jessie814 發表於 12-2-24 12:46 
我想問各位mama而家有冇人用藤條,間尺罰小朋友打手板or patpat 我就嚟俾佢激到火都爆 今朝去街市買餸見有藤 ...
http://www.baby-kingdom.com/forum.php?mod=viewthread&tid=4178340
2 - 7 歲 (完全無難度)
我仔初生時，我同老婆都外出工作，請工人就怕工人日間無人睇，所以佢從小 2 歲前都是比錢親戚凑，一星期五日在保母家，星期六,日返屋企，初時計劃係 B 仔三歲才請工人，但到近兩歲時發覺保母太遷就佢，開始有皮氣，又扭計，甘我就決定提早，在佢兩歲生日那天，接番佢回家自已教，請了個工人姐姐！
註 : 阿仔甘大，祗打過佢 Patpat 一大下 (原因下面會講到)，大家要明白體罰打，對於小朋友好細係有 D 效，但打打下佢地就習慣，絕對無用。
小朋友的壞習慣，如果唔想佢地再犯，要令佢地印象深刻，一定要繁佢，好等佢記得唔敢再犯！
2 歲時佢比較瘦弱，少比西瓜佢食，佢 2 歲生日時，我切了一大片比佢，佢好開心，拿住片西瓜，因為好大片，手舞足蹈，離開張枱，跳下跳下，突然間跌左落地，哦~~ 我話掉左佢，佢立刻走開來問我切過片，我話唔得，邊個叫你唔小心！無！佢當然大哭，老婆話切過片比佢啦！我堅持唔比，我話明天比過你，再哭明天就無，佢慢出聲！到第二晚我切過片比佢，我專登眼尾望住佢，佢今次坐得好入，伸長條頸食，恐怕跌左，好小心食！ 小朋友要比佢知道唔小心要承擔後果，佢以後就會小心！
3, 4 歲時一次在家發皮氣，掟東西落地，我罰左執起再掟 50 次 ，好似仲發生多一次，同樣罰佢 + 罰抄，從此以後就無發生過掟東西事件！
約 2 歲 出街，同老婆佢行中間，老婆投訴 "阿仔唔比佢拖"，我望下阿仔，我話唔拖手，甘就拖耳仔，二話不說，一手拉落佢右耳，佢 哎呀！哎呀！ 立刻舉起左手比佢阿媽拖，我當無事發生繼續行！
4, 5 歲老婆 話佢，佢發皮氣，入房大力關門，係房大力拍櫃門發洩，我叫佢開門，唔開！我用後備鎖匙入，老婆話唔好，由得佢發洩一下 (慈母多敗兒)，我話唔得，大個又甘？入去捉佢出來，罰佢拍牆一千下，但拍到五百見佢手仔紅晒，心軟 (極少)，最後五百下算數，以後佢唔敢！
約 3 歲 唯一一次比我打.......... 話說佢同老婆及一班小朋友去街，過馬路走竟然自己唔等媽咪過馬路，老婆回家投訴，我話要打，藤絛示候，老實講當時對條藤絛，佢係無勿感覺，因條野次次都話打訓佢，祇係打落梳化，今次老婆話負責打，叫佢朳係梳化行刑，我老婆手無殺雞之力，打落去，無聲，祇聽到老婆話睇你以後敢唔敢，阿 B 模下 Pat Pat 用好懷疑架眼光，"啊！甘就打左拿！"，當然唔哭！我話唔算，等我來，大大力打落去，立刻大哭，從那次後成日唔見d 藤絛，買左又失蹤，個工人姐姐話見到阿仔掉左落街！
講真，小朋友係小學
前真係好容易教，唔比佢發皮氣，有手尾，唔扭計，聽聽話話完全無難度！
Q & A
另外大力兄可否講下你對 體罰 o既睇法? <------ 絕不贊成！！！打手板唔算！
發表於 
我諗由細到大，我打過大女次數，一隻手就數晒
佢到依家都好記得，所以，我亦好後悔，因為原來佢並未忘記
返回列表
