吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 濕疹真係好討厭

嬰兒醫護今日: 0|主題: 79147

收藏本版

發帖

返回列表

跳至頁

樓主: Sharon1115

濕疹真係好討厭

[複製鏈接]

3 456 7...8

aykp

大宅

積分: 4174

畀面勳章

81^#

發表於 12-3-7 17:20 |只看該作者

回覆 Sharon1115 的帖子

我囡囡3歲幾開始有濕疹,初時只是係手背,之後就手指(十隻都爛哂咁,有時重出埋血水,見到心都痛埋,因為痕佢就時時用口咬手指),然後到背脊腰位,屁股,心口,手肘,我初初都係睇西醫,查類固醇,但真係查就好,吾查就起,跟本可以講冇好過,我都買左好沖涼,CREAM,上黎一見媽咪介紹好果D我都走去買, 但都係吾得,最後我大陸亞姨黎HK旅行,見到囡囡咁就介紹我去買雞屎膝煲水沖涼同飲,我都吾知咩黎,走左去街市見有個亞嬸買D自己種既野,問佢有冇雞屎滕啦! 佢就問我咩事要黎做乜野, 咁我就講我囡囡既情形, 佢就同我講呢D係肝毒黎. 係我陀佢時食左D濕毒野. BB吸收左. 咁佢就教我買馬屎莧(最好越老越好,要連埋根),一棵都好大棵下(我分左2次煲),綠豆半斤(分2次煲),蒜頭6-7粒(最內果陣衣不用脫去), 跟住煲2個半鐘, 我就聽佢講係佢度買左馬屎莧黎煲, 我12月開始煲, 飲一日停3日再煲, 我係新年果個星期冇煲之外, 其他時間都有煲, 直到2月中我囡囡全身濕疹都冇哂喇, 真係好多謝果位亞嬸, 重有我都有搵到雞屎膝煲水比囡囡淋身, 係用完沖涼液最後過清哂就用雞屎滕淋身抹乾身體就OK. 但真係要介埋口架. 濕毒野全介架. 依家好番, 我有試過比蝦較佢食,睇下會吾會發番, 竟然冇發呀! 但我會一個月煲番幾次呢個湯水比妹妹飲下. 同埋屋企人都可以飲架. 連工人姐姐, 我仔仔都有飲埋呢個湯水. 所以我次次煲成有十碗架. 同埋有時飲吾哂我會雪係雪櫃, 第日再煲滾比個囡飲, 加上我冇落鹽架. 等佢地當水飲囉. 但我真係吾知你地小朋友得吾得呢(由其得幾個月既BB). 因為吾知會吾會寒涼, 我真係希望幫到你地架. 因為我知見到仔女受濕疹虐待真係好心痛.

私人傳訊

小氣囡囡

大宅

積分: 2348

82^#

發表於 12-3-7 17:42 |只看該作者

引用：回覆+Sharon1115+的帖子我囡囡3歲幾開始

原帖由 aykp 於 12-03-07 發表
回覆 Sharon1115 的帖子

我囡囡3歲幾開始有濕疹,初時只是係手背,之後就手指(十隻都爛哂咁,有時重出埋血水, ...

你仔仔都飲埋，請問你仔仔有幾大？我都想煲比我2歲大仔仔飲。好多謝你架分享！！

仔仔就來開學啦！既開心又緊張

私人傳訊

SiuBay

男爵府

積分: 9750

83^#

發表於 12-3-7 21:09 |只看該作者

aykp，

你係買新鮮馬屎莧嗎？係邊度有得買？

私人傳訊

aykp

大宅

積分: 4174

畀面勳章

84^#

發表於 12-3-8 00:27 |只看該作者

引用：Quote:原帖由+aykp+於+12-03-07+發表回覆+S

原帖由 小氣囡囡 於 12-03-07 發表
你仔仔都飲埋，請問你仔仔有幾大？我都想煲比我2歲大仔仔飲。好多謝你架分享！！

...

