PAYESI 發表於 12-3-5 15:03
邊會呀
PAYESI 發表於 12-3-4 00:06
我知你講係何生舊果間嘛！其實仲有回x, 新開的有永x! 最少野係威x斯
何生舊果間我都發生過奇怪野呀，大約6-7歲果陣，因為我家人同呢間酒店啲人好熟，我地成日去玩，我地都熟晒地頭，所以好多時大人比低錢我地自己去打遊戲機，玩到咁上下就會自動自覺去賭場後門旁邊間餐廳門口等大人，啲大人又會隔咁上下時間出嚟睇吓我地，總之我地唔走出酒店就唔會有問題。
果次一如以往咁去玩，由於當時我表弟仲係 b，阿姨就同表弟响房等齊人去食 lunch，咁我玩到差唔多時間就返上房搵阿姨，我明明記得係 xxx 號房，點知我由街頭行到去街尾都唔見，再由街尾行返去街頭又係唔見，我好肯定我無記錯架，又再得多次，行行吓有個職員哥哥見到我就問我搵邊間房，我同佢講 xxx 號，佢就帶埋我去搵啦，點知第一轉又係搵唔到，又行返轉頭，今次搵到啦，但係禁鐘敲門都無人應，個職員哥哥就同我去 counter （每層近lift都有個比啲職員放些少野，又有電話用嘅地方）打電話入房睇吓係咪真係無人，因為我同佢話咗阿姨响房等緊其他人，就响呢個時間，我姨丈就出 lift 見到我，就帶埋我返房（真係 xxx 號，我無記錯），返到入房，佢仲笑我失威記錯房號（我從未試過記錯架），我問返阿姨頭先有無人禁鐘同敲門，阿姨話無。
自此之後，我就將個房號寫底，如果再發生啲咁嘅事，都可以證明我無錯。
發表於 
返回列表
