |只看該作者

回覆：cherrieloy 的帖子

Cherrieloy~睇到好多媽咪話聯針好痛

私人傳訊

mingx25

男爵府

積分: 9961

94^#

發表於 11-8-12 16:35 |只看該作者

mr.s_fung 發表於 11-8-11 21:25
我本身都系肥底，我160@未有b之前130-140，臨生之前192，48吋腰！個時肥到冇朋友，而家仲有十幾磅未減返！ ...

嘩！個肚真係好大呀 ..
死火, 我睇完超驚, 我見到你爆紋 ..
我孖胎, 個肚咪會仲勁 .. 好驚呀 ..

私人傳訊

KCHK

大宅

積分: 2403

好媽媽勳章

95^#

發表於 11-8-12 16:39 |只看該作者

講得咁興奮我又講下

第一胎 >> 女 >> 穿水
一早9:00 就穿水, 啦啦林入醫院, 姑娘查左血壓, check 左子宮, 一度都未開, 跟著帶你去你張床, 過左一陣駁機check bb 心跳, 到11點幾出左房同老公傾下, 食下野, 姑娘見到我, 話我穿左水唔好周圍去, 咁老公就走啦, 我入番張床, 到12點到有飯食, 不過剛剛先食左無耐唔想食, 到下午1點到姑娘叫我食d野, 咁我食左小小, 到2點開始痛, 當時醫生係度, 問我check 唔check 開左未, 咁就比佢check 不過我好緊張 (因為係男醫生), 咁醫生有小小唔耐煩, 嬸嬸過左來幫手, 唉! 開左0.5度, 3點嘩~~~開始大痛, 好急大大同條腰好痛, 姑娘check 左3度, 等多陣比我落產房, 3:30 落去產房, 駁好機姑娘問左好多問題, 跟著姑娘比我打電話叫老公來, 大約4:30 至5:00老公到, 就入左來, 我痛到都無點比反應佢, 當時已經打左針同有笑氣仲有暖包比我止痛, ~~~痛痛痛~~~, 到左8點幾, 姑娘要轉更, 老公要出返去, 跟著由8點幾到差不多9點半唔係好記得(可能暈左或瞓左), 姑娘叫醒我話叫我生得, 不過無力, 到10點半都生唔出, 姑娘話要叫醫生了因為懷疑我尾龍骨"kick" 住左, 咁醫生來左, 比左d文件我睇同簽, 然後就申左隻手去吸, 就"tick"左一下就立刻好急想痾, 比醫生叫我唔好痾住 (因為未剪), 醫生搞掂叫我痾, 咁個頭出左, 我唔敢再痾因為姑娘講過如醫生無叫你痾就唔好用力, 再等左一陣 (佢地應該整開左臍帶)又再叫我痾, 搞掂~

私人傳訊

sugar602

別墅

積分: 658

96^#

發表於 11-8-12 17:12 |只看該作者

回覆：KCHK 的帖子

KCHK~你中途唔知瞓咗定暈咗＜----笑死我喇！咁剪同聯針你feel到嘛？

點評

KCHK feel 到有野"吉"下你, 唔痛, 不過聯左好耐發表於 11-8-12 17:39

私人傳訊

KCHK

大宅

積分: 2403

好媽媽勳章

97^#

發表於 11-8-12 17:31 |只看該作者

到第2胎 >>> 男 >> 見紅

又係一早大約8點到, 當日我仲要返工諗住教同事follow up 我d野然後放假, 老公叫我不如返工, 因為無人睇住我, 我又只係見紅, 又唔痛又無穿水....我諗左一陣, 就叫老公車我去醫院, 入到醫院check 血壓, 我上床駁機check bb 心跳, 跟著就出左同老公傾計, 傾左好耐, 老公覺得無咁快佢就返公司做d野,然後預備bb床, 跟著由11點到晚上7點都無痛, 老公仲話你明朝一定比人彈你出院, 咁我一直都無痛, 所以瞓左覺, 到零晨1點幾, 好急大, 去toilet 痾左屎, 之後開始覺得頂頂下, 不過又唔痛 (有小小好似m痛), 由零晨1點到2點成日好急尿, 我開始覺唔對路, 問姑娘我可能穿左小小水, 姑娘就話剛剛醫生係度, 咁check 下, 未開不過醫生摸到入面有fluid 應該好快會穿水, 咁姑娘就叫我快d整好你d行李, 因為第2胎會好快, 2點9終於"hur" 左好多水, 2條m巾都止唔到, 走去換褲, 入左toilet我隔離有人嘔, 咁有人叫左個big6叫姑娘幫手, 跟著有個嬸嬸沖左入來以為我出左事, 原來唔係, 到3點開始好痛...同姑娘講我好痛, 姑娘話我無咁快, 不過嬸嬸一直有留意我, 話我應該好快, 咁我忍痛返床時聽到原來未有位, 所以要等下, 到3點半我痛得好緊要, 姑娘一check 已經6度, 立刻落產房, 駁機, 問野....實在太痛, 每次姑娘問我一個問題我痛完先答佢.....無任何止痛野 (姑娘叫我靠自己, 因為用什麼都無用),痛左一陣姑娘已經叫我試生, 問我剪唔剪, 我話唔想剪, 因為第一胎時係要吸出來, 剪好大 (好似差不多去到肛門), 咁姑娘話應該可以唔剪, 咁一痛就痾, 試左4, 5次到, 出左頭, 再痾就生左, 接住就打針令子宮收縮針, 聯左2針, 係等上房時問姑娘比電話我打比老公, 當我打比老公佢仲以為我預備生得, 我話唔係, 係生左啦!! 老公仲讚我叻!! (真係馬後炮~~~)

