夫婦情感

跳至

首頁

尾頁
   7


大宅

積分: 1012


81#
發表於 13-3-10 10:04 |只看該作者

回覆:要點做

尋日返工都頂唔順,要請假,返到屋企,佢見我冇咩事,就同我出去行下,想話睇下新屋既野,但佢一想拖住我,我真係好唔願意,佢見我咁,就換咗勾住我手脾,話要負住我……我地去咗間餐廳食野,個間餐廳播緊MTV個啲日本女仔,同我係電腦見到個啲女人(同我c6上床個啲)冇咩分別,我又忍唔住喊……佢話下次唔黎……唔想我咁,話會影響個胎,我就忍唔住問佢,咁你同個啲女人上床既時候,唔係都傷害緊我?佢又話好啦!唔好再提,佢話佢都好難受……我同佢講不如俾我搬返屋企啦!佢又話唔好,唔會再有……但我對住佢,咩表情都冇,唔好話佢,我自己咁樣,我都覺得難受,因為我冇表情既樣係同黑面冇分別…直到夜晚,我倦,想瞓,我見佢沖涼就即刻上床瞓,佢出到黎見到我瞓就話錫返啖先啦!(未有事之前,每朝每晚我都有錫佢,但呢兩日,我冇做)我話唔好,佢就唔理,錫咗落黎,我唔知點解,可能我真係死心,我係咁喊,……我唔理解點解佢可以好似冇事咁??佢見我又喊當然又係哄下我,……佢呢兩晚都係等我瞓咗先敢入黎一齊瞓……我個心,係咪仲可以好似以前咁?


大宅

積分: 4731


82#
發表於 13-3-10 11:10 |只看該作者
回覆 tctg 的帖子

唔知點解睇到佢夾硬咀落你度,我覺得好嘔心 。其實你已經好清楚自己想點,你搬番屋企根本唔需要問佢囉。你一日對住佢你都唔會開心,你o既情緒會直接影響個BB,如果你都想個BB健健康康,你真係要盡快搬野走返屋企,屋企人同我地永遠都會支持你o架!


大宅

積分: 3226


83#
發表於 13-3-10 11:23 |只看該作者

尋晚我開電腦搵啲資料,點知俾我見到我c6同

原帖由 tctg 於 13-03-09 發表
尋晚我開電腦搵啲資料,點知俾我見到我c6同其他女人上床啲相,仲有短片,有啲好清楚,係婚後做既,因為地點 ...
養好個胎先!!!




伯爵府

積分: 19432

畀面勳章


84#
發表於 13-3-10 11:29 |只看該作者

引用:唔好怪我直言,比錢都攪到番屋企,有冇過份

原帖由 kachun0123 於 13-03-09 發表
唔好怪我直言,比錢都攪到番屋企,有冇過份啲呀,仲要拍埋片,陳生呀? 我唔係好信,若我係收錢果條女,我 ...






侯爵府

積分: 22317


85#
發表於 13-3-10 12:19 |只看該作者

引用:尋日返工都頂唔順,要請假,返到屋企,佢見

原帖由 tctg 於 13-03-10 發表
尋日返工都頂唔順,要請假,返到屋企,佢見我冇咩事,就同我出去行下,想話睇下新屋既野,但佢一想拖住我, ...
為自己,為bb,搬返娘家先,記住keep好財產,支持你~




珍珠宮

積分: 37354

醒目開學勳章 畀面勳章


86#
發表於 13-3-10 22:01 |只看該作者
睇到我喊,感受到你的痛

你自己一個點跨過呢關? 一定要揾人幫,不要屈埋自己,不要怕醜,醜的是你C6

可能你C6真係有病,如果你仲愛佢,去找marriage therapy / sex therapy,睇下有無得救,千祈唔好信佢自己會改

加油


別墅

積分: 521


87#
發表於 13-3-10 22:08 |只看該作者
回覆 tctg 的帖子

唔好咁多啦,身體緊要啦,生完再慢慢打算啦
加油!加油啊!


琥珀宮

積分: 155354

畀面勳章


88#
發表於 13-3-10 23:23 |只看該作者
你而家只可以比多一次機會佢, 專心養胎同照顧身體, 因為BB出世, 會更加忙, 唔好再想呢件事, 因為對你同BB 都無好處, 祝福你


大宅

積分: 4967


89#
發表於 13-3-11 00:22 |只看該作者

回覆:要點做?個心好唔舒服……

唉,樓主你點呀,好D未?唔好諗咁多,生完BB先再諗離唔離婚




禁止訪問

積分: 1017


90#
發表於 13-3-11 00:32 |只看該作者

回覆:tctg 的帖子

提示: 作者被禁止或刪除 內容自動屏蔽


大宅

積分: 4009


91#
發表於 13-3-11 01:48 |只看該作者

回覆:要點做?個心好唔舒服……

樓主我係你我會攞晒個賤人D錢之後同BB生活!呢個人賤到不能原諒!我第一次睇BK會心痛到流眼淚。希望你同BB都加油!冇左佢你倆都可以幸福快樂架!




