LMCK 寫道:
Hi, 我的預產期是12/10. 我仲未睇完你地之前分享的內容, 不過我有野想立即問, 唔知你地的老公似唔似我老公禁. 我由day 1驗倒有bb, 佢就開始擔心呢樣, 擔心o個樣. 未到第一次照u/s, 佢就已經擔心我宮外孕, 陀唔穩個bb, 好了, 驗倒位置正常, e生約我6weeks半返去照心跳, 佢就一路擔心到時bb無心跳, 好了, 照倒有心跳, e生約我下次9weeks半返去照下睇睇見不見到bb手腳的雛型, 佢就一路擔心個bb唔曉大, 好了, 應該照倒的東西都照倒了, 佢就擔心個bb有唐氏綜合症, 直到宜家已經11weeks了, 仲成日問我d m有無黎, 有無肚痛, 我已經講到口水都乾, 我話一直以來, 懷孕後樣樣事情都好順利, 我一路更加無小產的即象, 而我地雙方兄弟姊妹的下一代個個都係正常的, 理應無大問題, 唯獨擔心的係有唐氏綜合症, 我都諗住到時候去抽羊水(因我已34yrs, 係第一胎又係高齡), 佢用不著成日將自己處身在呢d景況, 影響我同佢的心情, 對我同bb都無好處, 原本我無諗住將呢件事響bk呢到分享, 但係佢剛才同我講左d荒謬的說話, 我先忍無可忍. 頭先我同佢講我5/26去東區e院做oscar, 應該睇到係仔定女, 佢問我會唔會照倒又唔係仔, 又唔係女呀. 我真係無興趣同佢再講落去. 你可能會問我佢係咪係唔鍾意小朋友, 我可以講絕對唔係, 我地係恨左好耐, 結左婚五年, 我地起碼花了十萬蚊用左兩年半的時間用試管嬰兒的方法(之前用iui)去得到呢個bb, 理應開心至係, 但想不到佢居然會有呢d心態, 唉, 我唔想再講啦, 請你地幫忙寫幾隻字安慰下我老公, 佢真係比左好多無形的壓力我, 最近, 不約而同身邊有4個朋友宣佈有左bb, 全部未夠三個月都已經公告天下, 但係我老公死都唔肯宣佈, 話要抽完羊水result無問題先公佈喎. 你話點算好? sorry, 太多"勞so".
發表於 
返回列表
