shio 發表於 11-9-13 23:28 
雖然樓主表明沒有任何歧視成份，但開post去討論一位自閉兒家長因為兒子的問題失儀，而令其他媽媽加入討論自 ...
點睇呢類有特殊需要嘅小朋友，要其他人唔標籤個有問題小朋友，已經變成一個好難實現嘅夢想。
我仔曾經同呢一個同學有誤會，囝囝整喊個同學，老師去了解，但兩個人都講唔清原因，
之後個家長就避開我地，原本日日放學兩個小朋友都一齊拖手行同一條路，
而家個媽媽就迴避目光相接，想打招呼都拎開塊面，咁算啦，人地唔想同我地做朋友冇得逼。
後來我同老師講番仔仔情況，原來校長未同老師講，老師唔知囝囝情況，
跟住老師講我知其實果個同學係有問題嘅，佢發唔到好多音，班上冇人知佢講咩，
囝囝鍾意同佢玩，可能係言語上出咗問題，咁兩個有言語問題嘅小朋友要溝通，
真係要旁人幫手至得。我聽完個心唔舒服，原來另一個小朋友有問題，
但佢媽咪就唔肯包容另一個有問題小朋友，我可以點？一個自己小朋友有問題都尚且會咁，
何況其他咁多小朋友正常嘅家長，我又可以要求其他人包容嗎？別人我控制唔到，
但我自己就一定唔會標籤佢地，佢地有同其他人唔同思維方式，唔係佢地想嘅，
佢地就好似迷路咁要大人帶引，但偏偏唔係所有人都會伸出援手，甚至同情嘅說話都冇。
花旗太太生活在花旗國，留意時差，你問我未必即時答到。
發表於 
欄住個門口唔俾佢走+報警丫拿
mouth:
返回列表
