吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 大家點睇老師壓力??

自由講場今日: 1181|主題: 1369402

收藏本版

發帖

返回列表

跳至頁

樓主: lalalu

大家點睇老師壓力?? [複製鏈接]

3 456 7

Ben2003

侯爵府

積分: 22989

81^#

發表於 06-2-28 22:31 |只看該作者

Re: 大家點睇老師壓力??

joely 寫道:
H5N1都冇話過自己係教師 ?-(

佢話佢係做文職wor......難道我看錯

哈哈....睇真Ｄ原來你已經講過...

無他....
一係見慣的下三流討論技巧 --->屈人。

一係自己已不理性而不自知....

PS 路過

尋找「閃光點」，努力不懈，堅毅不屈，機會總是留給有準備的人。但是，有準備不一定能找緊機會，因為....命運就是這樣的敲門。要找緊機會，就要戰勝自己和戰勝命運。
遇到逆境，堅持，不要放棄。黑暗是可怕的，極難耐的.....但是，渡過了黑暗，不就是黎明了嗎 ?!

私人傳訊

穎子

大宅

積分: 1545

82^#

發表於 06-2-28 23:26 |只看該作者

Re: 大家點睇老師壓力??

唉... 咁睇黎...要每一行都post下自己嗰行有咩壓力先得喇!

人地唔講又唔代表人地做嗰份工好舒服呀, 你地成日講又唔見得你地啲壓力有過人之處呀, 人人都係咁啦... 政府而家已經應你地個張文光議員既訴求做緊野啦... 仲有幾慘呀???

食得鹹魚抵得渴, 又想出嗰份糧, 但又唔想承擔嗰份工所帶來既結果, 邊有咁着數呀??? 唔想進修咁點可以緊貼社會呢??

私人傳訊

roccomami

禁止發言

積分: 14500

好媽媽勳章

83^#

發表於 06-3-1 00:54 |只看該作者

Re: 大家點睇老師壓力??

提示: 作者被禁止或刪除內容自動屏蔽

私人傳訊

castersugar

大宅

積分: 1095

84^#

發表於 06-3-1 02:26 |只看該作者

Re: 大家點睇老師壓力??

其實張文光議員向政府提出的要求只否真的只有教師受惠?
其實最終的得益者是誰呢? 希望大家想想?
所謂 "不從其位, 不謀其政", 我也不多評論了!

私人傳訊

Darth

大宅

積分: 2519

好媽媽勳章醒目開學勳章

85^#

發表於 06-3-1 09:33 |只看該作者

Re: 大家點睇老師壓力??

冇用架，佢地都係話自己最辛苦。

我唔覺得要學 d 尊貴的老師們，日日 post 話做野好辛苦，人人做野都辛苦，唔駛日講夜講。

[quote]
穎子寫道:
唉... 咁睇黎...要每一行都post下自己

私人傳訊

Darth

大宅

積分: 2519

好媽媽勳章醒目開學勳章

86^#

發表於 06-3-1 11:16 |只看該作者

Re: 大家點睇老師壓力??

不如你退一步，用同樣的眼光，睇下其他行業的工作情形。

行政工作，好多行業都要兼顧，我朋友係大律師行做律師，可能佢唔算高級，都要兩個人 share 一個秘書 ( 合伙人就一人一秘書)，如果秘書唔得閒，都要自己打信，影印。

至於埋堆，我估無需評論，有兩個人以上的地方，人際關係就要處理，唔好話係同事，同配偶相處都要用 d 心思。

有邊行唔使做工作評估，老版唔駛睇你表現？人係有天生墮性，唔好同我話咩老師好尊業，而家有個評估基制都有害群之馬，如果冇王管，我唔信個個都咁勤力。至於視學，我記得小學讀書時都有 lee 個 policy，我小學上堂都見過，不是新鮮事。

守時 / 儀表，唔係應有的基本要求嗎？

開會，學校活動，都係工作一部份。
我十多年前做過代課老師，都要開會 ( 我負責埋寫 minutes )，都 lead 過課外活動，寫過 report，其實根本係工作一部份，入職時，學校都有講要做。