我仔仔好大個喇13歲，所以我就係怕太細個吾知得吾得。

私人傳訊

aykp

大宅

積分: 4174

畀面勳章

85^#

發表於 12-3-8 00:33 |只看該作者

引用：aykp，你係買新鮮馬屎莧嗎？係邊度有得買？

原帖由 SiuBay 於 12-03-07 發表
aykp，

你係買新鮮馬屎莧嗎？係邊度有得買？

我買果d係新鮮馬屎莧，我係屯門置樂街巿買架，但果個嬸嬸吾係成日開檔，因為佢話要落田種野，有收成才開，因呢d馬屎萈是野生多數係種菜耕地就有架喇！

私人傳訊

Pinkpling

大宅

積分: 3278

BK Milk勳章

86^#

發表於 12-3-8 11:49 |只看該作者

回覆 aykp 的帖子

知道可以令濕疹好番真係開心﹗ 請問，你講既雞屎膝同馬屎莧係咪同一樣野？我隻臭豬呢兩日好小小喇，面不再咁紅，不再硬，摸上去，終於有小小滑，暫時仲有搽類固醇再加潤膚，希望慢慢減搽類固醇既次數，只係搽潤膚。天下父母心，相信每個媽媽都寧願受苦既係自己… 暫時未發現佢對咩食物敏感，好大可能係天氣轉變令情況惡化，不過我都會小心戒口。希望繼續聽到多d bb既濕疹好番﹗

私人傳訊

aykp

大宅

積分: 4174

畀面勳章

87^#

發表於 12-3-8 13:57 |只看該作者

2樣野吾同架. 馬屎莧好似莧菜咁既, 但係是野生既. 雞屎膝係山邊攀滕野生植物黎. 但係有中藥藥房有得買架. 但哂乾左既, 因我同事媽咪行山摘番黎比我. 但乾左果D我都有煲黎比囡囡沖身.

私人傳訊

TokiBaby

複式洋房

積分: 257

88^#

發表於 12-3-8 15:01 |只看該作者

回覆：濕疹真係好討厭

原來呢度咁多同道中人，我個仔都係由兩個幾月開始發現有濕疹，宜家就黎7個月都無好過，新年之後更可以話無一晚訓得好，晚晚都要捉住佢唔比佢"R",可以擦上面既都擦哂，醫生都睇埋，擦類固醇擦到怕，擦得多又唔得，唔擦佢又辛苦，煩到嘔！就黎痴線

私人傳訊

woonyin

禁止訪問

積分: 413

89^#

發表於 12-3-8 16:26 |只看該作者

回覆：小必媽媽的帖子

提示: 作者被禁止或刪除內容自動屏蔽

私人傳訊

小Sin子

男爵府

積分: 6581

90^#

發表於 12-3-9 08:06 |只看該作者

TokiBaby 發表於 12-3-8 15:01
原來呢度咁多同道中人，我個仔都係由兩個幾月開始發現有濕疹，宜家就黎7個月都無好過，新年之後更可以話無 ...

TokiBaby ,

我囝囝應該大你囝囝剛一年 . 你呢個經歷我似曾相識. 舊年新年 , 以為第一年可以帶 bb 去逗利是 , 結果爛面嚴重到唔可以出街嚇親人 .......諗住今年可以帶住識行識走的囝囝拜年啦 . 點知都係爛面 . 只係初一時同大家族團拜就算. 親人應該唔介意我個囝爛面嚇人. 唉 ......我又再許願 , 希望下年新年 , 囝囝濕疹好番哂 , 可以帶佢四出拜年.

私人傳訊

小Sin子

男爵府

積分: 6581

91^#

發表於 12-3-9 08:42 |只看該作者

小氣囡囡發表於 12-3-7 16:50
睇到我哭咗，我仔仔由2個月大起有濕疹到而加2歲3個月，整整2年來晚晚都訓得唔好，我晚晚都要像上戰場咁守護 ...

唉.....大家咁話啦 ......箇中感受 , 大家點滴在心頭啦......

琴日朝我又遇到激氣事 . 我一個人帶爛面囝囝去 M 記食早餐. 隔離枱個阿嬸一直望住我個囝塊面 . 望左好耐卒之開口.

阿嬸 : 佢塊面果 d 係咩黎架 ?
我 : 濕疹黎架.
阿嬸 : 你去藥房買支藥膏同佢搽下啦 . 呢 d 應該係奶癬黎 . 搽幾日就好番哂架啦.
我 : 試過好多隻藥膏架啦 , 都唔得.
阿嬸 : 冇理由唔得o既 ! 人地都得 .
我 : 佢濕疹左一年架啦 , 中西醫都睇過 , 醫左成年都未好. 宜家都食緊中藥. ( 我開始想打發佢收聲 , 唔想再同佢糾纏 )
阿嬸 : 嘻 , 唔好周圍睇啦, 睇衰哂 . 佢呢 d 邊係濕疹呀 ?! 我睇呢 , 就係奶癬. 食奶整到啫. 你信我啦 , 去藥房買支藥膏搽就好番架啦.
我 : 佢宜家冇再食奶架啦喎.
阿嬸 : 宜家冇啫 , 以前食落呀嘛.
拿 ! 我教你 , 你用蠟梅花 .....
我 : 蠟梅油我試過啦, 唔得.
阿嬸 : 唔係呀 , 你聽我講 , 用蠟梅花同金銀花煲水 , 早晚同佢抹下 , 抹幾日就好番架啦.
我 : 佢宜家日日都抹緊金銀花水架啦.
阿嬸 : 佢其實好痕架 , 不過唔識同你講咋嘛 , 你信我啦 , 去藥房買支藥膏搽 , 快 d 整番好佢啦 , 佢好辛苦架 . 我個女就肯信我 , 佢 bb 又係奶癬 , 搽左藥膏就好架啦.
我 : 哦 . 好 . ( 已經開始好敷洐 , 沒好氣 )

