吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 3P正面親職課程

大仔大女媽媽會今日: 0|主題: 177861

收藏本版

發帖

返回列表

跳至頁

樓主: evamama

[2004年或之前] 3P正面親職課程 [複製鏈接]

3 456 7...8

ckk

大宅

積分: 1990

81^#

發表於 06-6-30 01:50 |只看該作者

Re: 3P正面親職課程

Hi Eva,

Can you please also PM or e-mail the excel file?

[email protected]

Many thanks!

kk

私人傳訊

mango22

男爵府

積分: 8918

82^#

發表於 06-6-30 07:25 |只看該作者

Re: 3P正面親職課程

Eva,
收到了 ...! Million Thanks...!

私人傳訊

evamama

男爵府

積分: 6225

83^#

發表於 06-6-30 07:40 |只看該作者

Re: 3P正面親職課程

2.跟小朋友傾計

與小朋友傾計, 可幫助他學講野, 交談同社交技巧, 仲可以增強小朋友的自尊感. 同小朋友傾計的內容要簡短, 感興趣,及有學習機會.
仲要俾佢有表達意見同知識的機會.

3.對小朋友表達愛意

多同小朋友有身體接觸, 抱抱, 摸下, 攬攬, 鍚鍚, 或按摩, 都是表達對小朋友興趣同關懷的方法, 亦可以令小朋友在成長過程中, 感受到愛, 自然佢亦都會向其他人表露親密的感覺。小朋友的頭幾年, 親密的接觸有助建立親子關係, 及互信.

私人傳訊

evamama

男爵府

積分: 6225

84^#

發表於 06-6-30 07:52 |只看該作者

Re: 3P正面親職課程

[size=medium]鼓勵小朋友的理想行為

1.稱讚小朋友, 所有成年人同小朋友都鐘意俾人讚, 留意你小朋友的好行為, 可以好簡單咁讚佢「好乖」或「做得好好」.
或者清楚描述你鐘意佢做的行為:「真係乖啦,識得即刻做我叫你做的野」, 「你好叻喎, 自己執玩具!」.

不過唔好在稱讚中提起一些不理想的行為, 例如唔好講「你地兩個無打架, 肯一齊玩, 媽媽好開心」, 「你無搞住媽媽做野, 好乖喎!」, 「多謝你無駁咀」勿用!!記住我地第一大守則, 要用正面的語句!

私人傳訊

evamama

男爵府

積分: 6225

85^#

發表於 06-6-30 07:59 |只看該作者

Re: 3P正面親職課程

2.關注你小朋友

除左讚之外, 仲有好多其他方法, 表達你對小朋友的關注, 例如:微笑, 眨眼, 俾隻手指公讚佢叻, 甚至只係望住小朋友, 都係表示左你的注意, 同可以鼓勵小朋友去做你鐘意佢做的行為.

這些關注, 亦可以令小朋友感受到你對佢的滿意. 在一些不能稱讚小朋友的情況下, 例如小朋友左怕瘀, 亦可以用關注方式來鼓勵佢的好行為.

3.安排吸引的活動

可鼓勵小朋友自己玩的遊戲, 安全而有趣, 可以俾小朋友探索同啟發你的發展, 室內及室外都可以, 亦唔使一定要使錢.

私人傳訊

evamama

男爵府

積分: 6225

86^#

發表於 06-6-30 08:05 |只看該作者

Re: 3P正面親職課程

[size=medium]教導新的技巧和行為

1.做個好榜樣

小朋友都係從觀察中學習, 所以在鼓勵小朋友學新行為時, 應俾佢觀察你點做, 解釋一下, 俾小朋友跟住做, 並在有需要時幫佢, 然後鼓勵佢試, 做得好要讚.

如果屋企人榜樣唔好, 例如隨處將野亂放, 你都唔好期望小朋友會企理, 所以由而家開始, 就要做個好榜樣!!

私人傳訊

evamama

男爵府

積分: 6225

87^#

發表於 06-6-30 08:26 |只看該作者

Re: 3P正面親職課程

2.把握隨機教導的機會

當小朋友問你野, 或要求你幫助同注意時, 就係小朋友學習動機最強的時候, 係呢個時候, 你要把握機會去教小朋友一些新野. 但係過程中, 不可以只係直接講出個答案, 要俾一些提示, 等佢自己搵答案, 令佢有獨立思考的能力!

