大仔大女媽媽會 今日: 0 | 主題: 177860

積分: 23679

81^#

發表於 06-5-8 02:07 |只看該作者

Re: 全職媽媽入黎傾下吖!!^^

sung米米:
不如妳試下探99口風,想要d咩仲好啦,因真係好難諗呀!!
如佢真係咁岩有野想要,就唔駛驚自己買左佢唔岩用既野,
妳話咁樣係咪好d?

係喎,我上次係去旺角新世紀中心果個兒童樂園,果d大細路真係玩到癲哂,當時唔止我個女係到排緊隊等sir滑梯,係仲有幾個差唔多大既細路架,咁果d大既,竟然無視佢地既存在咁,真係

都黎埋,我老公即時話佢地,佢地先走左咋!!(佢地去另一邊)

好話唔好聽,佢地咁玩法,分分鐘會嚇親細果d,係高處跌落地架嘛!!

好開心呀,我25號可以去玩下喇,同老公&佢d fd返大陸玩,其實係食飯,之後落bar飲酒,最後就泵骨!!

私人傳訊

積分: 9726

82^#

發表於 06-5-8 22:39 |只看該作者

Re: 全職媽媽入黎傾下吖!!^^

cokikaki,
我奶奶個人無乜所謂, 好難問, 所以都幾頭痛

恭喜你呀, 25號可以同老公去玩一下, 可以放鬆一下自己, 聽到都登你開心 :lol: , 去大陸邊處玩呀? 晴晴比邊個湊呀

[/url]

私人傳訊

積分: 23679

83^#

發表於 06-5-9 03:06 |只看該作者

Re: 全職媽媽入黎傾下吖!!^^

sung米米:
一係折現,俾錢佢買自己鐘意既野囉!!

會去邊呀,我唔知個街名呀,好似叫"春風路 "果頭食飯

之後就落"冠軍巴"飲酒,再次後就唔知去邊間泵骨lu,因次次都去唔同既地方泵架,唔係太貴果d!!

會俾媽咪揍多,因佢可以入黎瞓晚,揍晴晴,
因晴晴佢依家認屋架,試過有次原本想係我媽屋企到瞓返晚,點知佢攞住自己對鞋,又指住門口,要我帶佢返自己屋企!!

話唔返,佢就 :-( !!

私人傳訊

積分: 688

84^#

發表於 06-5-9 14:30 |只看該作者

Re: 全職媽媽入黎傾下吖!!^^

cokikaki, Sun米米
你地就好la，有得去玩，我腸胃炎喺屋企唞咗幾日ah，好彩有禮禮揼我啫，佢係咁用手呵呵我喎！
我又係決定折現比兩個亞媽做禮物，費事諗！唉，唔講住la，無力ah，聴日再上嚟傾過，bye

私人傳訊

積分: 9726

85^#

發表於 06-5-9 20:15 |只看該作者

Re: 全職媽媽入黎傾下吖!!^^

cokikaki,
我都想上去玩番晚, 泵下骨食下d好野, 但係就真係要同老公就"ARM"時間.
卓琳又唔會認地方, 但就一定認人, 每晚都要我或者爸爸陪+支奶奶先訓到.

all,
最近又個非常煩惱既問題, 就係卓琳唔肯食飯 :-( , 日日都係咁, 今日我終於發

, 罰佢入房由得佢喊, 點知我老公唔爭氣叫番佢出黎仲比支雪條佢, 真係激死我 :evil: , 睇黎我今晚都要同我老公開會

[/url]

私人傳訊

積分: 9726

86^#

發表於 06-5-9 20:16 |只看該作者

Re: 全職媽媽入黎傾下吖!!^^

peddymama,
有無睇醫生? 小心身體 :wink:

[/url]

私人傳訊

積分: 23679

87^#

發表於 06-5-10 02:48 |只看該作者

Re: 全職媽媽入黎傾下吖!!^^

peddy媽:
無事吖嘛,唔怪之得唔見妳上黎啦,原來病左,希望妳快d好返啦!! :-( :-(
腸胃炎我都試過,真係好辛苦架,妳要休息多d,同飲多d水呀!!

sung米米:
妳地定唔定時食飯架?
會唔會係俾慣左零食卓琳食,所以先攪到無胃口食飯呢?
因原來係食飯之前,俾左d甜既野食,或其他,都會影響左佢既胃口架,最好係食飯前2個鐘,都唔好俾零食卓琳食,要食都要教佢食左飯先至有得食零食!!