跟住好在佢遇到朋友 , 先終止左對我糾纏不休o既教訓.
對於街上遇到的好心人 , 建議我咁咁咁 , 我都衷心感激. 但佢地唔會明白我囝囝的情況. 並唔係佢地見慣見熟的奶癬囉 !! 我都好想搽下藥膏 , 敷下金銀花呢 d 人所共知o既簡單方法可以搞得掂囉. 但阿嬸咄咄迫人 , 自以為是 , 仲講到我好似對我個囝好差 , 唔肯醫番好佢咁. 呢個世界上 , 最想呢個小朋友好番o既人係我呀 !! 為左醫佢最花心機時間搵方法同頻撲求醫果個都係我呀 !! 呢位阿嬸實在令我勞氣. 堅持佢講o既買支藥膏同敷下野就得 . 我真係好想同佢講

" 好 , 你去買支藥膏同用野幫佢敷幾日 . 好番哂唔再番發的話 , 我願意俾一萬蚊你 !" ( 反正到目前為止 , 已經大約用左4 萬蚊去醫我個囝 )

私人傳訊

TVb08

男爵府

積分: 6932

92^#

發表於 12-3-9 10:57 |只看該作者

引用：回覆+Sharon1115+的帖子我囡囡3歲幾開始

原帖由 aykp 於 12-03-07 發表
回覆 Sharon1115 的帖子

我囡囡3歲幾開始有濕疹,初時只是係手背,之後就手指(十隻都爛哂咁,有時重出埋血水, ...

請問用幾多水煲？一日飲幾多？是什麼味道？
唔好意思咁多問題！我個仔d濕疹越來越勁所以我想比佢試下！

私人傳訊

nurse_a

大宅

積分: 1111

93^#

發表於 12-3-9 11:46 |只看該作者

引用：Quote:小氣囡囡+發表於+12-3-7+16:50+睇到

原帖由 小Sin子 於 12-03-09 發表
唉.....大家咁話啦 ......箇中感受 , 大家點滴在心頭啦......

琴日朝我又遇到激氣事 . 我一個人帶爛面囝囝 ...

完全明白你！
今日我係7仔都俾4個!c nine加阿婆圍攻！
又話肯定我佗佢冇戒口，冇清胎毒，叫我帶佢睇醫生，睇中醫，用金銀花等等，

私人傳訊

nurse_a

大宅

積分: 1111

94^#

發表於 12-3-9 11:56 |只看該作者

回覆：nurse_a 的帖子

俾建議唔緊要，但又話我個b四個月咁細粒好像2,3個月大咁，又話自己個女3個月大都大隻過佢

大佬呀，我阿b係人奶加豆奶b，仲要痕到無哂胃口，又訓得差，點會長肉！我睇住他瘦哂已經好心痛

私人傳訊

TokiBaby

複式洋房

積分: 257

95^#

發表於 12-3-9 12:20 |只看該作者

回覆：小Sin子的帖子

我宜家都係每一個節日願望都係個仔快d好返！

私人傳訊

little_m

別墅

積分: 670

陪月勳章

96^#

發表於 12-3-9 17:31 |只看該作者

救命呀 !!!! 我見到個囡真係好辛苦呀...由佢三個月大到以加半歲...無一晚佢係可以訓到天光....
呢排仲嚴重，由半夜兩點到五點，都不停 fing 頭，佢好想卒面，但我會捉住佢隻手...如果唔係...塊面就變豬頭架喇 !!!!
睇住佢咁辛苦，唔知可以做到 d 乜野......

用過好多隻 cream 都仲未搵到一隻係岩佢用.....
係街見到d BB 塊面個身無野，覺得呢 D 咁簡單咁普通既野，點解我地 d BB 唔可以擁有，點解 !!!!!!!!!!!!!!!!!!!!!!!