例如:「呢個蘋果係咩色架?」「係啦, 好色喎, 咁仲有咩野係紅色架?」.

謹記, 過程應是愉快同有趣, 唔可以有壓迫, 如果小朋友無反應, 就話俾佢聽正確答案, 等下次有機會時再教過. 學習的機會大把, 但如果其中一次有唔開心, 小朋友可能會失去興趣!

[size=medium]練習

以下有些問題, 睇下應點把握學習機會

1.當小朋友經常問「點解?」, 例如「點解個月光係圓架?」
2.小朋友成日咬子唔準:「通粉」->「湯粉」, 「貨車」->「火車」.
3.當小朋友投入一個活動時, 並要俾你睇佢的成績.:畫左幅畫.
4.當小朋友因為做唔到某樣野而感到沮喪, 要求你幫手:砌唔到砌圖.

教導過程不可以講大話, 例如唔可以講:個月光食飽左所以咪圓lor, 而係應用盡量淺白的用字, 較細的小朋友可能未必一時間明白, 除非佢係霍金, 但久而久之, 佢起碼會有個概念, 地球係圓, 唔係方!

咬字方面, 亦都係急唔黎, 因為係同器官的成長有關, 不過可以試下提番小朋友正確的讀音, 唔好笑佢讀歪音,亦唔好叫佢讀一百次, 係無意思, 亦係時間問題, 到小朋友大d, 同讀多幾次正確的音, 就自然會改善到問題.

私人傳訊

evamama

男爵府

積分: 6225

88^#

發表於 06-6-30 09:11 |只看該作者

Re: 3P正面親職課程

3.一問二答三做

適用3歲或以上的小朋友, 因為認知能力較好, 細d都可以試, 但要有合理期望. 呢個方法主要教小朋友獨立的技巧, 例如著衫, 刷牙, 訓覺等. 如果學習的技巧比較複雜或困難, 可以每次只教一個小步驟.

而家用刷牙來做例子:

一問
問下小朋友第一步應點做:「刷牙第一件事要點做呀?」

二答
如果小朋友不能講出要點做, 咁就要教佢:「首先, 我地要將牙膏擠在牙刷度, 不如你試下擠呀!」

三做
如果小朋友做唔到, 就要幫下佢, 例如幫佢開牙膏蓋, 然後握住小朋友的手, 引導佢擠牙膏.

做完三個步驟, 不過小朋友係自己做定要你幫手, 都要讚下佢, 同埋讚之餘都要提番個步驟, 例如:「係啦,我地要將牙膏擠在牙刷上喎!」「乖你, 你刷得好好喎!」.

不過當小朋友己掌握有關技巧後, 就唔使成日讚, 佢會覺得你多餘, 或太浮跨!

[size=medium]練習

選擇一至兩個你希望小朋友學識的技巧, 例如換衫, 洗手, 沖涼咁, 做下實習!

私人傳訊

HappyNokNok

複式洋房

積分: 276

89^#

發表於 06-6-30 09:44 |只看該作者

Re: 3P正面親職課程

Eva

Thanks so much! I learnt al lot from your sharing.

Cheers
Noknok Mama

私人傳訊

evamama

男爵府

積分: 6225

90^#

發表於 06-6-30 12:30 |只看該作者

Re: 3P正面親職課程

家課

請選擇我地係今個環節討論過的兩個親子方法, 在來緊一星期,在小朋友身上練習下, 目標必須清楚明確.

例如:每天最少五次用描述性句子, 稱讚小朋友.

可以用圖表記底你每日想達到的目的, 是否達到目的, 咩情況下比較順利, 同遇上咩問題.

我會send多個excel file俾之前俾過e-mail我的媽媽, 希望大家用得著!

私人傳訊

evamama

男爵府

積分: 6225

91^#

發表於 06-6-30 12:45 |只看該作者

Re: 3P正面親職課程

跟住就係戲肉啦!

但係希望各位先試左之前的親識方法, 一星期後, 先好用今次提到的方法, 等小朋友逐步適應你地的教導!

第三節

[size=x-large]如何處理不適當行為

每個小朋友都要學習接受規範, 及在失望時控制自己情緒, 對家長來講, 處理這些情況會困難重重, 但是透過正面有效方法, 可以協助小朋友學識自我控制.