妳亦可以試下同佢邊食邊玩,咁緊係唔係同佢玩玩具果隻玩啦

,
而係妳叫卓琳餵妳食飯,妳食左一啖,佢自己都要食一啖咁,等佢覺得食飯都可以好似玩咁!!可能會食多d tim!!

妳老公太心軟喇~~

私人傳訊

積分: 688

88^#

發表於 06-5-10 12:33 |只看該作者

Re: 全職媽媽入黎傾下吖!!^^

唉，我無事la，係手軟腳軟啫，真係唔扺ah，我仲以為今次腸胃炎咁辛苦點都輕幾磅la，點知1磅都無輕過，激死我la

講開小朋友唔肯食飯，我經驗豐富la，禮禮三日唔埋就扭計唔肯食，初時我都好抆ga，試過一路打一路塞佢食，但佢好抗拒，見親我拎個碗出嚟實走嫁，但我亞媽話你如果餐餐都食飯你都悶la，不如試吓整其他嘢食la，所以我而家久唔久就煮吓桂花粉，意粉或者焗薯仔又或者焗通粉比禮禮食lor，佢食到搭搭聲嫁！你試吓la，但有個唔好處就係禮禮而家成日嗌食焗粉粉唔願食飯，激死！
ah，重有，你有無食過美心d粟米蝦丸ah，我將佢改咗唔用蝦，用魚肉豬肉溝埋d粟米甘荀粉同西芹粒搓成小球蒸，跟住撈落d飯度，禮禮好中意嫁，又或者你可以比卓琳自己搵牙簽篤住佢食，佢覺得得意咪會肯自己食lor，唉，d小主真難服侍 :-x 我個仔又係乜嘢講得出嗰d百厭嘢佢都識嫁，我

私人傳訊

積分: 688

89^#

發表於 06-5-10 12:42 |只看該作者

Re: 全職媽媽入黎傾下吖!!^^

我未生禮禮嗰時幾乎同老公個個月都上大陸揼骨食嘢又買老番，不知幾soft，但而家無e支歌仔唱好耐la，唔好講話番大陸玩，連香港九龍嗰邊我都幾乎唔識路ah，最遠咪成日出荃灣行吓lor，起碼愉景新成同荃灣廣場都叫做多小朋友嘢睇，
搵日我都要番大陸行吓先，去揼吓骨都好

不過我淨係會去火車站附近嗰d，感覺安全d ma

私人傳訊

積分: 9726

90^#

發表於 06-5-10 22:39 |只看該作者

Re: 全職媽媽入黎傾下吖!!^^

all,
今晚卓琳出奇地肯乖乖地食晒碗飯, 可能係出左我老豆度既關係, 不過卓琳每日放學我都會比零食佢, 因為我每日放工返黎都會有d肚餓, 我一食卓琳又會問我羅, 睇黎從今日起我同佢要一齊戒放工/學後唔可以食零食 :-| . 我本身係一個唔識煮飯既人, 所以真係唔識好似peddymama咁整個d 丸, 叫我食就差不多

, 卓琳雖然唔鐘意食飯, 但其他如:意粉, 通粉之類佢就多多都食, 但我都係想佢夜晚食飯多d, 希望聽晚好似今晚食得晒d飯.
我都一樣, 自卓琳出世後未出過九龍個邊, 係早論要出去旺角睇醫生先可以自己一個行左1小時, 雖然只係一小時, 但已經令我好開心 :lol:

[/url]

私人傳訊

積分: 23679

91^#

發表於 06-5-11 03:08 |只看該作者

Re: 全職媽媽入黎傾下吖!!^^

peddy媽:
[用魚肉豬肉溝埋d粟米甘荀粉同西芹粒搓成小球蒸]

等我試下先!!如我唔同甘荀粉,同紅蘿蔔粒得唔得架?

晴晴佢只要有汁,多數都肯係飯,不過依家咁熱,都唔係好想煮飯,有時只係煮個麵食就算,加腸仔!!

妳有無試過,灼菜心俾禮禮食呀?
晴晴就好鐘意拎住d菜心框,係咁"絕",但"絕"哂d菜汁,佢就丟底,要另一條!!

