查實未夠兩歲,D醫生都好難同佢做評估架!健康院嗰D實會叫你等佢做埋三歲嗰個評估,或者大D佢真係有明顯既問題,佢地至會幫你做轉介.
[quote]
而且未識講野,就算佢跟我發音,個音都唔準既 
唔知咁細個,健康院會唔會幫手轉介佢去評估呢？想問問你地既小朋友
JAY媽 寫道:
咁誇?佢係安排你去醫院度做評估咋話???點解要做詳細檢查???
janet 寫道:
但我已經係係政府醫院睇架喇~~遲d要入院做個詳細檢查tim~~
咁話時話我囝囝兩三歲嗰陣真係吾多專心上堂掛住玩玩具,不過佢玩玩具就超級專注,同一份玩具都可以玩好耐都係嗰份,嗰陣幼稚園d老師都話成日見到佢咁都驚到即刻拿拿聲幫佢換過第二份玩具,至於活吾活躍,可能我囝囝除左有過度活躍之外仲有自閉傾向,所以嗰陣又吾多覺得佢特別活躍,係升到小一時,囝囝先至突然間過度活躍得好緊要,好易high,好容易失控,,, 你話我曳?曳咩?我究竟曳咩先得架!做咩話我曳!我都無曳!佢地會係咁諗架!一黎佢地真係未必知自己錯乜,二黎佢地會覺得受委屈覺得你地話佢吾岩甚至自我評價降低(呢樣係過度活躍小朋友既特徵)...所以佢地做左d錯事,千祈吾好話佢地錯/曳先,當然梗係吾會話佢地岩啦! 
你可以話俾佢知呢d事吾可以做,做左人地會吾開心會傷心,或者做左出黎嗰件物件會爛左,咁以後就無得用呢樣物件,跟住再教番佢應該點做,或者佢做呢下動作可以响咩情況下可以做,同囡囡講道理既方式就係等於教佢做事,佢就係唔知咁做係會有後果係錯,所以先至去做,不過歲幾兩歲既小朋友多數都理解吾到咁多野,所以一係同佢避左佢會整爛既野,或者教嗰陣就要直接,用番d好簡單既指示俾佢,等佢明白,尤其佢係專注力不足,更加吾可以同佢連續重複性講同一句說話或者講一大段好長既句子,佢地多數聽到第三四隻字就開始吾專心架喇!所以我對個仔指令,都幾似軍訓,差在吾會咁惡,只係同佢講都係講重點,都ok架...不過有時佢真係太飛,我就要佢先望住我講野,我講完個指令就要佢重複一次我講過d乜俾佢聽,佢答到就代表佢有聽,都係一種訓練佢專注力既方法黎. 講住咁多先..如果吾係我又口水多過茶架喇! :mrgreen: 慢慢黎啦!教小朋友真係要好有耐心先至教到,我本身都無耐性架!都係阿仔訓練番我轉頭得番黎! 至於健康院方面,既然老師都咁講,你都試下爭取下啦!同健康院d姑娘講到嚴重少少,話到幼稚園老師教吾掂佢...又話佢有過度活躍專注力不足,總之講到你好擔心一定要健康院轉介你囡囡去評估不可啦,咁佢地應該都肯既... 
[quote]
我懷疑個囡過度活躍症唔係因為佢未識講野,係因為佢好曳好活躍 話佢又唔聽,要打佢先停一陣 :evil: 成日周屋攪攪震,可以幾個鐘唔停咁郁(攪攪震),總之就非常活躍啦,比起同年紀既小朋友,佢活躍過人地好多,有次帶佢返幼兒園既學前遊戲班,佢初時都肯坐一陣聽
咁誇張???????????咁J仔嗰陣又未試過評估做到要留院喎!我又真係未聽過,不過既然都做左,你都係聽下醫生個意見點先啦! janet 寫道:
[quote]
JAY媽 寫道:
janet 寫道:
但我已經係係政府醫院睇架喇~~遲d要入院做個詳細檢查tim~~
多謝你鼓勵!其實我囝囝响三歲半同六歲半已經做左評估,所以依家我囝囝一星期都要去四日治療...家下我都努力當中!希望真係可以及時幫到佢啦! lanfong26 寫道:
JAY媽
最近我照顧的小朋友和您的小朋友情況差不多,成日周圍攪攪震,周身郁﹏每做一件不會超過5分鍾,連上唱遊也一樣