OT？出面都唔係個個工種有得 claim OT 錢，有得 claim 的都係低級職員，如 messenger，receptionist ( 我無貶意，但事實如此)。有 d 公司，即使 receptionist 都冇得 claim。銀行 d teller 唔算係高級，但我見佢地好多埋數都埋都六七點，都冇補水。唔滿意嗎？情另謀高就。

升職？你話我知有邊間公司你做得好就有得升，唔係老頂唔想升你，係要人地有個 head count 先升得，如果個個做得好就有得升，咁好快全公司都係 manager 。
至於加人工，出面係要做得好，加埋經濟好先有得加；不過一個唔該做得差，又或者老細唔中意你，就即抄，唔駛等咩基準試成績。

老師係要面對人的工作，面對家長，面對校長，面對小朋友，係工作 "性質"，唔係工作以外的事，即使做個別補習的老師，都要面對小朋友，面對家長。

即係好似醫生要面對病人，警察要面對市民，售貨員要面對顧客，即使圖書館管理員，都要面對借書的市民。如果覺得要面對人，要應付人係一件難事，我估那個人的性格唔適合做老師喇。

做老師似揍仔？你可以話係，工作性質係咁，冇得講，入職前真係要想清楚。我見幼稚園老師最慘，小朋友尿尿了，如果亞嬸唔得閒，老師都要幫手抹。不過，我見佢地都好敬業樂業，抹完地，重同小朋友去換褲仔。我估真係睇個人性格，同有冇 heart，我遇過好多好好的幼稚園老師，都做到 "幼吾幼，以及人之幼"，小朋友發脾氣，都好有耐心 tum。

接受評估有幾唔專業？要面對，應付學生，家長有幾唔專業？要開會，寫報告有幾唔專業？工種有幾複雜？
你講的，全部都係做老師的份內工作。

好多專業工作，都係要唔多唔少做一些行政工作，醫生，律師，會計師，甚至警察，救護員等。
冇一行唔駛開會，冇一行唔駛寫 report；而越專業，接受上級評估的亦會越多。

做醫生，都唔係淨係睇完病人就算，都要寫病歷；警察，都唔係話行下必，捉完個賊就算，都有好多文書上的事要做。

咁係唔係個個醫生出黎，話佢應該淨係睇症做手術，要佢寫病歷好唔專業，去做醫療講座好唔專業？
做警察的，又出黎話佢淨係捉賊，要佢寫報告，要佢 briefing 好唔專業？

工作辛苦，講出黎 sun 下，大家都會歡迎。
其實，行行都有苦有樂，難道人家做得唔辛苦，只有老師最辛苦？不過，真係未必個個大大聲講，日日講。

最後，都要講返，香港其實有好多好老師。好好采，我小朋友遇到的都是好老師，個個都對小朋友好有愛心，真係要讚。

不過奉勸有心入行的，要諗清楚自己係唔係咁有愛心有耐心，要真正了解下做老師要做 d 乜，如果唔適合自己性格，唔好舐自己時間，亦無謂誤了學生。

kitty-tko 寫道:
教師呢一份工除左教書之外, 仲要兼顧行政工作, 仲要埋堆. 班主任仲要好似揍仔咁, 照顧周到, 1對30個(最少), 邊顧到咁多?!

每年仲要評估工作表現, 一年觀幾次課, 校長和主任會在課堂觀課, 評核者有校長/主任, 小圈子的評分, 評核的項目:守時/儀表/與家長學生同事關係/為學校帶領而領獎的項目等. 教師需要與主任和校長面談.

教師亦需與每科的同級定時開會, 檢討/展望planing, 仲會錄影課堂, 開會時sharing. 另外教師亦需入組, 如活動組/校務組/行政組/訓輔組. 入了組後, 亦需兼顧組內的活動, 開會/當值及理行組內工作.

學校活動: 如家長日/開放日/節日活動, 均需要當值或主持活動. 很多時學校活動會於sunday進行, 教師亦需出席. 不會當OT.

我以前不知道教師原來那麼多工作, 忙之餘, 仲要被評, 承受好大壓力. 而且唔係教得好, 就會升職, 唔似商業機構, boss/公司覺得你做得好, 就會加人工升職....教書唔係. 而且家長要求高了, 班主任要向30幾對家長交代, 事無大小都投訴一餐. 小朋友的問題各有不同, 有些情緒問題/自閉/家庭問題....