我都好耐無自己一個人出街喇,真係好懷念以前呢!!

好想晴晴快d大,咁我就可以舒服d喇!!

sung米米:
我都唔係好識煮飯架咋,都係結左婚,又有左,所以先試煮下野食,妳可以試下煮d易整既餸架,如炆雞奕咁,晴晴好鐘意食架!!

卓琳應該都會呢!!

再唔係,就整蕃茄腸仔蛋,一樣係細路仔餸,好開胃架!!

私人傳訊

積分: 9726

92^#

發表於 06-5-11 22:48 |只看該作者

Re: 全職媽媽入黎傾下吖!!^^

cokikaki ,
可能屋企有工人關係, 所以好多野都依賴左佢, 例如煮送, 講真的, 我一入到廚房就同一個廢人無分別 :-| , 卓琳都好鐘意食雞翼, 佢同我老公一樣係食肉怪

, 今晚卓琳都肯食晒一碗飯, 所以我獎一大支雪條佢食.

[/url]

私人傳訊

積分: 688

93^#

發表於 06-5-12 00:03 |只看該作者

Re: 全職媽媽入黎傾下吖!!^^

卓琳張相好得意ah，喺邊度影嫁，禮禮唔肯去d影樓度影相ah，先幾日我先想同佢去影幾張証件相諗住過幾個月見學校用，但個臭豬 :-( 到好似我要打佢咁，比佢激死！又諗住同佢去影張警察相，即係著住d警察衫扮嘢嗰d呢，諗住可以同我老公父子裝，點知佢又係 :-( 到d sales 叫我地第日先影過喎，梗係嫌我地阻住la.......
講到煮嘢，我都唔惦嫁，求其落d油ah，salt（唔識打中文），糖ah，有味咪得lor，尤其是小朋友，佢鬼知咩

，不過我99成日教我就真，佢叻ma，佢成日都話我煮d嘢難食嫁la，有時連我自己都覺得幾好笑！
至於落其他紅蘿蔔或其他代替，梗係得la，只要你中意食邊樣咪落d試吓lor，唔好食咪第2次試過其他嘢lor，我都係嫁，勇於嘗試，唔好食就塞比老公食la

我而家成日睇到d食譜跟住整，好食就整多次，唔好食咪塞老公食完下次唔整lor

私人傳訊

積分: 688

94^#

發表於 06-5-12 00:09 |只看該作者

Re: 全職媽媽入黎傾下吖!!^^

重有，唔好比咁多汁撈飯比晴晴食ah，好肥嫁，我姪女就係成日撈汁食，食到肥晒，而家要睇屯醫嗰d營養師減肥ah，話佢血脂高ah，小心小心（唉，連我自己都係，我又係鬼咁中意撈汁食飯，而家要戒ah，陰公） :-(

私人傳訊

積分: 23679

95^#

發表於 06-5-12 01:44 |只看該作者

Re: 全職媽媽入黎傾下吖!!^^

peddy媽:
我都好想晴晴肥d呀,不過佢好似唔吸收咁!! :-|

今日我下午開左罐茄汁焗豆送飯食,佢食左一碗呀,之後我再去飲tea,佢又食左半個馬拉糕,半個x燒包,半條春捲,又食左少少烏冬,佢係好食得,但一d都唔長肉!!

妳姪女咪好辛苦囉?

我都係好鐘意淋汁食飯架,一有汁,可以好快食哂2碗飯!!

我都會試整新野架,如妳所講,搵老公做白老鼠先!!

妳帶禮禮去邊間影呀?我就帶左晴晴去babyhouse影!!

sung米米:
卓琳今晚好叻女喎,佢食哂成碗飯,有無讚下佢架?
我有時會讚晴晴架,等佢知,佢做得好,我會好開心!!

唔好咁講啦,妳可以試下放假時,係home學下煮野囉,如有食譜,就好易架咋,妳跟住做就得喇,不過如我有工人,我都唔會入廚房~~

我以前又咪係廢人一個,煮得多,就會有自信架喇,我地會支持妳架!!