好彩無聽佢講唔入院住, 如果唔係我可能上新聞話係去醫院途中生左, 你知啦, 好羞ga

私人傳訊

yyy008

大宅

積分: 4264

98^#

發表於 11-8-12 17:34 |只看該作者

可能我老土... 我生2個... 我都堅持順產... 因為順產是自然的... 女人天賦的能力... 開刀對於我來講等於做手術... 肚皮同埋子宮無啦啦要各捱一刀... 邊樣傷身d自己考慮清楚 :)

講返經歷

大仔 (3年半前) - 順產, 先穿水
半夜2:00打完nds收機訓落床, feel到個肚痛左一下.. 跟住有水湧出來, 好在有床墊... feel到無流得咁勁就去開左包產巾用住先.. 因為都一路有水流出來。當時老公返夜... 屋企得老公阿麻.. 無叫醒佢.. 打完電話比老公話我自己入院先..叫佢收工過去醫院... 就自己call 8折的(我誇區, 白車送唔到我去, 所以要call的士), 拎埋走佬袋入廠。車程8個字.. 差不多去到醫院開始陣痛.. 我自己一個人唔知點搞... 肚痛話生得叫d 食q比張輪椅推我去急症... d食q竟然唔肯(話得一個人, 唔可以行開).. 我忍痛自己行去急症度就有阿姐知我生仔.. 推左我上去產前病房。

3:30收晒症就插機o係度等... 陣痛不太勁... 穿左水又唔敢bath多次... 一路到5點半... 開始痛得密.. 痛得勁... check下開左一度咁大把... 月來月痛個人好驚.. 去到天光6點半再check.. 竟然去返0度... 姑娘叫我若然訓得著就訓下.. 開得快d... 我成晚無訓... 真係訓得著.. 訓下醒下咁.. 一痛就醒.. 唔痛又hub著.. 果然開得好快! 7:30開左2度... 推左我落待產房... 因為我穿左水咁耐.. e生比左催生藥.. 待產房好似雪房咁.. 凍到死.. 又勁肚痛... 我不停問姑娘我生得未... 又好驚.. 好在我老公收左工去到e院.. o係門外打比我... 我個心定返d... 姑娘同我打左止痛針... 到10:30.. 我總於開到7度... 已經痛到典床典蓆... 再推我入去正式產房(當時裝修.. 所以要分2個地方)... 我痛到係咁標汗.. 流晒眼淚.. 真係典來典去.. 但我無叫過一聲.. 因為隔離床有人叫比助產士罵.. 我唔敢叫。不停深呼吸.. 鼻吸口呼... 因為未開到10度唔比我生.. 叫我忍... 死忍爛忍... 真係哩個時段痛到天昏地暗.. 非筆墨所能形容... 11:35 我總於開到十度, 可以生得.. 助產士們話一feel到痛, 佢地叫痾就用力push.. push既時間反而無陣痛咁痛﹐無痛就唔好用力.. push左十下左右.. 我以為差不多.. 原來佢地只係見到bb個頭頂到去出口度!! 跟住話比我知要剪喇.. 完全唔痛, 只係聽到一下聲... 好多學生圍埋黎學野.. 叫我加油.. 差不多架喇.. 跟住又再push.. 又十下八下之後... 話個shoulder出左!! 我個人都差不多無力... 不過好在.. 再push左2下.. feel到有野 "her"出來咁.. bb於12:05出世了!! 好多人拍手話好野.. 好似拍戲咁.. 好搞笑!!

跟住唔知搞乜整個胎盤出來.. 再打左支麻醉話同我聯針.. 唔係好痛.. 但feel到佢聯緊野囉~ 諗返都覺得點解自己當時可以處理得到!!

點評

miracleinlife ”跟住有水湧出來, 好在有床墊“，你一早預左，準備定以防穿水？發表於 11-8-13 19:34

私人傳訊

開心小花

伯爵府

積分: 16754

2018復活節勳章好媽媽勳章醒目開學勳章畀面勳章

99^#

發表於 11-8-12 17:35 |只看該作者

其實好似之前D mama咁講做產前運動, 行多D對順產真係有幫助的. 我第一胎算生得好快. 連助產士問我係唔係陀住都有做運動. 仲話如果我生第二胎一作動就要即刻入院生.
另外, 我係見紅, 陣痛, 再穿水的. 而且一穿水就好快生咗了. 我記得晚上七點幾, 姑娘睇下我開幾多度..點知話我只係子宮頸軟, 一度都未開. 我仲以為我有排先生得. 去到8點越來越痛, 真係要捉住床邊, 但又要留返啖氣生, 唔可以大叫. 我諗死啦, 都唔知要痛幾耐先開到10度生得. 其他人見到我咁痛, 叫姑娘來睇下我. 但係個時我仲係產前病房, 個姑娘同其他mama搞緊出院手續. 叫我等一等. 去到九點幾, 姑娘伸手一探即刻叫D姐姐拿床要推我落去病產房. 我都唔知發生麼事. 只知一起身就’ 卟’一聲. 原來穿咗水. 跟住就落產房, 俾我聞笑氣, 駁機咁, 好似發夢咁. 到10點幾就生咗.
我之前都有諗過自己生個陣係點.. 最後真係你估佢唔到, 煮到埋來就食.