男爵府

積分: 8322


92#
發表於 13-3-11 03:27 |只看該作者

回覆:要點做

佢好自私,扮無事,明知咁樣你會好難受都唔比你搬,所謂氹你都係得把口,睇唔到佢有幾誠懇,淨係識得做未出事之前既事,以為咁樣一切會回復原狀,佢都識講會影響bb,都唔肯比你走,其實佢最驚就係你一走會搞大件事,你原諒得佢咁易,又唔嘈又唔走,只能夠講,陸續有黎。


大宅

積分: 1012


93#
發表於 13-3-11 09:41 |只看該作者

回覆:soso1227 的帖子

我今日好好多啦!多謝你地既關心!我尋日返工就係度諗,問題係邊,我好同意你講,佢可能有病態,再回想之前,我已經同佢講過,因為佢有啲行為令我覺得係要正視,但當然佢聽完係唔接受啦!可能佢本身好大男人,加上佢係修讀心理學,所以估計佢可能真係一時失控,……我又諗,會唔會係我俾咗啲壓力佢,係我唔知架呢??佢平時要面對咁多唔同既壓力同挑戰(份工係咩唔講得)返到黎好少同我講,我有試過想同佢分擔…當然佢係話講咗你都未必明,咁我都知,大家成年人,我諗到既,佢一定比我早諗到……可況佢講個科……尋晚放工返到去,見到佢,我就唔知點解有種佢喊過既感覺,平時冇呢啲感覺……可能佢真係好內疚,我又唔理佢,……但我都同佢講,不如我地除抵對介子……未講完佢既反應係比我預期既大……唉…唯有唔再提啦!宜家係度都係靜觀其變,希望佢可以正視到佢既問題……


別墅

積分: 921


94#
發表於 13-3-11 14:41 |只看該作者

回覆:要點做?個心好唔舒服……

我坐月時發現C6在我大肚時出去玩女人,我都喊到癲左,但眼望住自己個仔先得幾日人仔,我選擇原諒,現在我對佢態度好冷淡,佢話以後不會叫我比時間去觀察佢,比多一次機會佢,我鬧佢你好污穢,點解係我陀仔時要咁做,佢話佢做錯,知錯,如果唔係有小朋友我已經走左,所以樓住我們一齊加油




珍珠宮

積分: 37354

醒目開學勳章 畀面勳章


95#
發表於 13-3-11 16:33 |只看該作者
tctg 發表於 13-3-11 09:41
我今日好好多啦!多謝你地既關心!我尋日返工就係度諗,問題係邊,我好同意你講,佢可能有病態,再回想之前 ...

我相信你C6係愛你的,但佢嘅行為係病態 (玩到返屋企仲影movie),係一種obsession,佢唔醫只會再犯,佢既然知錯,最好趁機迫佢見心理醫生 (sex therapy),佢只不過修過心理學,不是臨床心理學家,唔可以話自己識。臨床心理學家可以開藥,佢唔得掛,我大學都修過心理學,只係好皮毛,出來咪只夠做HR咁大把。早幾年我老公工作壓力太大,搞到身體好多病,最後都要睇李誠(心理醫生),依家幾好。有病就要醫,陪佢去啦。

加油


大宅

積分: 1012


96#
發表於 13-3-11 17:18 |只看該作者

回覆:soso1227 的帖子

但是每當我同佢講,不如我同你搵個心理醫生啦!佢就好唔鍾意……都唔知可以點,我最怕係佢如果真係有咩事,又唔同人講,到最後……點好


珍珠宮

積分: 37354

醒目開學勳章 畀面勳章


97#
發表於 13-3-11 17:52 |只看該作者
回覆 tctg 的帖子

小小分享:

2008年,我老公成日覺得唔舒服,成個人好似就死咁,真係動不動成身冷汗,又成日腹瀉,去養和由頭check到落尾,用左超過2萬元都揾唔到病因,最後我估佢可能工作壓力太大,叫佢去睇精神科。當時佢好嬲,睇精神科?佢話佢唔係痴線,真係身體有病,唔係心理作用。我無同佢爭執,自己search精神科,無諮詢佢自行約好醫生,到約醫生當日一個人夾佢去。我同佢講,我好愛佢,好擔心佢,仔女同我都唔可以無左佢。我好難先約到李誠醫生,你去見下佢,當俾我安心啦… 從此,佢幾個月見一次李誠,要食藥咖 (係一種腦血清素,補充腦部欠缺左嘅物質,平常人夠,我老公太少),從此我老公再無話自己呢度病嗰度病

你問C6「不如」見下心理醫生,佢梗唔鍾意,覺得你多餘,你試下約好哂先押佢去見啦

祝福你


大宅

積分: 1012


98#
發表於 13-3-11 18:00 |只看該作者

回覆:soso1227 的帖子

尋晚佢突然話死咗去好過,又話咩啲保險金我夠用呀咁!仲話要出去揸車行一轉,嚇到我即刻收起哂啲車匙門匙唔俾佢出去,個陣差唔多12點啦!搞咗一陣,記起佢唔舒服,仲發燒……好彩收埋啲野收得快,唔係都唔知會點……個陣我又啱啱放工返咩都未整……


大宅

積分: 2498


99#
發表於 13-3-11 18:33 |只看該作者
回覆 tctg 的帖子

似乎樓主你依然深愛著你C6. 怕佢傷心多過自己傷心!

無論你C6現在的反應是做戲, 或是真心知錯, 樓主你都要把握這個機會, 迫佢睇E生. 絕對不能當無事發生, 原諒及接受!

告訴他, 一係你返娘家 (反正可以返去坐月), 一係佢去睇E生. 二選一. 千萬別心軟! 唔好因為佢話"唔好", "唔想"而放棄!

請謹記, 要尊重自己的感受! 要堅強一點!


男爵府

積分: 9318


100#
發表於 13-3-11 18:40 |只看該作者

引用:尋晚佢突然話死咗去好過,又話咩啲保險金我

原帖由 tctg 於 13-03-11 發表
尋晚佢突然話死咗去好過,又話咩啲保險金我夠用呀咁!仲話要出去揸車行一轉,嚇到我即刻收起哂啲車匙門匙唔 ...
我覺得佢博你同情囉!



點評

蘋果mama   佢o係度玩心理 ~  發表於 13-3-11 23:59

首頁

尾頁

跳至
Presslogic Logo
Baby Kingdom Logo