樓主, 我由你之前個post睇到而家你問仲應唔應該同佢一齊...
其實我感覺係就算你地兩個幾多歲都好, 思想上兩個都係唔成熟, 可能因為感樣先可以係埋一齊
當然佢之前果句野真係令做佢老婆既你係會即時火都黎, 就算佢之後點樣覺得句野係講笑都好...係女人聽倒自己個老公感講都想即時
佢...
不過睇倒你而家既情況, 我覺得你真係要諗既絕對唔係要唔要離開你老公, 而係為你地個bb諗! 大人既說話令對方感到難過係一定會發生既事, 但係說話既野總會因為時間長而減少難過既感覺, 現時你地冷戰中, 所有野都會向負面走, 所有佢對你做過d咩唔好既野你都一定會諗翻晒出黎...
但係bb係最無辜既一個, 你現時既負能量只會令你同你老公同bb都受傷害, 對三方都無幫助的! [令教人打仔 莫教人分妻] 依句野永遠都係真的! 既然你而家都諗倒自己之前都做倒可以千就佢, 為何現在又會覺得千就佢係錯? 我唔係叫你一直千就佢落去, 只係想話人係會因為面對緊d乜野既時候就會有d咩既情緒出左黎, 可能你而家有左bb, 情緒總會改變, 如果以你未有b之前既性格, 可能聽倒佢果句說話你可能只會發一陣皮氣之後就會無事, 但而家你有bb, 有好多野可能你會好想有人會幫倒你手, 而佢仲要係你依個時間有依句野出左黎, 你既感覺就會唔同晒...
忍一時之氣可能你而家會好辛苦, 但係你bb出左世之後既情況你而家好似講得好輕鬆, 不過我可以100%話你知, 絕對無可能會係你而家想像得倒的! 雖然我自己都未生, 不過下星期都開刀生了, 我見我身邊既所有朋友生左之後都話跟本無發想像得倒果種情況原來係感...
所以最後我好希望你認真感去諗, 除了你自己既將來, 仲有係bb既將來喔! 既然現時你自己係未有[真正]既能力去照顧你自己同bb, 倒不如現在用你點樣去同你老公冷戰既時間黎諗下點樣可以平心靜氣同你老公兜口兜口講下將來bb出世之後既情況仲好! 或者...用書信方式寫一封你自己所有感受既信比佢睇, 之後再傾下有咩大家可以一齊去解決仲好啦!
唔好意思, 長左d...不過我真心希望你地一家之後都會開心翻晒同幸福起來的!!
呀B你要加油呀!! 爸爸媽媽點都會係你身邊支持你!! 你好叻架!!