一份咁專業(教師)的工作, 變得咁唔專業! 工種變得咁雜!
可知放棄生命的教師, 承受幾大的壓力!

私人傳訊

CYCC

洋房

積分: 179

87^#

發表於 06-3-1 12:05 |只看該作者

Re: 大家點睇老師壓力??

Darth

送俾你

你講晒我想講的

私人傳訊

hkgigi

男爵府

積分: 8402

88^#

發表於 06-3-1 13:48 |只看該作者

Re: 大家點睇老師壓力??

Darth,

讚成, 我都很同意你的講法.

重有做中小學的老師都重有個張文光同佢地出頭,
有否想過做幼教的老師有誰理,她們都係老師,
但經常被人遺忘,她們的壓力及工作量不比你們少,
但人工就比你們少很多.
現在很多幼師都係學位教師,
反之小學現在還有很多都係文憑教師,
連學位都無,請你們班所謂老師們反省吓啦.
這樣的水平,叫我們D家長點放心將子女交俾你地.

私人傳訊

pinkpanther416

複式洋房

積分: 342

89^#

發表於 06-3-1 13:51 |只看該作者

Re: 大家點睇老師壓力??

我個姑仔係做教師, 今年係第一年教, 而家成家人要就哂佢, 因為佢地睇太多news話教師好有壓力, 喂, 佢書寫英文我覺得ok, 但係佢一講英文, 我真係聽唔明, 點解會請佢? 成日聽到佢講d學生有幾黑人憎, 幾唔鐘意佢地, 我心諗..嘩, 第一年就有野講, 咁, find another job 啦, 佢又話第二份工唔會咁多假期同人工, 咪係囖, 你都識講啦...(我同佢冇仇口的)

私人傳訊

WChan

水晶宮

積分: 71369

2025勳章蛇年勳章牛年勳章 hashtag影視迷勳章

90^#

發表於 06-3-1 13:57 |只看該作者

Re: 大家點睇老師壓力??

Darth:

好同意你嘅說法. 希望老師們唔好再以為自己果行最辛苦, 請多d留意吓身邊嘅朋友, 親人, 試問有邊個無工作壓力呢.

私人傳訊

M.Cheuk

別墅

積分: 746

91^#

發表於 06-3-1 14:19 |只看該作者

Re: 大家點睇老師壓力??

認同darth 所講 !
老師所講既壓力真係聽到好煩 !真係壓死人 ! 其他人都係咁挨架啦 ! 佢地人工高, 福利好 ! 邊到搵呀呢d工 ??????????

私人傳訊

大宅

積分: 3297

92^#

發表於 06-3-1 15:25 |只看該作者

Re: 大家點睇老師壓力??

整天聽到老師說壓力大，這幾天親身聽到一件事和大家分享。

前一陣子我的一位國內親戚告訴我，她經過考試，在幾千人中選中她來港教學。我初初以為現在香港推行普通話教中文，可能她來港在小學裏教小朋友普通話或中文吧。誰知她來到之後，教署是分配她在某小學，但問清楚原來不是教小朋友，而是輔導老師怎樣上好課(中文課)。

一個星期之後，我問她覺得香港的小朋友語文水平和老師上課的情況怎樣。她告訴我，小朋友普遍語文水平差，特別是作文。至於老師，她有點不好意思說，上課的老師肯定以為自己這課上得不錯(因知道她會去聽課)，但在她眼裏簡直不敢相信這樣的備課怎可以教小朋友。她告訴我，在香港她不好意思直說，如在國內一早就給她批評，不讓她再上，讓這個老師進修了再說。 <這樣說，李國章要求老師進修，評估都有道理>

但她也有提到一點，香港的老師一天上很多節課很慘，因為不是專科專教，一個老師除了教語文、數學，又要教常識..所以嘛水平參差。另外，老師管教學生也比較鬆懈，所以上課的效率不高。<支持專科專教，小班教學是正确之道>

我也覺得沒有合格的老師，哪教得出好的學生。何況一個老師教各種不同科目，她哪有時間不斷專研，培育出好的下一代呢?

活出精彩的每一天，活出真我。

私人傳訊

funpucca

男爵府

積分: 8001

大廚勳章

93^#

發表於 06-3-1 17:56 |只看該作者

Re: 大家點睇老師壓力??