我完全明白你既感受!你已經算好過我喇!由我囝囝開始出現問題時到依家,我何止受過無數街外人白眼,直頭吾知點解呢個社會真係有好多路人甲乙,咩都吾知但以為自己知既情況下指住我黎話我吾教個仔,甚至囝囝頭第一第二間既幼稚園(我個仔前後讀過三間幼稚園,都係因為失控打人而遭停學)d老師都一d面都吾俾,照樣一句得埋黎:"黃太!d細路生出黎係要教架!!!"(因為我個仔無原無故突然搬起架單車掟向老師),到間國際學校頂吾順要我囝囝停學,嗰日仲要係我生日前夕,我一條友坐响度,俾三個老師輪流話,最深刻既說話就係:"黃太,你囝囝已經累到我地有一位學生要求退學喇!"嗰陣我都只可以強忍眼淚靜靜地坐响度俾佢地任話,到走時我仍然好客氣咁同佢地講:"真係吾好意思!吾該哂你地!"出到去學校門口,我已經忍吾住想大聲喊,但我嗰陣已經down到落無底谷咁,好嬲咁摑自己幾巴吾准自己喊...但係自問自己已經好盡力去教囝囝去同學校合作,我直頭日日陪囝囝上堂,但都係咁,個仔吾識講野,佢一炆講吾到野就失控打同學打老師...你叫我點做...間國際學校仲要係幾個老師對住五個學生,再加埋我咁都搞吾掂我囝囝~~!我試過好消極好負面咁對囝囝架!佢一癲我又會失控(因為之前我俾足耐心去教去管去鬧,佢都可以搞成咁),當然係用武力要佢停低吾好再癲啦!但每次打完我都好吾開心亦好內疚,但又無哂辦法...依家諗番我都仲好想喊!!! :cry: :cry: :cry: 千祈吾好走咁快),俾個女知道佢咁既行為媽咪係吾會受影响亦吾會理會亦都吾會走黎氹佢或者鬧佢打佢,要佢自己平伏番自己情緒跟番你,等五分鐘之後,見佢略略收左少少聲(細路仔邊會咁快可以完全吾喊吖...),你至睬番佢,你一睬番佢,佢又黎料,你再吾理佢,由佢自己發洩,你習慣以呢個方法去應付佢呢種行為,耐左佢就會收歛,吾會俾自己响街度出醜架喇!至於幾耐...因人而異...我個仔都癲左兩年幾至吾咁癲,呢樣就要我地父母有耐性,只要我地吾要面子,吾理路人甲乙d閒言閒語同面口,你要話俾自己知,你係教緊女,係正面既,吾係發脾氣,亦吾係虐待個女,個女第時係好係壞都係你既事,個女係你自己既吾係人地囉!一定要話俾自己知呢d野!
知自已做既野係無錯,吾需要理嗰d閒人點睇點話你囉!至少我既教法,依家開始獲得認同...依家每個教我囝囝既老師校長甚至鋼琴老師(佢本身都係教小學既老師)都話我教得囝囝好乖好有禮貌,而我個仔依家真係好乖好健康又最鍚我,我覺得之前所受既委屈吾算得係咩!自己有份堅持,真係會有回報囉! 所以你都吾好灰心呀!個女仲咁細!耐心慢慢去教啦!我咁既媽咪都捱得住,你一定掂過我架! [quote]
我好佩服你,你囝囝有過度活躍症,你非常積極去幫囝囝治療,亦有非常樂觀既態度去面對,睇得出你好細心添...而我就好驚個囡真係有過度活躍症,唔知點樣管教,因為真係好勞氣,態度比較悲觀 有次帶佢去精品店,佢周圍摸人d野,我緊係唔準啦..後黎整喊
都無辦法架!基本上係要同佢鬥耐力架!同埋俾咁大反應佢囉!佢一曳就吾睬佢,又吾鬧佢又吾氹佢,總之滿不在乎佢咁既態度就得喇!至於佢吾肯講野,你吾好強迫佢,因為佢仲急過你,有好多時佢無原無故咁發脾氣,皆因佢吾識講俾你知,連佢自己都炆!試下由簡單開始教佢,最好你同爸爸示範俾佢睇先,然後至教佢,等佢知道原來媽咪教嗰D說話係有用既!你可以先教佢'俾..我..",要加埋手勢,俾--->你教佢攤開隻手,然後我---->將隻手擺响心口,然後俾件玩具或者佢鐘意食既食物佢,總之一定要輕鬆D,但吾可以佢吾肯做都由得佢照俾佢想要既物件佢,總之要佢守一守個規矩,佢肯講至俾佢,佢吾肯講時你亦吾需要嬲,當佢吾明咁照樣响佢面前示範一次,佢肯做肯講,你就可以同佢角色對調輪流咁玩,咁樣小朋友會受D架! 俾多D耐心去教啦!我地個個都無經驗做人亞媽,都係邊做邊學,尤其耐性呢樣野都係後天我地辛辛苦苦捱番黎,至少我就係咁... yee121382 寫道:
我個囝e+19個月，情況就同vic-wing 個女一樣，
佢喺街失控瞓地嘅時候，每次我都係唔理佢行咗去，
雖然佢會追番我，但係佢失控嘅次數就越嚟越多，
我已經唔知點去教佢，最慘嘅係佢連講嘢都唔肯
學。
咁你又吾好講到咁誇~~~~ 
我地都係見招拆招!只要自己鐘意自己小朋友,每個媽咪都會識得付出!你都好犀利! 查實做寄養家庭父母辛吾辛苦??始終嗰d都吾係自己小朋友,嗰班小朋友未必願意聽吾係親生父母支笛,再加上佢地自己屋企有事,佢地會吾會吾多吾少都會收埋自己甚至零舍反叛??? lanfong26 寫道:
其實您們已經好叻好好咖哩
發表於 
返回列表