今次提到的方法, 精粹在小朋友出現不適當行為時, 家長要[size=medium]立即貫徹及亳不猶疑地, 要小朋友面對這些行為的後果.

上完呢節課, 希望家長可以
#訂下適當的家規
#以引導討論和刻意忽視去處理較輕微的行為問題
#給小朋友清楚冷靜的指示
#以合理後果、冷靜時段或隔離時段來配合你的指示
#落實行為表

私人傳訊

evamama

男爵府

積分: 6225

92^#

發表於 06-6-30 13:12 |只看該作者

Re: 3P正面親職課程

[size=x-large]如何處理不適當行為

1.訂下清楚的基本守則

小朋友需要一定的規限去學會,在不同場合下, 應該點表現. 基本的家規(四至五條)會有幫助.

家規要教小朋友要做咩, 唔係不准做咩:
「不好跑」-->「要慢慢走」
「不准插咀」-->「要聽完別人講野才開口」
「不好亂放野」-->「用完的東西要放好」

你亦可以開家庭會議, 或者如果小朋友夠大, 能夠明白規定的意思, 可以同小朋友一齊定下家規, 等佢知道你的要求, 同埋明白到自己行為表現的準則.

家規必須:
數目少
公平
容易服從
能夠實際執行
用正面字眼

私人傳訊

evamama

男爵府

積分: 6225

93^#

發表於 06-6-30 13:28 |只看該作者

Re: 3P正面親職課程

2. 以引導式討論處理犯規

可以在小朋友一時唔記得規則是, 係為提點.
~~必須先取得小朋友注意, 要小朋友望到你, 四目交投, 距離唔好多過一個手臂位. 如果你在老遠叫佢, 或者在廚房叫出廳,真係啋你都有味!

~~告訴佢問題所在, 解釋點解咁做唔適當, 同埋要講出正確的做法, 仲要小朋友做番一次正確的做法.

例:「阿b, 在屋企度跑來跑去, 會撞跌野架, 我地訂下的規則是咩野呀?....現家你做番次點樣好好地行. 回去大門度行多次」

請孩子重複練習兩次正確行為, 會令引導式討論更收效。小朋友做番好, 亦要讚番佢, 等佢記得做得好會有人讚, 即係大人會注意到我, 咁下次就都要做咁好先1

如果小朋友太細, 唔係好識表達, 咁家長就要講番:你應承過媽媽乖乖地行, 同媽媽行多次, 行番好d」

私人傳訊

evamama

男爵府

積分: 6225

94^#

發表於 06-6-30 13:43 |只看該作者

Re: 3P正面親職課程

2. 用刻意忽視去應付不適當行為

當小朋友有輕微的不適當行為(扭計, 扁咀, 用粗魯字眼), 故意唔好俾佢任何注意。忽視行為, 即係不好望住小朋友, 或同佢講野. 初時小朋友可能會提高聲線, 吸引你注意, 你直情可以擰轉身走開.

期間, 家長一定要控制情緒, 態度同身體語言中立, 有需要, 就深呼吸去保持冷靜.

如果不適當的行為持續, 你就要一直忽視, 直到小朋友停止, 表現好時, 你就要立即稱讚.

但小朋友的不適當行為惡化, 由扭計變成大吵大鬧, 或打人, 擲野, 行動升級, 咁家長的行動都要升級。

私人傳訊

evamama

男爵府

積分: 6225

95^#

發表於 06-6-30 14:01 |只看該作者

Re: 3P正面親職課程

不過在行動升級前, 我地都要俾機會小朋友改過的機會.

所以首先要清楚地俾指示, 但俾指示之前, 一定要預先諗好小朋友萬一唔聽時的反應, 通常都唔會即刻做番好.

a~~走近小朋友, 取得佢的注意, 必須停下你的工作, 彎身到小朋友可平望你的高度, 叫佢的名, 取得佢注意.
b~~話俾小朋友知應點做:「文文, 要食飯啦, 而家就過黎餐檯度坐好」
c~~俾小朋友時間去合作, 五秒就夠, 一直要留意小朋友的反應
d~~稱讚小朋友的合作, 如果小朋友合作, 要謝謝佢.
e~~如果小朋友仍不肯合作, 重複指示多一次, 但若你叫小朋友停止做一些行為, 尤其係有破壞性的行為:打人, 擲野咁, 就一次機會都唔使俾
f~~要有後果配合指示, 如果唔係, 你的指示就無權威啦!