我有個FRIEND同一個舊同事個老婆都係教小學,我個FRIEND就無話好大壓力,但D學生真係好難教,所以佢都唔係好想做
至於舊同事話佢老婆放工返到屋企就SLEEP,到佢放工就出街食飯,重要去到9點幾10點先返屋企,又年年有人工加,不知幾正咁話

私人傳訊

santaclause212

複式洋房

積分: 149

94^#

發表於 06-3-1 18:57 |只看該作者

Re: 大家點睇老師壓力??

總之教協會長就係叻仔啦, 一吹雞就令李國章增撥17億6千萬紓緩教師壓力, 又話請多1400個教師, 又話放慢教改步伐.... 呢啲咁把炮既工會阿頭, 係邊度搵呀??

成件事發展到今日, 追溯番係兩位教師接連自殺引起, 儘管無人能臸確定到底因何緣故自尋死路, 但張文光好似識通靈咁, 一口咬定係頂唔順教改壓力而輕生, 於是視線輕易被轉移了, 沒有人譴責教師自殺教壞學生, 反過頭來譴責教育改革害人不淺。

政府投放資源係教育事業當然係好事, 但啲教師壓力係咪真係大到要死呀?? 增加少少教改工作量就話頂唔順? 考基準試又話緊張到晚晚失眠?? 老師心靈如果真係脆弱到呢個地步, 學生們就真係要好好尊師重道喇!! 記住講: 老師早晨, 我好尊重你嫁, 你千其唔好死呀!!!

香港地各行各業都有壓力呢, 不過好彩香港無咩邊個工會有教協咁"勁", 唔係呢個又話頂唔順, 嗰個又話要死, 政府有幾多財政盈餘都無用啦, 條水喉都唔知射去邊好囉!!!

李局長話: 如果小班教學既目的係為學生好, 佢覺得無問題, 但如果係為左保老師飯碗, 佢就覺得唔應該係咁做...
我覺得合理...

我都想我個功能界別議員好似阿張先生咁有牙力呀!!

You & Me[br]

私人傳訊

肥嘟媽

侯爵府

積分: 21000

牛年勳章好媽媽勳章

95^#

發表於 06-3-1 19:30 |只看該作者

Re: 大家點睇老師壓力??

同意做老師壓力好大，因工作都要接觸不少中學老師，晨早返學，好夜放學，假期又要攪課外活動，的確辛苦
但社會上事實又有很多行業都辛苦，有工作壓力就要死，說不去，別說身為老師，就是普通一個家長都應以身作則，教下一代珍惜生命，那有說服力
考基準時，應份喎，話晒培育下一代，自己能力未及，又怎教人，未達水準，只能怨自己學師未精
自問英語水平有限，有幸見教院準畢業生（他主修英文）教新移民學生英文，發音有錯，簡單句子grammar有錯，嘩，真是大開眼界，老師喎，試問這些老師教出來的下一代會怎樣，難怪香港人水準越趨下降

私人傳訊

EVA222

禁止訪問

積分: 73927

96^#

發表於 06-3-1 19:54 |只看該作者

Re: 大家點睇老師壓力??

提示: 作者被禁止或刪除內容自動屏蔽

私人傳訊

hhma

子爵府

積分: 11391

97^#

發表於 06-3-1 21:11 |只看該作者

Re: 大家點睇老師壓力??

絕對同情做工壓力大的所有香港人.
但一定不止老師.
點解只有老師有渠道說出有壓力, 其他打工仔呢?
考試~~警察都要每年跑過先做到啦, 點解老師唔可以?
縮班~~大把做酒樓的員工, 一夜間無左份工. 甘又可以點? 都未比人cut, 就嘈定先?
朝7晚7~~朝9晚12大有人在, 點解唔可以包括老師
開會~~我相信香港好多搵得幾萬銀既人都要又開會, 又做文件野, 又追quota架啦, 又如何?
學生難教~~d客仔鬧人起上黎, 唔係人甘品, 又點睇?
etc etc etc

我依然覺得老師有壓力, 但係不致於好大. 如果壓力大, 惟一出路, 唔做.....
如果唔捨得人工既, 惟有面對.

My Blog

私人傳訊

Ben2003