私人傳訊

積分: 688

96^#

發表於 06-5-12 12:27 |只看該作者

Re: 全職媽媽入黎傾下吖!!^^

####喺邊嫁？平唔平嫁，禮禮影唔到ah，佢 :-( ah，正一鄉下佬！
我琴日同禮禮剪頭髮ah，唔錯喎，我之前特登喺仁愛堂學嫁，原來幾好玩，而家學緊化妝，又係幾好玩，我諗住遲d去學整旦榚tim ah，聽d同學仔講話好好玩嫁，嗰度有個叫周太o既教得幾好喎，我想試下玩，整比禮禮同老公食

sun米米，
你又唔好話自己係廢人，我未嫁嗰陣都唔做屋企嘢嫁la，而家咪邊學邊做lor，況且你又有工人，唔使煩la。
你嗰個係印印定賓賓ah，我之前請嗰個係印印嚟嫁，我幾乎比佢激到爆血管ah，佢幾衰ah，成日吼我返工就好惡咁對禮禮，又成日偷我d under著，又吼我地唔係屋企帶男人上嚟（根據管理處個伯伯報料，係成日唔同男人tim），好彩有次我突擊檢查佢先發現咋，我即刻報警兼即刻call agent上嚟即日掟佢走，我寧願補錢，而家我都唔敢請工人la

我連張床都揼埋ah，好核突ah！

私人傳訊

積分: 9726

97^#

發表於 06-5-12 21:11 |只看該作者

Re: 全職媽媽入黎傾下吖!!^^

peddymama,
d相係上個月2歲生日時係佐敦影架, 都幾低$380一筒, 卓琳上年1歲都有同佢影, 我諗住1年同佢影一筒, 第時大個睇番都覺得幾得意

, 我覺得最少3歲影警察衫會好d, 因為宜家仲係較bb樣, 感覺有小小怪

我都覺得唔好撈汁食飯, 我個姑仔由細到大都好鐘意撈汁, 宜家一定要有汁撈飯食, d汁係要多到好誇張個隻, 睇見都有d恐怖兼打冷震

, 但如果小小都唔怕, 太多就真係唔好.
嘩!你個工人真係有d過份, 直頭帶男人返屋企, 一定唔可以原諒即out就無錯, 我覺得簡工人真係睇你好唔好彩, 我就一定唔會簡賓賓, 太聰明, 我之前既一個印印真係唔錯架, 煮飯非常好食, 做野又乾淨同整齊, 今次呢個真係令我非常失望, 不過太長篇大論而且唔係咁方便係呢度講, 第日有機會出來慢談.

[/url]

私人傳訊

積分: 9726

98^#

發表於 06-5-12 21:32 |只看該作者

Re: 全職媽媽入黎傾下吖!!^^

cokikaki ,
我又係好想卓琳肥d呀,不過佢又係唔吸收咁, 佢其實都好食得, 個肚唔知係唔係生蟲

, 可能太細粒關係, 有時出街d人會問佢係唔係歲幾????
我今日放學無比零食佢食, 夜晚又食得晒碗飯, 我諗我可以放下心頭大石

我前日開始用花洒同卓琳沖涼, 佢又肯喎, 因為幾個月前都好反抗, 小朋友有時真係估佢唔到 :lol:

[/url]

私人傳訊

積分: 688

99^#

發表於 06-5-13 11:30 |只看該作者

Re: 全職媽媽入黎傾下吖!!^^

禮禮有時都肯用花酒沖涼，但通常佢都要用浴缸嫁，因為可以pet 晒d玩具落去玩ma，佢每日沖涼都沖好耐嫁，因為佢都唔願上嚟，我次次都要呃佢話有蚊蚊嚟咬咬佢先死死氣上嚟，有時真係比佢激死

我今日好開心ah，因為之前幾日經其他bk媽咪介紹上咗個日本網頁訂咗d日本衫仔今日寄咗嚟，好靚ah，仲平過香港好多ah，一set 3件（有兩件短袖tee加一件背心仔）都係為$100多d，我嗰時喺sogo見到要成百幾2百蚊一件ah，我訂咗好多ah，夠今季著la，我仲買咗件和服仔比姪女，又係為$90，得意到不得了ah

我仲顛到買咗d粉底ah，又真係好貼好滑ah（張柏芝做代言人新嗰隻呢）而家直接同日本嗰邊訂平好多ah，又買咗d tee 比老公，老公都話d質地幾好，應該唔會咁易縮水，死la，找咭數實肉痛死我la

不過計落都平過喺香港買kei，鬼叫d日本仔嘢又真係好鬼靚咩﹐唯有喺其他地方慳d使la

私人傳訊